Taimakna tih hian kawng hrang hrang in hrilhfi ahna a awm thei awm e, Hun hman that tih pawhin a hrilh fiah theih bawk ang. Hnam hrang hrang, culture leh sakhua in anglo ah khawtlang (society) inrelbawl dante a in anloh avangin taima tehna kawng pawh a in anglo thei viau bawk ang. Thawh tur leh tihtur kan hriatloh chuan taimakna pawhin awmzia a nei lo ve thei bawk a ni, tihtur hriat a pawimawh hle. Mi in a tihloh tawp turah a tha seng nasa hle mahse a tih tur a tih si loh chuan kan sawi tum taimakna ah hian a chhiar theih loh a ni . Kan tih tur te hrethiam thei turin khawsakna hmun mil zela khawsakdan zir thiam a tul hle bawk ang.
Kan Mizo society bik ah chuan keimahni hna leh in chhung enkawlna bakah Kohhran leh khawtlang tlawmngai pawl a awma, chu chu taihmak kan hmanna tur rem chang berte anni ti ila kan sawi sual tam awm lo e. Hnamdang a bikin vai te taimakzia kan sawi fo a, keini Mizo te chu anni anga teirei peihlo leh thatchhe bikah kan inchhuah thin. A dikna chen pawh thui tak a awm, a bul berah chuan kan rilru sukthlek leh sakhua in anlohna avang ngawt pawh hian khaikhin theihlohna tam tak kan nei.
Thil tha kan tih zawng zawngah taima takin in hmang vek dawn ila kan hun leh tha in a tlin vek thei lo ani maithei, chuvangin a hlut dan (Value System) kan thliar thiam a hun pek dan tur pawh kan bituk thiam a ngai hle a ni.
Zoram Kristian thalai kan niha kan taimakna tur (kan zavaia huapzo in) point hrang hrang ni a ka hriat pathum te chu-
1. Pathian ringtu chu ziak leh chhiar (a thiam chuan) a taima tur a ni:- Kan Pathian thu hriatna leh inzirtirna hi Bible ziak chhiar atanga bul in tan a ni a, kan Sap Missionery ten keimahni ngeia Pathian thu kan chhiar theih nan leh kan rinna alo gheh zel theihnana ziak leh chhiara bul min tan sak kha kan vannei em em a ni, vawiin ni thlengin kan rinna mai piah lamah nna kawng hrang hrang a min pe tu a ni. Kohhran inkhawm sawisel tute thleng pawhin an A AW B min siam sak chu kan chhawr tlang vek a nih hi.
Mizo Kristian thalai te hi ziak leh chhiar kan taima tawklo thin, Bible thu kan hriatna pawh hi atam ber chu mi sawi ngaihthlak atang a ni fo thin. Chhiar chiang mangloa mahni duh anga sawi fiah ta mai pawh kan tam em em, heng thilte vang hian ringtu Bible kawm tamlo chu thli chhem len angin a hruai kawi a hruai kawi thin. Theology college chauh hi a hranpaa Pathianin a ruat bik Bible zirna a ni lo tih pawh hriat a tha, Kohhran rawngbawltu tura inzirna hmun a ni a, Bible zir tur chu mi tinreng te kan ni. Ringtu ralthuam chu Bible hi a ni a heilo chu Pathian hriatna dang a awmlo.
Thusawi ngaihthlak hi thil harlo tak a nih angin bengah pawh a chhuak leh hma hle, ziak kan chhiar erawh chuan kan mit in kan en a ngaihtuahna pea kan chhiar chuan thinlungah a chamrei duh hle a ni. Thusawi aia tam hi thu a sawi senloh ziakin a awm a ni tih pawh kan hriat a tha awm e, thu tha tak tak sawitu tam tak pawh hian ziak an chhiar atanga an thil hriat te min hrilh a ni chawk. Ringtu chuan Pathian ngaihsakna hrelo te Pathian hnena hruai turin an tuina te an rilru sukthlek lam te hrethei tur a kan inchhiar zau pawh a tul a ni. Sawitu nih aiin hrethiam tura ngaithlak taihmak pawh kan thiam a ngai.
