Minute bu

December 6th, 2010 9:30 pm by Pluto

Minute bu : Kan kohhran (Presbyterian) hian kum tin hian minute bu hi a siam thin a.Hman ka’n tet deuh lai atang tawhin ka lo chhiar fo tawh thin.Ka en hmasak thin te – mi aiin kan chhungkua in kan thawh tlem bik em? tih te,tute nge kan vengah thawh tam ber,mi aiin kan chhungkua in kan thawh tam/tlem em? Thenkhat thawh zat chu tam lawih lawih tak a ni,kan chhungkaw thawh let te a la ni.Mahse thenkhat erawh zawng tlem tak a ni.

Ka rilru a lang chu,heng mi rethei ve tak tak te tan hian he minute bu hi en nuam a ni lovang. An inthlahrun phah mai mai a ni. Mi thawh zat va hriat kirh kerh pawh hi a tul lo. Sunday sikul ah hian in lo chik ngai em? Tlangval/nula inthlahrung taka a pawisa thir a tlak rin hlauva fimkhur tak mai a an thlak han hmuh te hi a nuam lem lo, an chhungkaw thawh zat minute bu hmanga lo tarlan sak hi a tul viau em mawni le?

Sawi ho ang u.

119 Responses to “Minute bu”

Showing 113 of 119 comments — the rest were not captured when this site was archived.

1
Zephenath Says:
December 6th, 2010 at 9:31 pm
Kan kaldan pangngai hi a la tha hrih e…

Mirethei pawh ni se, Pathian hnena a neih chhun a pek hi a zahthlak chuang loh.. diklo taka pe te ai chuan…
2
Mapuia Says:
December 6th, 2010 at 9:34 pm
La ngaihtuah nawn leh atan dah nise kan ti.
3
hiho Says:
December 6th, 2010 at 9:35 pm
ni e , ngaihtuah nawn ni teh se.
4
mzvision Says:
December 6th, 2010 at 9:44 pm
Minute bu zz hi digitised vek sela, nakin atan min research beih nan te an la duh ngei ngei ang. Hemi lamah hian Synod hian hma la se ka ti khoops.

Kaldan pangngai hi a tha rih e an tih deuh zel avangin, eng period cycle ah nge kalphung hi change anih pawh a la zir theih ngei ang chu 😉
5
Kawnga Says:
December 6th, 2010 at 9:55 pm
Synod lamin minute bu in tih hi Baptist-in Financial Statement, Financial Year tawpa chhung tina kan sem thin ang deuh hi em ni aw? Nge thawhlawm thawhdan chauh ni lo minute bu tak tak insem thin?
6
Mapuia Says:
December 6th, 2010 at 9:59 pm
#8 Kan Vengah phei chuan Thawhlawm Phêk an ti..
7
Zephenath Says:
December 6th, 2010 at 10:03 pm
Synod Minute Bu chu kum 1 chhung (Synod Inkhawmpui inkar)-a Synod report hrang hrang record-na a ni. Mimal thawhlawm pawh a lang lo.. Kohhran leh Bial hming chauh a lang thin. Kohhran mal Minute bu-ah erawh chuan mi mal hmingte chu an ziak lang thin.

Synod hmalakna zawng zawng (pawisa hmuh atanga a hmanna te, rawngbawltu awm zat, Missionary(State pawn) leh Home Mission chhunga rawngbawltu zat record kimchang tak a awm thin..

Tin, Synod rorel (an thurel leh agenda pass) zawng zawng te, Pro-Pastor lak thar awmna tur te, Pastor transfer zawng zawngte an ziak lang thin.

Synod Minute Bu chhiarlohna rei ta deuh a…ka sawi chipchiar thei lo..
8
As_khiangte Says:
December 6th, 2010 at 10:10 pm
Kan awmna Pastor Bialah chuan a tha kan ti a kan chhunzawm zel a nih hi. A thatna chu mi a ti tang lehzual (rilru thianghlim takin). Kohhran rilru thianghlim taka tih a ni a, tute lansarhna emaw tute mualphona tur emaw zawnga he thil hi kalpui a ni lo. Kohhranin kan la sawtpui zawk rih a ni ang e.

Tihsual palh a awm hian a pawi thei khawp mai, hmanah tihsual palh thilah mi pakhat chu Office lamah ‘va thawh tlem ve’ ti zawngin an lo fiam deuh a, a rilru a na angreng hle a, theih ang tawkin tihdikna siam a ni leh ta a.
9
Asteric™ Says:
December 6th, 2010 at 10:16 pm
Pathian ram ah, Ramthar ah, tirhkoh chawmna etc a Total amount hi dah mai sela mimal thawh zat hi engemaw chhuah tel kher a trulna le. Inthliar hranna pawi tak a ni! Minute bu en chak zek zek leh en chaklo zek zek hi kan kat nuk mai.
Kan hriatloha midang rilru inthlahrung taka siam hi a Kristian tih chi loh khawp mai.

Mi rethei thil i pek pawhin i tranpui a ni tih hriat takin pe kher suh, tumah hian rethei anga treat hi nuam an tilo. “Nakinah keipawh (ka tu ka fa te pawh) i tanpui let ngaiin kan awm theia vawiina ka puih theih lai che hian i chungah tih ka duh a ni” tih rilru pu in kan pe zawk tur a nia. A petu chhinchhiaha dahthat de dei tihvel kha a inlak milen thlak lutuk. Mimal hming langlo pawhin pek zat leh lutzat record a ziah theih. Souvenir lam chu Pathian ziah tir mai tur.

Pichiu 🙂
10
Pluto Says:
December 6th, 2010 at 10:19 pm
@12 asteric..Amen
11
CFL Says:
December 6th, 2010 at 10:22 pm
A tul ka ti lêm lo khawp mai.
12
H.Vangchhia Says:
December 6th, 2010 at 10:23 pm
Post tha tak nge ka tih dawn Pres ho inbihchian lehna tura ziak tha tak chu a ni hrim hrim. A nia sin, thawhlawm thawh zat ziak zel hi a fello ka ti thin khawp mai, neih zat a inang hlawm bawk silo. Hetiang vang te pawh hi aniang eiruk pawisa thawhtu te pawh a zat atam avangin an hnawl phal thin loh (risk). Thawh tu hming ziak ni sela, a zat chu ziak talo thin se, a fair khawpin ka ring.
13
MamiPa Says:
December 6th, 2010 at 10:26 pm
a tha lo viau anih chuan tih tawp hun ala thleng mai ang,Pathian remruat tuman kan hre fai vek lo a,Pathian in tul lo atih chuan committee hmang in a la paih leh mai ang chu,,,,
14
tristinabelvawtu Says:
December 6th, 2010 at 10:28 pm
deleted
15
tristinabelvawtu Says:
December 6th, 2010 at 10:29 pm
keipawh i ngaihdan khi ka tawmpui deuh reuh che..hetiang bu hi kan dawn chuan i sawi ang ho khi ka en ve fo mai, minute bu an semna chhan ber pawh a nilo tih chu ka hria, mahse ka lo ti leh mai thin. mi dang pawh an nih ve nual ka ring. chuvangin thawh zat tilang kherlo hian tih theihse ka ti, an ti lang duh tlat a nih pawhin bial khat ho thawh kha a hlawmin tilang mai se.
16
Prof. Snake Says:
December 6th, 2010 at 10:32 pm
he post chu vawiina Alejendro comment ka chhiar khan ka rilru ah alo lang nghal asin,

Mimal thawhlawm thawhzat an tarlang thin pawh hi ka hrethiam thlawtlo.

