Thuamluaia mual hi ziah ka chakna rei tawh riau a, tun hnaia post pakhatah khan ziak tura ngenna kha a awm a, ka hriat ve chhun ka rawn thailang zuai ang. Ka hriatkim vek bikloh avangin a hria chuan in rawn belh dawn nia. Ka rawn ziah tur hi heta tel ve ngei hnen atanga ka hriat a ni.
Thuamluaia mual hi a hma chuan Aizawl sipai lammual ang bawk hian sipai in ta neih taka an neih a ni a(a then chuan sipai enkawl an ti mah). Tichuan, tlai lamah hian thalai rual infiam hi sipai ho chuan an rawn hnawtdarh a, an mual hman lai chu an chhuhsak thin a ni. Hetiang hian hun rei fe chu a awm a.
Tlai khat chu chutia thalai inkhel an rawn hnawtdarh leh chu buaina angreng deuh a chhuak ta a. Sipai lam chuan Mizo thalaite chu kut te pawh an thlak hial a ni awm e. Tichuan, school pakhata principal(serkawn?) chuan a lo hriatin a zirlaite chu a ko khawm a, thil tihdan tur a relpui a.
A tuk zingah chuan sipai hoin kut an thlak thalai ho chu an nuar ta a(hetah hian principal chuan engmah hrelo angin a awm a), school an kal duh ta lo a. Chutiang boruak a awm takah chuan sawrkar milian leh sipai hotute pawh an inrawlh a. Zirlai ho hian mual chu mipui(civil) mite kuta hlan an ngiat ta a. An duh an tihhlawhtlin loh chuan nawrh zelah an vau avangin a tawpah chuan chu mual tha tak mai, Dhubi mual an tih thin chu mipui(civil) miten duh duha an hman theih turin mipuite kutah an hlan ta a ni.
Heta zirlai tel ve, kan zirtirtu thin Upa H.Pahlira,Lunglei Bazar vengin min hrilh a ni(Ani hian 2005 kum khan chatuan ram a pan tawh a). Tichuan, Leitlangpui mipuite chuan mual tha tak mai, duh hun huna hman theih tur an lo nei thei ta a ni. Aizawl Sipai Lammual pawh hi hetianga mifing hmalatu hi awm se chuan mipui hnenah hlan ngei a ni ve tawh lawng maw???
Thlan leh thisena leichhuah “Thuamluaia Mual” hi a nep mawlh lo tih chu tuna YMA Gen. Conference kalte khan kan hre theuh awm e.
Similar Posts:
- Thuamluaia Mual
- LAMMUAL vrs MUALPUI
- Remna Ni chibai vek u
- LAMMUAL a Chapchar Kût hman tur hi…?
- Pute u, in dawn chianglo a ni mai lo’ng maw?
hairehai
October 26th, 2010 at 7:33 am
a tha khawp ma1,Pu Thuamluaia nge nge. het1ang h1an lammual pawh h1 chhuhsak da1h 1la a tha ang.
In vaiin good morning vek ule
[Report abuse]
October 26th, 2010 at 7:45 am
Sipai ho lammual pawh hi mipuiin an chuh an chuh kher atin lawm. Aizawla lammual te, Bawngkawn durtlang kawng thlanga sipai field te, khatla a an basket ball court te Sipai ho in an mahni tana an siam ania, mipuiin an chuh pui tlat renga, an duh anih chuan khawtlang/sawrkarin siam ve mai awm.
Ti ila Sipai ho chuan central atanga an sum dawn diktakin a hmanna turah an hmanga, mahse mizoram stadium fund ve kha chu minister leh CM te, MLA ho te thlam saknan ten an hmang daih ani lawm ni kha? Rs tluklehdingawn chuang an sen ral tawhna Ramhlun Sport complex, vaivakawn field te khu en teh u. Mizoram Mizote dazat, phakar rukruk hmang vaichawmhlawm nihzia tilangtu dik tak ani.
[Report abuse]
October 26th, 2010 at 8:05 am
#Aryan chu sawi dik phian…
[Report abuse]
October 26th, 2010 at 8:06 am
Dhubi mual tia hriat reng thin kha ani a. A hnuah LDSC ground tih a ni a, Thuamluaia mual tih a lo ni ta hi a lawmawm hle mai.
Pu Thuamluaia sawi takah chuan a thuziak “SIALTON OFFICIAL” mawlh mai khan min hneh. Ka chhiar ning theih lo. “Leitlang Dingdi”-a Beauty a sawifiahna te kha a van ril tak em!