Khawvelah lehkhabu tam tak a awma kan chhiar vek seng lo ang, amaherawh chu a engamah chhiarlo a kan hun kan khawhral mai mai chuan ringtu bum nuam tak kan ni thei a ni. Thiam taka kan thlir chuan lehkhabu tam takah hian Pathian ropuina hmuh tur pawh a awmzel a ni. Bible hi engkim kan tehna a ni tur a ni.
Chhiar kan peihloh chuan ziak pawh hi taimak a har hle ang. Tin, ziak mi an awma mitingreng tih theih pawh a nilo maithei e, tute tan pawh nise ziak thei nih hi a hlu a, thu a kan sawi phakloh hmun hi ziakin a thleng theia sawi nawn ngailoin kan sawi aia tam copy a siam theih bawk a ni. (Kan hruaituten Essay ziaha in elna an siam pawh hi a tha hle a ni). Ringtu hmasa tekhan ziak a rawngbawl an uar em em ani tih Bible a an lehkhathawn kan hmuh tam tak atangte pawh hian kan hre thei ang. Bible a mi hnulam zela ringtu kan hriat te pawh hian thu ziak a uar hlawm em em a ni. Zau zawka rawng kan bawl dawn chuan ziak nena tan tluka hmalakna zau theihdan awlsam hi a tam awm lo e.
2. Mahni hnaa taimak :- Kan hna thawh lai theuha kan taihmak leh rinawm hi ringtu kan nih leh nihloh kan lan chhuah tirna tur a ni. Mahni hna thawh laiah pawha thatchhia chu Pathian rawngbawltu atan pawh a hman tlak loh ang. Isuan talent hrang hrang pek thu tehkhinna hmangin a sawi a, mahni talent dawn pawh ti pung ve duhlo tu chu pawn thim, tah leh ha thialna hmuna paih chhuah tur a ti a nih kha. Kan hna thawh lai theuh taima taka kan thawh hian Pathianin talent min pek kan ti pung a ni. Sawrkar hna emaw company hna emaw mahni (private) hna emawa eizawng kan nih pawhin kan vawn lai theuh kha Pathian hna a ni a, zawmthaw leh thatchhe taka a hnathawh Pathianin a duh ngailo. Zirlai kan nih pawhin taima taka kan zir hian Pathian a lawm thin.
Sawrkar a hna kan thawh hian thla/kum hlawh kan lak theih avangin kan hnaah kan taimak loh phah fo a, sual tura thlemna pawh a nasa duh thin. Kan Bible in “Thil diklo titute chuan thil diklo an tih man an hmu ang” a ti. Mi hnuaia hnathawk kan nih chuan hotute tihlawm nan an hmuh lai chauha taima tur kan nilo, “Lalpa tih chungin an hmuh lovah pawh thawk rawh u” tiin in Kolossa 3:22 ah ziak a ni. Abikin keini Mizo zirlaite hian taima taka zir aiin vawikhata thiam teuh duhna thinlung kan pu thin, heihi ringlo mi te kan tluklohna a ni fo, hlawhtlin thuai thuai kan duhna hi thahnem ngaihpui ahnekin thatchhiat nan kan hmang hlauh zawk thin.
Kan mi ngaihsan te hlawhtlin dan zir chianga en lo in anmahni anga awm kan tum ringawt thin. Taima taka kan zir loh chuan Pathianin malsawm tur (tihpun tur) a nei lo a ni. Malsawmna hi a thlawnin kan chungah a thleng lo a ni tih kan hriat pawh a tha, kan taimakna te leh kan thahnem ngaihna te avanga kan beiseina tihlawhtling turin Pathian hnenah malsawmna kan dil chauh tur a ni. Pathianin kan hna theuha thahnem a ngaih avangin Kolossa 3:23-24 ah chuan ” In tih apiangah mihring rawngbawl ang ni lovin, Lalpa rawngbawl ang zawkin tihtak zetin ti ang che u. Lawmman atan ro luah tur Lalpa hnen atangin in hmu dawn tih hre reng rawh u. Lalpa Krista rawng in bawl a ni e” tiin min hrilh.
