Kum 1894 hma lam kha chuan Zofate hi hnam nihphung kal tluang pangngai a kalin hnam serh leh sang leh ei leh bar leh ze nun phungah Khuanu ruat ang thlapin pheikhai khata penin, pawl hrang leh zirtirna hrangin a pawlh buai miah loh tlawmngaihna nuna hnam intuamhlawm tlat kan ni a.
MIZO kunga rah tura kan Pathian Khuanu duan ang thlap chu lo par chhuak a rahin,a parzu kan tlan a,a rahin hnamte chu chawm tlaipuar thin a ni a.
MIZO kunga lo rah chu mizo nun dik tak a ni a.Tlawmngaihna, thianchhan thih ngam, nun in tanpui tawn tlat nun, kei ka thawk ang nang lo awl rawh zonun zemawi chu mizo kungah a rah bawr tuih thin. Hnam lam, Cheraw, Khuallam, Chawnglaizuan leh Chai lam leh Chheih lam leh kut ni vangthlaa hnam awih tleina ze ropui tak nen a khuanu awih tlei hnam ni thin kha kan ni ngai e.
Thingbul, Lungbul kan be ngai lova, ramhuai kan be ngai hek lo, Chungkhuanu bia leh hruaia kal tlat hnam kan ni ngai e.PATHIAN BIAK DAN DIK CHU
Pathian Khuanu chu Thlarau a ni a, tisa awrawla biak chi a ni lo reng reng a,(Tawnga tai a ngai lo) nun nihna a biak zawk tur a ni a. Zofate hian rinawmna leh dikna leh tlawmngaihna leh hmangaihna a Pathian kan biak hunah chuan a chhanna chu kan ram leh hnamah a takin kan hmu tawh ang.
Mi tupawh ‘engatinge i eiruk duh loh,e ngatinge i rinawm em em,’ti a kan zawh hunah ‘rinawmna leh dikna leh tlawmngaihnate hi ka Pathian biakna a nih hi’ an ti tawh ang. Pathian Khuanu doin thilsual ka ti thiang lo kan ti theuh tawh ang a. Tichuan tawngtai a reh thuap tawh ang a, a tawp a kan sual chhiarsen loh min ngaidam ang che tih a awm tawh lo ang a, Pathian Khuanu kaihhruai Zoram chu dikna leh rinawmna leh in tanpui tawn tlatna ram Khuanu Lalna ram, ram nuam a lo ni tawh ang.
Similar Posts:
- MIZO HNAM SAKHAW DIK PHOCHHUAHNA- IVby. Rorelliana
- Mizo sakhaw humhalh
- Tlawmngaihna, kan chhuang ‘over’ em?
- Tute Nge Kan Nih!? Part 5
- Ram leh, hnam leh sakhua
May 12th, 2011 at 11:18 pm
tha hlawm zawng an ni bik lova, mi pamham leh zawmthaw pawh an awm ve tho va. Mi tlemte an ni a, hnam pum nun an pawlh dal pha lo….
[Report abuse]