Source : Varparh, April 1957 issue.
Kum 1900 khan Thangtinzo-va Paite pathum thimal zuarin Chhim Lalbura khua Thingtlubuan an tlawh a. Thingtlubuan mitha leh lal upa Lamsuaka chuan Chala leh Thatkhama chu a beru a, “he Paite pathum sumdawng-ho hi daiah kalpui ila, that ila, an thi zawrh hi I laksak vek ang u,†tiin a sawm ta a. Chala te pahnih chuan Lamsuaka thu chu an thu chu an lo zawm a, Paite pathum chu daiah an hruai chhuak ta a ni.
An phiar lawk dan angin tum an lo insem lawk a; daipawnah chuan Lamsuaka chuan, “ti teh u, chem I inthleng the ang u,†a han ti a. Paite ho chuan an chem an pek veleh an tum lawk ang chuan Lamsuaka leh Thatkama chuan an tum an that ve ve a, Chala chuan a tum a chhuah ta a. Chala mi chhuah chu a tlan ta a, Aizawlah Sawrkar hnenah a va report ta a; dahrawk Pawihte Babu ‘Beguan Singh’ —a ho hovin Police chuan Thingtlubuan chu an va tlawh a.
An khaw pa-ho zawng zawng an kokhawm hnuah an Paite hruai chu a thiante thattu niawma a hriatte kawk tur chuan an hrilh a; Paite pa chuan Lamsuaka chu a kawk ta tlat mai a. Dahrawk Babu chuan, “Hei chu a ni lo vang. Dawt I sawi a ni ang. Hei hi chu an lal upa asin,†a ti a.C.I pakhat Liannawma a telva a; chu chuan a laichin pa Thatkhama hnenah chuan, “Hei, in inzep thei dawn lo ve. Inpuang ula, ‘Kei chuan ka that ve lo va, Lamsuaka leh Chala erawh chuan an tum an that a ni e,’ tiin inpuang mai la, nang chu I him ang,†tiin a lo sawi ru a.
Liannawma zilhna chu Thatkhama chuan a pawm ta a; Thatkhama a inpuang tih an hriat ve leh Lamsuaka leh Chala chu an chhungte nen an tlan bo ta a. Tuikuk-ho kuaah an zuk tlan lut a, an zingah an an zuk cheng ve ta a. Lamsuaka erawh chuan a khawlai lenna-ah leh a zu chhimna-ahte chuan englai pawhin inven nan chemte hi a pai ru reng thin a ni.
Favang a lo thleng a, Lamsuakate awmna chu sorkarin a hre chhuak leh ta a. Man tumin Pawite Babu leh Police-ho chu an thawk chhuak leh ta a. Pawite Babu chu Mizo cheiin a inchei a, a hrum (Sam zial) chu Mizo tihdan angin a tukkhum lamah a zial sawn a. An awmna khua a mi te chu a ko fal a, an hnenah, “Lamsuaka hi zu inpui-ah sawm ula; a chemte laksak ula, mi pathum velin bawhthlu bawk ula, chu ve leh min rawn au ang che u,†tiin a sawi a. Dahrawk Babu ti ang chuan zu chu an inpui ta ngei a, an zinga pakhat chuan Lamsuaka hnenah chuan, “Khawnge I chemte chu, kuhva phel nan ka’n hmang the ang,†a ti a, chemte an inpek fel ve leh chuan Lamsuaka chu an vai chuan an bawh rawn ta a, Police chu an au chul bawk a. Police ho chu an va kal a, an va man ta a ni.
An chungchang thu chu Bawrhsap-in a rel ta a. Thatkhama chu damchhung lungin tang turin a ti a; Lamsuaka leh Chala chu khaihlum turin a ti ta a ni. A rorelna thu pawhchahna chu, “He mite hitualthat tak meuh an ni a. Hetiang hi he ramah hian a la awm ngai lo va. Hei hi a hmasa ber a ni a. Tun hnua mite’n an rawn chin zui ngam loh nan, danin a na thei ang berin an chungthu a rel ang a, an awkhlum tur a ni,†tiin Bawrhsap chuan a tlip a ni.  Bawrhsap thu chu nemnghet turin Assam Chief Commissioner hnenah an thawn a.
