Kumin Krismas zet chu mi(sual) nih a nuam teh e! mi(sual).commers te buatsaih Christmas Charity a pawisa tlingkhawm atangin Aizawl, Lunglei leh Kolasib leh an chhehvel a mi harsa zawk te pawisa leh thildanga tanpui an ni hi a va ropui em! Mi tlawmngai tak leh inpezo tak tak te zara mi tam takin Krismas nuam taka an lo hmang ve thei hi lawmthu sawi tur tam tak a awm a, admin team lam atangin lawmthu sawi hi kan ba tlat a ni.
A hmasa berin, nungdama min siamtu Pathian chungah hian lawmthu awm rawh se. Hetiang thil ropui tak hi mihring tumna leh theihna a puitlin theih a ni lo a, Pathian kaihhruaina avang chauha puitlin thei kan ni.
Nikum lamah te pawh Charity hi siam a lo ni tawh a. Kumin ah pawh kan member zahawm tak tak ten tih leh duhna rilru an pu a, hma an la a, a tawp thlenga thahnemngai taka an inpe hi a lawmawm takzet. Mahni hun hlu tak sengin mi chanhai zawk te tan hah pawh sawi lo in bazar leh damdawiin leh hmun dang te an tlawh kual a, ti ve thei lo tam tak kan awm, an chungah kan lawm em em a ni. Kan member te tana chaw lo buatsaih saktu te, mahni motor thawhtu te, in chungah kan lawm em em e.
mi(sual).com member leh member ni lemlo Charity bawma pawisa thlaktu te, hmun dang ram dang atanga pawisa rawn thawntute, in pawisa thawh khan mi tam tak a ti hlim asin! Tlem lua a awm lo, i pawisa thawh khan mi tam tak biangah lawmna mittui a luantir asin. Thlalak te in en a report te kha in chhiar chuan in hmu in in hrethiam mai in ka ring, han sawi teh duah pawh a ngai in ka hre lo.
He Charity hi a hlawhtlin nan a in tawngtainaa min lo hrereng tu te, in chungah kan lawm em em a, in tawngtaina chu Pathianin a chhang ngei a ni.
He Charity ropui tak hi Pathianin malsawm zel sela, kum leh lamah te pawh tih zel a nih theih nan Pathianin min venghim zel rawh se.
Similar Posts:
- Tv. N. Ezekiela hmuhlehna chanchin chungchanga lawmthu sawina
- Hla Mawi
- Masi Hmang turin min rawn dawr r’u
- Kolasib Mi{sual} Charity Bawm hawn na
- A mal malin chhiar la
hairehai
December 27th, 2010 at 4:10 pm
a ropui thlawt e
[Report abuse]
December 27th, 2010 at 4:16 pm
Amen
[Report abuse]
December 27th, 2010 at 4:17 pm
ropui lutuk
[Report abuse]
December 27th, 2010 at 4:24 pm
nia…
[Report abuse]
December 27th, 2010 at 4:26 pm
AMEN
[Report abuse]
December 27th, 2010 at 4:28 pm
Amen, Lalpa ropui ber rawh se!
[Report abuse]
December 27th, 2010 at 4:31 pm
Ka theihnghilh tawh loh tur krismas min pe mi(sual) charity khan
[Report abuse]
December 27th, 2010 at 4:32 pm
tha tak ani
[Report abuse]
December 27th, 2010 at 4:36 pm
Lalpa ropui der rawh se.
Kumtawpah chuah ni lo, kumtir atang hian Target nei ta ila, mi harsa in sak sak emaw, khawi lai Home inchhe thawm sak emaw te hi ti thei phei ila…..
[Report abuse]
December 27th, 2010 at 4:39 pm
admin te phur puina vang a hlawhtling a nihna chen a awm. Thanks to admins.
in ruai theh chu in puar hlawm em?
[Report abuse]
December 27th, 2010 at 4:41 pm
Tha tak a ni, mahse kei pui roh hian thlak ka tum ve ran ran envelope a ka dah ka thlak ve hman ta lo erohin minti inthlahrung hle mai. Engpohnise, dah tha tang tang ila, nakum kan dam thleng te a nih chuan a vaiin ka thlak ve ngei tawh ang.
[Report abuse]
December 27th, 2010 at 4:47 pm
Tanpui ngai ni lo vin tanpuitu, dawngtu ni lo va petu-a kan awm theih hlauh hi kan that bik vang ni lo vin, Chunglam khawngaihna a thlawna kan dawn a ni…kan va vannei em!
