DNA fingerprint kan sawi hmain eng nge DNA chu tih sawi hmasa phawt ila. DNA (Deoxyribonucleic acid) chu kan ze laimu ber a ni a, kan timur (cell) laimu nucleus chhunga awm a ni. Kan taksa thanlen dan tur te, kan rilru put hmang tur te, vun ngo tur nge vun hang tur, hmeltha tur nge kan nih hmelchhe tur te, Vana Pa Hall lama zai tur nge Lammual lama inkhel tur mi kan nih thlengin a rel kim vek mai a ni.
A chhungah hian hawrawp pali chauh (A, G, C, T) hmangin thuziak ropui tak a keng a, chu chuan timur hnathawh dan tur thupek (instruction) a pe a, heng hawrawp pali inkawp dan leh inremkhawm dan a zirin mihring te hi kan lo hrang ta nuai mai a ni. Amaherawhchu, kan hrang viau e ti lo chuan 99.9% in kan DNA hi a inang vek a, 0.1% chuahvin nang leh kei hi kan danglam ta a ni. Chutih lai chuan 0.1% leka hrang si, mihring tumah inang lova kan mizia leh pianphung heti khawpa hrang ta hi a mak a, a pawimawh lai tak chu a ni ta a ni.
Kut ze hrang theuh kan neih ang bawk hian DNA ze hrang theuh kan nei a, chu chu DNA fingerprint kan tih chu a ni. DNA te hi kan nu leh pate atanga inthlahchhawn a ni a, chuvangin chi leh kuang inhnaih a piang te’n DNA inanna an nei sang thin a ni.
DNA fingerprint hmanna lar tak chu misual hnuchhuina’n a ni a. Miin tual lo that ta se a thahna hmuna thisen emaw, sam tla emaw, chi (semen) emaw, chil leh thawmhnaw hak lak a ni ang a. He’ng atang hian DNA Laboratory-ah lakchhuah a ni ang a, tualthattu nia rinhlelh atang khan DNA la chhuak ve bawkin chu chu khaihkhin a ni ang. An DNA a lo inan chiah chuan awlsam takin tualthattu chu a man chhuah mai theih dawn a ni. A tifiah turin a lem nen lo entir ta ila.
Kan hmuh angin Crime scene tih zawna inrin pahnih khi tualthahna hmuna DNA an lak chhuah chu a ni a, rinhlelh mi pali (Suspect 1,2, 3 & 4) lo nei ta ila, chung ho DNA chu kan test vek anga, crime scene a DNA lakchhuah nen chuan kan khaihkhin ang. Nguntaka a lem kan en chuan Suspect 3 leh crime scene a DNA te khi a inang chiah a , hei vang hian “E, he pa ngei hi a nih hi tualthat tu chu” tiin awlsam takin misual kha a zawn chhuah theih mai dawn a ni.
Mizote’n kan hriat tur pawimawh tak chu tualthahna a thlenin tlawmngaih chhuahin a hmun (crime scene) kan ti fel zung zung thina hei hian misual hnu chhui kawngah harsatna a thlen fo thin. Pulit te leh Forensic expert te lo thlen hmaa lo tih fel zung zung hian hnuchhui kawngah harsatna a thlen theihzia kan sawi taka tang khian kan hre thei tawh awm e.
Ramchangkang zawk te chuan pawikhawihna a inhnam-hnawih thang te DNA profile fel takin an kawl tha thlap thin a. Pawikhawihna (tualthah, pawngsual, etc) a lo thlenin chumi hmun(crime scene) atang chuan DNA lak chhuah a ni a, an rinhlelhte DNA nen khaihkhinin awlsam takin misual an man chhuak zung zung thin a ni.
Kan ramah pawh hetiang hmanrua hi hman theih hun a nghahhlehawm hle mai. Pawikhawih thang te rei lote tangin an chhuak a, pawi dang an va khawih leh mai thin. Heng ho DNA profile hi nei ve thlip thlep thei ila misual chhuina kawngah nasa takin hma kan sawn ngei ang.