Chief Commissioner thu a lo thlen hmaa an lo nghah chhung chuan Zosapthara’n Pathian thu an hnenah hrilh a dil a, an phal sak a. Hapta khat lai chu Pu Zosapthara nen chuan an hnena Pathian thu hril turin tlai tin kan leng dun thin a ni. Tlai khat chu Dahrawk Babu kan tawk a, “Naktukah khaihlum an ni dawn,†tiin thu min hrilh ta a. Tan-in kan va thleng chu, Lamsuakate rip-ah chuan chhangte, vawksate, artuite, eitur tuihnai tam tak an lo dah khat dul mai a. Lamsuaka chuan, “Nauva, i duh duh kha ei rawh†min lo ti a. Mahse, kei chuan engmah chu ka ei duh lo va.
An awmna pindana kan thutna atang chuan tukverh awngah hian an khaihlumna tur an siam vel chu ka hmu thei a. Lamsuaka awmna a kan awm lai chuan Bawrhsap leh Sap Sanga chu an lo kal a; thirtlawn kawngkhar awngah chuan an rawn bih a. Lamsuaka chu Pathian thu kan hrilh a, Isua an khenbeh lai a, a dinglama misual pakhat an khenbeh-ina, “Isu, I ram I thlen hunah kei mi hrereng ang che,†a tih a, Isuan, “Tih tak meuhvin ka hrilh a che; vawiin ni ngeiah ka hnenah Paradis-ah I awm ve ang,†a tih thu kha ka hrilh a. Kan nunna a la tawp hma chuan thih dawn tep pawhin kan sim hman phawt chuan Pathianin min la ngaidam thei zel a ni, tiin thu ka sawi a.
Lamsuaka chuan, “A ni e, kan at vangin thil kan lo ti sual ta a, Pathian leh Sawrkarin min ngaidam ang chu,†a ti a. Kei chuan, “Sawrkar ngaihdamna tur chuan a tlai lu tawh pawh a ni thei a; Pathian ngaihdamna tur erawh chuan a la tlai lo ve,†ka ti a. Pu Sapthara chuan, “ I tawngtai ang u†a ti a; Lamsuaka chuaa, “Tawngtai rawh u, kei pawh ka tawngtai ve ange a,†a ti a. Pu Sapthara tawngtai zawh chuan a tawngtai ve ta a. Heng Lamsuaka hun hnuhnung ber ka hmuh atang hian ka han dawn kir lehin, tun thleng hian Lamsuaka hi chhandam a nih ka la ring reng a ni. A chhungte dam an la awm chuan ka ngaihdan hi min tawmpui se, ngaihtha takin lo awm se, ka duh a ni.
Lamsuaka hi an khaw Pasaltha a ni reng a, a pasaltha tak tak niin ka hria. Chuvangin thi tura an tih hnu pawh chuan zam hmel leh hlau hmel a put lai reng reng hi ka hmu lo va, hamhaih hlek lovin a awm ngaiin a awm a, aw fel tluang tha tak hian a tawng reng bawk a. Huaisen leh dawihzep kar chu a lo hla hle mai. An khaihlum lai rawn en turin Paruana khawtin khaw tinah an theh darh chiam a. An khaihlum lai entu mipui tling khawm chuan Police Thana leh PWD Godown tlang pang saw an khah vek a ni.
A hun a lo thleng ta, Lamsuaka te chu mit tuam leh hnungkhirhin an rawn kai chhuak a. Hrui valh an han awrhtir lai chuan Lamsuaka chuan, “Hei kan at vangin thihna khawp thil kan lo tisual ta a; tun hnu-ah chuan tumahin rawn ching ve hlek suh ang che u,†tiin entu mipuite chu a zilh a; Lazar ban anga thing khampheiah hian awhhlumna tur chu an suih a. Bankak inkarah chuan lei an lai khuar a, a khuar zawnah chuan thuthleng sei ang hi thingphek an dawh a, dawhkanah chuan Lamsuakate pahnih chu an dintir a.
