mi(sual).com

India hmarchhakah hian Mizoram hi Cable TV lamah hmasawn ber leh chungnung ber kan ni hial awm e! Chhungtin deuh thaw in Cable TV kan pawt a, nitin zantin TV hmaah kan thu a, mi in ah leng ila kan duh emaw duh lo emaw TV en a ngai deuh ngei ngei. Nuam ve mai mai!

Heti lam zawng hian ngaihtuahna in seng daih teh ang…. Cable TV kal tlangin sumdawnna lam hawi zawng emaw fakna chi hrang hrang kan siam nasa hle tawh a, Cable TV avang hian sumdawnna hlawk phah tak tak pawh sawi tur tam tak an awm tawh awm e. Amaherawhchu sumdawnna fakna chungchangah hian tih fuh loh chu kan nei niin a lang! Fakna siamtu (Video editor!) leh sumdawnna dawr neitu te hian Video Concept hi kan man fuh lo tlat..(sawi zawm a va chakawm ve, sawi zawm lo mai ang..)

Fakna siamtu tam ber hian an fakna siam Video background ah hian sap hla emaw mi dang music emaw an hmang reng mai hi chuan ngaihtuahna a ti tam khawp mai. Hetianga mi music phuahsa lo hman ve leh rikngawt thin hi tunlai kan buaipui em em Pirated (!) kan tih nen hian a in ang tho lo maw? Hma kan sawn viau tawh lai hian heti lamah hian kan hnu fual nge kan ngaihtuah pha lo zawk… i han sawi ho dawn teh ang u hmiang.

Thlam bang nghenga Nehru-a kan rel lai khan tu khawkhain va hre suh; chu achhapah tu thengthawngah a luh kan hre lo; tunah zawng kan kut zungchal vawikhat phut hian kan ngaihtuahna dum leh varte chu khawvel a den chhuahtir nghal a, thuthmun kan rem fel hma hauhin hming mak pui puiin min kil nghal tuau mai a nih hi.

Rawlthar nih lai khan mut hmunah rizai kherh chuatin ‘naktuk zanah chuan chuan ka sawi tawh hrim hrim ang’ tia thinlung committee thutlukna kan siam hnuah pawh, kan D ruk-ite kawngkhar kik tur ringawt pawhin zahfakah lu em chhum suh kan ti tan nghal a; an tapzawla lungthu tlawha an chhemthei han sum meuh kha chuan kan inbuatsaihna te kha chu tui hum ang maiin a thamral leh thin. Tunah zawng hmaizah tur awm ta hek lo le, muangleia duhtawkin kan han phuah kual a, edit leh vek hnuah zak map lovin kan thawn hem hem zel mai tawh anih hi.

Chu khawvel dawhsanah chuan ka pawnto va, thu hawng leh kal lam khun taka ngaihtuah chuang miah lo hian min fuihpawrhtu an awm phawt chuan a tuartu ber ang hrim hian kan khek chiam chiam a. Ram, khawtlang leh kohhran inrelbawlnaa kan lung si lo deuh a awmin min vuipui turin midang phungbawmah kan sawm ta dahrual a, a rana rana lova min thlawp duh lah bus nam lum tham zet hi chu an lo awm ve leh mai dahrawl nen. Hmaizah tur awm tawh hek lo…
(more…)

Sawihawnna

Mizo Hnam, Hnam Huaisen/tlawmngai,…adt., tiin kan in vuah thin a. Thupui hlapui tha pui pui kan tlangau pui chhen bawk thin, mahse…. Eng kan ang thei lo. A chhan eng nge ni ang? Mizo tih emaw Zo, Laizo, Zomi, Kuki, Chin tiin kan la in vuah zel mai sia. Hnam pumkhatna thu kan tlangau pui nan thuziak, hla, leh sawizirhona nen lam inlungrualna, inpumkhatna, hnam din chhuahna lam thu kan sawi thum dum dum thin, mahse kan  inpumkhat in emaw hnam hlawm khat angin kan la luangza thei lo chu ania. Eng tin nge kan thu leh hla mawitak tak a kan zep thin Inpumkhatna, hnam hlawmkhat a insiama din chhuahna thu te a tak a kan chan tir ang tih lam kan thai lang tum dawn ani.

Thu hi Le

Hmanlai chuan khawvel hian takna famkim nei niin an lo ring thin a. Mahse, chu chu Greek midawnril (philosopher) Plato’n erawh pawm zam lovin khawvel hi anih ang ang a takna nei a nilo tiin a lo tlangaupui a. Plato-a hmuh dan chuan tun khawvel hi suangtuahna/ngaihruatna/mitdawivar/rauthla ang lek niin a ngai a. Khawvel tak erawh a awm, chu khawvel taka hlimthla chu tun khawvel hi ani tiin a thu tlang a kawm a. Chu takna thu hmang chuan Chanchintha Johanna ziaktu in Isua thu sawihawn’n a hmang ta ani. Plato-a thu tak a tih chu famkim/tluangtling/thu tak tak tih sawina ani a, he khawvel erawh thutak nen a letling niin a der mai ani tiin tan a khawh ani. Impumkhatna lam thu chu KAN(Mizo,Lai,Kuki, whatever.. ten) sawizinga mahse, a tak a tih hlawhtlin a la ni thei lo hian ngaihtuah a ti tam thin.

(more…)