Archive for October, 2010

Oil i lai chhuak ang aw

Friday, October 29th, 2010

Thuhma:

Tuialhthei(Petroleum and its product) chungchang hi ka hriat ang tawk tawk ziah hi ka tum thin a, asei dawn mai bak ah thenkhat tan ninawm chan achan dawn avang in ka thulh leh thin. Mahse Mizo mipui nawlpui mai chu sawi loh keini misual hote pawn kan ngaihven viau tih ka hriat in ka hriat ang tawk tawk inthlahrung tak in a tawi thei ang ber in kan han ziak a, a rem leh nidang ah kim chang zawk in kan la ti leh dawn nia.

OIL LI PUI CHU:
India ram hi Basin Li (4) ah an then a, kan ram Mizoram hi OIL awm duhna ber chi Category-I basin (proven commercial productivity) ah awm in kan hnuai ah hian oil lipui awm ngei a hriat ani. Hemi ti nghet tu chu kan chheh vel ram Bangladesh, Tripura leh Myanmar ah te hian thahnem tak laih chhuah tur an hmu tawh ani.

AVA REI EM!
Zawhna ka dwn tam ber chu “Oil hi a awm tak tak lo nge? an rawn kal a, reilote ah an rauh san leh mai thin” tih hi ani. Hetia han ngaih mai chuan dikna chen pawh a awm ngei ang, mahse, OIL lai chhuak tur hian step hrang hrang a awm ve a, atlangpui chauh in tarlang teh ang.

(more…)

Posted in Information | 64 Comments »

PRESS RELEASE of College Veng NGO

Friday, October 29th, 2010

via https://buannel.com/2010/10/press-release-of-college-veng-ngo/

MZU Sports neih laia nitin buaina chhuak leh a tawp ni a buaina lian tak zirlai ten an siam chung changah College Veng VC leh YMA ten Joint Press Release kan siam anih kha. Hrangbana College Alumni President Pu Lalhmachhuana Zofa in MZU Sports neih apianga buaina awm thin tha a tih loh thu a sawi leh an zirlai ten College Veng nu leh pa te rilru tina khawpa an chet pawi a tih thu a sawi khan College Veng mipui rilru a thawi dam a.

Thu a tawp mai dawn emaw kan tih laiin October ni 20.2010-a Hrangbana College Student Union hruaitu ten Aizawl Press Club-a thu thar lakhawmtute hmaah leh Daily News Paper hrang hrang leh Electronic Media hmanga dawt tam tak an puangzar ta mai kha a lungchhiatthlak kan ti. Hei hian Zoram mipuite rilru a hruai sual dawn a, zirlaite thinlungah dawt pawisak lohna te, pawi khawih chakna te leh thisen chhuah duhnate a tuh tan mek niin a lang a. Hemi ven nan hian Press Statement hi siam kan ni a.

Hrangbana College Vice Principal, Lecturer leh Student Union hruaitu ten an zirlaite pawi khawihna avanga College Veng VC leh YMA te hnena an thupha chawina aw ri thangkhawk pawh a reh hmaa, a lehlinga vuttui thlawrbel an tih ang maia thu an theh darh ta chiam mai hi a pawi khawp mai.

(more…)

Posted in News | 28 Comments »

Mi(5ual) Plugins a Duhthu ka sam na!!

Friday, October 29th, 2010

Thianpa in uluk taka alo design website anih vang nge misual.com hi Kum engemaw zah chhung chu ka lo lut ve tawh thin a, post content a tha theiin chhiar a manhla thei hle mai. Amaherawhchu ka han ti teh ang, nizan (27/10/10) a user pakhat in comment na a a rawn sawi fiamthu kha ka rilru a awm ve reng thin anih avangin misual.com alo that lehzual theihna tur atan duhthu ka han sam ange. Tin, he thu hi midang tam tak pawh in Post thar meuh te siam in an lo sawi tawh thin a, ka han belhchhah ve ange.

Misual.com ah hian users kan tam ve ta hle mai a, users tam zawk in a kan tih ve theih tawk chu Comment na box tereuh te hmanga thil post comment hi ani deuh ringawt mai. Site admin ho hian users te hi min ngaihtuah lehzual thei ta se, kan comment na box te hi min tih changtlun sak deuh thei ta se, ava lawmawm dawn em!
(more…)

Posted in Advice, Information, Pictures | 501 Comments »

Thunawi

Friday, October 29th, 2010

Kei chu mi khirh ve deuh mai hi ka nia, nula damrei tih takah. Tleirawl deuh te’n a ho in tih te hi pawi viau hian ka lo hre leh thin a. Entirnan SMS language a thil type teuh te hi ka chhiar peih der lo. (Ka hriatthiam loh vang a ni pakhat bawk).