A darkar rik ve leh an dinna thingphek chu an pheh sak a, khuar khuruma tla thla tur chu, Lamsuaka chu a tlak sual a, khur kovah chuan awk mar lo chuan a ding ta chat mai a. Khur kova a ding lai chu Sapsanga chuan tiangin a han hawlh thla leh a, khur chhungah an thi tur chalchang hmel hmuh phak lovah chuan an thi ta a ni.
[P.S : He article hi a dik ber ka tih vanga rawn post ka ni lo va, hriat dan hrang hrang a awm teuhin ka ring! I thawh khawm teh ang u]
Similar Posts:
- I thinlung hawng la
- A sawm che!
- Tunlai ka mutmawh hnarmawh.
- Damna Famkim (Sunday Pual)
- Enge In Ngaih Ve Dan…?
Plan lawk a tulahthah chu khaihlum hmaks mai tur.
..va pa tiap tiap tak ve..hahaha Nula hauh chu tina awm ve hle mai a..
in va lut...
January 16th, 2011 at 7:31 pm
A pawimawh hmasa ber chu, ‘a bengvarthlak hle ma1‘ tih hi a ni.
[Report abuse]
January 16th, 2011 at 7:51 pm
He tiang thil hi Mizoram ah alo thleng ve toh a ni maw. Ka vawikhat hriatna a ni.
Thatkhama khi puitu a neih a vang in a dam bik a ni maw?
[Report abuse]
January 16th, 2011 at 7:58 pm
Dan ang tak chuan Sapsanga khian khitiang khian alo hawlh ngawt thiang lo…. Ukil tha tak chu nei sela, Sapsanga khi tualthat thubuai siamsak theih ani….engemaw avanga execution/hanging kha a kholoh chuan a thihni leh darkar kha court bawkin an ruat tha leh tur ani….mai mai…sap ho lallai kha ania….an timai2 a….
[Report abuse]
January 16th, 2011 at 8:00 pm
Lamsuaka te khaihlum thu ziak mumal tak ka chhiar hmasak ber a ni, a ngaihnawm phian mai, mi thihna thu mah nise.
[Report abuse]
January 16th, 2011 at 8:09 pm
Ngaihnawm khawp mai, tunhma deuh khan an sawi chu ka hre thuak tawh a, mahse hetiang tak a chhiar tur hi ka la hmu miah lo.
[Report abuse]
January 16th, 2011 at 8:12 pm
Ngaihnawm in a runthlak e. Capital Punishment chung chang article ka buatsaih lai khan fam kim vak lo in hemi chan chin hi chu ka chhiar tawh. Tha hle mai post pawimawh tak a ni. Ka lo la save ang.
Chhan hrang hrang a vang in (inngaih ah chuan mawl mang tak pawh a ni mai thei e)Capital Punishment hi tha ka ti lo ka duh lo a ni.
[Report abuse]
January 16th, 2011 at 8:17 pm
A bengvarthlak hle mai.He post ka chhiar lai hian kan vengah chuan thli a thaw vuk vuk a, a vawt vin tuk bawk. A inhmehlutuk hi a nuam lo….
[Report abuse]
January 16th, 2011 at 8:38 pm
Touching reuh hle mai, ngaihnawm,
khamawm loh
post tupa fal tlak i ni, i type sei em mai
[Report abuse]
January 16th, 2011 at 9:00 pm
Ka naupan laiin ka pi khan min hrilh thin. Khimi hnu khian kum 4o vel chu tualthahna Mizoramah a awmlo niin a hriat thu a sawi thin bawk.
Ka piin a sawi zel danah chuan,” vawi hnih an khai thelh a, a vawi 3 naah an khai fuh ta a ni,”. Vawi 3 a khai thelh kha chuan chhuah zalen tur an ni nghe nghe awm asin!
Mizoramah hian tualthattu 1st degree ang hi chu tih h;lum ve zeuh2 an ngaiin a tha ka ti. Misual dangin an inzir nan pawh.
[Report abuse]
January 16th, 2011 at 9:01 pm
A lo ni maw?
[Report abuse]
January 16th, 2011 at 9:05 pm
He mite pahnih khaihlum chanchin hi chu tun hmain ka lo hre tawh a, mahse tun tum hi ziaka ka chhiar hmasak ber tum a ni. Thil pawimawh tak pakhat chu; hetianga tualthat te khaihlum hiala an hrem avang hian kum tam tak chhung chu tual that hi an awm leh ngai ta lo an ti.