Tih ka chhiar khan…

Nakin deuhah ka hman deuh hunah rawn comment zui ang. a That leh thatloh lam hi in hnial theih tak niin ka hria…
17
Zephenath Says:
December 6th, 2010 at 10:35 pm
Khawvel thlirna leh tehna tanga teh chuan a diklo deuh mai thei.. Mahse, Pathian hnena kan thilpek (sawma 1 leh adangte) a ni a, kan phal ang tawk tawk kan pek hi Pathian lawmna chu a ni. Mirethei deuhin kan pe tlem mai a, kan thawhchhuah pawh a tlem angin, a thawkchhuak tamin an pe tam deuh a ni. He lai tak hi a khawvel zawnga teh chuan tam leh tlem chu a awm ngei e.. mahse Pathian hian kan thinlung a ni a en/teh fo zawk ni.

Tin, dik taka lakluh atang kan neih ang tawk kan pek hi a tamlo a nih pawhin a zahthlakna kei chuan ka hre lo. (amount tlem ringawt zahpui leh a tam ringawt buaipuitu chu a rilru kha a diklo deuh a ni tawh zawk lo maw?? )
18
Asteric™ Says:
December 6th, 2010 at 10:35 pm
#18 @tristinabelvawtu_ Ania sin minute bu alo chhuah tawh hi chuan Exam mark sheet lo chhuak ang chiah mai hian mi tam tak hian an bih fo alawm. Chhungkaw thenkhata han len te hian “Chumi khami chu a pe tha hle maia…chu ti kha ti” tih hi aleng vak ziah.

Zirlai mark sheet chhuak nen hian eksaman (na lutuk em)

Pichiu 3 😆 😆
19
MamiPa Says:
December 6th, 2010 at 10:37 pm
kei chu tih lan zel hi tha ka ti,a chhan chu chhung tin ten kan thawhlawm thawh dan chiang tak a kan hriat theih na ani a tran lak tul na lai te kan in enfiah theih phah bok.tin Pathian hriat na tak tak a thawhlawm thawh tu chuan a theih tawk a zah pui ka ring lo,pek theih tawk ai a tlem(sawm a pakhat aia tlem) pe tu chu a zah thin ka ring deuh.Pathian chuan kan pek tam lam aiin kan pek bang lam(kan chanpual a kan dah)hi a en duh zawk ka ring.Hmeithai rethei thawhlawm tlem te kha Isuan pe tam ati ve tlat
20
ruata Says:
December 6th, 2010 at 10:41 pm
#11 As_khiangte sawi.. “Kohhran rilru thianghlim taka tih a ni a, tute lansarhna emaw tute mualphona tur emaw zawnga he thil hi kalpui a ni lo…” tih hi ka pawm thlap.

A nilo zawnga lo ngai kawi phet tu (inthliar hranna ti zawng a thilr tu) rilru chu a dik vak lo zawk a ni lo maw? Pathian tihna leh pek duhna rilru thianghlim tak putu chuan tlemte thawh mahse zahna chhan tur leh inthlahrunna chhan tur a neih nachhan tur awm reng reng ka hre lo.
21
ReMpYâ„ Says:
December 6th, 2010 at 10:42 pm
Chutiangin an ti thrin alo? 😮 k nuih a ti zaa..
22
m¡(khual)p@ Says:
December 6th, 2010 at 10:44 pm
Kan neih/phal ang chhun chhun kan pek hian Pathian chu a lawm zawk k ring…midangte mitmei veng chhunga thawhlawm kan pek chhung chuan kan thawh chhan ah kan chianglo tih a hriat mai…kan biak Pathian pawh hian engtin tak ngai ang maw??
23
Pluto Says:
December 6th, 2010 at 10:44 pm
I kut dinglam in a tih chu a vei lamin hre suh se…tih ani lawm ni kha 😮
24
denvor_cc Says:
December 6th, 2010 at 10:46 pm
Thawh tam kan ngaihsan a, thawhtlem kan hnualsuat palh theihna lam ai mahin, he thu ah hi chuan CHAPONA awmthei chi hnih a lang tlatin ka hria. 1) Mi thenkhat chuan mite aia amount tam an thawh tih an hriat hian an lo inchhuang anga, an CHAPO ang. 2) A amount tlem deuhte chuan “Nia keini te chu kan rethei em a lawm” tiin an retheih avanga an thawhtlem chu inthiam takin an retheihna an lo CHAPO pui ang.

i.e. Ropui taka lan chhuah duhna chapona leh mahni nihna anga lan ngam lohna chapona
25
ThaiBoy Says:
December 6th, 2010 at 10:47 pm
Duh duh danin ti rawhse ka thawhve ngai chuang lova 🙂
26
Asteric™ Says:
December 6th, 2010 at 10:53 pm
Thlemna te kan chaklohzia leh retheihna te min hriatchhuah tirtu hi khawi atanga lo kal nge… Ringtute hi Pathianah confi takin a din reng theihloh tih hi kan pawm thlap. Midang mitmei ven leh venloh lam a ni lo, ven ngailoa awm law law kha thlemnaa chantir aichuan a fuh hle zawk lawmi.

#11 @As_Khiangte in bialah chuan ip lut a pun phah sawt em? Nge eiru ten in elnan an hmang? Upa campaign kawng tha ve tak ania aw…. 😀 😀

Pichiu 😀
27
Zephenath Says:
December 6th, 2010 at 10:59 pm
Fakna hi kan tan thlemtu
Sawichhiatna erawh kan thian
Tuarna leh chan-na lo chuan
Ringtu nun a thang thei lo.
28
zualbonez Says:
December 6th, 2010 at 11:02 pm
pharisai ho pharisai ho.. tullo bawn tawp…mirethei inti chep lutuk in zak chei nange 😛
29
Asteric™ Says:
December 6th, 2010 at 11:06 pm
Mi tamtak ngaihdan hi Pathian ngaihdan ani ve kherlo….
Nakinah chuan “Anni chuan he leiah hian an lawman an hmu zo tawh” tih ho kha kan kat nuk mai dawnni.

“Khawnge ka lawmman?” i tih hunah
“I dawng daih tawh” an la ti ve palh ang che.
30
ruata Says:
December 6th, 2010 at 11:13 pm
Thil dik lo leh felhlel deuh a awm a nih chuan Pathianin tul a tih chuan Kohhran hruaitu te hmangin emaw, eng eng emaw hmang pawn a la rawn chhingfel mai ang. 😉 Pathian hian Kohhran hi a la hmangaih khawp ania.. 😉
31
As_khiangte Says:
December 6th, 2010 at 11:14 pm
@Asteric, Bial chhungah hian kum tinin Kohhran member kan pung zela ip lut pawh hi a pung zel a, thawhlawm pawh hian kum hmasa a khum zel a, pastor bial tinah hei hi chu a nih dan a nih ka ring, mahse hei hi minute bu a chhungtin thawhlawm tih lan vang a ni chu ka ti kher lo.

Thilpek lama mite thahnemngaih dan han hmuh hian chona tha tak mite thinlungah a tuh ve tlat. Inelna a lo awm a nih pawn inelna tha tak zawng a ni ang chu mawle, Kohhran chuan miin an pek ang ang kha a lo dawng mai a ni a, sum thianghlim a nih leh nih loh chu thliar thiam a har viau mai thei, Van lam record ah a chiang ang, kha lam kha a pawimawh zawk 🙂
32
Asteric™ Says:
December 6th, 2010 at 11:20 pm
#34 Thilpek ah chuan enge in el a trulna, 10 a 1 tih nanana a chuang aliam pe turin Kohhran mipui te in nawr dawn a mi ? Tin, pek tam aiin 10 a 1 petu mipui pung kha a lawmawm zawk fe alawm. Kohhran chhungkua atang ip lut zat chhut tur, chutianga pem thar pun vanga pung ka sawilo.
10 a 1 aia tam chhungkaw tin pe turin tihpun in tum emni?

