World Cup 1986 chu tum dang ang bawkin khelh ani a. Football ram ropui Brazil pawh champion ngei tumin an thiampuipa Zico ho in an rawn thawk chhuak leh ngei a. He tih lai hun hi chu Zico ropui vanglai ani bawk a, mitam zawkin champion turin Brazil an ring ngei ang le.A thiam pawh an thiam e, an hma a awm a piang an tudawl zawt zawt mai ani ber e. Tichuan quarter final ah France nen an in tum ta. An in hneh tawkin an in khel tawk ngei mai.
Chak tur zawk an awm dawn lo emaw tih hnuah hun tawp dawn minute nga a la awmin Brazil lamin penalty an hmu tlat mai le. An in khelh dan enin an pet goal chuan an chak sa tih chu a chiang ani deuh ber e. Tichuan Brazil thiampuipa leh an in nghahna Zico ngei mai a rawn ding chhuak a, lehlam tan chuan a huphurhawm ngei ang le.Hetih hunlai na na na hi chuan Brazil mipui te pawh au hluah hluah tumin an in puahchah ngei ang, a pet tu tur kha Zico a ni miau a. Tichuan Zico chuan penalty chu an pet a, France goal keeper chuan a lo dan sak ta tlat mai.
Penalty pet thelh zawng zawngah a pawi ber mai awm e. A tu lam mah mahin goal khung thei hek lo, a tawpah penalty pet bawkin chak zawk an zawng a, France lam an chak ta daih mai. Zico penalty pet thelh kha a pawi zo ta. World cup champion nomawi hawn tum Brazil pasalthate an hlawhchham ta.
Hetih hun laia Zico rilru hreawm dan tur hi tiin ka ngaihtuah thin. Tichuan Brazil pasaltha rammu hlawhchham te chu ngui nghiaiin an ram lam panin thlawhna in a phur ta vung vung mai. Zico rilru hreawm dan tur mawlh mai hi ani ngaihtuah tham chu. Brazil ramin football an hlut zia chu khawvel hriat ani a. Chutah an ram in nghahna anih ang ngeiin penalty pet turin a rawn ding chhuak a, khawvela footballer ropui ber a mi tamtakin an ngaih chuan a thelh ta tlat si.
An ram mipui te rilru na in engtin tak lo hmuak ang maw. Thlawhna chhungah chuan a tu pawh mai chu an ngui nghiai anga, a bik takin Zico chuan an ram mipuite thinrim hmel a hmachhawn hreh ngei ang le. Tichuan le Brazil khawpui ah an han tum ta a, Brazil pasalthate chu thlawhna a tang chuan hreh chung chungin an rawn chhuak a, an ram mipuiten chil an lo chhak khum ang tih hlauh chung chungin Zico pawh a rawn chhuak ve ta. Chuta le, Brazil mipui an pasaltha rammu te lo hmuak chuan an pasalthate, hlawhchham a vanga in thlahrung ngawih ngawihte, lawm a vanga mittui tla turin he thu mawi tak hi an lo tar chhuak ta ” Zico we don`t judge you by one penalty, You are still the best ” Brazil ram mipui te hian an va ti ropui em.
Zico i penalty vawikhat pet a vangin kan teh lo che a, khawvel ah hian i la tha ber tih an rawn tar chhuak hian Zico mai ani lo, a thiante ho mittui pawh a ko chhuak ngei ang chu. Hlawhchham laia an player te an support tlatna chuan rah tha a chhuah a, a hnu lawk kum 1994 leh 2002 World cup ah te Wolrd champion niin Brazil chu he khawvel ram tam tak zinga Wolrd cup vawi nga chawi thei awm chhun an ni ta. A lehlamah han thlir thung chuan Columbia kan hria, football thiam rama ngaih ve an ni. 1994 world cup ah an defender pakhatin an lamah goal a ti lut palh a, ngaihdamna nei hlek loin tuten emaw an kaphlum hmak mai. A result chu khami hnu world cup atang khan world cup khel leh tur pawn an la tling leh thei ta reng reng lo mai. An va in ang lo em.
Le, khawi nge a thupui ah in lut tak tak tawh ang aw. Kum 2010 chu kan lo hmang liam chu ani ta reng mai. He kum 2010 liam ta ah hian mitinin tum kan nei a, mahse kan tum erawh kan ti hlawhtling vek lo mai thei. An thil tum tih hlawhtlin loh avanga kan thalai beidawng mi tam tak kum 2010 chhunga inawkhlum ta te kha ka va ui em, kohkir leh theih rual lah an ni si lo. Tunah pawh hian kan thil tih tum hlawhtling zo lo avanga beidawng ,lungngaia thu tam tak kan awm ngei ang le.