Similar Posts:
- CrackMe #2.1
- MISUAL dot com a THUZIAK TE HI!
- Guaranteed Delivery of Public Services Act.
- Tanpuingaia
- Slumdog millionaire-ah Mizo!!!
October 19th, 2010 at 8:01 am
Tha khawp mai
Report this comment
October 19th, 2010 at 8:02 am
Ni e
Report this comment
October 19th, 2010 at 8:12 am
bengvar thlak hlem mai.
Report this comment
October 19th, 2010 at 8:56 am
In zavaiin good day u le.
Report this comment
October 19th, 2010 at 8:59 am
Tungrung kan hmeh dawn
Report this comment
October 19th, 2010 at 9:08 am
“Misual hnuchhuina’n” i rawn tih tak ngawt le, engnge misualho hi chhui kan ngaihna, engnge kan tihsual? kan fin leh kan at ang angin kan dak ve mai2 a nih hi. :mrgreen:
Report this comment
October 19th, 2010 at 9:57 am
Miin tual lo that ta se a thahna hmuna thisen emaw, sam tla emaw, chi (semen) emaw, chil leh thawmhnaw hak lak a ni ang a. He’ng atang hian DNA Laboratory-ah lakchhuah a ni ang a, tualthattu nia rinhlelh atang khan DNA la chhuak ve bawkin chu chu khaihkhin a ni ang. An DNA a lo inan chiah chuan awlsam takin tualthattu chu a man chhuah mai theih dawn a ni.
Pawikhawihtu nia rinhlelh kha an man ve phawt kher a ngai tihna a ni a; a buaithlak fu thovin ka hria.
Herthrow Airport-a ka finger print an lak chiam mai kha an hmang tangkai awmlo mange. Ka kal nawn tawh dawn silo.
Report this comment
October 19th, 2010 at 10:09 am
DNA atanga inchhui chu phatmarna a vang duh khawp ang le. Mahse ti ve mai mai teh ang, police kan tam ang hu hian crime investigation lam hi kan chak tawk lo tlats.
Report this comment
October 19th, 2010 at 10:52 am
@chhana..DNA fingerprint a ni emaw ni lo emaw..Pawikhawih tu hnuchhui dawn chuan rinhlelh an man phawt lovin. A hmuna an man nghal emaw amah a inpe te a nih loh chuan.
I finger print an lak kha thil tisualtu i nih loh chuan zu kal leh mah la an man miah lovang che :lol:
Report this comment
October 19th, 2010 at 10:53 am
DNA vang hian thiam chang leh ta te pawh hi an awm nual ani, ram changkang zawk ah chuan
Report this comment
October 19th, 2010 at 11:00 am
Hetiang ang khawl changkang hmanga hma han lak ve theih tawh chu chakawm khawp mai ti ve ngawt ila kan khawih pha ve awm der si lova…
Post tha khawp mai…Kan hmalam huna thil lo la awm tur a nia lo in hrilh hriat hma hi a tul khawp mai..
Fingerprint te pawh hi tunah hian an hmangtangkai ve tawh chuan ka hria…
Report this comment
October 19th, 2010 at 11:08 am
vawin chu va reh veeeeeeeeee
Report this comment
October 19th, 2010 at 11:37 am
Post tha tak a nih hi.
Crime scene lo preserve poimoh zia kan hriatdarh zel a ngai.
Rilru a rawn lang te:
-don’t judge a post by the no. of comments :mrgreen:
-Rev. Chanchinmawia (RIP) case.
Report this comment
October 19th, 2010 at 11:47 am
i comment theih reng hi ka nau
Report this comment
October 19th, 2010 at 11:50 am
A va han tha em!! Science and technology hi han chhuah zel teh u..
Naupang pawngsual leh thah thuah khan kan police ho te khan DNA chu kan nei tawh, tu DNS nge tih kan la hrelo te an rawn ti leh mai amia ng e!!!!