10 a 1 pe thlap tura campaign hi a tawk viau lawmi? In el a trulna ka hrelo. An pek dik chuan a chuang liam phut suh u.
33
Kawlni Says:
December 6th, 2010 at 11:28 pm
Heng ai chuan kum 1 a ‘chhung inkhawm’ neih zah te tar lang zok se.
Dar kar 24 chhunga darkar 1/2 poh serh hran peihlo/hmanlo mai cu…
nge pathian ram/PRZ a thoh tur thohchhuah tumin kan buai lutk zok?
34
As_khiangte Says:
December 6th, 2010 at 11:33 pm
@Asteric, Inelna hrim hrim phei chu trul lo thei e, mahse inelna hi a tha lam hi a tam ve a. ”Inel an lo awm a nih pawn’ ka ti mai alawm 🙂 . Sawma pakhat hi kohhran inzirtir dan a ni reng a, hei aia sang hi chuan campaign a nih ngai ka hre lo. Chutih rual chuan sawma pakhat aia tam pethei khawpa Pathian malsawmna dawng, pek duhna thinlung neite hi chuan sawma pakhat mai lo deuh pawh an pe awm asin. Kohhran hian thawhlawm/sawma pakhat pe turin kan infuih thrin a, a nawr zawng chuan innawr lo e.
35
Asteric™ Says:
December 6th, 2010 at 11:33 pm
Eiru ho kan vawrh larna pakhat ve alawm. Pathian hnena sum thawhah thahnem a ngaihzia sawi nan te miin anlo hmanga an thawh treuh treuh maini. Upa nih duh vangtein mawle heng ho hian a chuang liam an eiruk bangnawi an khung thin… tarlan alo ni leh zela fak an hlawh duh phian…

Pichiu 3 😆
36
nastycool Says:
December 6th, 2010 at 11:36 pm
An duh leh ziak se,ziak lo se, ka thawh ve ngai chuang lo a. Pharisai rim ka hria.sniff sniff.
37
Zephenath Says:
December 6th, 2010 at 11:36 pm
As_Khiangte comment ang zel hi ka LIKE e
38
loneeagle26016 Says:
December 6th, 2010 at 11:37 pm
Pathian ram/sawma pakhat mahni lakluh ang2 pek hi a zahthlak loh… a tlem leh a tam lam hian kawngro a su hranah ka ngai lo. Hetiang ang ‘minute’ hnawk lo ti em2 thin hi a tlangpuiin sawma pakhat pe duh miah lo ho hi an ni thin tlat nia… 😀
Aizawl veng(ziak lang kher lo mai ang) pakhatah hian sawma pakhat an pe tha duh lo lutuk a, an kohhran upa thenkhat pawhin an pe chuang lo…tichuan an bial thawhlawm minute kha hnawk an ti em2 mai nia…an bial thohlom average kha an pawt hniam vak zel… 😆 😆 😀
39
ruata Says:
December 6th, 2010 at 11:43 pm
@Asteric i mihring sawi ho ang khi an tenawm in an zak lo ngawt mai, Pathian an hlau lo ngawt mai.

Sawma pakhat hi chu Lalpa chanpual ania. Ama ta sa ani, a phut tlat. A bak hi chu kan thahnem ngaihna vang leh kan rilru chhungril taktak a pek ve kan duhna atanga pe mai zawk tur kan niin ka hria keimah ah chuan. Sawma pakhat aia tam hret pek hi a hlawk khawp mai.(rilru thianghlim tak put tur a ni thung a) 😀
40
nastycool Says:
December 6th, 2010 at 11:44 pm
Eng thawhlawm nge in sawi hi? Ka hriat ve chhun chu biakin a nula ten an khawn thrin hi. Mizoram ah hian thawhlawm type engzat nge awm a?
41
Prof. Snake Says:
December 6th, 2010 at 11:46 pm
He thil hi mumal taka debate na awm ta sela, a tanlo zawnga tran hi ka chak zawkin ka ring 😀 Ka patea kohran upa leh mi vengva, anmahni venga ‘pa rawn’ ni ve khan a tha a tih zia hi a sawi ve fova… A tha ti tute’na tha an tihna pawh ka hre tam ve ta khawpmaia, mahse min la hmin theilo chu ani. “Kan thawhlawm thawh tehi a thamralin ei ral mai mai anilova, dik taka record ani” tih lan tir nan a tha… tih lam zawng hi an sawi uar hle…

Inhnialna awmthei ve deuh chu:
Synod hian member ten thwhlawm thawh tam se a tih vang ani thei angem??? chu chu thahnemngaih vang nge Materialistic vang??? Thawhlawm thawh ah pawh hian Synod a lut tur hi synod lam hian an ngai pawimawh em aw…?? Kohran upa tepawh hian, “Pathian tan thawh kanni vek thova, biakin sa lai te kan nih chuan tualchhung tan hian kan thawhlawm thawh zingah sem tam deuh ila…” ti ten a rukin an campaign thin lo maw???

He minute bu a rawn chhuah atang hian thawhlawm atanga in judge-na hi a rawn keng tela… :kohran rawngbawltu nisi heti zat lek a thawh…” tihvel zawnga hnunglam atanga insawina a hring chhuak ve thei… chutih laiin, mahni hlawh aia tam daih la lut (eiru) ten tamtak an thawh chuan a langa an hmingthatna… choak pawh ni phalo, Utrawk Arawn changtawn ang maia an hmingthatna ani lawisi 😀

Pathian leh rinna lam zawnga in judge thei tumah kan awmloh lai hian hetiang thil folly tak tak hi in judge nan kan hmang thin bawksia a diklo ve chuan ka hria…

Rinna lampang leh felna lampang hi chu Pathian judge turin dah ta ila, khawvela kan awmlai ngeia mihring taka thil thalo tak leh ethical lo tak a che te, midang ngaihtuah miahlova duham leh thil diklo ti nasa hi chu kanlo suport loh hi a pawina ka hrelo. An thlarau khawvel tur chu Pathian rel tur ni sela, keini pawh (mi zawng zawng) kan ni vek thova… Mahse Kaisara thil tih ang deuhin Kaisara khawvelah hi chuan kan in support loh ngam ve hi a trul in ka hria. 😉
42
Pluto Says:
December 6th, 2010 at 11:47 pm
a tulloh chhan
-miin ka thawh zat an hriat a tul lo,Pathian hriat a tawk

-mi thawh zat ka hriat a tul lo,Pathian hriat a tawk

-in el a tul lo,in elna chi a ni lo

-miin 10 a 1 a pek loh hian lo hriat sak kher a tul lo,

-Pathian in ro a rel dawn
43
Asteric™ Says:
December 6th, 2010 at 11:48 pm
Ka bansan ang che u. ‘Kohhran mi tha tak lo ni ula rethei leh hausa inthliarna tur awm reng reng hi chu tran tu tam vang pawh niloin do tlat zawk rawh u.’ Kan Synod office chhungah ngei pawhian sum leh pai avanga innghirnghona te a awm ve zela, khawvel ani miaua. Pawngpaw tan bur tur a ni loa Nehemia anga din thar ngam tu huaisen ni reng turin thawk fo zawk tur kan ni.