Tun kumthar ah hian mite ngaihdam ngaia awm lo vin, midangte ngaidamtu nih pawh i tum theuh ang u.
Kum leh-ah chuan tun ai nasa zawk hian mi rethei leh tanpui ngaite tan kan thawk nawn leh ngei ang chu! :happy:
[Report abuse]
December 27th, 2010 at 4:53 pm
Zoram_Genesis(#12): Full support
[Report abuse]
December 27th, 2010 at 4:55 pm
ZG#12 a dik khawp mai.
Harhna dangdai mi chang vete hairehai
https://img291.imageshack.us/img291/377/16390347794222674867895.jpg
[Report abuse]
December 27th, 2010 at 5:02 pm
Admin te support leh thahnemngai te thawh rah liau liau ani e! A lawmawm thlawt ani! Lalpa ropui ber rawh se! #14 @ H.Vangchhia i fanu in i coat a ha a, harhna dangdai a chang ani maw? cute lutuk!
[Report abuse]
December 27th, 2010 at 5:10 pm
kumin krismas chu a urlawkna atana tul tak mai a khawsak ngai kha a lawmawm in a hlimawm. Mahse wonderboy a bibo kha chu a dek ‘fair’ lo…
[Report abuse]
December 27th, 2010 at 5:22 pm
a ropui e. Keini thingtlang lama awm te lah chuan thawhlawm kan rawn thawh ve thei si lova. Dama awm chuan kumthar lamah kan la ti ve thei em ang chu maw. Admin te an fakawm hle.
[Report abuse]
December 27th, 2010 at 5:25 pm
Tun thleng hian kan theihang tawka mi tana kan lo tih ve te kha a nawmzia ka hre chhuak tulh tulh mai,a in chhirawmloh hle mai.
[Report abuse]
December 27th, 2010 at 5:38 pm
Ka theih tawk a beitham hle na a, tun tum mi(sual).com christmas charity kha midang te tana ka vawikhat krismas hman ve na a nia. A nuam dangdai khawp mai.
Nikum khan a vawikhatna atan mi(sual).com christmas charity neih a ni a. Kumtina neih chhoh atan a that hmel bawk a, chhin chhiah tlak a ni. A rawt chhuaktu te thahnemngaihna kha a ropui ka ti a, khami tum atang chiah khan misual.com hian bung thar a kai niin ka hria. A rawt chhuaktu te kha tute nge maw ni reng reng le?
[Report abuse]
December 27th, 2010 at 5:55 pm
Caribou puar em? :lol:
[Report abuse]
December 27th, 2010 at 5:58 pm
caribou(#19): Hei hi lo chhiar phawt mai https://misual.life/2009/12/11/misualdotcomers-hmingin-thil-tha/
[Report abuse]
December 27th, 2010 at 7:54 pm
A lawm awm hle e,lawmthu hanin hrilh chuang tur pawh kan awm chuang lo ve…
[Report abuse]
December 27th, 2010 at 7:59 pm
He post hi full support ka pe e. #9 Ruatruatapa suggestion nen khian!!
[Report abuse]
December 27th, 2010 at 8:14 pm
Pathian avang chauh leh misual member duhawm tak takte inpekna te, Admins lam thahnemngaihnate, Mifel in hawngte avangin Charity hlawhtling tak kan nei thei kha a ropuiin a hlu em em ani. PATHIAN ROPUI ZEL RAWH Se.
ruaruatapa rawtna @9 bakah tlem lai khan ‘Dist tina charity buatsaih’ tih pawh kha a sawi tawhin ka hria, full support ka pe.
[Report abuse]
December 27th, 2010 at 8:32 pm
Theihtawk tlemte hi tam tak a lo ni. Lawmthu inhrilh chuang tur bik pawh kan awmin ka hrelo ka ti. A ropui a, a lawmawm a, chhunzawm zel tlak tak a ni tih bak chu.
[Report abuse]
December 27th, 2010 at 8:36 pm
Tun kum chu ka che chhuak lo tawp mai, mahse awm hmun ah misual nih nuam ka lo ti veng veng.