Report this comment
October 19th, 2010 at 11:55 am
Tha e.Ni e,crime scene a mipui punkhawm luih2 a hnuchhui nana tangkai tur lo khawih/senghawi te hi sim chu a tha khawp mai,fingerprint,footprint etc. te lak a har phah duh viau ang,inawkhlum te pawh hi police lo thlen hma a lo lak thlak zung2 ching kan la tam khawp,chhungte tan chuan inkhai reng hmuh chu thil hreawm tak chu a nianga,amaherawhchu mi kut tuar a mahni intihlum anga lantir tuma an lo khai te pawh ani ve thei tho bawk
Report this comment
October 19th, 2010 at 12:29 pm
ka fiah kher…lawmawm e…I ti tha takzet mai
Report this comment
October 19th, 2010 at 1:17 pm
@Rempy
Ka lawm e.
Nia, he thu ka ziah lai hian Rev. Chanchinmawia thih chungchang pawh rilruah a rawn lang uaih uaih mai. Crime scene an lo ti fel/fai vek khan chhui a ti buaithlak dawn mang e tih te ngaihtuahnaah a vak vel a.
@Ozima
Heng thil tisual thang tawh ho(viz. Pawngsual hrat,rukruk hmang) hi Jail-ah tang ve bawk thin mah se an rawn chhuah lehin a ngai bawk an tisual leh duh khawp mai. Heng ho DNA profile hi kan pulit te hian vawng fel thlap se, awlsam takin DNA test hmangin a zawn chhuah theih ang.
@Natal:
i fiah kher…..A lawmawm e. Science lam hawi article ziah hi ka hlawhchham fo. Mizo tawng thu mal khata han dah mai theih loh a tam em avangin sawi fiah ngai a tam. Science lam zir tan chuan a Scientific words ngau ngaua dah pawn a fiah a, zir ve lo tan erawh hriathiam a har thin. I fiaha ka lawm e.
Report this comment
October 19th, 2010 at 1:44 pm
Post tupa… bengvar thlak hle mai… post tha tak a ni..
Report this comment
October 19th, 2010 at 2:01 pm
forensic lam sawi tawh hi chuan Rev. tih hi rilru ah zu lang tlat zel nia mawle.
Report this comment
October 19th, 2010 at 2:11 pm
@bucko
Thanx
@khamkhuai
Rev. lamah kan OT em lo ang chu maw! :lol:
Report this comment
October 19th, 2010 at 2:15 pm
A zir mi ni ve lem lo tan poh hriatfiahna tham a ni e. Evergreen nge nge ti tha thin khop mai.
Report this comment
October 19th, 2010 at 2:25 pm
Hman atanga chiang deuh taka hriat ka chak tawh, hemi post ka chhiar hma thlenga la chiang lo em em a kha, hei tunah chuan ka fiah ta uarh mai, ka van lawm em….Hats Off @ Evergreen :mrgreen:
Report this comment
October 19th, 2010 at 2:27 pm
#23… lawmpui che…:-)
Report this comment
October 19th, 2010 at 2:38 pm
@Vanchhawng & Tuaiduhlawmlai
Ka lawm e. Sawi fiah tum luatah ka sawi bo zawk ang tih ka hlau rum rum ka ziah lai pawn. In fiaha a lawmawm e.
DNA finger print hi Misual hnu chhui nan chauh pawh ni lo, kan thlahtu bul chhui nan pawh a tangkai khawp mai. Tlem lai deuh Israel thlah kan nih leh nih loh thu-inchuh lai pawn DNA test an sawi lan sek kha.
Report this comment
October 19th, 2010 at 2:44 pm
@Post tupa Nih DNA hi taksa leh ruh khawilai ah pawh hian a awm vek tihna mi?
