Ni 8.Dec.’10. zan dar 11:30 vel khan Tuipui,Champhai ah in pakhat a kang ral vek a, a chhunga cheng hmeithai Pi Lalzidingi kum 25 mi leh a fanute pahnih,kum 5 leh kum 3 te an kang hlum bawk. An chhungkaw pa ber hi kum hnih kalta khan an sun a.. An ruang hi hmuh tlak a awm mang lova, tapchhakah an lo inkuah rial tih a hmuna buaipuituten an sawi. Current an pawt lova, an bati chhit atang a kangmei hi chhuakah an ngai..
An va lainatawm tak em, keini thlamuang a kan mut der der a,current mai chu sawiloh internet,mobile,t.v.adt. hmang a nuam ti tak a kan lo awmlai khan current takngial pawh nei zo ve lo harsa tak tak kan Mizo pui hi kan ramah engzat tak awm ang i maw..Dec. ni 6 a Thingtlangpa post “Kha Naupang Kha..” tih kha min hriatchhuahtir rum rum mai.
“Kan Zotlang Ram Nuam Hi Chhawrpial Run I Iang E..” tih hi retheih lutuk avang ringawt pawhin mi tam tak tan hian rilru tak tak a sak a har duh ngawt thin ang tihte ka ngaihtuah a..He kan ram neihchhunah te hian mi rethei tam zawkte an rethei tawlh tawlh a, chutih laiin diklo tak a sum lakluh tum an kiam chuang si lo. Politik hmangin dawt mak pui pui a tak chang thei ve awm tak tak hmangin mipui kan in bum kual a, politik buaipuitute zingah a te ber atanga lian ber thlengin a tam zawk chuan Mizoram pum hlawkna aiin “Ka chhungkua,mimal,party hi engtinnge ka hlawk ang a, engtin nge sum tam thei ang ber ka ei ve ang.” tih ngaituah ran chungin ram hmangaihtu der lem kan chang a.
Kan sawrkarte lah hian thingtlang kuthnathawktute ti phurin rim takin hna a thawhtir sauh sauh a, hah tak a an hnathawh rahte chu engahmah chan lovin tamtak an dah tawih leh mai mai thung a. Chu chuan mi beidawng tamtak a hring a, retheite tan inhnangfakna tur chu khawilam.!! Tin kan ram zimteah hian ramngaw tamtak a chereu phah bawk (Zooming Cultivation vang a chereu chu sawiloh.!) ,hei hian a nghawng zawng zawng chu sawi ngai lovin kan tuar zel chu a nih hi. Hetiangte hi kan sawrkar hian rilru tak tak seng se la aw… sawrkar hnathawk sum eiruk ching hote pawh hian an thil tih rapthlakzia leh pawizia hi hia se la mipui tan a hnathawk an nih hre rengin dik takin hnathawk se.
Agriculture,Engg. lam a kan mithiamte hian thingtlang miten eizawnna nghet tak an neih theihna turin an thiamna tak tak kha ram tan hmang tangkai se, entirnan mai mai, khawtinah hian hmun remchang laiah terrace siamdan hi ngaihtuahin hnathawk ta se la. Vawikhat a tih thut chu a har pawh a ni maithei, khaw pakhatah an ti chhin se la, tuikhuah liantha tak hnuaiah chuan terrace (entirnan chhungkaw sawm ta)a awm thla duah ang a. Kan ram hi tuihna kan nei tha em em, chung chu khawlin pump chho ta se, khawl pakhat man hi cheng nuaih khat man pawh a ni teuhlo. Hmanniah keini ang bawk a tlangram Nagaland kan zin naah hetiang hi ka hmu nual mai, a awhawm duh chiang kher a sin.
Kan ziah ve duah chu le, kan ramah hian engtin tak retheina la nasa lutuk hi umbo ang i maw..???
Similar Posts:
- Thlarau nun leh politik tui nu
- Zoram siamtha tur pawl thar i din ang u hmiang
- Mizoram Politik Lungphum
- Bike Khalh Training Pe Dawn!
- Sawrkar Hnathawk leh NGO/Associations
December 10th, 2010 at 10:01 am
Ziak tupa I rilru ang chiah kha hi ka lo ngaihtuah ve thin asin. Heng chhungkaw khawngaih thlak tak te chanchin hi ka hria a, ka han hriat chiang lehzual hnu phei chuan ka rilru ah “hemite chhungkua lek electric bill free hi P&E Dept. hian harsa an lo ti em em a ni mo?……..” tih hi ka rilru ah a lo lang a. Mahse hetichung hian KRISTIAN 100/100 chu kan la inti ve si anih hi. Eng KRISTIAN nge maw kan nih fakau le????
Report this comment
December 10th, 2010 at 10:18 am
anva lainat awm ve aw…an thlarau lalpan awmpui rawh se…
Report this comment
December 10th, 2010 at 10:36 am
#33Asteric..Nia ti raw ka lo ti ve deuh a.
