Mizote hian kan nambar chhiar dan hi kan ennawn a, kan siamthat a ngai a. Chuti anih loh chuan kan pi leh pu te hnen atanga kan rochun nambar chhiar dan phung hi a thi mai dawn a ni.
Tunah hian nambar chhiar dan chi thum kan hman pawlh a- keimahni chhiar dan — pa, sawm, za, sang, sing, nuai(h), maktaduaih, vaibelchhia, vaibelchhetak, tluklehdingawn (Hemi chungah hian vatelubeuh leh diarphawngen awma sawi an awm a, mahse sawi tel thin kan vang hle) te; India chhiar dan — one, ten, hundred, thousand, lakh, crore etc. te; International chhiar dan — one, ten, hundred, thousand, million etc. te an ni.
Keimahni chhiar danah hian digit hming 10 (+2) a awm a, India chhiar danah hian crore thlengin digit hming 6 a awm a, International chhiar danah hian million thlengin digit hming 5 a awm a. Hetihlai hian crore leh million thleng chauh kan nambar hi kan daih tir a. Heti hian i ti teh ang u.
Mi tih danin pa, sawm leh za hi a pangngaiin kal tir i la, a chunglam zawng hi international chhiar dan angin digit thum huam tirin eg. Sang, sang sawm, sang za etc. tiin kalpui i la. Tichuan tuna digit 10 (+2) kan chhiar theih aiah hian digit 24 (+6) kan chhiar thei ang a, kum rei fe chu nambar chhiar-ah kan buai tawh lo ang a. A that viau ka ring tlat a ni. Enge in ngaih ve dan?
Similar Posts:
- China-made mobiles will go dead soon
- Is your mobile original?
- What is India : Classification
- Highest-paid actresses
- Mizoram Annual Plan 2008-09
hairehai
November 15th, 2010 at 4:23 pm
Synod rorel thutlukna tam ber chu, “Kan kal dan ngai hi a tha rihah kan ngai,†tih hi niin an sawi a. Hetiang ngaihdan nei hi Mizo zingah kan tam hle a. Hnam dang zingah pawh an tam hle tho a. Hei hi hmasawnna daltu a ni.
He khawvelah hian thil hi a inthlak danglam reng a, chu chuan min hrutin kan incheina te, kan zing thawh leh mut hun te, kan thusawi dan phung te, kan tawng kalhmang te kan thlak zung zung a. Amaherawh chu thil tak tak tidanglam tura kaldan thlak hi harsa hle-ah kan ngai thin a. Mahse rang takin kan inthlakdanglam zung zung reng si a. Hnam hawiher leh khawtlang nunphung te hi kum li nga lek chhungin a inthlak dawrh zel tih hi kan hmu thei reng reng lo a. Danglamna nasa tak thlen tir hi harsa hle turah kan ngai reng a. Hei hi a dik lo a ni.
Tunah hei nambar chhiar dan tihdanglam ka han rawt a, harsa hle turah in ngai fur niin comment atang hian a lang a. Mahse a har hauh lo ang. Tuna comment ziak zawng hian he ngiaihdan emaw, rawtna pawm tlan theih dang kan siam chhuak thei anih a, kan hman nghal chuan hun reilote-ah kan vaiin kan hmang vek ngei ngei ang tih ka chiang a ni.
Ka rawtna ber hi chu tuna nambar chhiarna hming kan neihsa 8 hmang hian nambar digit 24 i chhiar ve thei the ang u ka tihna a ni ber a. A chunglam pawh a tul leh remchan angin kan la phuah zawm ang chu.
Tunah hian vaiho lakh hi nuai(h) kan ti a, sap ho million hi maktaduai(h) kan ti a, vaiho crore hi vaibelchhia kan ti a. Awmzia a nei thlawt lo a. Digit 10 bawr lek chhiar tur pawhin kan buai zo vek anih hi.
Chuvang chuan- pa, sawm, za, sang, sing, nuai(h), maktaduai(h), vaibelchhia, tluklehdingawn kan tih hi pa, sawm, za, sang, sang sawm, sang za, sing, sing sawm, sing za, nuai(h), nuai(h) sawm, nuai(h) za, maktaduai(h), maktaduai(h) sawm, maktaduai(h) za, vaibelchhia, vaibelchhe sawm, vaibelchhe za, tluklehdingawn, tluklehdingawn sawm, tluklehdingawn za ti ve ang u, ka ti a. Chutah pawh chuan international system-a one, ten, hundred, thousand, million, billion, trillion etc. hi zawm zawk ka rawt a ni e.
‘Chhangte_ll’ sawi anga Kuki chhiar dan anih sa phei chuan hnam inunaunan a that dawn mai bakah hmangtu leh pawmtu kan tam hma dawn tihna a ni mai a. ‘Phivawk’ ngaihdan ang hian zirlaibu-ah telh dan a awm chuan kan pawm tlang chak leh zual dawn a. ‘William Ralte’ rawtna ang chi hi Pu Thandanga pawh khan a rawt tawh rualin ‘ngente’ sawi ang hian kan neihsa hming ho hi a mawi ka tih riau avanga hetiang hi rawt ka ni pakhat a. ‘Chikus’ leh ‘laldoma’ sawi hian ngaihtuahna chu a tibuai thar khawp mai.
Admin lam atang hian awmze nei zawkin nambar chhiar dan thlakna tura inrawntlanna tur hi rawn siam theih dan awm se kan thatpui viau awm mang e… ka ti.
[Report abuse]