3.Pathian Biak inkhawm taimak :- Ringtute chu inti chak tawn tura tih kan nih avangin mahni chauhin ringtu chak tak a nih theihloh a, ringtu maltlat chu setanan a ngam thin an tih hi a dik viau awm e. Kohhran hi Lal Isua din a ni a alo kal leh hma chu a nung reng ang, Ama hminga inpawlkhawmna ah chuan tel zel pawh a tiam a ni. Kan Pathian chenna hi kan thlahlel tur a ni a, Pathian kan mamawhna pawh Kohhran kan ngainat leh ngainatloh hian thui tak a hril a ni. Ziak leh chhiar taima, mahni hnaa thatchhe ngailo kan nih pawhin ala famkim reng reng lo a ni tih kan hriat angai. Pathian hreloa hlawhtling kan nih chuan chapona hian kan thinlung a luah hma em em a ni.
Kohhran hi kan nun kaihruai tu a ni a Pathian Biak in ngaina kan nih chuan kan nun kawng dikloa kal tur nasa takin min veng thei a ni. Pathianin amah chibai buknaah pawh taimak chhuah zel a duha tih tak zeta chibai buk turin mi ti a ni. Ni khata darkar 2/1 hun sen ral nan chuan hun uihawmloh tak a ni bawk. Dik tak leh taima taka amah chibaibuk tura a hnena kan pan hian LALPAN kan hun sen ral hi a theihnghilh ngai reng reng lo, kan hun hlu tak kan pek theih hi a duh hlei hlei zawk a ni. A rulh lehna tur chu LALPA hnenah a awm tih hria in chak tak leh phur takin kan kal zawk thin tur a ni.
Inkhawm avanga hun khawhral leh buai phah ni a kan inngai thin anih chuan LALPAN a chhan a hre ngei ang, mahni hmasial avanga Amah thiamloh chantir tumna anih chuan a huat zawng tak a ni. Kan dama kan thei a nih phawt chuan Pathian chibaibuka inkhawm hi kan taima tur a ni.
Kohhranah chuan mi chitin reng, dinhmun in anglo te, thiam zawng in anglo te, chaklohna in anglo te, rualbanlo te, rethei leh hausa te an awma chung zinga kan telve chuan min siamtu kan ti lawma min dinchhan pawh ani reng a ni.
4. Midangte rawngbawlsak tura taimak :- Mihring te hi in mamawh vek kan ni a, chhiatni thatni nei vek kan ni. Midang tana malsawmna thlen tu ni thei tura taimak kan chhuah hi kan tan pawh malsawm dawnna a ni a. Mahni in hmangaih anga midang te pawh hmangaih ve turin kan Pathianin min ti a chuvangin midangte tana malsawmna ni tura taimak kan chhuah hi kan tih tur reng a ni. Midangte kan tanpui hian Pathian rawng kan bawl a ni a, `Miin i chunga an tiha i duh tur ang bawkin mi chungah pawh ti ve rawh’ tih a ni angin midangte tanpui hi kan tih ngei ngei tur a ni.
“Mal tlat ching chuan ama duhzawng chauh a ngaihtuah a, Midang a thurualpui thei lo” (Thu ngte 18:1)
Mizoram ah chuan midangte tanpuitu pawl chak tak kan neia, mi tam tak tanpui kan duh chuan pawla rawng- bawlnaa kan telve hi a tha awm e. Mahni a kan tih theihloh tam tak hi pawl anga a huhoa kan tih hian awlsam zawka tih theih tam tak a awma, chuvangin khawtlang tana tlawmngai te rawngbawlnaa kan tel hian tunge a ni tih kan hriatloh thleng pawhin kan tanpui thei a, kan chunga harsatna a lo thlen pawhin kan thawhrah aia nasaa mitam zawk te tanpui leh ngaihsak kan hlawhna a ni bawk a ni. Khawtlang anga rawngbawlna tur hi engtik lai pawhin a awm reng lo a, tanpui tur mi an awm changa phur tak leh taima taka kan chet hi a Kristian em em a ni.