[Report abuse]
December 27th, 2010 at 10:35 pm
Misual ho hian kan tum tak tak chuan thil engemaw tak hi kan ti thei a lo ni tih ka hrechiang tawh. Mifing leh ngaituahna ril nei ho khan thil tha zawk leh midang tana kan tangkai leh zual theihna tur rawtna han nei thar zel teh u. Kumin chu a ropui takzet e…
Kan ram kan hnam siamtha a, kawng dika kan kal leh theih nana tangkai tham kan ni a. Lungrualna tlangah leng ho ila, ngaihtuahna hmunkhat puin thil tha tihna kawngah hma i sawn zel ang u. Bul kan tan dawn chauh a ni a, he site hian awmze nei takin kan ram siamthat nan ke a la pen zel ka ring tlat a ni.
[Report abuse]
December 27th, 2010 at 10:43 pm
@kawnga/dr feelgood, etc etc… 29th zanah mzvision khawhar lenpui pah in kan zai hup hup dawn. A hman hman lo tel rawh u. Chief Guest: sandman.
[Report abuse]
December 27th, 2010 at 10:48 pm
Nikum misual charity chungchang kha kawlhawka rawn rawt chhuah ni tlat a ka hriat chu, post a rawn siam ni ta in ka hria.
[Report abuse]
December 27th, 2010 at 10:50 pm
funny#29, kawlhawk rawt chhuah (post) ve ve ni tlatin keipawn kan hriat chu?!
Tunkum ka Krismas hman dan chu rilru lam pawh a Masi ruih mai, misual ho thiltihin min hneh viau niin ka hria.
[Report abuse]
December 27th, 2010 at 11:00 pm
Misual charity atan khan khawvel hmun hrang hrang engzat atangin nge thawhtu awm tih hriat ve mai mai a chakawm mang e.
[Report abuse]
December 27th, 2010 at 11:02 pm
zanin chu ka hlim hle mai, ka hun tawna nuam ka tih ber pawl a ni awm a sin le aw, . . a va hlimawm em.. . Khawlaite kan fang a va nuam em, . . .tu maipawh kan hlim ni berin ka hria,tanpuina kan pek tak te pawh lo hlim ve hram sela aw..! !.
[Report abuse]
December 27th, 2010 at 11:05 pm
tunkum misual.commers te thil tih hi misual bih thin te pawh hian an fak khawp mai, ….nihna engmah ka nei lo chung hian comments ngai lo ten private in min hrilh nual….lol…charity ah pawh engmah tih ka nei lo mahse misual vang in tawngkam tha ka dawng ve ngawt ani ber e zzzzzzlolzzzzzzz
[Report abuse]
December 27th, 2010 at 11:28 pm
@27 Kawnga :Rawtna han sawi takah chuan Nakum lamah chuan Charity bawm hun mai bakah Aizawl,Lunglei,Kolasib etc ah Charity pual Concert huai hawt dawn ta ila a harsa viau angem aw tih ka lo ngaihtuah ve ran ran a. Misual ho-ah hian zaithiam, musician pawh kan awm nual ka ring tlat. Anih loh pawn kan zaithiam te hi sawm ta ila an hrehloh zawng tak a ni mai lawng maw? Han sawi belh teh u.
[Report abuse]
December 28th, 2010 at 12:37 am
Tu rawtchhuah pawh ni rawh se,he thil hi chu a va fuh em aw. . Atmin te hialin lawmthu an han sawi chu, a va ro pui em. . .
[Report abuse]
December 28th, 2010 at 6:11 am
ThaiBoy nen kan inbia-a Project dang rawt tur a nei maithei ani Dec 29 zan pawh hian lo yel ngei a tum thu min hrilh.
Lawmthu misual charity a thawhtute leh mahni tul kalsana semtute leh mite tana luangliam theia min siamtu chung Pathian hnenah lawmthu ka sawi ve keuh e.
Admin te min phurpuina ah lawmthu ka sawi keuh bawk e.
[Report abuse]
December 28th, 2010 at 6:36 am
Misual.comers Charity lo in á¹anna (#21)
kawlhawk rawn rawt chhuah ngei a ni e. Dam reng rawh se!
[Report abuse]
December 28th, 2010 at 7:42 am
admin te lawmthu sawi chu a va lawmawm lehchhawng ve
[Report abuse]
December 28th, 2010 at 9:57 am
Kan lawm tlang a ni ber e. A bikin Admin-te min phur puina hi a lawmawm ka ti.
[Report abuse]
December 29th, 2010 at 5:56 pm
Nia, a ropui khups mai. Han ti zel teh u. In charity avangin kuminah pawh misual.com user kan pung turah ngai ang!
[Report abuse]