Tun laia kan inhremna nep ta lutuk, tual that leh pawngsual te pawh rei lo te te an tanga an chhuah leh zel hnu hi chuan sualna a punlun a, tumahin jail tan hi an hlau ta vak lo niin a lang (thenkhat phei chuan an aiawhin mi an tantir thin niin an sawi) Hremna hi na se, sual simte hi an awm phah mial lawnh maw ka ti deuh.
[Report abuse]
January 16th, 2011 at 9:05 pm
[Report abuse]
January 16th, 2011 at 9:14 pm
Lamsuaka pasaltha dik takin Thangtinzo sumdawng suam turin midang a sawm hi ka ring lo khawp mai. Hmanlai pasalthate hi an mize bil chu dang vek mahse khawtlang pawhin a pawm loh zawnga khawsa chi an nih ka ring lova, pasaltha zingah hetiang an awm ka hre ngai bawk hek lo. Pasaltha an nih avangin mipui nunau tan thlamuanpuiawm, rinawm leh tlawmngai an nih avangin Khuangchera meuh pawh man thei khawpa pasaltha ropui hian sumdawng suam turin midang a sawm ka ring thei lo a ni.
Ka source atanga ka hriat dan chuan an lal hi Lalbura pawh a ni lo, Lalburha a ni a, lal ropui tak, tlawm ve duh ngai lo, Sap lal pawh ‘ Sapa’ tia ko mai thin, mahni do khuate buh leh bal ring thei khawpa lal ropui leh huaisen a ni. Lamsuaka hi Chala te thian dun hian Thangtinzo sumdawng suam tur hian an sawm zawk a, Lamsuaka hian a lo hnial a. Mahse anni hian pasaltha thinkhei zawng takin ‘ I hlau a nih mai chu’ an tih takah chuan hlauh nei lo Lamsuaka kha a thawk chhuak ve chauh a ni. Heti zawnga sawichhiatna hi Lamsuaka hian tawng lo se ka ti hle mai.
[Report abuse]
January 16th, 2011 at 9:24 pm
Mizo lal ropui, Lalburha kha chu a ropuiin a huaisen ve ngawt mai.
[Report abuse]
January 16th, 2011 at 9:35 pm
Hmanlai pasaltha te khan khawtlang leh midang (Mizo) tan thil tha an ti fo thin, an mahni hming that theihna tura an tih chu thudang nise. Lamsuaka hi pasaltha ni lovin, mi tenawm, suamhmang, nunrawng leh tualthat (MURDERER) a ni.
Tualthat, suamhmang, piarruk hmang mi tenawm khitiang khi sawi mawi tum chiah pawh ka ngai hauhlo mai kei zawng. Hmannia naupang pawngsuala thattu te kha sawimawi tum teh u… an case a inang reng…muderer vek an ni. Saddam Hussein kha saint a sawi tum ang vel ani awm e
1st degree murderer te hi chu khaihlum zeuh2 sela ka duh dan a ni.
[Report abuse]
January 16th, 2011 at 9:42 pm
Ka hriat ve dan chuan. (han ti deuh hluai ila ka hrechiang lem hleilova)
Mi pakhatin Lamsuaka chanchin hi a ziak tawhin ka hria, chu lehkhabu ah chuan, a chanchin hriatna tepawh zawh chhuah theih turin, “chumi pawh chu chumi vengah chuan ala dam” tih angreng a telh nual bawkin ka hria. Kala naupang deuha ka hre chiang zuilo, tunah pheichuan an thi vek tawhin a rinawm.
Lamsuaka te unau kha mi huaisen leh chak anni a, Khuangchera meuh pawhin, “Lamsuaka te unau bulah chuan thang that lak a har emai.” tiin khaw dangah a pem phah ni ten an sawi. Vawikhat pawh an nula rimna ngeni (ka hrechiang hleilova) Inhnuaiah sakeiin (keite anih ka ring) an ran vulh rawn lak atuma Lamsuaka inhnuaiah a zuk tlan thla a, thingfak bung hmawk khawpin a vua a sakei zawk a tlanchhia e. Tih tepawh… (tak tak anih leh nihloh erawh chu ka hrelo.)
