January 30, 2011, Pathianni hi infiamna ngainatu te tan chuan Ni chhinchhiah tlak tak a ni. A chhan chu infiamna tualzawl kan neih hlu ber Sipai Lammualah grass phah a ni a. A lawmfal zual kan kim hle.
Archive for January, 2011
Lammualah Grass Phah tak tak a ni ta
Sunday, January 30th, 2011Combined Post – Pulsar te, Uite te
Sunday, January 30th, 2011Uite duh chungchang – robertjunior
Ui buk, tereuhte ang chi kha zin dawn avangin vulh turin ka lei duh a, khawngaihin min rawn hrilh turin kan ngen a che u…min lo hriattir thei ula ka lawm hle ang.
Pulsar leh Vainu – Naupang^Fel
Ka lei rohlu
Sunday, January 30th, 2011Hringnun dan ah hian
Hun a liama, ni a liama,
Hlimni kan tawnga, lungngaih ni te kan tawng thin.
Hun a kal liama, ni thar duhawm tak a lo chhuak leh thin.
Hlawhtlin ni te kan tawnga,
Kan hmangaih tak te kan tawng thin.
Mahse he lei ah hian zawng
Kei ka “chun leh zuaâ€,  te ang erawh ka tawng tawh ngailovang..
In va hlu em ka tan hian.
Chenna ngai loh ram fan thu – Part 2
Sunday, January 30th, 2011Darkar khat a ral chuan ka mi nghahte pawh an rawn thleng ta! Kan inchibai a, anni kal thang tih takah engkim tihfel ngai an rawn tifel zung zung a, kei chinchang engmah hre lo tan chuan thlamuan thlak tak a ni. Chutia buaipui tur ang ang kan buaipui zawh chuan pawn lamah kan chhuak ta a.
Pawn lamah chuan mihring hi an lo tam khawp a, an vei nuai nuai mai a, kan rama ka la hmuh ngai reng reng loh Choak alo thlawk kual sup sup a, kawngsir tawn tawnah chuan Ashoka thing alo ding tlar thut bawk a. Mahse chung zawng zawng chu mak ti hman emaw, mawi ti hman emaw ka ni lo. Kan chuanna taxi tur zawn a ngai!
Airport chhungah khan taxi ticket kan cut lawk a, taxi stand a a number mil va zawn a, chuan mai tur kha a ni a. Mahse an taxi number min pek chu kan hmu ta tlat lo. Taxi tam tak ding tlar thut zinga kan taxi number zawn ber kher chu awm lo zawn ang vela vang a ni. A tawp a tawpah chuan taxi number kan va thlak tir a, kan tum ram kan pan thei ta.
(more…)
Anania leh Saphiri
Sunday, January 30th, 2011 Tirhkohte 5:1,2. Nimahsela, mi pakhat a hming Anania, a nupui Saphiri nen an awm a; Anania chuan ram a hralh a, a nupui hriatin a man a then a zep ta a; tin, a then a rawn keng a, tirhkohte ke bulah chuan a dah a.
———————————————————————————————————————————–
Anania te nupa hi Kristian hmasate zinga mi dik lo kan hmuh hmasakte an ni awm e. An ram hralhna an zep then avangin an nupain an thih phah a ni. An chanchin atang hian hengte hi chhinchhiah ila:
1. Sual zepruk leh dawt sawi hi sual a ni.
2. Pathian thlarau chuan thil inthup zawng zawng a hre vek.
3. Thil sual ti tura inthurual ai chuan thil tha ti tura inthurual a tha zawk.
(more…)
Hetiang thil hi i hmu tawh ngai em aw?!
Sunday, January 30th, 2011Tu emaw tih dan takah in hmu fo tawh tho maitheia; hmuhnawm ka tih em avangin ka’n rawn tarlang a ni e.