Misual ah hian mi tupawh kan leng vek a. Member thenkhat senior tak tak kan awm a, chutih laiin thenkhat hmanni lawka rawn tel ve te kan awm bawk a. Kum lamah pawh chutiang thoin. Admin ho te phei chu nula leh tlangval damrei tawh tak tak te kan ni hlawm a (mahse kan rilru chu a la young reng ania aw!). Hetianga mi hrang hrang awmkhawm kan nih avang hian ngaihnawm kan tihzawng leh tha kan tihzawng te pawh a inang lo fur ngei ang le.

Comments leh post thenkhat ah te kan hmuh leh zauh zauh thin chu “Misual hi hmanlai a tluk tawh lo, a thu a nawi sawt, chhiar tlak a awm lo” tih hi. Mihring te chu mahni mita khanchhuk hmu lo a kan unaupa te mita hmawlhte hmu thin kan nihna angin hetiang comment / post kan hmuh hian midang hi kan puh nghal thuai zel a. “Sandman hi lawm, amah hi a ho hrim hrim“, tih te, “Goldmember hi lawm, a post hi a nawi thei lutuk“, “Aduhi lah hi OT reng mai” tih te hi kan rilru ah a rawn lang nghal zung zung ngei ang le.
(more…)

Posted in Admin Info, More than words | 133 Comments »

In thup kan tum reng thin em?

Friday, October 29th, 2010

Ka thu ka rawn thawh ve leh duha, min lo hrethiam ula, comments min han pe leh chur chur mai bawk ula ka duh a ni.

Hman ni deuh khan ka bialnu a in chei maksak deuh hleka, ka ngai thei lo viau mai. Ti lo turin kan in pawt phar nasa maia, chutiang ah chuan a tawng loh theih loha, ka tawng ta teuh bawk midangte vei ve ta ngang chu. “Khatianga i in chei khan i mawi lo a ni, ka duh lo i mizia alang vek alawm” ka ti peka, ani chuan min lo chhang vata, “Nia, ka mizia chu anih na ang ang hian ka tilang duh alawm” a rawn tia, ka ngaihtuah chhunzawm ta a.

A enga chu nge a mizia tih pawh chu han sawifiah ngaihna chu ka hre chuang hlei loa, khatiang khan ngatinge ka tia, ka in ngaihtuah nasa ta maia. Ka hmuh dan chuan ka tawngkam chhuakin a kawh tuma hi ka rilrua awm leh a nihna pawh a ni chuang loa, mahse ka ti ta vak kha apawi pawh ka ti lutuka. Chuta tanga ka ngaihtuah chhuah tak chu, ‘kan mizia hi engtiklai mai pawh hian kan ti langa, mahse chutih rual chuan hriatthiam harsa takin kan lan dan ang ngawt hian kan mizia hi a awm leh silo a ni.

(more…)

Posted in Opinion | 34 Comments »

An young lo khawp mai

Friday, October 29th, 2010

Thing deuh ka siam upload leh pawp a, hetah post leh thuai

Nghilhbik suh aw Rinpui(a hlui). Lallianmawia album “Di fuhte” ami
https://www.youtube.com/watch?v=oY9_WBLTItU
chuan …..
Ainawni(thianpa upload hi dah tel e)

Posted in Music and lyrics | 23 Comments »

Nau Tihthlak (Abortion) hi sual a ni em?

Friday, October 29th, 2010

“Nangmah ngeiin ka rilru i nei a:Ka nu pum chhungah mi khuh a.I hnenah lawmthu ka hrilh ang che; hlauhawm tak leh mak taka siam ka ni si a:I thiltihte hi mak tak a ni a; Chu chu ka nunna hian a hre chiang hle a ni. A ruka siama ka awm a,Lei hmun hnuaihnung bera mawi taka siama ka awm lai khan  Ka ruhrel chu i lakah thupin a awm lo.

Ka riruang la famkim lo chu i mitin a hmu a, I lehkhabuah chuan ka pengte zawng zawng hi ziak vek a ni a, A ni tela siamin a awm zel a, A pakhat mah la awm hmain,”
Sam 139: 13-16

Indian Penal code section 312-na hnuai ah chuan chiang takin ‘Medical Termination of Pregnancy Act’ kan hmu a. Hemi dan hi nau tih tlak phalna dan ti ila a chiang mai awm e. A chhan chu eng pawh nise nau tihtlak (abortion) hi dan in a phal tih hi lo hre hmasa phawt ila a tha awm e. Dan in a phal thil a nih tawh avang hian dan in a phal bak ah pawh kal mah ila dan hmanga in humhimna awmthei a tam em avang hian he thil hi ngaihtuah chian a ngai hle a ni.

Engtin chiah nge kan lo pian :
Mipa chi fang leh hmeichhe chi mal a han infin chiah hian mihring kan nihna tur a lo intan chiaha. Chumi awmzia ah chuan mipa chi phel leh hmeichhe chi phel a lo infin chiah khan chi mal thar(new cell) a lo ni tihna a ni a. Hetianga mihring lo ni tura mipa chi leh hmeichhe chi lo infin tur ringawt hian chance kan nei chhe ve khawp mai.