Ka chhuahsan phawt angche u 🙂
44
loneeagle26016 Says:
December 6th, 2010 at 11:50 pm
38# Khitiang khi an lo awm tak2 anih chuan, Pathian a lawm hauh lovang…. :undecided:
Tin, Kohhran pawh hian engemaw thil bika thohlom special ang chi-ah hian eiru thei deuh ho hi tuk tam bik lo sela, chu chu ahmehmihna tha tak anih ka ring. Hman deuh khan kan thianpa pakhat Engineer chuan min tuk teuh ringot zela, sawma pkhat kanpe toh a, khoia mi nge kanneih bik ang ? Kohhran pawh hian eiru turin min ti deuh emaw nile..tiin fiam thu ti takin a vuithu min hrilh…. 😆
45
Pluto Says:
December 6th, 2010 at 11:51 pm
thawhhlawm hi an record chu a nih chuan a record theih reng publish kher lovin
46
loneeagle26016 Says:
December 6th, 2010 at 11:58 pm
48#____kohhran mipuite bawk hi a hre chak kha an ni veleh zela…. 😆 Presbyterian te chu mipui tam ber duhdan zelin alawm kan kal mai mai,A tam berin publish an duh loh hunah chuan an la publish lo mai ang…. 😆
47
ngente Says:
December 6th, 2010 at 11:59 pm
Keini chu Minute ti lovin “Finance Repot” kan ti, a that na aiin a that lohna a tam zawk in ka hria…ngaihtuah nawn leh ang ban la phar lem lo
Phek khar nan
48
CFL Says:
December 6th, 2010 at 11:59 pm
Amount tarlan leh record kher hi a tulna ka hre lo. Pharisai ho tihawm tak a ni.
49
Prof. Snake Says:
December 6th, 2010 at 11:59 pm
Christmas thawhlawm in tuk tih angvel ah hi chuan, kohran committee in kum tluana thawhlawm thawh tam thrang (or thawh tam thei deuh0 ni a a hriat a tuk tam deuh ni berin ka hre thin… Sum ngah leh ngah loh lam ai mahin Pathian tana in phal deuh (thawhlawm thawh tam thrang deuh) ni a an hriat chu an tuk tam deuh thin ni berin ka hria…

kohran han sawisel hi chu kan society angah phei hi chuan tih chiloh leh mawilo tak anih bakah mi ina min rawn judge let theihna ani avangin a ngam awmlo ve theia… Mahse, Pathian hi a rawngbawltute ah hian a thik thu a chhe bikin, a rawngbawltute pawh hi a dah special bik emawni, midang tena an tih ang hi kohran rawngbawltute’n an tih ve chuan an hmingchhe hma bik tlat zel… A sawisel tute va judge let hi thil tha ber ani lemlo…
50
nictoz Says:
December 7th, 2010 at 12:00 am
thil thulber chu ni lokhawp mai..
Post thatak a ni..
Ka lo veina a rei tawh mai..

51
Pluto Says:
December 7th, 2010 at 12:01 am
@47..loneeagle..Tin, Kohhran pawh hian engemaw thil bika thohlom special ang chi-ah hian eiru thei deuh ho hi tuk tam bik lo sela, chu chu ahmehmihna tha tak anih ka ring
Kohhran kan se ve lawk:
eiruk aiin zu an hua.Eiru tih hriat ngawih2 pawh hi chanvo an pe tlat zel,zurui thin te chu khawiah khawiah.Eiru ti hriat reng pawh khawtlang ah an in hman tlat chuan kan society hian kan zah tlat a,kan haw tha duh tlat lo.
52
ngente Says:
December 7th, 2010 at 12:01 am
@CFL, Pharisai tha mi ni lo ni maw hetiang ang chi hi chu?
53
Asteric™ Says:
December 7th, 2010 at 12:02 am
#47 @loneeagle26016 _ Upa inthlan alo awm apiang hian i mit nilo i bengin uluk takin i rilru lo seng rawh. Kan Pastor ngeiin Upaa thlan awmmi a sawi pawh ka lo hre thawi ve tawha, ilo chik ve thin dawnia.

Ka kal tak tak e :zualbonez:
54
Lily_parmawia Says:
December 7th, 2010 at 12:02 am
He thil tenawm rapthlak an chhunzawm chhung hi chuan Rs.1 poh ka thawh pit lovang 👿

A sawimawi tu leh fak tute hian hming that nan an hmang ve anih duh hmel. An khawtlangah a thawh tlem pawl [Below Average] ni sela an fak thei ngut ange maw chu?
“A hetiang chu kan theih tawk theuh ania” tiin a thawh tam thei deuh leh thawh tlem ve thin tak te angkhata en thei khawp an tlem teh ang chu !!!

An thawh zat atang hian Kohhran pawh hian rawngbawl tur a thlang thin ngeiin a rinawm. Pathian remruat anih hi ka va ringlo nasa rapthlak tak em. Tuten emaw larhsarh leh lan ropui tum chunga an chin-chhuah a nih duh hmel. An duh leh Kohhran hruaitute chuan record sela, a duhin en sela, a duh lovin en lo mai sela. Kohhran mi zawng zawng hnena semchhuah kher hi enge maw atangkaina le?
55
ngente Says:
December 7th, 2010 at 12:04 am
#57
@Lily_parmawia, zia thup aw zia thup aw, hringmi hawng e
56
Atom c Says:
December 7th, 2010 at 12:06 am
Ngaihdan tha tak a ni.

Advantage leh disadvantage pawh sawi tur chu a awm ngei ang. Engpawhnise, kei chuan ka thlawp thlap . A tul ber lemlo ka ti.
57
loneeagle26016 Says:
December 7th, 2010 at 12:07 am
52# ___Funny, khilai tak khi alom ….sawmapakhat kan pek dan pawh hi alo in ang loa, a then chuan a gross atangin an pek laiin a thenin a net amount atangin an pe a..a then leh chuan anphal tawk atangin an pe mai2 a. Tihkhan, a amount tam deuh tuk tam ringot khan a fel hlel ta thin ka han tih a chu ania…Building Special, Ramthar zinna tur Special etc alo awm nual zel mai si a, mi in an income gross amount atanga an pek chuan in daih mang meuh lo te’n Pathian rinchhanin an lo nung ve ngor2 tawh a…tukbelh vak mai khan tuteemaw chu eiru lo thei lo dinhmunahte pawh a hnuk lut ve thei hial maithei asin… :undecided:
Chutiang tho chuan khotlang angah pawh hian ani…games & sports, YMA, MHIP, MUP,etc sum lo chuan engmah hi kan ti thei tak2 si loa, eiru vak vakte hawi champ theihna tur hi kan siam tlat zel alom… 😀 😮
58
Lily_parmawia Says:
December 7th, 2010 at 12:08 am
@58 ngente:

Theih se chuan hetiang rawt chhuak tute hi khawih sil hlak asin ka duh 😀 😀
59
loneeagle26016 Says:
December 7th, 2010 at 12:08 am
52# ___Funny, khilai tak khi alom ….sawmapakhat kan pek dan pawh hi alo in ang loa, a then chuan a gross atangin an pek laiin a thenin a net amount atangin an pe a..a then leh chuan anphal tawk atangin an pe mai2 a. Tikhan, a amount pe tam deuh atanga tuk tam ringot khan a fel hlel ta thin ka han tih a chu ania…Building Special, Ramthar zinna tur Special etc alo awm nual zel mai si a, mi in an income gross amount atanga an pek chuan in daih mang meuh lo te’n Pathian rinchhanin an lo nung ve ngor2 tawh a…tukbelh vak mai khan tuteemaw chu eiru lo thei lo dinhmunahte pawh a hnuk lut ve thei hial maithei asin… :undecided:
Chutiang tho chuan khotlang angah pawh hian ani…games & sports, YMA, MHIP, MUP,etc sum lo chuan engmah hi kan ti thei tak2 si loa, eiru vak vakte hawi champ theihna tur hi kan siam tlat zel alom… 😀 😮
60
ReMpYâ„ Says:
December 7th, 2010 at 12:08 am
kohhran lam cu k soikai ve lo mai ang. He thil hi eroh k ngaih ve dan cuan a trul lo ka ti khop mai…Pathian tan a kan thawhlawm te ni tehmeuh mah se, mihring rilru ah thawh tlem bik chu nuam tihlohna kn nei tho2 don… Kohhran hi miretheite tihrehawm tu ni ngai lul suh se. Ka lom e. Ting!
61
ruata Says:
December 7th, 2010 at 12:10 am
cheng khat pawh thawhlawm a thawh duh lo tu leh lansarh duh vang a thawh thin tute nen chuan enge maw in danglam na vak bik le??? Lily?? hehe
62
ngente Says:
December 7th, 2010 at 12:14 am
@Lily_parmawia, chhungkaw mangna em a la thlenloh hi i pawm zel mai ang u,kan thu lo e mai
63
Lily_parmawia Says:
December 7th, 2010 at 12:19 am
@64 pibuhdeng:

Kohhrana chhunluh chauh hi thawhlawm ah i ngai anih hmel 🙂

@ngente, manganna thleng lo mahse kohhran mi engzat nge rilru hrehawma an siam kumtin?
A then tan lawmna, a then tan rilru hrehawm leh inthlahrun phahna. He thil hi chu Catholic Kohhran in vanram ticket an zuar tluk ah khan ka ngai 👿
64
jalal Says:
December 7th, 2010 at 12:19 am
Ka rin ai in Thawhlom awmzia kan lo la man lo tlang hle mai..Kan thil chhut dan chu ..la Babulon hlom hle mai…
65
As_khiangte Says:
December 7th, 2010 at 12:23 am
Kohhranah hian mi chi hrang hrang kan awm a, ngaihdan leh duh dan pawh a inang lo thei hle. Kohhranin rawngbawlna ki hrang hrang a kalpui dan hi mi zawng zawng duh dan mil chu a ni seng lo teh meuh mai, mahse kohhran rorel dan a nih chuan kan rilru mil zawng a nih chiah loh pawhin thahnem kan ngai thei zel a, heihi kohhrana kan ngheh zia leh neitu rilru kan put zia tilangtu a ni ve a, rawngbawl thulh phah nan em chuan mimal ngaihdan kan kalpui lutuk lo te hi a tha ve khawp mai.
66
ruata Says:
December 7th, 2010 at 12:24 am
@lily, Kohhrana chhunglut loin thawhlawm i thawh thin bik a nih chuan… Mizoram angah chuan mipangai tih zen zen loh thil a ni tlat mai.. i dangdai hle mai. Re 1 poh i thawh duh loh chuan duli tal chu ti ve hram la.. 😀

Tin, kan topic bik ah chuan kohhran a chhungluh thawhlawm nin ka hria kan sawi mek hi
67
Prof. Snake Says:
December 7th, 2010 at 12:25 am
“Thawhlawm thawh tamlo ho hian thawh tlem nih hi hrehawm ti sela, lo thawh tam ve deuh rawhse, chutilo chu an thawh zat hi mipui hmuh ah kan tar chhuak zel ang…” tihna ang lek niin ka hria… 😀

Synod that zia hi sawitur ka nei nuala, an materialistic zia sawitur ka nei nuala, an hruaitute pawh an khawvel mi zia sawitur ka nei nual bawk… (keima ngaihdan in. hehehe ) Heng ho zawng zawng ai hian keimah ber hi ka khawvel mi leh lawia. lolzzz

Hmanni an building, in peihlo chung chunga an hawn chuk chuk tekha enge a chhan niang aw…??? a hnathawk te ngei pawhin hrehawm an tih khawpin an buai chuk chuk ani lawmni…??? Pu Vanlalzuata te leh mi tha dangte avang hian Synod tehi a thianghlim ngawt lova, sawisel hreh ngawt hi a tul kherlo bawk…

Hman deuha Synod higher a zirtirtu an lak pawhin written a pakhatna tlinglovin ministry lam atanga bei tu kha a tling ta nawlh emni kha…??? A hma pawhin kohran upa pakhatin mi hnathawk tha lai banin a fanu NEHU a MA zo hlim a thun ngawt tawh bawk an tih tekha a dik em…??? Politics tenawm taka in duhsakna hlei hluak ang chiah mawle… (dik maw diklo maw) lolzzz
68
cotdarz Says:
December 7th, 2010 at 12:32 am
Keipawh thalo ka ti em em.
69
loneeagle26016 Says:
December 7th, 2010 at 12:37 am
Kei chu kan thoh tam vak ngaihlei loa, zahna tur chi ah ka ngai hauh lo mai…Officer liante chu an hlawh a tama, sumdawng mi lian leh contractor/supplier lian hote chu kan el phak an ni lohrim2 a, anni thoh tam avanga ka lo in thlahrunna tur ka hre tlat lo. Heng ho hi chu kan el pha chuang hlei nem, an duh hunah foreign ah an zin thei a, car thar tha ber2 an nei thei a…kohhran anih avanga ka lo tluk pui en ngot kha a tul em ni dawn ? Heng ho hi tluk pui ena en ka tum tlat chuan Mirethei chapo tak ka ni dawn tlat…Pathian pawh hian kan nihna bak hi a phut chuang hlei nem ka ti ve tlat… 😀 😮
70
cotdarz Says:
December 7th, 2010 at 12:43 am
#74 Dik lutuk. Mahse i rilru ang put vek hi a har ang. Tin nangmah ngei pawh duh ai mah mah a rethei ah han in chan teh. Zahna chin chu i nei em em ang. Kohhran ah hi chuan mi tam tak an awm si a.

Minit bu tello pawhin kan nihna a hria a “Pathian pawh hian kan nihna bak hi a phut chuang hlei nem” tih hi a la dik reng dawn tho alawm 😀
71
ReMpYâ„ Says:
December 7th, 2010 at 12:47 am
tuna an kaldan rawt chhuak tu te (tu te poh nise) hi chuan thawhlawm a thahnemngaihna rilru leh thawh tlem a zahthlak avanga mitinin theih ang a tam thawh threuh an tum dawn tih hria a strategy a hmang an ni khop ag….
72
wonderboy Says:
December 7th, 2010 at 12:49 am
Mihnute bu ti a kan chhiar tralh chu le!! 😀
73
loneeagle26016 Says:
December 7th, 2010 at 12:50 am
75# __kei chu kohhranah hian ka inhmang ve vak lo a, Para church lam hi ka tel tamna zawk mah ani…Para church ministry ahphei2 hi chuan rinna te’n kan thoh thin, kan minute ve lem lo….ka ngaihdan leh ka hmuh dan chuan thohlom mahni theih ang tawk pawha thoh tha duh lo ho zel hian hetiang ang chi hi hnok an ti zelin ka hria…. pawl angin engpawh ti dawn ila thohlom tel lo hian a tih tak2 theih loh, thoh tha duh lo chu in thlahrunna chen hi a awm ve thei zel….dik tak chuan keini ang sunday sikul pawh kal tha mang lo tan hi chuan buaina tur a awm lo, mahse inti thu duh ve si, kohhran huang chhunga va hawi champ duh si…neih leh thil phal lam ina atlin siloh te hian hnawk an ti niberin ka hre tlat…ka fiamthu miah lo ania…. 😆 😮
74
lrpa Says:
December 7th, 2010 at 12:53 am
pawisa thawh tur a kohhran te pawh kan ang ta e.. 😮
75
ReMpYâ„ Says:
December 7th, 2010 at 12:54 am
..thawhlawm kohhran… 😀 salvation through donation.. 😀
76
cotdarz Says:
December 7th, 2010 at 12:54 am
#76 Dik hmuar. Kohhran pawh hi sum a tam a, an duh am tulh tulh mai.An sumdawng riau.
77
Zephenath Says:
December 7th, 2010 at 12:54 am
#76 ReMpY_ScisSoR : An hmang lo. Pathian tana thahnemngaih pawh chu eng nge a pawina leh diklona? Tumah an ti lui hran lo. A thawh theiin an thawh a, a theilo in an thawhlo mai.