Lawng
Bike
https://www.youtube.com/watch?v=6jYoXV3Shd8&feature=related
(more…)
A ni min pekte hi
Sunday, January 30th, 2011Ni a lo chhuak a, a tla leh thin, chu Ni, lo chhuaka tla leh thin chu hun bi then nan lei mihringte hian kan lo hmang ve a, vawi 365 a lo her chhuah hian ‘kum khat’ tiin kan lo sawi a, chu kum chu mihring dam chen teh nan kan hmang ta thin a ni. ‘Kan dam chhung kumte hi kum sawmsarih a ni a, chakna avangin kum sawmriat pawh a ni thei e’.Kan dam chen tur kan hre lo, ama’rawhchu kan hun kal tawha Ni kan hman zat hi chu kan hria, hei hi Pathian min pek a ni, engzatnge min pek leh dawn kan hre lo.
A Ni min pek leh kan nun hi a inzawm tlat avangin kan nun pum mai hi A Ni min pekte chu a ni, min pek phal zat zat hi kan dawn tur chu a ni mai a. Upat dan inthlau tak tak nausen, thalai, puitling leh tarte an thih hian Ni min petuin min pek dan inchen loh zia a lo lang a, thu kan neih loh zia min hriattir thin.
Pathian chu tih tur a ni
Mite chunga thihna a lo thlen hian mihringte hian rochun tlak neih reng reng kan lo neih loh zia min hriattir a, mi hausa an boral hian nunna hi suma lei theih a ni lo tih tarlanin a awm thin; doctor thiam ber ber leh Damdawiin tha awmna hmunah mi thi an tam a, mi mawl miin an dampui chuang hek lo; nunna hi Pathian ta a ni. Doctor thiam ber berte kiangah mi an dam hian tidamtu Pathian theihnghilh a awl thin a, mi fing leh Doctor thiam ber berte an thih hian Pathian ropui zia a lo lang hlauh thin.
Power to the people
Sunday, January 30th, 2011Tunisian jasmine revolution
And the dominoes start falling: Egypt 
(more…)
Mental Health & Suicide – Mizoram dinhmun
Sunday, January 30th, 2011NeLiCS  ( New Life Charity Society ) chuan Mental Health lam zirtirna leh kaihhruainaah thahnemngai taka hma la in, Mizoramah mitin nun a hima a dam theihna hi a ngai pawimawh em em a ni. Tuna kan ram mihring nun hi a dam lo zawnga sawi chuan dam lo tak a ni kan ti thei ang. Hei hi a chhan lian tak ni a lang chu kan rilru puitlin leh insawhngheh hma a khawvel hmasawnna leh changkanna in min run nasat lutuk vang a tih theih ang.
Nu leh pate’n fate an enkawlnaah an nun hma lam tur an thlir thiam tawk lo em em a, mahni hmangaihte ngei hmanga doral insiam ta zawk kan tam hle. Thalaite zawna kan thlir chuan an nun beisei leh duh thleng zo lo, kal ngaihna hre tak tak chuang bawk si lo an thunghuk a, kawmchiana an rilru an phawrh tak tak phei chuan ram rorelna kalphungah te, kohhran lam hmalaknaah te, khawtlang in enkawlnaah te hian an lungawi lo mai ni lovin an thinrim hial thin a ni ber. Heng thalaite dinhmun hi chhutchian chuan, ‘Angry Generation’ ah kan awm mek tiin a sawi theih ang. (more…)
Cabinet Meeting an thulh leh an ti
Sunday, January 30th, 2011Ni 31 Cabinet Meeting chu tiam chin awm lovin thulh leh ani a, NTUM leh Contract Basis a thawk tan chuan a va han buaithlak thin tak em. Kan Chief Minister zahawm tak hian NLUP a sem avang hian Sum a nei tawh lo em ni? Tun cabinet Meeting a an rel tur hi money involved vek anih avang hian Cabinet hian mizoram Sorkarin sum a nei tawh lo ti ngam si lovin an rel ngam lo zawk em ni? NLUP hian sum a ti vang zo vek zawk em ni? Treasury pawh hi an khar lovang tih tu nge sawi thei awm che u. Sawrkar hnathawk hlawh pawh an huphurh tawh ani si a. CM nge dem tur NLUP. Kan CM zahawm tak hi a tlan chhia ani mai lo maw. Saipui kal lai hi a chau tan ta der ani lo maw, ding ta luah mai le.
in va lut...