A tawp berah chuan heng zawng zawng ti thei tura hriselna te, chakna te, min pe tu kan Pathian hnenah engkimah tawngtai leh dila lawm thu hril tel zelin kan duhnate chu a hnenah nitinin taima taka hlanin kan tawngtai thin tur a ni.
Similar Posts:
- Ringtu Nun
- Misual Mi Taima Ka hmu
- Bible hi aw….
- Intodelh Nan – Taihmak Leh Thawhrim!
- Rorelna hrang hrang 5 (panga) te.
hairehai
February 27th, 2011 at 6:30 am
Ngaihnawm hle mai, inzirna tur a fuihna tha tak a ni. Rinawmna leh taimakna, rinawmna leh hawihhawmna te hi mihring hian kan nitin inzirna zel atan hman atha ka ti thin.
Ka nitin mamawh leh hriat nawn fo atana tha ka tih em em te i sawi hlawm.
[Report abuse]
February 27th, 2011 at 6:47 am
A van sei ve
[Report abuse]
February 27th, 2011 at 6:48 am
Phone atang chuan ka chhiar peih rihlo
[Report abuse]
February 27th, 2011 at 7:06 am
A hmasa berah chuan a Topic spelling a diklo phot. ”TaiHmakna” tihtur ani. Taimakna ni lovin.
[Report abuse]
February 27th, 2011 at 7:09 am
hihihi Xman nakinah an rawn chuk rawn dawn che.. “Taimakna a ni zawk” an rawn ti ang kan referee ho ten
[Report abuse]
February 27th, 2011 at 7:11 am
“Mal tlat ching chuan ama duhzawng chauh a ngaihtuah a, Midang a thurualpui thei lo†(Thu ngte 18:1)
Maltlat hi ka ching viau a, in ngaihtuah chian a ngai a nih hi
Keima duhzawng chauh ka lo ngaihtuah te hi a lo ni ange!
[Report abuse]
February 27th, 2011 at 7:24 am
a tha e,kan mamawh tak a ni
[Report abuse]
February 27th, 2011 at 7:27 am
A va han tha mai mai e aw. Sikul naupangte zirlaibu lama seng luh tlak a nih hi.
[Report abuse]
February 27th, 2011 at 7:58 am
Kan taimakna tur point 3 zingah khian a pali khian a tha full thak. Chhiar a manhla bawk a ni ang, vawi 2 ka’n chhiar phawt atin ‘lawm mawle.
A ropui e.
[Report abuse]
February 27th, 2011 at 8:18 am
[Report abuse]
February 27th, 2011 at 9:05 am
X-Man, ka chuk lo ang che, mahse a thupui chu a nih ang khian kal mai teh se!
Asteric, ziak tha hle mai
[Report abuse]
February 27th, 2011 at 9:42 am
He post chhiar taimak: Chhiartute zingah he post hi a sei vanga chhiarchhuak peih lo an awm nual à wm e. Chutiang mite tan chuan post tha leh sei tak tak chhiar kawnga tan lak a ngai hle. An tan post that zia leh kimchang zia, belhchian a dawl zia chu man phak rual a ni lo va, chhiar lo leh comment miah lova an kalkan pawh hi thil mak a ni lem lo. An taimakna kawng a ni lo miau a.
[Report abuse]
February 27th, 2011 at 9:43 am
5. He post chhiar taimak: Chhiartute zingah he post hi a sei vanga chhiarchhuak peih lo an awm nual à wm e. Chutiang mite tan chuan post tha leh sei tak tak chhiar kawnga tan lak a ngai hle. An tan post that zia leh kimchang zia, belhchian a dawl zia chu man phak rual a ni lo va, chhiar lo leh comment miah lova an kalkan pawh hi thil mak a ni lem lo. An taimakna kawng a ni lo miau a.