Mahni thawhchhuah dik tak atanga pek hi thil zahthlak a ni ngai lo. Hetiang zel anih erawh chuan mi rethei zawng zawng hi zak tur kan ni ang. (Rethei kan tih chin pawh a in anglo leh ang a, tu nge mi hausa chinah chuan awm bik ang)

Khawvel thil leh Thlarau/Rilru lam hi ngaihpawlh leh sawi pawlh loh tur a ni. hehehhe 😆
78
Zephenath Says:
December 7th, 2010 at 12:57 am
#82 chhunzawmna: Mahni nihna baka lan tum kha a diklo zawk.

Tirhkoh Paula iangin Hausa-a awm dan leh Retheia awm dan hi kan zir a ngai a ni e.
79
Asteric™ Says:
December 7th, 2010 at 12:59 am
Khawi vengah pawh Kohhran Upa te hian Bial fan hi an taima tawklo. Thawhlawm tlak that an duh anih chuan minute bu atanga tan la lo hian an bialah a khawn khawm hi peih sela, a pek hun an tuk leh si a, pek theihnghilh emaw damlohna avang tea lo hai palh hi engzat tak awm thin ang maw. Thla 1 a vawi 1 pawh Bial fang ngailo hi an tam em em a ni. Financial campaign ah ngai leh ngai kan in hrilh tlut tlut a, inkhawm ngailo te inchhung kan rap tha leh peih silo. A khawn khawm tal hi chu taima ve sela chu a pun pawh a pung deuh ang. Pek tam lam aiin a petu tam hi a hlu zawk.
80
cotdarz Says:
December 7th, 2010 at 1:01 am
#82 “Mahni thawhchhuah dik tak atanga pek hi thil zahthlak a ni ngai lo” nangma tan a dik mahna.

Pathian lakah chuan tumah an zak lem lovang an neih ang tawk anih chuan.

“Tirhkoh Paula iangin Hausa-a awm dan leh Retheia awm dan hi kan zir a ngai a ni e.” Hei pawh Minit bu tel lovin a la dik tho. 😀 😀

“Mahni nihna baka lan tum kha a diklo zawk” Lan tumna a awmlo, lanloh tumna zawk niawm tak a ni.
81
nastycool Says:
December 7th, 2010 at 1:01 am
Keini ang kum pui linglet a vawi 4 vel inkhawm ve leh kum khat a church a/c a cheng 1oo pawh contribute lo hi chu minute bu ngaimawhna kan nei ve lo a,nuam deuh a nia. Tithe (1/10) pawh hi ka la pe ve lo. 😀
82
loneeagle26016 Says:
December 7th, 2010 at 1:02 am
83#_______ Zanin chu a va pui ve ! Synod/Presbyterian lam thilte kan sawi ve tak vak2 mai…. 😆
Zephenath-a hi ka thlop e. Kan mutsan mai teh ang che u…
😆 😀
83
ruata Says:
December 7th, 2010 at 1:08 am
Zephenath hi thlop ve duh. Ka thlop nghal e. :happy:
84
ReMpYâ„ Says:
December 7th, 2010 at 1:08 am
@zephenath, an hmang lo? I hrelo. 😀
Thlarau thil ti chung hian a petu te mihring kn nih chhung hi chuan mihring rilru kn pu vek tho. Mahni thawhchhuah diktak atanga pek hi thil zahthlak a nilo, a dik. Mahse, kan theih ang tawk kan pe emaw tih hnua minute bu keu a veng khat a pe tlem ber a kan hming a chuang kua chuan tu poh kn zak ang..rilru chuan kn neih tok kn pe a zahthlak loh, tiin kn inhnem anga , kan zak tho ang. Pathian be tur ni chungin thawmhnaw chhia in tunge inkhom ngam? Kan thlarau thil ringot hi kan mihring mihrinna damchhung hi chuan kan sawi thei biklo, thu leh a tak hi a inang lo fo anih hi.
85
Zephenath Says:
December 7th, 2010 at 1:18 am
#89: Pathian be tur ni chungin thawmhnaw chhia in tunge inkhom ngam? KEIMAH.. ka neih ang tawk, mi dang tan(nang pawh i tel mahna)-a thawnhnaw chhia hian hei kum tam tak ka inkhawm ve ta… ka neihchhun ah hian ka lawm tawk. 😆
86
nastycool Says:
December 7th, 2010 at 1:18 am
Rempy full support. Inkhawm leh church a/c top-up hi chu ka uar vak lo.Tanpui ngaite chu theih ang tawkin ka pui ve thrin.ka lungawi e.
87
Prof. Snake Says:
December 7th, 2010 at 1:19 am
Sawma pakhat chungchang hi keichuan paradigm hran daihin ka thlir thunga…
pawisa lam ka care lo inkhawm lam ka care lo… ka thinlung leh ngaihtuahna tehi sawma pakhat tal Pahian tana ka peka, ka nitin nun leh hun hmanah pawh sawma pakhat tal Pathian ka ngaih pawimawh hi ka care zawk.

inkhawm tam leh pawisa thawh tam hian kawng tha ah min hruai lova, dikna kawngah min hruai heklo tunlai ah chuan. Ka thinlung pathian tana ka pek tam chiah hian kawng dik min zawh tir… Chuangin thildang zawng aiin thinlung ka ngai pawimawh.
88
ReMpYâ„ Says:
December 7th, 2010 at 1:23 am
@zephenath, a thra! Thawmhnaw chhia a i inkhom ngam cuan Pathian mithmuhah chuan i mawi ang. Mahse, i harsat vanga thawmhnaw chhia a inkhom i nih a, i zah miahloh lai khan i fapa/fanu chu a zak ang. I fa zak tur dawn khan i hmangaihna vangin nangpon neih bak bak in i fa te chu thuam i duh tho ang…chu maw..mihring thil a ron lang leh ta tlat asin..
89
lrpa Says:
December 7th, 2010 at 1:25 am
92. Funny,a dik chiah. Vanram ticket hi pawisa a lei chi ani lo e..!!
90
nastycool Says:
December 7th, 2010 at 1:39 am
Sawrkar ah tax pek ngai,kohhran ah tax pek ngai bawk.Hahthlak. 😀 funny,lrpa leh rempy te ka support a che u. Vairam ah puja na tur poisa min rawn dil thrin phei hi chu ka lo abuse hrep zel,an haw bik lem hlei lo a!
91
ReMpYâ„ Says:
December 7th, 2010 at 1:45 am
@zephenath, ka ti leh thrin ang, lol 😀 I sawi ang khi ngaihtuahna dik, kn rilru puthmang tur a ni, kristian tan cuan..mahse khitiang ngaihtuahna pu vek thei khopa chiang ni ta vek ila, sual tur poh kn om don emni? Kan pu vek theilova, tuna kan nihna ang, chaponate, threnomte elrukna leh nihna lo anga lan tum leh mahni nihna dik zahpui thrim threm vek mihring kalkhomte hi kohhran mipui tih kan lo ni ta. Heng member tin te, fel in tlinglo hle mahse, huapzo leh rilru tihnat bik awmlo tura enkawl chu berampu thra hna, kohhran hruaitu te tihtur a ni. Ting!
92
nastycool Says:
December 7th, 2010 at 1:47 am
Zephenath: donation an duh chuan bawm siam sela,biakin remchang lai ah hung se,a pe duh chuan thun mai se cash in.mimal pek zat a hriat loh ang a.A total amount erawh chu an chhiar hun ah an hre mai dawn a,chu chu record se.Mimal in a pek zat tarlang hi chu tul lo uchuak tak ani.
93
elcee Says:
December 7th, 2010 at 1:54 am
Hei pui le!! Ka veina a rei tawh khawp he thil hi!!!