Ni e, kum 2010 kum ralta ah hian kum tir atanga kan tum ti hlawhtling zo lo in tam tak chuan kan hring nun penalty pet kan thelh ve ngei ang le. I hring nun penalty kum 2010 a i thelh a vang khan lungngai leh rumin i awm a, i indawmkun tiro. Mi ten an hmuhsit che a, chil an chhak khum che i hlau tiro. Ngairawh Beidawng suh la zam mai suh. Kum 2010 a i hring nun penalty i pet thelh a vanga teh lo tu che leh, he kumthar 2011 lo awm turah hian a tha ber i la ni thei reng tih beisei a, ring tlat tu misual rual kan la awm e. Tho la ding ta che.
Zirlai kan ni emaw, kuthnathawk kan ni emaw, sumdawng, a eng line ah pawh, kum 2010 chhungin kan hlawhchham ani thei. Mahse Beidawng loin i ding chhuak leh ang aw. Kum 2010 chhunga i hring nun penalty pet thelh a vanga teh ve lo tu, khawvelah hian i tha ber ani tih pawm tlattu, ropui takin 2011 ah hian i rawn ding chhuak leh dawn tih pawm tlattu misual rual ten kan lo thlir che.
Khai le Zoram thalai rual te, kan hmazawn theuhah kum 2010 ah khan kan tumah lo hlawhchham mah ila, ropui zawkin kum 2011 ah hian i tho leh ila, kan ram leh hnam tan i ding chhuak leh ila, Zoramthar din turin hma i la ang aw. Kan hringnun penalty kum 2010 chhunga pet thelh tu zawng zawngte he kumthar ah hian ropui takin kan tho leh ang tih beisei tlat chungin kum thar chibai ka buk vek a che u, kei misual hian.
Similar Posts:
- World Cup – Vawiina inkhel turte
- MI(SUAL)@FIFA 2010 World Cup, S Africa
- World Cup Semifinal a intum turte
- World Cup QF July 3 : Arg vs Ger | Par vs Spa
- Hei le, mi(sual) Brazilian World Cup Squad chu…
hairehai
admin te hian enkawl hman deuh se...
December 31st, 2010 at 12:33 am
Hetiang lam hawi deuh hi “Point of View” KL Biakchungnunga ziah ka chhiar tawh!
[Report abuse]
December 31st, 2010 at 12:37 am
Sei tha … mahse atha tlats mai a.
[Report abuse]
December 31st, 2010 at 1:12 am
I penalty vawi khat thelhah kan teh lo che a sin nang pawh BAGGIO, BEKHAM, ROONEY !!!
[Report abuse]
December 31st, 2010 at 1:13 am
A ngaihnawm ka tih vang nge a tawi ka ti riau kei chu
[Report abuse]
December 31st, 2010 at 1:18 am
Ka penalty pet goal tak te kha min ti hre chhuak e a!lolz
[Report abuse]
December 31st, 2010 at 1:23 am
BoneyM singer boby Farel deid in Rusia.
[Report abuse]
December 31st, 2010 at 1:28 am
Zico khan penaty kha a pet thelh ani lova France keeper Joel bat khan a lo save zawk anih kha .TVah ka en chiang kha match .Match of the century an tih nghe nghe kha. :lol: :lol: :lol:
[Report abuse]
December 31st, 2010 at 1:39 am
#7. .pet thelh tih hian ball kha a pet fu love tih na lam ai chuan a pet goal love tih na a ni zawk law’ng maw?NOI
[Report abuse]
December 31st, 2010 at 2:31 am
sermon ropui tak a ni.
[Report abuse]
December 31st, 2010 at 4:15 am
Thuziak tha tak anih hi. A ngaihnaw kher mai. Hetiang ang fuihna tha lutuk dawna chhiar hi a nuam ka ti thin. Eng line pawh zaw ila, eng huangah pawh hian eizawng ila, beidawng lova rim taka kan thawh tauh tauh chuan hlawhtlinna a awm vek thin. Bei la, bei nawn rawh. Kan goal ah kan lut nghal lo thei, kan pet goal loh avanga beidawn nghal ngawt ai chuan tih goal tuma nasa lehzuala tn lakna hian hlawhtlinna min thlen zawk thin.