(more…)

Posted in Opinion, Religion | 70 Comments »

Val hi!!! (^_~)

Friday, October 29th, 2010

Val Luck lo Invaupung Hla (Sandman-a pual) :lol:

Lal Sibuta’n Darpuii Sial ang a chhun an ti. En teh, nang vanga ka tawrh hi, Darpuii tawrh ai a nep chuang bik em ni le?!

I zuapa’n chhiahhlawh iang min hrawk,
I chûnnu’n khual Ar iang min hnawt,
I laizawnin hmelma iang min tàwng,
I Nutapa’n Uicho iang min ùm–

Tuar zel mai na’ng e, Val hi!!!

I Pu-in Rân sual iang min hêm,
I Pi-in Khuaivah iang min ûr,
I laichin te’n ruk hmang iang min melh,
I rual duh te’n ùm-uih iang min bawl–

Beidawng dawn lo rengs, Val hi!!!

(more…)

Posted in Whatever | 34 Comments »

Alien:Mizoram:Bible=INCHAPCHAR II

Friday, October 29th, 2010

Rapthlak chu:  Naupang hi abik takin an mamawh em2a,mihring za tel fe hi experiment atan an khung khawm hlawm a, cage hrang theuhah heng  hmuna thawkte hian an sawichhuah apiangin an bo daih emaw maktak main an thi thut mai thin a(tualthi deuh vekin). CIA(Central Intelligence Agency) hi hmalatu ber an ni lehnghal. A thawk thin khawvel mipuite hnena tlanzarh avanga nun chanta ten an sawi dan chuan naupang hi a bikin chemical substance (zuk leh hmuam,zu leh drugs) lakah an him tlangpui avangin an chaw atan an duh bik em em a (Heng hringei hi chu Small Gray leh Large Gray te awptu leh control tu Reptilian Race—Pathianin rul thlah atih,angel paihthlak ten mihring fate an pawl te thlah kalzel, Satana chi kalte ngei kha—Henghi chi hrang2 an awm leh a,rilru leh thlarau neiloa ngaih anni,rul leh laiking vun leh hmel ang nei, mihring pianzia nei si, gray alien te hi an chhiahloh tura an siam chhuah ”clone/hybrid” an ni,tin hmangaihna hi an neilo tawp anga ngaih bawk a ni) a then lah an mahni Aliens te ang deuhin an siamchhuak a. Mihring ke tamtak nei, ransa nena in kawp ruangam nei, mihring ang si bak (bat) anga lang—thlalianpui nei,vawk mihring anga trawngthei, etc. Rapthlak tak tak hmuhtur a khat hnur an ti.

Chubakah mihring an hnuaia thawktur hrim hrim pawh hi a sang chuang fe an clone mek zel an ti bawk. Mahse maktak mai chuan heng DUMB (Deep Underground Millitary Base) leak tute hi dam rei an awm ngailo, a damchhun lah zawnchhuah teihloh turin an tlanbo khumkhua hlawm deuh vek. UN hi a lang maia thiltithei a ni a, UN source tak tak chu an United Nation Conference Hall hnuai km 1 velah a awma, a mita hmutu Phil Schneider (DUMB center  pakhat The Dulce a kum 1979 Alien Human WAR a  Alien 2 kaphlumtu,a seismic-geology engineer) kum 1995 a an thah tak chuan an black UN conference (UN Conference Center  hnuai fe a base ami) ah chuan ET hovin rorel thutsang an bela, mihring hovin an hnuaiah an lo amen ve mai ati. ET ho thu thu in thil a kal vek maia. A vaiin mihring an thawnthlak tawh hi mi nuaih chuang fe an ni hial tawha.
(more…)

Posted in More than words | 35 Comments »

2011 Bugatti Veyron

Friday, October 29th, 2010

Khawvela in man to ber kan post zo va, hei car man to ber kan post leh teh ang!

Naupan laiin bang-ah car/bike poster nalh deuh deuh kan tar a, puitlin hun a neih ve dan kan suang tuah thin. Kan lo puitling a, kan lei zo ve chuang si lo! Suangtuahna hi kan chan tawk chu a nih mai hmel e! Grep-te chu a thur thur nen kan ti tawh anga a ni mai a lawm.

A man hi $2.64 million chauh a ni e. (Cheng Vbc 12 vel)

8.0-litre  W-16 engine, 16 cylinders, four turbochargers, dual-clutch DSG computer-controlled manual transmission, etc.,

If we count the fact that the top speed of Bugatti Veyron is 253.2 miles per hour (407.5 km/h), a speed limited electronically to prevent tire damage (it can run even faster @about 430km/h) we can understand why this spectacular car must consume 40.4 L/100 km (4.82 mpg) when it`s running at top speed and in city driving 24.1 L/100 km.

(more…)

Posted in Information, Whatever | 40 Comments »

« Older Entries
Newer Entries »