Amah kha chak leh huaisen viau e tilovin tlema bawl theih deuh ani awme, hemi an khaihlumna ah pawh hian midangin an sawma, (an bawl phur ani ber ang chu tunlai tawngkam takin) ani khan a that ta mai si ani awme, kha a thil bak kha chu thil sual dang a tih vak ka hrelo. British ho pawh khan nakin zel atana mipuite lession pekna angrengin an khaihlum ta ni in an sawi.
(A dik leh dikloh chungchang erawh chu proof ka neilo)
[Report abuse]
January 16th, 2011 at 9:46 pm
funny, Ex-pasaltha cum michak a nih ber chu. Ka ngaisang lo ropui.
A chanchin erawh thangthar ten hre zel sela, sawrkar hian a chungthu an rel dan hi tive zeuh zeuh sela a tha bawk awm e.
[Report abuse]
January 16th, 2011 at 9:47 pm
Lamsuaka chungchang hi an khaihlum thu chu a dik ngei mai. Mahse he post a sawi hi a dik ka ring thei lo a ni. Chuvangin pasaltha ropui hi ka ngaisang a, dik lo taka sawichhiat erawh ka phal hauh lo
[Report abuse]
January 16th, 2011 at 9:49 pm
SAwitur ka nei lo ve
[Report abuse]
January 16th, 2011 at 9:50 pm
Post cc ani emaw nilo emaw, pasaltha tak2 anilo aniang, a nun arawng em mai. Phiarrukna, misuam etc kha apsaltha zia lo hrim2 ka ti
[Report abuse]
January 16th, 2011 at 9:50 pm
[Report abuse]
January 16th, 2011 at 9:53 pm
ka hriat ngailoh thil a ni tlat mai, 1900 velah chuan paite ho chu lusei chuan an lo hmusit der tawh tihna ani thei em?
Chuan paite lo sum dawng ho chuan engah nge mizoram ah an lo sum dawn, khatih hun lai khan, sum an nei lo a, mahse buh leh bal a inchawm mai anni,paite ho thil zawrh chu, ran leh buhfai ten an thleng em ni? 1940 hnu velah bak TANGKA/PAWISA hi hlut ve tan kan ni em
Chuan Thatkama an khai hlum mai dan khi eng LAW nge, india independent hmuh hma thil ania, a mak ang reng
[Report abuse]
January 16th, 2011 at 9:54 pm
Khaihlum tawk tawh dam ka hre lo
[Report abuse]
January 16th, 2011 at 9:55 pm
Misual la meng zawng zawng mangtha vek ule,ka mu tawh dawn
[Report abuse]
January 16th, 2011 at 9:55 pm
Pu HV: an sawi uar nge pheichu ka hrelova, Lamsuaka te unau sakei bei techu I tluklo tawp ang.
An sawi uar nge, dawt nge thutak tih pawh han proof vak theih anilo. 
(Sakei anih pawhin Keite tal ani ang)
Lamsuaka’n thing kak karah sakei a mei atangin a pawt bet tlat ani awme. A nung chung ngatin sakei hlangah an phuarbeta an zawn haw vel ani awme
Mahse mizo thil sawi chhawn danah chuan awm na chen tepawh a nei ve ang chu, Thiandun pahnihin savawm an chaih hlum thak theia, Zampuimangan kawlhnam nen ringawt sakei a that theia, Mualzavatan nikhatah mual za teh meuh a vat theia. Chawngbawla pawhin Sakei chho sang kai lai leh Savawm ram tla lai bawpah a man ngam ve tho lawm.
[Report abuse]
January 16th, 2011 at 9:56 pm
a bengvarthlak hle mai
[Report abuse]
January 16th, 2011 at 10:00 pm
Kum tin pakhat tal khaihlum tur ni mai se..!
[Report abuse]
January 16th, 2011 at 10:04 pm
Phawrh tha hle mai
[Report abuse]
January 16th, 2011 at 10:05 pm
Pasaltha Lamsuaka chu khitianga nun thlak anih chuan Mizo pasaltha ka hriat tawh ah chuan chutianga inthlak hmasa ber aniang. Pu HV-a te ka hnial tihna pawh ni lovin Pu Muantea sawi pawh khi ngaihdan chu a ti kalthui ka ti. Khawi khi nge dik zawk ta ang le??