Helai mual an chhuhsak dan hi “C.Thuamluaia leh Kaphleia te Hnuhma”..Pu B.Lalthangliana ziakah khan a sawi chiang khawp mai.
@Chemtatrawt i ti tha e.
[Report abuse]
October 26th, 2010 at 8:27 am
Thuamluaia mual tih hi engtik atanga an thlak nge? A va bo theih ve, mahni inbul deuh lawka awm ah chuan.
[Report abuse]
October 26th, 2010 at 8:34 am
Similar posts ah lo awm reng lawm le, pic han dah tel nghe2 la thra tur…naupang lai chuan kan inkhel ve nasa thei ltk.
[Report abuse]
October 26th, 2010 at 8:41 am
Keini chuan ‘lo tha zawl’ tha tak kan nei bik bik!
Pu Thuamluaia ziah ‘sialton official’ kha ngaihnawm thlawt
[Report abuse]
October 26th, 2010 at 8:47 am
Vai ho siamsa chuhpui reng rengin kan lo buai thin a ni maw, Aryan? Sipai ho hi chuan hmun remlo pawh hi anti rem leh thluam thin.
[Report abuse]
October 26th, 2010 at 8:49 am
Thuamluaia mual tih hi ka la khawr tlat.
@ultraviolet, inkhel ve thin a maw? A lunglenthlak khawp mai a.
[Report abuse]
October 26th, 2010 at 8:50 am
Thuamluaia mual tih hi ka la khawr tlat.
@ultraviolet, inkhel ve thin a maw? A lunglenthlak khawp mai a. Naupanlai chuan Rs 5 in chuhin nilengin kan inkhel thin.
[Report abuse]
October 26th, 2010 at 9:01 am
Hla tak atanga enchuan a zuamawm viau thin a. Inkhelh chiah chuan a lo lian ngei mai th hi k sawi bang theilo.
[Report abuse]
October 26th, 2010 at 9:18 am
A bengvar thlak hle mai
[Report abuse]
October 26th, 2010 at 9:30 am
Chemtatrawt tha hle mai. Hnaam ro thil a ni hei chu. a hlu hle mai. Ti hian ka dawn thina e Leitlangpui ka vangkhua tih kha ka rilru ah lo lang e. Letlangpui i chul dawn lo.
[Report abuse]
October 26th, 2010 at 9:41 am
Thuamluaia hming sawi rik hian ka rilruah SIALTON OFFICIAL thu ngaihnawm zet mai khan min rawn deng zawk thin.
Lunglei lam hian mi hmingtha te chawi san dan inthiam hi a ropuiin entawn tlak in ni e.
[Report abuse]
October 26th, 2010 at 9:57 am
14, Sawn i nih kha.
[Report abuse]
October 26th, 2010 at 10:17 am
@hmingte,
Pu C.Thuamluaia leh Sialton Official zet hi zawng a “cial” a ni.
Dorothy mawlh mai kha ka hmu chak ve ngawt mai, Shillong tlan pelh hi chuan ka rilruah Dorothy kha a rawn lang a, ka lung te hi zu han leng ve ngawt thin a!
” Keichuan lawn lova arsi lak ka tum a
Ani chuan leihlawn awm lo a zawng zawk a ni” a tih te kha a va ril tak em!
[Report abuse]
October 26th, 2010 at 10:18 am
#10 Xingibera..inkhel ve thin e, naupang lai thil…keipawh a hming hi ka la khawr tlat..dubi mual kan lo ti thrang ltk a.
[Report abuse]
October 26th, 2010 at 12:12 pm
keini pawh puitling awm hma khwavar hmain kan inkhel thin.. Lungleiah thluak a awm an tih hun laia mi te kha chu mi ropui an tam asin. Mizoram chief minister 3 meuh hring chhuaktu Leitlangpui hi a nep mawlh lo..
[Report abuse]
October 26th, 2010 at 12:39 pm
Kan ram leh hnam ti mawitu, abikin thu leh hla lam kan chhuanvawr berte zinga mi Thuamluaia hming an chawi hi a fuh thlawt. Lunglei LDSC groun 11 an tih thin “Baje mual” ni bok te kha engtinnge hming an phuah leh tawh em P.Chemtatrawt? Leitlangpui chanhin hi chuan beng a verh teh mai ania. Saikuti Hall, Thuamluaia mual, Fam Lalzova han tih nghal va chak awm ve.
[Report abuse]
October 26th, 2010 at 12:46 pm
19#Pu.Chemtatrawt tih tur…. sory ka edit leh thei toh lo .
[Report abuse]
October 26th, 2010 at 12:48 pm
Post tupa, serkawn school ni lo vin, government school a ni zawk e.