[Report abuse]
February 27th, 2011 at 9:43 am
Taima => Taimakna
Xman chu i taiHmak hmel…ka vaw taih dawn che mawni le…
Asteric, I paws tha lutuk!
[Report abuse]
February 27th, 2011 at 9:46 am
@X-MAN-19, ‘taihmakna’ a ti phot a, post chhuah hma in, ‘taimakna’ ti zok turin an suggest a, a ti leh ta nih khi. Amah a ziaktu hi ‘pafa sabengtung zuar’ an soi ang deuh kha a ni v hrim2 a..
ziak thra reuh phian nih hi..a fiah fel khop mai.
[Report abuse]
February 27th, 2011 at 10:13 am
A ni khawp mai, mahni tih loh tawp tur thila tha sên vak hi a âtthlâk a, Taimaknaa chhiar theih chiah pawh a ni lovang. Mitin hian mahni ze mil deuh hna kan thawk tlangpui a, chu ngei chu rinawm taka thawh mai hian mi taima kan ni mai (sorkar hnathawkin pawl/kohhran thil avanga office a kai loh fo chuan eng angin khawtlangah inhmang mah sela mi taima a ni lo). Tin, hna rau rauah pawh mahni thiambik/talent mil hnaah kan taima theuh a ni. Thatchhia te hian an tuina hna an thawh loh vanga taima lo an ni ber niin a lang. Inthawh tui chawp pawh thil awm thei a ni tho na’ngin hun a duh reiin a kawng a bumboh bik a ni.
Chutiang bawkin Ringtu nuna tihmâkmawh thilte hi Ringtu tin hna pakhat a ni ve a ni.
Thu tha hi inhrilh nawn fo tur a ni; thusawi/thuhriltu te, ziakmi te, leh zirtirtu te hnapui ber a ni a, a zawm erawh kan zavai hna.
[Report abuse]
February 27th, 2011 at 10:42 am
Taima – taihmak
Hlau – hlauhawm
[Report abuse]
February 27th, 2011 at 10:55 am
Taima tak a hnathawk thei tur in Taihmak i chhuah ang u. Kan Taihmakna hian kawngro su se, khawnge, kei pawh, Taima tak in kan chhiar ve ang e…
[Report abuse]
February 27th, 2011 at 10:57 am
Pu Hv, taimaka taihmak i tih dawn chuan hlauhawmah hlauawm i tih a ngai ang a..! Taima a nih tawp a, taimak a ni leh e. Taihmak hi a ni ngai reng reng lo. Loh theih lohva ka’n sawi chu! Sorry Pi Aduh!
[Report abuse]
February 27th, 2011 at 11:02 am
TS, huiham ka mut hma …
Mi taima chu a taihmak miin an hre thin. Hetah hian taihmak tih ka hman avangin khiti khian ziah angai ta a ni. ‘Taima’ ti hmang pawn thu (sentence)a siam theih eg: Mi taima chu tu’n an hai ngailo.
Vangchhia hi ka hnam hming anih laiin, Vangchhe pa ka ni a, Vangchhia hi khaw hming anih laiin, Vangchhe khua erawh ka nilo. Chutiang zelin.
Tawng hman dan a awm alawm grammatically speaking hairehai
[Report abuse]
February 27th, 2011 at 11:21 am
Pu Hv duh tak, a lam dan anga ziah chi a awm nameuh mai. Khuai hi a zu chu khawizu a ni daih! Mahse, taima hi engtiang pawhin lam mah ila, engtik khawtikah mah taihmak a ni ngai lo. In dah duh hram a nih chuan ‘h’ in kualkhung (bracket!) dawn nia.
[Report abuse]
February 27th, 2011 at 12:53 pm
Asterics chu ziak tha ngei mai.Mahse amah ber hi a taima angem aw te ka ti vel mai mai a.
[Report abuse]
February 27th, 2011 at 12:58 pm
Va ha tha tiah tiah mawle aw… Pu Ngurthantluangate thuziak ni khawpa mawi a ni.