[Report abuse]
January 16th, 2011 at 10:07 pm
funny, dik chiang balah chuan ka nu (step)pu Saihnuna Sailo, Mualcheng lal khan Keivawm (Black panthar) kha chemin a that awm e. Chu bak chu ka hre lo, anih pawh alo ni mahna.
lrp, 1st degree murderer ho hi chu khaihlum zel mai sela pawi ka ti hauhlo asin.
chemtatrawt dik chiang bal chu (han tileh hram ila) plan lawk sa thlapin, tual a that a, chumi avang chuan DAN (law) in thiamloh a chantir a, khaihlum a ni ta a ni mai. Tum lawk renga tualthat hi 1st degree murder an tih chu ni berin alang.
Indona hmuna hmelma that/tihlum chu pasaltha (hero) an nih laiin, mi vantlang pawi sawilo, thah erawh chu mi dawizep, tuahthattu (murderer) an ni.
[Report abuse]
January 16th, 2011 at 10:07 pm
Lamsuaka hi lal ropui Lalburha pasaltha rinrawl leh khaw dai ngul a ni. Diarkhai a an awm lai atanga rawn inchher chhuak a ni a, a pa hi Chawngbawla te lo kaihruai thintu Tawksiala a ni. Amah hi 6ft vela sang, tawng tlem, zaidam leh nelawm, mahse a ruka fiamthu duh tak a ni.
Chawrai hovin an khaw mite chi teng an lo mang thak tumin Chawrai ho an va run a, an in hal banga patling pali tawm khawm chu halkhung an lo tum a, mahse Lamsuaka chuan phal lovin a zuk luhchilh ngat a ni.
Savunga fapa Lalzika khua Hmawrker nen an indo tum pawhin silai mu sur karah ama nunna hial pawh chan huamin Rozathanga ruang a han chuh chhuak bawk.
Pasaltha Khuangchera meuh pawh mantu, Sakei nung chunga vawi thum a hova zawn haw tawh, mi lu sawm chuang hawna, sal sawm chuang man tawh leh ram lama tum thum zet thangchhuah tawh hian a ma duham avang liau liauva midang sawmin Pawi sumdawng hi a suam lovang. Ka hriat dan chuan Chala leh Taikhama te hian Zawngtah (Zopui) khuaa an awm lai hian heng sumdawngte hi suam an duh si a, pathum lai niin fei an hawl theuhva, an zinga pakhat phei chu a palian fu a ni awm e. Chuvang chuan mi huaisen leh chak Lamsuaka chu anmahni pui turin an sawm a, mahse Lamsuaka chuan a lo duh mai lova. ‘Lalburha pasaltha chhuanvawr i ni a, heng pawite sumdawng ho lakah hian i diau dawn em ni? Kan sawm che hi miten an hria ang a, ‘Lamsuaka chu Pawite bei turin an sawm a, mahse a ngam lo a ni ang chhuanlam tur a zawng ruai mai’ an ti ang che a, thang leh tharah i hming a hliau viau lo’ng maw?’ tiin a thinkhei zawng takin an cho a. An neih a awh vang ni lovin, a hmingchhe tur ven nan a remti ve ta mai a ni. Chuvangin Pasaltha ropui a ni ka ti lo thei lo a ni. A leido pawh ni lo an va that hi a tidik ka tihna erawh chu a ni lo, mahse a hmingchhe ven nan, midangin a pasaltha rilru an kaihthawh vangin a che ve mai a ni. Mi tenawm ka ti thei lova, ka ti ngai bawk lovang kei chuan.
[Report abuse]
January 16th, 2011 at 10:10 pm
Muantea te chu…
in inhmin chuang lovang aa..
[Report abuse]
January 16th, 2011 at 10:12 pm
A ngaihnawm khawp mai. Beng a var leh ta. Mahse, khi, Muantea comment khi, Lushai_er hian a rawn chhan chu a va ngaih hmel si ve le.