45
Pluto Says:
(a tulloh chhan
-miin ka thawh zat an hriat a tul lo,Pathian hriat a tawk

-mi thawh zat ka hriat a tul lo,Pathian hriat a tawk

-in el a tul lo,in elna chi a ni lo

-miin 10 a 1 a pek loh hian lo hriat sak kher a tul lo,

-Pathian in ro a rel dawn)

Hei hi a tawi dik tha khawp mai. Minute bu mi zawng zawng hmuh a pholan duh leh tha ti tu te khan ngun tak in hei hi han ngaihtuah chhin teh u:-

Minute bu hi pho chhuah ni ta lo se thawhlawm hi a tlem sawt angem??? tih mai te hi.

Kei chuan a tlem sawt ka ring a, ka rin dik ngei ka ring bawk a, a tlem sawt dawn a nih chuan a bulthut a dik lo chiang hle tihna a ni bawk ang.
94
Zephenath Says:
December 7th, 2010 at 2:00 am
@ReMpY_ScisSoR: Heng member tin te, fel in tlinglo hle mahse, huapzo leh rilru tihnat bik awmlo tura enkawl chu berampu thra hna, kohhran hruaitu te tihtur a ni.Heng member tin te, fel in tlinglo hle mahse, huapzo leh rilru tihnat bik awmlo tura enkawl chu berampu thra hna, kohhran hruaitu te tihtur a ni. A va dik em!

Rilru tihnat bik….. hei chi chu khawvel anih chung chuan 100% dawn lo va, hei tunah pawh kan sawi mek hi.. 😆 A huapzo tura an ngaihtuah tawh hnu-ah hei kan lo sawi zel zawng a nih hi maw…..

Mi hlawhtlingte kan chawimawi hian a hlawhchhamte kan hmusit tihna chu a ni chuang lo. Mihring hian fak te, chawimawi te hi kan lawm vek.. mi hausa pawhin chu chu an lawm tho.. kan intihchak tawnna tur thil a ni. Chuvangin, tuna kan kaldan hi thlak a la nih hma hi chuan a la tha hrih e…kan ti a ni e. (An thlak anih pawhin a tha tho).. A thlaktu or change duhtu te kan Kohhran hruaitu in lo nih hunah chuan lawm takin keini mipuite chuan pawm dan kan lo zir leh mai ta lawng.. ting!

Thil reng reng, siamtha/change duh chuan luh chilh a ngai.. pawn atangin siamthat a har a niang e. Chhungkua, khawtlang, Kohhran, Pawl zawng zawng pawh a ni e.
95
Zephenath Says:
December 7th, 2010 at 2:01 am
100 chhunzawmna: 101
96
funny Says:
December 7th, 2010 at 2:05 am
Zephenath: mi rethei thawh tlem aiin mi hausa, an hausak ang aia thawh tlem ho hi mi rethei ten an judge let zawk thin mawle
materialism hian min chiah hneh ve deuh tawha, inneih nikhua pawhin mi rethei pawhin an neih tawk aia tlema ropui ve deuha lawm an duha, middle class lah in high class ang maia lawm ropui an tum thul…

Thawhlawm thawh te leh pawnlang lan mawina atanga kan in judge thin na hian materialism ah min hruai lut a, chu materialism vek chu Pathian lak atanga min kal hran tir tu ani lehsi tepawh a ang e…

Pathian hian kan thinlung hi a ngai pawimawh ber… Hmeithai thawhlawm thawh tlem tekha Isua in a appreciate na ber chu a thinlung pure-na kha ani, sawma pakhat a thawh leh thawh loh lam a calculate lo. Chutiang deuhin Mi hausa thawh ri ruih ruih pawh kha, a thawh tam leh tamloh lam te, sawma pakhat a thawh leh thawh loh lam pawh a calculate chuanglo, a thinlung pure lohna ha ani a appreciate loh nachhan zawk chu
97
ReMpY_ScisSoR Says:
December 7th, 2010 at 2:07 am
@zephe, i point a chiang telh2 a, a thra e :lol:
i sawihmang cuan, member rethei te tan tarlansak nuamlo mah se, member thawh tam te thil tih thrat appreciate nan a thra i tihna a nih hmel a. Thawhlawm thawh tam te chawimawi hi Kohhran mawhphurhna a ni ber lo, an lawmman chu van ah an hmu em em ang. An damlai ngei paw’n malsawmtu Pathian chuan mal a sawm em em ang. Tin, minute bu hian puangzar lo se, tunge vui ang le? Thawh tam thin ho? An vui ang em? An vui phot chuan an thawh tam chhan chu a chiang mai e- khawvel ropuina mai. Tikhan, kan thu a inhmu toh em ou..
98
nastycool Says:
December 7th, 2010 at 2:13 am
Funny chu dik leh ta.kei chu kohhran ah ka tel ve lo a,sawi tur ka nei lo e,mimal poisa thawhzat tarlan a tul lo tih mai loh chu. Mangtha u.
99
hlatekhua Says:
December 7th, 2010 at 2:23 am
He thil hi sawiho atana tha leh tul tak a ni. Kan kohhran lamah chuan minute bu ti lovin ‘Kohhran Chanchin’ an ti a, thawhlawm mai ni lovin kum khat chhunga kohhran rawngbawlna chanchin report a ni a, thil tangkai tak a ni.

Mimal thawhlawm thawh zat tarlan chungchangah hian kohhran zingah pawh ngaihdan inkalh tak a awm fo reng a ni. Mahni thawhlawm thawh zat hriat nan leh kohhran lamin tihsual an neih leh neih loh enfel nan a tha. Thawh tam vak lo tan erawh chuan nuam lo tih chu a awl viau ang.

Hei ai maha ka ngaihmawh thin chu kohhranin kum kal taa kohhran mi harsa te tanpuina an pek thu leh a dawngtute hming te, pianphung/rilrua rualban lo an tanpui leh Krismas present an pek te hming te an ziak lang kilh kelh thin hi a ni. Hetiang list-a tel ve hi tumahin nuam an ti lo ang. Kan chhungte hming hmuh ringawt pawh a hrehawm thei viau ang. Tanpuina dawn loh tawp pawh a thlanawm zawk thei hialin ka ring thin. Chubakah kohhranin a thil tha tih puanzarna mai a ni a, ‘an lawmman chu an hmu zo tawh’ tih zinga tel ve awm tak zawk niin ka hria.
100
Zephenath Says:
December 7th, 2010 at 2:31 am
@ReMpY_ScisSoR: Kohhran rilru-ah chuan a memberte thawh ang apiang kha a appreciate zawk.(Chu chu a tarlang mai a ni) I thlirna rilru mai mai a niang. A tlem leh tam kha chu…

Thil tha tih hi Kohhran hian a fakin, a chawimawi tur pawh a ni. Thil tha leh dik titur pawhin member te a fuih thin.

Kohhran zawng zawng tihdan pawh a ni chuang lo va, a thenin an tarlang a, a thenin an tarlang lo mai. Hei chu an Kohhran hruaitute rorelna ang ang a ni e. Tha zawka an la inhriat angin an ti a ni.