@pca, he mual laihna ah hian vantlang tha tam tak sen a ni tih an sawi ka hre thin.
Sipai hoin zirlai inkhel an hnawtchhuak a, Dr silvera lungawilo khan sipai ho ball hla deng dawngah a pet liam luihsak ta a ni. A huai ve khawp mai. An in khawìh zui ve rap rap ta a ni awm e.
[Report abuse]
October 26th, 2010 at 12:53 pm
Fam Lalzova chu fuh phian ang a..vawrh lar dan kan zawng dawn mi pu sailo…
[Report abuse]
October 26th, 2010 at 12:54 pm
Xingi, lawmawm e..in finchhuah hi ngai ania..a rei tawh deuh a,min hrilhtu khan kum 10 kalta vel ami min hrilh tawh kha ania..
[Report abuse]
October 26th, 2010 at 1:00 pm
#23, nia, ka sawi hi a dik zawk ang. He mual hi chu RTP contract kha a nia, a fuh ve khawp mai. Kum tam tak chhung kha chu ruah sur bur2 pawn tui kha a tling rei ngai lo reng2. Tunah hian chuan ka hre tawh lem lo a.
[Report abuse]
October 26th, 2010 at 1:25 pm
Hei chu Lunglei lam chan deuh bik ni maw ? Inrawlh a inthlahrunawm tep mai a !
Mahse….
C.Thuamluaia, ka ngaisang tawp theilo. Lalzova ropui zia leh a naupan si ziate hi mak ka ti nawn fo thin. An nun a tawi an thu leh hla erawh Zofate khawvelah hian a Nung reng ang.
Lalzova hming chawia engemaw lar hat tham buaipui hi Zofate mawh lian takah ka ngai. Airport etc…
[Report abuse]
October 26th, 2010 at 1:36 pm
@xingi,nh tak kha mawle..a chhak lamah tuikhur tui thianghlim tak pawh a awm thin tak kha maw..
@seyn, inthlahrun tur awm hleinem,keipawh ka nu chu hmar lam mi, ka nu chhim lam mi, ka pianna erawh saiha daih ni thung..lol
[Report abuse]
October 26th, 2010 at 3:35 pm
A lo ni maw, nia Pahlira ten mual min lo liam sa tawh si a.
[Report abuse]
October 26th, 2010 at 3:39 pm
#26 chemtatrawta..ka nu chu hmar lam mi, ka nu chhim lam mi???
[Report abuse]
October 26th, 2010 at 5:47 pm
#28, ka pa hi Aizawl dist, ka nu Lunglei dist..Chhim leh hmar .
[Report abuse]
October 26th, 2010 at 5:57 pm
#29 chemtatrawta..Anih vel ka lo ring reng a, ka rawn zawt fiam mai2 che nih kha. Ka nu iti ve2 sia, hehe.
[Report abuse]
October 26th, 2010 at 7:18 pm
Chemtarawta sawi hi dik chiah lo lai a awm zeuh zeuh. Nichin khan comment sei tawk ka ziak a, mahse network chiang lo avangin a lut thei lo. Mobile atangin a ni si a ka chhu peih tawh lo. Similar post a ‘Thuamluaia Mual’ tih khi ka post a ni tho va, chiang zawk hre duh chuan lo en mai teh u.
[Report abuse]
October 26th, 2010 at 8:16 pm
Aizawl sipai lammual hi chu hetiang ang a neih sak tum ve ngawt hi chu a fuh lem lo ang mo ??
Kei pawh ka naupan laiin ka inkhel thin, tin a sirah kawngchhuk deuhah khan (tunah a la chhuk em ka hre tawh lo)tawlailir kan khalh thin, a thlangah khan sikul nge offis awm kha o, nge ka va chiang ta lo em, 80’s vel kha ni daih tawh a….hmakawsang tlat tawh.
[Report abuse]
October 26th, 2010 at 8:56 pm
Kan tet lai chuan “DUMI MUAL” kan ti a, kan leikang hret a, DHOBI MUAL kan ti leh a. Kan awm loh san hnuin LDSC I an ti emaw ni? Tunah chuan “Thuamluaia Mual” tih a ni ta! LPS-ah ka lo thlir a, Thuamluaia Mual an tih chhan an rawn sawi fiah kha a ngaihnawm hle mai!
In hriat ve kher a ngai lo, en ve mai teh u!
[Report abuse]
October 26th, 2010 at 9:51 pm
Pu pahlira chuan mual a lo liam ta a ni maw,a va uihawm ve.
Thuamluaia hming a lo chawi ta hi a lawmawmin a ropui e.
[Report abuse]