. mahse anni chu annih tur anni zo tawh a he vanduaina rapthlak tak rilru khawih em em hian anni ang bawk a rethei kan unau diktak kan hnampui ngei, vaibuh kan rinpui, sawrkarna pakhat hnuai a kan chenpuite han hrehawm dan turzia ka ngaihtuah hian a na ka ti ngawih ngawih…Kan thentakte hi Tuipui,Aizawl road a cheng anni a, thingtlang pilril deuh deuhah hian engtintak miretheite hian nun chhiar ang maw…
He thihna rapthlak tak hi a chhan chhuichhuah ngei ngei rawh se..Chu chu ka duhthusam a ni..
Report this comment
December 10th, 2010 at 10:49 am
@William Ralte..Free chu sawiloh an khua, an chhungkaw development a tan a sum la kal kha an la eiru trun trun zui thin maw le…salaaa
Report this comment
December 10th, 2010 at 11:27 am
He thil ah hi chuan lung awi chu har ve khawp mai, an ruang chung pawh zah zo lova an han diriam chu le………..
Report this comment
December 10th, 2010 at 11:52 am
An ruang chunga thusawitu hi an chhungkhat laina hnai a ni mai thei e. Mi hmai eng zahin ama chhungte an nihna laiah an sualzia pha lovin a sawi lang mai pawh a ni thei. Mizo ze pangngaiah midangte ruang chungah an sualzia kan sawi ngai lo. An thatna lai tlem hle mah se chu lam chu sawi chhuah hram hram thin a ni tlangpui.
Engpawhnise, He mite nufa za chuan thinlung a nghawr nghing takzet e. A nu ber dinhmun tur han ngaihtuah puiin a retheihna atanga dawm kan aiin khawtlang tana hnawksakah an puh em ni? Ka va lainat chhungkua tak em! Fel taka rorel thin Pathin kutah thlamuang takin chawl rawh se!
Report this comment
December 10th, 2010 at 12:30 pm
ka rilru an ti na takzet mai…an dinhmun tura han indah chhin hian…, NU ber rilru mangan tur zia hi ka ngaihtuah thui ngam lo ve…Pathian angchhungah an chawl ngei ang tih ka ring tlat
Report this comment
December 10th, 2010 at 12:31 pm
Ka va’n lainat tak che’u em! Hlim leh thlamuang takin, sum leh pai, ei/bar harsatna reng2 awm tawh lohna pialralah in nufa zain chawl ang che u. He lei hi zawng tahna, manganna leh lungngaih mai a ni si.
Report this comment
December 10th, 2010 at 2:09 pm
An khawngaihthlak ngawt mai…Thlamuantu Pathianin a lo kuangkuah tawh ngei anga..an nihlawh bik ma nge…
Thil pakhat…curent an pawt loa,bati chhit atanga kang ni se..an ruang tapchhakah hmuh a ni bawk si a…awm a awm a nilo maw aw…ka ti deuh..
Report this comment
December 10th, 2010 at 3:31 pm
@keimah: Mizo Ze pangngai chu a pel a ni lo maw? an ruang chungah pawh an diriam duh a nih chuan an damlai phei chuan eng ang takin diriam ang maw tih ka ngaihtuah. An boral ta chu an tan a thlamuan thlak te a ni zawk mahna le.
.
Report this comment
December 10th, 2010 at 3:41 pm
#59_____ I zawhna chiah khi ka ngaihtuahna ani..in kang hi ka thelh ve zeuh2 tawh a, khi ti takmaia thelh theih loh tura a kang khi a mak ka ti….petrol stock te annei anih ngot si loh chuan…naupang ho te ri te khi a ring don a..an nu chu lo chatthla pawh nise…dar sawm pakhat leh a chanve ah chuan a tlangpui chu an mu rem tawh anga..mahse harh tawk chu an la awm ngei tho ang….mak tih deuh2 ka nei he thilah hian…
Report this comment
December 10th, 2010 at 4:01 pm
An lainatawm hle mai. Nu ber rilru tur leh a fate thlabar tur ka ngaihtuah a, min fan na ngaih ngaih khawp mai
Report this comment
December 10th, 2010 at 4:23 pm
An lainatawm takzet mai. Mei alh thawm leh an thlabar au thawm pawh hriat phakloh a hla leh fianrial-ah an awm tihna ani thei em aw.Mihring nunna chhan hman loh pawh nise kang ral vek tur chuan hun engemaw chen cha duh dawn si a, thenawm hnaivai tak ngial pawh an nei lo a va nih hmel ve.
Thlarau chawlhna ramah thlamuangin chawl rawh se.
Report this comment
December 10th, 2010 at 4:26 pm
Ka lainat hle mai. Khawtlangin an ensan deuh ang chi pawh lo ni ta reng sela, in kangral vek khawp khawp a chhan hman loh a an han awm mai chu, a va zia lo ve aw.
An khua a cheng leh anmahni hria kan ni lova sawitheih kan nei lo viau pawh lo ni teh reng sela, ka la khawngaih tho tho. Chutih a karah chuan theihtawp teh meuh chhuahin chhan pawh an lo tum reng tho maithei tho a ni. Ka hre lo le.
…khrum
Report this comment
December 10th, 2010 at 4:28 pm
Hetiang chhiatna hi mahni tawrh angah hian inchan ka chinga, a hreawm.
Report this comment