[Report abuse]
January 16th, 2011 at 10:12 pm
tualthattu*
[Report abuse]
January 16th, 2011 at 10:13 pm
muante, ex-pasaltha alawm hairehai
Dan (law) a awm chuan chumi hnuaia leng a tha taka dan zawm te hi PASALTHA an ni mai.
[Report abuse]
January 16th, 2011 at 10:15 pm
Pu muante: I sawi ang hi ka hriat dan ang deuh ani, mahse ka hrechiang lova, I han sawi takah chuan ka hre leh deuh uar uar in ka hria.
[Report abuse]
January 16th, 2011 at 10:16 pm
An inbeihna hmun hi Zathawma khua Thingtlubuan thlen hma-ah a ni a, helai kham hi ‘Lamsuaka Pawi nam lum kham’ an ti nghe nghe.
Lamsuaka hi Lal upaten an hum tlat a, an chhuah duh lo, Sakhan tlangah an bikbo tir daih nghe nghe a ni. Kha lai huna khawtlang mipui leh lal leh upate meuh pawh khan Lamsuaka hi an tan vek ‘tenawm’ an ti ve lo a ni ang.
Sakhan tlangah hian nupui fanau pawh a nei hman a, Kum thum a bikbo hnuah an man chauh a ni. Tichuan 20feb 1900 ah an khaihlum ta
[Report abuse]
January 16th, 2011 at 10:21 pm
HV. Ex pasaltha ni love. Khatih hun lai khan engang chiaha literate nge an nih ang. Mahse chu chu chhuanlam a tling ka ti chuang lova, mihring danah pawh tualthah chu a thiang lo, mahse, ama lamah chuan a bul tan a ni lova, midangin thiam taka an phihawh avangin a che ta mai a ni. A tualthah/mi suam hi dik chu ka ti hauh lo, mahse a tih nachhan lam hian ka rilru a luah zawk. Pasaltha ropui a nih zia chu a hnu hma atang hian a hriat a, a hun hmalam atanga chhui pawhin hetia a pawnga taka mi va suama that ngawt tur chi a ni lo tih a chiang.
[Report abuse]
January 16th, 2011 at 10:23 pm
Pu muantea soi hi ka rilrem jong tak ani ka ti keipoh..# 3 a loneeagle comment chhiar phei chuan sap ho khian law khi an ngaipawimawh lo nge an palzam a tih ve theih tlat..nge khami hunlaia dan a lo ni ve reng jok.
[Report abuse]
January 16th, 2011 at 10:29 pm
Kei chu HV lamah ka tang e!
[Report abuse]
January 16th, 2011 at 10:30 pm
Chawrai pachang pali silai, fei leh hreipui nen, a kawtawpa inchhunga tang tlat pawh kawlhnam leh silai nena luhchhuak ngam hian sumdawng pathum lek bei turin midang a pun hauh lovang. An neihsum awt nise tuma hriat lovin a bei ngam lutuk tlat ang tih hi ka rin dan a ni
[Report abuse]
January 16th, 2011 at 10:44 pm
keichu pu muantea lamah ka tang e..@lrpa…:-P
[Report abuse]
January 16th, 2011 at 10:44 pm
Hemi chungchang hi Pu James Dokhuma khan a ziak a, Muantea sawi ang deuh khian Lamsuaka hi pasaltha ropui takah a chhuah ! British ho loluh tirh lam thil daih ani tawh a, dan ang tak chuan an khaihkum thelh chuan ‘hangman’ pawh ni lo midang ‘sapsanga khian khiti khian alo ti ngot tur ani lo…a thih dan tura kha court in a ruat fel veka, a pumpelh hlauh chuan a hranpa a execution order hi a hun leh hmun tenen siam leh tur ani…..sap ho suahsual dan chuh….pui tak ani, kristianna atng khan kan thlir thin a, tun thlenga vai hoin an ten/haw em2 pawh khu awm tak ni…..
[Report abuse]
January 16th, 2011 at 10:53 pm
Pu Muantea hriat dan leh ka hriat dan a inang. Lamsuaka kha tualthattu tenawm a ni ringawt lo va, pasaltha huaisen tak a ni a, ka ngaisang khawp mai. Khatianga khaihlum a nih avangin a chanchin hi a chhe zawngin a thang zel a, kan ngai khawlo mai mai a ni. Khuangchera pawh kha a ral thah vangin khaihlum ta se, tuna Lamsuaka dinhmunah bak a ding dawn chuang lo.