Report this comment
October 19th, 2010 at 2:58 pm
Awm e, Ruh-ah pawh a awm, tin(nails)-ah pawh a awm, sam thlengin, thlan(sweat) ek,chil, chi(semen)-ah pawh a awm.
Report this comment
October 19th, 2010 at 3:43 pm
Ka lawm lutuk a nia
Report this comment
October 19th, 2010 at 4:10 pm
@A post tu pa. Mihring hi kan DNA hi a in ang lo vek I ti si a mahse misual hnu chhuina ah, pawi khawihtu leh a pawi khawih a te DNA lo in an tak na chhan kha enge ni ta ang?
Report this comment
October 19th, 2010 at 4:12 pm
DNA fingerprinting. A ngaihnawm e. Ka dam zel a, chance ka neih chuan forensic science hi zir ngei ka la tum ran.
Report this comment
October 19th, 2010 at 4:12 pm
:roll:
Report this comment
October 19th, 2010 at 4:20 pm
post tha hle mai green-a
Report this comment
October 19th, 2010 at 4:22 pm
Min hrilhfiah nasa thei bawk a, rawn zawt ve tawh lo mai ang. Mr Green post tha e…
Report this comment
October 19th, 2010 at 4:23 pm
@VANCHHAWNG
Pawi khawihtu leh a va khawihna te DNA kha a inang ka tihna ni lovin, pawikhawihtu khan sulhnu a nei ngei ang. entirnan” nimina pawngsual kha a pawngsualtu khan thisen emaw chi(sperm)a thlauh ngei ang, a hmun(crime scene)-ah khan.Chuta-tang chuan DNA la chhuakin an mi rinhlelh zawng DNA an la ve anga an khaikhin ang. A lo inmil chiah chuan chupa chu ani e tiin evidence tha tak a awm thei dawn a ni.
A pawngsual hmeichhe khawngaihthlak tak leh a pawngsual tu nunrawng tak DNA kha a inmil e, tih lam a ni lo. A pawngsualtu DNA, crime scene atanga lak leh an man hnua DNA fingerprint a lo inan chuan “He pa ngei hi a ni e, lellawla” a tih theih ang.
Report this comment
October 19th, 2010 at 4:28 pm
Green-a. Ka lawm e, keini ang hi zawng a kip a kawia hrilhfiah loh chuan kan ngawng riau zel a. Now I am clear Mr Evergreen. Thank You
Report this comment
October 19th, 2010 at 4:31 pm
Evergreen chu a hring belhchhah leh ta tlat mai.
Report this comment
October 19th, 2010 at 4:33 pm
@Pu H.V
Forensic Sciences expert chu ka ni hauh lova, mahse DNA, RNA tih vel hi ka subject thupui hlapui a nih avangin ka tui ve em a, thiam ang tawkin ka rawn mualphopui ve tawp mai a ni. He lam line-a inleh daih hi ka chak khawp mai kei pawh.
Zir teh, thil intersting tak chu a ni. Good luck!
@lalbuai ,ka lawm e.
@midfielder, kerh kerh pah chuan DNA lam hawi sawi chi tawh loh, Atheist-ah min chhuah in tum tlat zel. :lol:
Report this comment
October 19th, 2010 at 4:36 pm
@midfielder hei mr green chu a post tha thuai2 hle mai. .
Report this comment
October 19th, 2010 at 4:39 pm
@Midfielder, #36
a “hring” belhchhah leh ni lovin, a “hrin” belhchhah leh ti la chhiar a nuam zawk ang. :lol:
Report this comment
October 19th, 2010 at 10:08 pm
That dawn hi, kan ramah i hmang chur chur ang u, over.
Report this comment
October 20th, 2010 at 12:30 am
evergreen -kei pawh DNA ah hian ah hian ka tui khawp mai,ka thiam, ka hria, ka zir tihna nilovin….sual bul hi thei ei ngawt ani theilo hrim hrim, inherited sin chu DNA corrupt ani hrim hrim tur ani tih lam pang ania, theory maksak pui pui ka nei ania. Tunhnai ah mihring DNA hi modified hnu alo ni thei tih scientist ten an hmuchhuak (theory)tih te hi i pawm zawng ani em?