Taimakna hi ka khel nasa ve thin a. ‘Consevation law’ hian a hrilfiah ber in ka hre thin.
[Report abuse]
February 27th, 2011 at 1:02 pm
He post chu a chhuah hma atarangin in vil nasa bawka!.. Hei a lo tha em a nih hi a.A post tu pa hi taima takin a inkhawm anga a rawn vil hman lo a ni ang e?
Hetiang thu te hi kei hian hriat fo ka mamawh thin..
[Report abuse]
February 27th, 2011 at 1:07 pm
Asteric, kei chu ka chhiar chhuak dap ania aw! I ziak tha kher mai! Mahse enga tinge Tsa te hian taihmakna a awm lo an tih an tih le? “Asteric hi mi taima tak ani! A taihmak avangin a hlawhtling ani!” Enge a dik lohna leee?
[Report abuse]
February 27th, 2011 at 1:49 pm
In in hnial don chuan taihmak leh taimak ah chuan a thu hman dan in ziah dan a awma mahse taihmak an ti ngailo upa chuan kawngkim ah taimak angai vek toh ani an ti zok thin..hehe
[Report abuse]
February 27th, 2011 at 2:09 pm
Muangchangin ka chhiar tha leh tha ka ti tulh tulh mai a… Pu John Moody-a lehkhathawn te pawh a ang ka ti. Pathian thu ni awm lo deuhin a ziak a mahse Pathian thu vek a behcchan si a ni. Tha ka ti hle mai. Mi fuihtu pawl hi kan awm a ngai a ni. Lo ziak zel teh u. Kan lo chhiar zel ang e.
A pawimawh tur bera a ngaih point pakhatna ah khian ka chaurau khawp mai. Ka mamawh chi zawng tak a ni.
Rempuii chu point chu a pathumna ah hian tan lak a ngaih ka ring hle a. Zualbona leh Funny chu keimah ang tho in point pakhatna ah hian an in sawrbing ve a ngai ngei ang le.Pathian thu lam hi tlansan deuh an ching in ka hria a. He post hi chuan a bum ngei dawn e..
A thupui hi Taimakna a ni daih si a an rinloh deuhin an chhiar chhuak dap dawn a nih hi le..:fiamthu: 
[Report abuse]
February 27th, 2011 at 2:11 pm
‘Taihmak’ hi chu ka hnawl rup, keipon. Taimak chiah a ni e, he thlaler ram ro a kn vahvaih chhung hi chuan.
Chu lo reng2 ah poh, taihmak tih te chu a satanic e mai!
[Report abuse]
February 27th, 2011 at 2:22 pm
Maisek, nang leh zel paw’n ‘taihmakna’ i lo ti maw..! Vanneihtluanga emaw, Mafaa Hauhnar emaw paw’n ‘taihmakna’ ti raw sek sek, a ni lo a ni tiin ka hnial peih reng. An ti phei chu ka ti chuang law.
[Report abuse]
February 27th, 2011 at 2:28 pm
Hmmm… Hahthlak! In va han hre lo tak em ve aw…!
Taima => Taima(k)na
Thatchhia => Thatchhia(t)na
Dawhthei => Dawhthei(h)na
Hlau => Hlau(h)na
Harsa => Harsa(t)na
Bawhchhia => Bawhchhia(t)na
Eiru => Eiru(k)na
Hlemhle => Hlemhle(t)na
aaa… a tam lutuk ka sawi seng lo.
Uluk takin en ula, kan thu sawi tum/dan a zirin hawrawp 1 zel, ( )-a a awm khi – thumal 1-ah hawrawp 1 zel belh a ni. 2 belh a ni ngai lo.
“Tai(h)ma(k)” in tih hian thumal 1-ah hawrawp 2 (h leh k) in belh a, chiangkuang takin a dik lo! Tang tung suh u!
