Thalai kumthar Project atan enge?

January 10th, 2011 2:00 pm by Se Ki

Kum thar 2011 kan lo thleng leh ta a, kan kohhran thalai pawl chuan tun kum 2011 atana Project kan tur nakin (kârleh) lawkah kan rel leh dawn ta a. Hemi atan hian ka misual thiante thurawn tha tak leh Idea tha tak tak neite’n remruatna min han siamsak ve ula ka duh a, inthlahrung hauh lova thurawn min pe turin ka ngen a che u, tin he thil hi kan kohhran thalai chauh lo pawhin, midangte pawhin in tangkaipui ve ngei ka beisei bawk a ni.

Eng Project thar nge kan siam ang? :- Hetianga thurawn ka rawn beiseina chhan chu, kan Project siam thinte hi a a that thawkhat thin viau laiin thil dangdai leh tunlai mila rawngbawl a ngai ta niin a lang, Fellowship leh fehchhuaha zai, tawngtai etc. ringawt hian kan thalaite a hip kim/zo ta lo, heng programme kan siam thinah te hian tha leh tha (inhmang thang sa sawina) kan inhmu zut a, midangte Krista hnena hruai kawngah kan chak thei si lo. A nihna takah chuan keini active member te pawh hian tih loh aia tih ve hram hram duhna vangin kan ti mai thin niin a lang, nihna / chanvo kan neih avanga tih hram hram hi kan nei fo mai. Chuvangin engtin nge hma kan lak ang, heng thalai programme-ah hian engtin nge kal ngai lo te, active ve lo te engtin nge kan hruai anga, engtin nge an duhzawng tur leh ngainat zawng tur programme kan duan chhuah ang. In experience atang te pawhin min han share teh u.

Ka ngaihdan :- Mi tam tak chuan tunlai mila Bible kalpui tum leh tunlai mila Kohhran her danglam hi a tha lo, Pathian huat zawng a ni tiin an kaldan ngai, tih dan ngai, hman atanga an chhawm nun kha an chhuang thin. A dikna a awm reng laiin ka ngaihdanah chuan tunlai khawvel thang zel milin engtia rawngbawl hi nge tha ang. Kan changkanna te hi sualin a pumhmawm vek loh nan engtia hma lak chi nge niang, mi zawng zawng huapa rawngbawl dan kan ngaihtuah chhuah thiam a ngai ta. Engvangin nge kan programme siamah kan member te an kal that loh thin, ngatinge kohhranah kan member te an imhman/ an kal that duh loh, an tel that duh loh, mawhphurtu chu kei ngei hi, active member hi ka ni ve lawm ni? Chuan engtin nge hma kan lak tan ang le, eng thil thar hi nge member te hip nan leh Pathian ram lo zau nan kan siam tak ang le?

Similar Posts:

Recent Posts:

22 Responses to “Thalai kumthar Project atan enge?”

  1. 1
    badboy Says:

    ahmasa ber a tan chuan enge niang awwww ;-)

    [Report abuse]

  2. 2
    shailendra Says:

    Project tangkai, chutih rual a thalai te chawk phur thei han ngaihtuah chhuah ava chakawm ve

    [Report abuse]

  3. 3
    laldoma Says:

    Han thawh chur chur teh u, keini pawhin hman tangkai dan tur kanlo zawng ve a nge.

    [Report abuse]

  4. 4
    William Ralte Says:

    Post tupa, “kan kohhran” i tia, in kohhran chu eng kohhran pawh lo nise kohhhran chungchang hi ka sawi tum a ni lo. In kohhran chauh pawh nilo, Zoram khawvela thalai zawng zawngte tana Kum 2011 Project tur atan chuan “Engkim a hun leh a hmun ah” tih ni thei se. He Project hi 50% tala a hlawhtling anih ngai chuan he Zoram Khawvel hian pen khat te te nilo in, hmasawnna lam hawi zawngin a zuan in a zuang ang.

    [Report abuse]

  5. 5
    Jacka Pi Says:

    Midang chu ka ngaihtuah kep pha vak lo,keima project(resolution chu ka ti lo :-)) 1.Meizial zuk bansan
    2. Morning walk 3.Ka sam sawisak tawh loh! 4.Fa neih!