[Report abuse]
January 16th, 2011 at 11:00 pm
Pasaltha hi mi huai, thih hlau lo ringawt a define chi a ni dawn em ni?
Pasaltha tak tak chuan mi that tur a sawm tute kha a suasam zawk tur ani dawn lo maw? Heng paihte sumdawngte hi kan thah chuan kan lal hi a hming chhe thei a, kan khaw zahzawmna pawh a bo ang te ti zawk tur ni awm tak!
A hre zawk ten pasaltha an lo tih miau si chuan a lo ni reng zawk mai thei bawk e..
[Report abuse]
January 16th, 2011 at 11:04 pm
Hriat dan em2 ka nei lo a, Pu James Dokhuma khan a ziak a, an khaihlum hnu khan an lal hoin khawtlangin nasa takin an sun tih thu chu a ziak ! Muantea sawi ang deuh khian paihte sumdawng bei tur khian an bum deuh ani ber mai.
HV-a ron hnialna ber khi chu a tualthah lai khi niin ka hria a, pasaltha ropui tak leh rothap taklo ni thin tawh nimahse, Kumpinu rorelna hnuaiah kan kun ta si a, dan anga khaihlum alo ni ta ni ber mai.
[Report abuse]
January 16th, 2011 at 11:07 pm
Tun hnai post leh comment-ah chuan ngaihnawm lawtlak. Hv-dik(justice)taka lak chuan i dinna khi a dik tih phat rual ani lo. Thil sual an tiha an thiltih sual a len viau chuan an lo tih that tawh avanga ngaihdam chi chu a ni hauh lo.
Muantea ngaihdan hi a chanchin lo hre ve viau ta ila tanna awm tak chu ni ve khawp mai. A chanchin i han sawiah phei chuan a hero ve hle tak mai, ka lo la hre tlem khawp a, ‘marawhchu a chhan chu engvang pawh nise a tlangkawmna hi a felhlel reng reng chu nih khi.
Pawimawh ber chu Judge ni ta ila Court-ah ngaihtuah tur ni sela engtiangin nge thu kan keuh ang le?
[Report abuse]
January 16th, 2011 at 11:11 pm
Ngaihnawm triah triah veee… sawi zel teh u
Ka thil chhiar lai min thrulh tir ta sa sa 
[Report abuse]
January 16th, 2011 at 11:27 pm
Mihring hi chuan second chance, third chance, fourth chance… Kan mamawh ani mai lova, kan dam chhung hian Pathian hian insiamthatna chance min pe zawk ani…
Kristianna nen kan kai kawp fo thina, kan kaih kawp dan erawh a dik hlel thin in ka hria, Kan rama kristianna rawn tuh tu missionary tepawh khan khai hlum se an tih kher ka ringlo, British colonialism, hman atanga tun thlenga topic interesting la ni tenen hian a in pawh tlatin ka hria. Khawvel rawngbawltu, Kaisara rawngbawltu techuan an duh ang chu, an ram awpte hmangaihna tak tak neilo leh an laka communist ang maia khawsa (anih loh vek pawhin semi-communist)… tan chuan midang tepawhin an tih zui ngamloh na tura mi nunna lak kha harsa anti tawp nang…
Khatihlai khan England lal fapa in mizoramah tual rawn that ta se an khai hlum angem, midang entawn atan….??? Teuhlo mai.
[Report abuse]
January 16th, 2011 at 11:29 pm
Khatih hunlai khan ral that chu chawimawi hlawhna a ni a, mahse khawtlang danah chuan ral ni lem lo va suam kha a dik lo viau mai thei. Amaherawhchu, pasaltha thinkhei zar zawnga an dawi kual vel avangin a chesual ta a ni. Chumi avang ngawt chuan chhe lailet dera chhuah atan chuan a pamhmai lu deuh ka ti a ni. Pasaltha huaisen, nunau leh khawtlang thlamuantu leh an daingul ber a ni si a.
He thil thlen lai hian Lalburha hian Zawngtah (Zopui) a thut a, Thingtlubuan lal hi Zathawma zawk a nih hmel.
[Report abuse]