[Report abuse]
February 27th, 2011 at 2:30 pm
A dik hlawm khawp mai maranatha
[Report abuse]
February 27th, 2011 at 2:33 pm
Tu nge min cho! Ka hman ta bawka in peih chhung ka peih! :insangmar:
[Report abuse]
February 27th, 2011 at 2:35 pm
TS-a chu i tang ta viau maw…
Inthlahdah avang hian e Mizotawng hi lam dan dik lo deuhah kan chhauh thei a ni. Ziak leh Ziah ang tho ani hei pawh hi. A vengtu kan awm a angai si a ni. Kei chuan Taimak ka ti a. Mahse thangthar tam zawkin Taihmak an ti tlat hun chuan ka taihmak ve mai loh nak ah… Ziak pawh hi ziah duh tu an tam zawk tak tak hun chuan ka ziah ve mai loh te chuan a dynamic an ti tlat bawk si a….. 
[Report abuse]
February 27th, 2011 at 2:39 pm
Kei chu tumah ka cho lo
[Report abuse]
February 27th, 2011 at 2:39 pm
Taima = Taimakna
Taima = Taihmakna
[Report abuse]
February 27th, 2011 at 2:47 pm
Pangti, min cho reng kha! min cho lo angin i awm der mai mai…
Tha te tea i rawn (sual) leh hi lawmawm ka ti fe zawk
[Report abuse]
February 27th, 2011 at 2:50 pm
Thil dang hriat ka nei lem lo, hriat ka neih chhun chhunah hi chuan min hnial fithlak thak tum zel suh u! Haha.
Mahni infak pawh lo chang mai ila. Lehkhabu chhiar ka atchilh tak tak lai, 2002-2004 chhung khan kumtin Mizo lehkhabu 110 vel ka chhiarchhuak ziah a. Hemi atang hian nasa takin Mizo tawngah hma ka sawn a, heti lamah hi chuan ka tang na viau zel a nih hi.
@Krista: A loh theih loh a ni e. Nang pawh tuna i kal dana i kal chuan thangthar, a dik zawk hre lote’n an hruai phar an hruai phar dawn che a nih chu mawle… He2.
[Report abuse]
February 27th, 2011 at 2:54 pm
Kawlhawk, ka taksa a chaklo em a ka misual regu theilo ani
[Report abuse]
February 27th, 2011 at 3:00 pm
K’u Ts-a ka tan e! Keipawh ka hriat dan a nia.
[Report abuse]
February 27th, 2011 at 3:28 pm
Pu Kawlhawk(#30)-a tanna chhan pawh khi a reasonable ka ti chiah lo Ts. A tan chhan ber tur nia ka ngaih chu-kan upa te leh mi hlui te khan Taimakna an ti a ni ti se a tha ka ti.
A nih loh chuan thenkhat tena an hman fo heng thumal hi engtin nge sawi fiah tur ni ta a????-
hmuchhuak-hmuhchhuah
tithei-tihtheih chutiang zelin..
Modify theih hi a tam a mahse kan in restrict deuh chu a ngaih hmel. Tak tak in kalo ti ta duah e boruak vaw hot tu tan mai mai in kalo thai a ni e….
Inkhel enve phawt teh u. India in England kan sawp dawn a nia….
[Report abuse]
February 27th, 2011 at 3:33 pm
Huiss, in hnial hrat hlawm si! Tsa leh kawlhawka an tran dun tlat chuan ka hneh chuang lovang! An trawng thei si…. ka cho lo mai ang che u! mahse…. ka la hmang thin tho male!
[Report abuse]
February 27th, 2011 at 3:48 pm
Kris Buang, hmuchhuak leh hmuhchhuah hawrawp hi hawrawp 1 chiahin a inthlau/intamhleih. Tin, tithei hi thumal pakhat angin rawn dah suh, thumal 2 (ti+thei) ziahzawm mai a ni. Taima = Taimak nen a inang lo. Thei => Theih. Ka sawi khi ring mai rawh u!
[Report abuse]
February 27th, 2011 at 4:17 pm
Thumal 1-a hawrawp 2 tihdanglam chu a awm thei ngei a, mahse, “Taima => Tai(h)ma(k)” tih anga hawrawp 2 belh a ni ngai lo. Chuvangin, tang tung lo khan Taima(k) ti ve hle2 rawh u.