OT loh nan – Mizoram a kan forensic dept hian a khawl a chu an la neilo ami?
Report this comment
October 20th, 2010 at 12:51 am
2STATES #40 ni e, Mizoram chhunga cheng te zawng2 hi mandatory in fingerprint han la vek phawt mai sela a tha ni mai, over… Semper Fi!
Report this comment
October 20th, 2010 at 3:13 am
Hring dup ka tlo…Evergreen Thumbs up
Mizoramah kan ti ve thei tawh (reng). DNA fingerprinting tihnan khawl Thermal Cycler(wiki la), PCR kit, reagents leh mithiam(Evergreena rawih).. a to ber tur Thermal Cycler lah College of Vety Sc(Selesih) leh MU in nei veve a… Police Dept/Forensics in funding tise… Institute leh forensics thawk ho se… Mhs mahni thu na lam lam ah hian kan induh ve bur mai ah…
Retro for Rev.CCM-a a tin karah khan cells sample/DNA lo la hlauh selah, DNA analyse se..misual tak man loh pawn atleast..
1.Ama’h in tihlum nge? attack tu a hamna vun them kai a ni thei em?
2.XX nge XY? Awmpuinu nge thurualpuipa (kawngka hawnsak etcetc)
3.DNA fingerprintg results compare with a nupui, rinhlehdang etc etc… Mizo nge Vai gene pool tih tal?
@fingerprint database: hi Voters iD lak rual hian la nal se tha ang… awlsam dawn teh reng nen.. Laptop fingerswapna leh software (hming leh kutzia dahna) ni mai awm siah…
A vei ho lah hian engmah ka ti thei si lovah… Saala mahni eizawn ve ngai sia lawm leeh…duah.
Report this comment
October 20th, 2010 at 3:54 am
@Leeteng Soul, Ka lawm e. I tawngkam hman chu ka hriat hnu i va ang ve. :lol:
Thermal cycler/ PCR machine hi a pawimawh hmasa ber te chu a ni a. CVSc leh MU ten an neih chuan a a lawmawm nasat chu.Kits, reagent chu company tangin awlsam takin a chah zung zung theih mai.
MU emaw CVSc hian DNA sequencer nei thei leh bawk se, hmun danga DNA amplified samples thawn buai ngai lovin kan ramah sequencing kan ti leh mai a nga. A va tha dawn em!
A nih loh paw’n i sawi ang khian Forensic Dept. lamin Funding lam ti se.
DNA fingerprint database: Hengte hi ti thei ila chuan kan ram zim te, mihring nuai 10 awrh awmnaah hi chuan kan tangkai pui ang maw le.
Mibo, mitthi ruang chhar, tualthah, pawngsual, rukruk, etc. in hluar lam a pan tulh tulh a rinawm kan tunlai dinhmun enin. Heng hi awlsamtaka chhui chhuah zung zung theihna hmanraw tha chu a va ni dawn chiang em. Chu mai a ni lo, WTO beih a nih khan, ruang hriat hran theih loh, hlawm theih loh tam tak a awm, US chuan DNA fingerprinting hi hmangin mi sang tamtak a INDENTIFY thei a ni.An hmang tangkai khawp mai.Kan ramah te hian kan la hmang ve em ang chu maw!
Report this comment
October 20th, 2010 at 4:06 am
Kan REV. thih chhui chung changah pawh, i sawi khi a tha hlawm khawp mai.
A nupui,an awmpuinu, amah ngei, rinhlelh dang leh a hmun crime scene-a thisen bua, sam tla, chemte hmana thisen kai, vun them tla, a awm thei ang ang laka, DNA extract-a, DNA test result compare nise chuan chhui a awl deuh tur.
Mahse, AN LO TIFAI VEK AN TI A
Report this comment