Kan khua/venga Mitthi an awm in chhungkaw aiawhin mitthi chhungte kan ral thin. Chhungkaw thenkhat chuan kan veng/khua a thi an awmin kan hmel hriat emaw hriat loh emaw pawh nise hmaih lovin kan ral kim vek a, chutih laiin mi ral ngai reng reng lo chhungkua pawh an lo awm ve mek bawk.
Chhungkaw aiawh a nu emaw pa emaw in kan ral tawh hnuah pawl hmingin kan in ral leh thin. Veng thenkhatah chuan Kohhranin an member thite an ral ziah a, YMA, MHIP leh MUP ten an member te an ral leh a, Sunday school a Department hrang hrang ten an thawhpui emaw an thawhpui chhungte emaw an nih chuan an ral leh a, sorkar hnathawk thi an nih chuan a thawhpuiten an ral leh bawk, pawl dang neuh neuh a la tam bawk.
Han khap ngawt chi chu a ni hauh lo anga, hetiang em em lo deuh a tih hi a hun tawh em aw? Kan pawl member ngei te an thih chauh hian pawl ang chuan ral ila, an chhungte thi thleng thleng hi chuan pawl ang chuan ral tawh lovin, kan ngaimawh a ral kan duh chuan chhungkua anga inral mai thin nise tih rawt ta ila rawtna atthlak a ni angem le?
Chhungkaw aiawh a ral tawh hnuah chu chhungkua atang tho chuan pawl hmingin kan han ral leh a, pawl hrang hranga inhmang chhungkuate tan phei chuan kan ral nawn awn awn a ni ber mai.
Pawl thenkhat inralna program phei hi chu a holam angreng hle a, tuarpui tak tak kan nih lohzia te hi kan va ti lang mai mai te pawh hi a ang thin. Fiamthu te hi kan va thawh a, kan va nui ver vur mai thin te phei hi chu a zia lo hle.
Similar Posts:
- Kristian chhungkua leh kan tehdan diktawk lo te
- Synod-in Press Conference Ko
- Thihna – kan in tawrhpui dan hi
- MHIP thuchhuah
- Hei hi a ni ka ngaihtuah chu
November 26th, 2011 at 11:41 am
Chhiar ang u lem.
tren tren.
Report this comment
November 26th, 2011 at 12:04 pm
Nia chhiar ang
Report this comment
November 26th, 2011 at 12:14 pm
Pathian khawngaihna zarah chhiat kan la tawk miah lo. A tawk tawh te experience atanga thlir chi anih dawn hi.
Report this comment
November 26th, 2011 at 12:15 pm
Ni e
Report this comment
November 26th, 2011 at 1:44 pm
Kan society tun anga kan la inpawh chhung hi chuan inralnawn awn awn te hi chu a reh ka ring lo ve mai mai
Report this comment
November 26th, 2011 at 2:36 pm
Tha phian mai awm e..
Report this comment
November 26th, 2011 at 2:48 pm
kan ngaihpoimoh tak te an nh chuan i in ral zel ila…
Report this comment
November 26th, 2011 at 2:49 pm
Nya i sawi dik khawp mai mase ka han tih teh ang. Kan thawhpui emaw a chhungte emaw an thi a kan inral hian kan tuarpui zia leh kan ui zia kan lantir ve theihna awmchhun a ni a,keini mizote phei kan pi leh pute an lo ti thin dan a ni miau si a,heng kan inralna hian kan inpumkhat zia kan lantir a ni ti hi ilo hre tel bawk dawn nya.
Report this comment
November 26th, 2011 at 3:11 pm
I inral zel ang u. A pawi reng reng lo. A nei lo erawh chuan kan tlin phak baka ral tum lo ila. Inral hi kan ui zia leh kan theihnghilh loh zia, kan ngaih pawimawh zia lantirna a ni a, a mawi a ni. Kan society-a a duhawm pawl niin ka hria.
Inralna programme hman avanga urhsun lutuk taka an chhungte lunglen leh khawhar kaitho thei tura hun hman hi a tha ber em aw…ka ti. Hun hlimawm leh zangkhai taka hman kha a tha zawk mahin ka hria a, kan ral a ni tih chu ralna thilpeka a lan kha a tawk ka ti viau.
Report this comment
November 26th, 2011 at 3:34 pm
like
Report this comment
November 26th, 2011 at 7:34 pm
chhungkhat leh thiantha in ral ila tawk ka ti viau
Report this comment
November 26th, 2011 at 7:56 pm
I la inral zel mai ang u.
Report this comment
November 26th, 2011 at 8:19 pm
Kan tihdan mek hi chu tihdanglam thut chu a har khawp ang. Post tupa sawi ang khian ral nawn tum a thleng fo mai. I la inral zel phawt mai ang u,
Mahse, kan inral rau rau anih chuan pangpar leh puan tih vel aiin pawisa faia inral hi a hlu zawk ka ti. Pangpar – a tam viau phei chuan a hnawk, puan – sin sen pawh anilo, sem ral leh tho. Kan ral te chhungkaw tan a hlu lo.
Report this comment
November 26th, 2011 at 9:16 pm
Inralna ani nangin OT zuai teh ang. Tunalaia Mitthi chhungte Pangpar kan pe thin hi kan uar ta lutuk in ka hria. A dawngtute pawn dah ngaihna an hrelo mai ang tih a hlauhawm. Hnawk a chang thei. Heng ai hi chuan a tangka faiin pe ta zawk ila, Mithi chhungte tan pawh a tangkai phian zawkin ka ring.
Report this comment
November 26th, 2011 at 10:08 pm
A raltu a tan hi a ral-a te nih ai chuan a thlanawm zawk daih mai tih chu inhrilh ngai kher hlawmlo mah ila a mitthi chhungte lam tan chuan hlu tak vek a ni.
Kawng hrang hranga kan inral liam liam thin hian Mizo nih a tinuam ka lo ti mai asin!
Tin, Mitthi ral tur hian tlai lua a awmlo, ‘a thihna a rei tawh sia’ tih ngawt ai chuan inral leh hnuhnawh te a mitthi chhungte tan a hlu deuh a ni.
Report this comment