Kan rilru a inhmuhloh lai ka hre hlei nem…! rem-boih :lol:
101
ReMpY_ScisSoR Says:
December 7th, 2010 at 2:38 am
@zephenath, ka mut hun i chang a ni mo? Lolz.. Reply har thei e my..
Aaaa…ni e…i soi cu a dik e. Nia, kohhranin member tin te thawh ang zat zat a lo appreciate a, a tarchhuah chiah hian a ni, neih ang zat thawh ve a, lo tlem bik ta lutuk te an zah thrin. An thiamloh a ni ang e, thil zahthlak tak poh a ni si lova, thlarau rilru put chuan. :lol:
102
Zephenath Says:
December 7th, 2010 at 2:42 am
@ReMpY_ScisSoR: Chang lo ve… I sawi khi ka tawmpui vek che. Kan rilru put dan hmang tur leh Kohhran rilru puthmang kha ka rawn tarlang mai a ni. (Kohhran sawi apianga lo khei duh tawk leh Minute Bu vawi khat pawh la chhiarchhuaklo thukhawchang vel thiamlo chung chungin ka rawn sawi lang mai mai a ni e.)

Vote thlak chiah i la chuan i lamah ka tang alawm.. :lol:
103
hmingtea Says:
December 7th, 2010 at 2:45 am
Kohran second bu la siam ve tur anih hi minute ai a reilo deuh :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol: :lol:
104
mzvision Says:
December 7th, 2010 at 4:07 am
Hetia kan sawi laih laih hi a tha khawp mai – mahse sawrkar leh kohran te hi kan duhdan inpersan tak kan sawi ang zz hian a kal thei silo, kaldan mumal erawh neih a tul hle si. Chutianga insiam tha pah reng chuan a kal zel dawn.

Sap ram kohran chuan an thawhlawm tling khawm te hi Company rintlak deuh-ah an invest thin hi a lo nia. Tunhnaia Korean Steel giant Posco ah pawh tamtham tak an lo invest. Mahse tribal ram an chhuhsak dan kha fel tawk loa an ngaih avangin an share holding review te kha an kohran khan an khel anih kha.

Zorama kan kohran ho hi chuan sum chuangtlai kan la neih hlawm loh avang hian, kan hmanna pawh hi a la tha khawp mai.

Thawhlawm chauh hi minute bu ah hian ziak ani lo, kohran, bial Presbytery leh Synod minute bu hi kawng hrang hrang rawngbawlna kohran member ten an hriatturte tarlanna ani ber zawk. Kohram mal bakah lo hi chuan mimal thawhlawm zat hi a lang em ni. Statistics angah ngai mai ila a hahdam thlak awme.

Kohran rorel ang ang lo pawm mai mi hi mi tam ber an ni awme, lo ngiau ngera lo phun lo phun hi chu Upa tamtak hi chuan an eilo viau maithei ani. Mahse hetia kan han phun nak nak hi Upa fel deuh chuan inenlet nan an hmang ngei beisei ila.

Kohran record re re hi chu digitise vek mai se ka ti khoops kei misual hian
105
ZerO Says:
December 7th, 2010 at 5:08 am
Minute bu-a ziaka record chu a that lohna ka hre ve lo tlat. Mahse Kohhran member zawng zawng hriat tura Bial-in kan Pathiamram pek zat te a bu-a siam a, an thehdarh vak hi zawng…tul ka tih lohna a rei ve tawh khawp mai
106
Vitamin_C Says:
December 7th, 2010 at 6:40 am
Engkim hi a tawk hriat a ngai
107
ChhawnBura Says:
December 7th, 2010 at 7:35 am
Pathianni/Chawlhni Zana Biakina puan hi a tawk viuin ka hria :rolleyes:
108
MamiPa Says:
December 7th, 2010 at 8:45 am
minute ah an tar emaw tar lo emaw pawh nise kei chu Pathian malsawm na ka dawn na hnar ani a sawm a pakhat hi chu ka thawhchhuah hisap in ka pe hrim hrim dawn,Pathian malsawm na tel lo chuan ka nung thei lo.
109
chhawkhlei Says:
December 7th, 2010 at 2:44 pm
minute bu siamhi keichu tha kati,a chhan chu,keini miin luahve mai mai tena kan theihtawpa thahnemngai em em a kan lo thawhve te kumtawpa enmai theiha intin mai a,an han sem a han en hian,malsawmna kan va lo dawng nasa em tih ka hriatphah a,nuam ka ti thin. (A tlem emaw a tam emaw)Chubakah mi thawh atanga lo zahve ngawttur a ni lo,tehna dik lote,bukna dik lote hman fo hi,ringtu tiha tan a mawi lo ngai e.mahni thawh tawkte teah tumah i zak lo ang u. A tam leh tlemah Pathian lungawina a ni lo. A thawhtu rilru,nangna rilru kha a pawimawh e.
110
Alejendro Says:
December 7th, 2010 at 2:50 pm
He thil hi chu tul ka va han ti hleilo tak em. Mi thawh ang zat thawh ve theilo tan ava hrehawm duhawm ve. Mihausa te in chawimawna mai a nilo maw? Hetiang a an kal chhung hi chuan ka va han chhunglut ve awm hleilo. Ka thawh zat kha midangin an lo hriat ve kher hi a tullo. Kei leh Pathian inkar a ni. duhleh Kohhran chuan an mahni tan record tha mai se a tawk viau a ni. A tawp ber a tan chuan A TULLO
111
MamiPa Says:
December 7th, 2010 at 5:46 pm
a tul ka tih ka tih chu in hria em
112
apatea Says:
December 8th, 2010 at 1:21 pm
Alejendro te khar hnuah, pawn lam atang talin sawi ve reng reng teh ang.

Kan tualchhung Kohhran bik hi chuan minute bu nilovin Year Book kan nei a. Kohhran hmalakna hrang2 te, thalai, nuho, naupang te rawngbawlna te tarlan a ni a. Thawhlawm hi chu a lang tel ve mai chauh ah ka ngai.

Mimal thawhlawm thawhzat tarlan hian ka rilru zawng a kap deuh thin a. Mahse, heti zawng hian i thlir teh ang. Kohhran tam zawk ah chuan sum leh pai harsa lo tak takin rawng an bawl a ni maithei. Mahse sum leh pai indaihlohna nasa tak tak a awm ve thin a, chung ah chuan tan a na duh dawn viau a ni. Kohhran member thawh tha deuhte hi encouragement leh appreciation pek ve ngei an ngai a (phut lo mahse), mirhing nih phung ve renga a ni ah ka ngai deuh. Tin, mi lian leh hausa pui pui mahni level pui te thawh ang zat pawh thawh lo te hi an awm ve thin a. Hengte nawrna atan pawh hian a tha ang. Engpawhnise, in nawrna pawh hi Kohhran na zawngah chuan a fuh chuangin ka ring lo a, a tulna bik hmun leh hun hi a awm deuh thin a ni ang e
113
Alejendro Says:
December 8th, 2010 at 1:30 pm
apatea, i thil rawn sawi dan mai mai chu ka va helh deuh ve. Thawhtha te appreciation pek tih lai tak mai khi. Mihring in chawimawina hi chu Pathian leh a kaihnawihah chuan tello hram se ka va ti em.

A thawhtam duhin an thawh tam a nga, a tlem duhin an thawh tlem a nga. An mahni remchan dan leh tha an tih ang, an phal tawk a nih chuan a tawk viau a ni. Khawnge i rinna a awm? Thahnemngaih te i rawn sawi. Kan Pathian hian i thahnem ngaihpui vak kha a mamawhlo. Kutdawh Pathianah min chhuahsak mai dawn a lawm le.

I sum leh pai pawh kha a mamawhlo. Chutiang a thahnem ngaih viauna rilru chu Pathian tan lam niloin Kohhran tan thahnem ngaihna a ni tlangpui. Kohhran din chhan enge? I Pathian aiin thahnem ilo ngaizawk elo?