    [Report abuse]

  6. 6
    tuaia Says:

    In project pakhat a tan a tha riau chu.Kan thalai tam tak Zing thawh nachang hrelo, Zan a mutnachang hrelo ho siamthat hi a ni.Mimal,chhungkua,Kohhran leh khawtlang,Ram pumpui huap a kan mamawh a ni.A tihdan tur chu lo ngaihtuah ve tawh mai rawh.Tih ngaihna in hriat loh chuan ka hria min zawt la ka hrilh ang che. (O)

    [Report abuse]

  7. 7
    shylo Says:

    Ka project ve chu :-
    1) Nupui neih.
    2) Nasa zawka ram tana tawngtai.
    3) Midangte tana a theih ang anga malsawmna nih.
    4) Infiam uar sauh.
    etc….(to be continue) sawi ve phawt r’u.

    [Report abuse]

  8. 8
    rose malsawmi Says:

    post tupa i ngaihtuahna atha e, nia engnge mawni chu kan mamawh a ni inhuikhawm nan hian

    #7 shylo point 1.(N) a bak zawng (Y)

    [Report abuse]

  9. 9
    shylo Says:

    Rose : I blog ami thuziah sa i neih chuan submit roh post waiting list a blank a nia…

    In va reh thip thep hlawm ve aw… Zawlpui Bus accident na hmun lamah in liam ta vek em ni chu le?

    Pu.kawng chanchin thar kan lo nghak reng e.

    [Report abuse]

  10. 10
    Sony Says:

    Option I:
    Serious taka Isua thupek zawm.(e.g. mi rethei tanpui, damlote, lungin tangte tlawh, riltamte hrai, tharau bo hruai dik. etc.

    Option II:
    Inkhawm, inkhawm inhkawm inhkawm inkhawm inkhawm inkhawm inkhawm

    [Report abuse]

  11. 11
    ^-||R@lT€||-^ Says:

    ngaihdan i dil bawka ka ngaihdan ka’n sawi ve ang e. Tu pawi mah ka sawi em lovang chu!

    Kohhran/thalaiah a kul a tai in in inhmanga, in active em em bawka, a lawmawm ka ti, a tha thlawt. Mahse, hei hi ngaihtuah fo a ngai. In kohhrana active member zawng khan nun tak, nun nghet, nun Krista in nei em? Rinna in Pathian rawng in bawl chiah em? Rinna nung atanga rawng in bawl loh chuan Pathian duhzawng eng anga tha pawh ti ula, rah chhuak a nei thin lo khawp mai.

    Ringtute hian rinna atang nilo, mahni thahnemngaihna atanga lo chhuak rawngbawlna hi kan kalpui nasa khawp mai. Thil tha anih rual rualin rah chhuak a nei tam duhlo khawp mai. Chuvangin, rinnaah chuan awm ula, chung ni ah te chuan i hnenah/in hnenah Isua a awm tih miten an hria anga, i/in hnena rawn awm ve anlo duh tawh zawk dawn a ni. (Zakaria 8:23)

    Lalpan in a sak loh chuan a sa tu te chuan an thawkrim thlawn a ni. (Sam 127)

    [Report abuse]

  12. 12
    rose malsawmi Says:

    shylo (Y) (N)

    [Report abuse]

  13. 13
    nastycool Says:

    Hetiang lam hi chu ka hul khawp mai. ka hriat ve chhun chu, thalai hman deuh deuh hi kan tam lutuk a, hei hi kan buaipui ber a nih hi.Nikhat ah darkar 12-14 vel hnathawh chuan sualna hun kan nei lo,inkhawmna hun pawh kan nei chuang lo. hihi

    [Report abuse]

  14. 14
    Lily_parmawia Says:

    NLUP leh NREGs a awm alawm :D
    Kan chingpen hlom sia a awmsa hi ring mai ang.

    [Report abuse]

  15. 15
    Lily_parmawia Says:

    Eirawngbawl peihawm loh emai comment char2 hrih mai ang LOL

    [Report abuse]

  16. 16
    zualbonez Says:

    Krista lam project nge lei mawina lam project i hriat duh?

    [Report abuse]

  17. 17
    H.Vangchhia Says:

    Ka kumthar project atana ka tih, Mega million lottery chu mi 2 in an man daih mai a hairehai ;-) $198 million ve2 in an insem a, Virginia ami in $250,000 number 5 neih dik vangin a man ve bawk. Ka luck lo mai mai project thlak angai tlats :D

    [Report abuse]

  18. 18
    ChhawnBura Says:

    Tunlai khawvel mil zela rawngbawlna kalpui theih hi a pawimawh khawp mai.