[Report abuse]
December 31st, 2010 at 4:34 am
Amen @ caribou
[Report abuse]
December 31st, 2010 at 4:50 am
Ni e, thalai, rilru pawh thalai! Huaisenna, dikna leh remhriatna hmang a ram kaihruai thei turte ram tan ke pen chhuah a hun e…a hun tak zet ani e..
[Report abuse]
December 31st, 2010 at 7:02 am
Party ruih chilh kan bansan a, chhung tin ten kan ram hmangaih avanga, kan party hamthratna chan ngam a, ram hmangaih sorkar, ram tana thawk kan vote ngam hunah kan ram chuan hma a la sawn ang
[Report abuse]
December 31st, 2010 at 7:17 am
anga chutih hunah chuan sorkar
han kal peng deub mahse he thu hi
kan la sawi ve thei ang
[Report abuse]
December 31st, 2010 at 7:22 am
penalty hi vawi khat ka save ve tawh zzzlolzz
[Report abuse]
December 31st, 2010 at 7:37 am
” you are still the best” a thu hi a mawi a ni.
[Report abuse]
December 31st, 2010 at 8:42 am
Fuihna thu tha tak a ni….kan fate, kan thalai te, kan zaithiam, lehkha thiam, inkhel thiam te etc. te hi encourage ching ila, mi chhuanawm tak an ni thei a, an mahni avangin hnam ropui tak kan ni ve thei.
Zico a pet goal loh tum khan ka en ve a…a hun lai kha chuan ka ngei ve khawp, kan in ‘bet’ a ka chawi phah leh nghal.
Brazilian zingah pawh mimal tak a ‘ngei’ an awm ve ka la ring tho nia….
[Report abuse]
December 31st, 2010 at 8:58 am
That khawp mai. Khawnge i in pet tak tak teh ang. :lol:
[Report abuse]
December 31st, 2010 at 9:41 am
Football hi ka tuina zawng tak mai a nia, ngaihnawm titakin midang comment pawh chhiar lem lovin ka chhiara, ka rinloh lam daihah min kuai luta chulah chu thra em em mai lehnghala… chona+phurna min siam saka…….ka lawm khawp mai. Naktuk kumthar Penalty pet goal ngei tawh turin aw niang
[Report abuse]
December 31st, 2010 at 10:51 am
Penalty hi chu i thelh lo ngam ang u! misual ho hian…
Keipawh he thu hi ka chhiar tawh, mahse a tha ka la ti reng e. Inspiring khawp mai.
[Report abuse]
December 31st, 2010 at 11:45 am
“A liam dawn ta, nunhlui leh kumhlui. I hmuak ang aw, kumthar leh hunthar. Nunthar leh beiseina thar nen”
[Report abuse]
December 31st, 2010 at 1:14 pm
He post chu(h), Va pet goal mawi ang reng ve le…Columbia ram hi ka lo ngaihtuah vak ngai lova, an defender Escobar(?) ni tain ka hria an kah hlum hnu khan FIFA world cup-ah vawi khat mah an rawn lang tawh miah lo tak mai!!
Mi pakhat tih sual hi ram leh hnam, khawvel hian a va tuar nasa thei tak em tih min hriatchian tir hle mai.
Kei pawh penalty vawi 2 ka hlah….khrum!!
[Report abuse]
December 31st, 2010 at 3:34 pm
A pawimawh ber chu a penalty pet thelh thawnthu ai mahin min zirtir a tuma khi a ni. A entirna erawh khi chu ka chhiar zeuh2 tawh a, tun thlengin ka rilru a la hneh reng.
Kum 2010 chu kan lo hmangral leh dawn ta reng mai. Ka inngaihtuah a, kumin chhunga ka thil tha tih aiin ka thil sual tih a tam zawkin ka hria a, kumtharah tha tharin, rilru thar nen nasa taka hmasawn ka tum a ni.
Penalty save hi a nuam duh khawp mai!
[Report abuse]
December 31st, 2010 at 3:50 pm
A simple nalh phian, hriatthiam a awl hetiang hi..
.
mahse, “A thupui ah i lut ang aw.. ” i ti a, a tawp leh turh lawi a, thuhmahruai i nei thui tha khawp mai
[Report abuse]
December 31st, 2010 at 5:43 pm
@1, ka hre tawh.,.inspiring tak chu ani e
[Report abuse]
January 5th, 2011 at 8:08 pm
pu doc_lib, 2010 a pet goal te hi rngtin nge kan awm ve dawnn!? min han ziah sak ve teh a….
[Report abuse]
August 13th, 2018 at 6:42 am
Chhiar leh e
hairehai
[Report abuse]