    [Report abuse]

  19. 19
    muantea Says:

    Tunlai thalaite khawvel mila kalpui hi a that rualin kalsual palh a hlauhawm khawp mai. Hmelmapa hian kan nuam tih zawng lo hi chuan min thlem ngai lo. Chuvangin rawngbawlna ‘ve tho’ hi kan bihchian a ngai khawp mai. Kan nuam tih zawng leh chak zawng lam kan bawh huam chuan Pathian tan tangkai chuang si lovin awmze nei lova hmalakna a ni thei.

    Heng hi ka han chhawpchhuak ve mai mai ang e.
    1. Mission field-ah chhuak rawh u
    2. Tawngtai uar kumah puang ula, bawhzui ngei rawh u
    3. Zuk leh hmuam bansan tura inzirtir
    4. Member hlate umzui (An inah vawi tam kalchilhin sawm ula, vawi hnih khatnaah a hlawhtlin loh pawhin hlawhtlin hun a awm ngei ang)
    5. Inkhawmnaah Thalaiten programme neih tum thin ula, chu chuan inkhawm kalphung a her danglam deuh ang a, a attractive thei ang.
    6. Thalai inkhawm leh Fellowship programme hlawkthlak ber turin programme ngai reng hmang lo bawk ula.

    A dang chu ka insum rih teh ang ;-)

    [Report abuse]

  20. 20
    Atom c Says:

    #19 (Y) . No. 1 tel lovin .
    Thalaiten kan mamawh ve deuh pakhat ni a ka hriat chu, sum tuak nana vengchhunga sachek, sangha etc. vel zawrh tihkiam a, kut hnathawk ngei a inhlawhna kawng dap pui hi a niin ka hria . Hna hahthlak lutuk te chu kan tithei kher lovang, mahse vengchhunga thil zawrh ringawt hi chu inzirnan pawh a tlak vak loh, a chhe lulai e mai . Ramthim vei tura inzirtirte hi chu a that rualin beidawng insiam tamna a ni hlauh thei ve bawk.

    Thalai awmna In tinah alarm clock, bengchheng deuh chi, off theih mai mai loh dah tur tuak mai r’u , a tha phian ang :D

    [Report abuse]

  21. 21
    muantea Says:

    @Atom c: Ka point #1 khi i tha tih zawng a nih loh chuan ka hrethiam che. Mahse Mission field a kal hi keima experience atangin a hlawkthlak khawp mai. Ramthim/thlarau bo veina nasa lehzual min pe a, chu chuan Krista mi man chhan ka um zui zelna-ah chak zawkin ke min pentir avangin han chawh ve ka ni e. Tin, Kohhran thalaite chu Pathian ram zaun tur leh thlarau bo man tura theihtawp chhuah tura chhandam an nih avangin ramthim vei hi an tih ngei tur a ni. Thlarau boral mai tur vei pha lo Kristian chu ka Kristian hriatdan nen a inpersan deuh a ni.

    [Report abuse]

  22. 22
    zoho Says:

    @Se Ki_I thahnemngaihna ah ka fak a che, pawnlang deuh in kan rawtpui ang che
    1. Football club din rawh u. Kum khat a vawi 2/1 a nawlpui a sports neih mai2 hian member hla, sports lama tui te a hip pha teuhlo, regular taka practice leh eng tournament vel a chhuak a champion tur khawp in taihmak a ngai.

    2. A tui miten band/group te din ula, music video,christian choreography, short film, etc project ah nei ula,top priority in pek tur 2 chu member thar/member hla hip leh inhmuhkhawm reng reng a Pathian THUTAK a tawk a fang zeh tel(sawi leh nun in) reng kha nise, in thiam chak em, a nalh tawh em, etc tih kha chu a end inlo, a means lek ani tih kah hre kar ula, in thiam har poh leh member hla hnuh hnaih nan hun remchang in ngah ting mai tih hre kar bawk ula….

    3. Tuina zawng leh talent nei em em lo kha member tam zawk annih dawn avangin a nawlpui tan intodelh,taihmak, kuthnathawh, midangte tanpuina project siam bawk ula,entirnan, Biak In leh Hall rawng hnawih thar,thingphun,kawngpui leh kawr thenfai, vantlang step, tuikhur,kawng khuar/chhia thuamthat,vengchhung hmeithai rethei in thawmthatsak,kum kawp krismas leh kumthar ruai tur vawk vulh project,ramthar field tlawh hun ah pawh thu ringawt nilo, an biakin rawng hnawih, chhuat plaster, furnitures varnishing, adt,adt… :-)

    [Report abuse]

Leave a Reply

You must be logged in to post a comment.