[Report abuse]
February 27th, 2011 at 4:24 pm
Pu kawlhawka hi aw ti tha thin ka nu koh dan hlirin minla ko leh nghal a. Nia insai khi ka pawm e. Kalo tive deuh mai mai a ni. TSa nena in tang dun chu an ngam vak lo che u ni maw..ani lah hi a reh hmak tawh mai si a. In bula awm a nuam e…
[Report abuse]
February 27th, 2011 at 4:35 pm
methinks, mizo tawng hi chu written language a ni loh vangin rules khauh tak han zam tur em em pawh a la awm hman lo vin a lang… tuna ka ziah/ziak zawng2te pawh sap hawrawp hmangin kan thai ve a ni mai. Language chipchiar, greek, urdu atanga rawn chhuak ani chiah pawn a lang lo… A evolve mek a, a than theih dan danin a thang ve bawk. Literature nei lo hnam hnufual ho hi chuan a tlangpui-in language kan lo chik lo a, tin chipchiar takin a grammar, structure pawh kan zirin kan lo nei meuh lo. A rik dan kha a pawimawh em em a, chu chuan min kaihruai a ni deu tawp. Tun hnai atang khan English te kan han zirin kan han thiam chawpa, kan ti ve tan chauhin a lang… An rawn chhuahna erawh a in ang lo mai thei… chuvangin complicate belh chiam theih pawh a ni in ka hre lo… preserve duhna kan nei chu a tha reng mahse roots mumal, documents, literature nei lo chuan a harsa khawp ang… Keini ang language hi chu chinese, ang deuh vin a tul lo zawng paih sa vek in a awm.. streamlined language a ni… Verb to be, tense, gender, etc… an pawimawhna a tlem, a context in tamtak hrilhfiah mai… chuvangin liberal deu hi tha mai.. Taihmakna pawh ka pawm e….
[Report abuse]
February 27th, 2011 at 5:07 pm
Midang pawm dan thlak tum em em pawh ka ni lo va, a dik zawk a nih zia sawi maiah ka inngai. A hranpaa thiamna nei ka nih lem loh avangin han sawifiah dan ka thiam lo va, keimahah a chiang em em thung.
He taimaknaah hian ‘h’ tel lovin han lam chhin ta ula, chuta a rik dana chu a dik tak zawka chu a ni. A ziah chu thuhran, a lamrikah hrim hrim pawh taihmakna tih tur a ni lo. Mr. Hyde-a sawi angin rules zam awm lem lo mah se, a dik zawk hi chu a lo awm zel a ni tih hi ka pawm dan a ni a, a rik dan ang anga kan ziak tawp zel mai dawn a nih chuan kan Mizo literature hian belhchian a dawl lo ngawtin ka ring.
[Report abuse]
February 27th, 2011 at 5:33 pm
Adjectival verb ‘Taima’ hi a noun form-ah ‘Taimakna’ kan ti mai thin. Mizotawngah hian adjective/verb, noun a kan siam hian ‘na’ hi kan belh tlangpuia a rem khawp mai. ‘Taihmakna’ tia han lam hram chu a taimakthlak ka ti deuh.
[Report abuse]
February 27th, 2011 at 5:37 pm
A dik e,TS…literature lo la awm zel tur a tan a pawimawh khawp mai.. thil pakhat ka lo hriatchhuah chu mizo tawng hi mono-syllabic language ania, meaning pawh syllable tin a awm mai in a lang. Tam zawk chu compound words an ni in ka hria… mahse taima erawh hi chu syllable 2 nei amaha meaning kim sa a ni tlat mai a,chuvang chuan ‘tai(h)makna’ ni lovin ‘taimakna’ a lo ni tur a ni thei a ngem? tin noun form a dah dawnin kawlhawk #30 rawn thai lan atang khian adjective reng reng vowel sound a tawp chuan suffix, ang deuhin a rik dan nen a inmil turin (k), (t)(h) emaw +na angai zelin a lang…
[Report abuse]
February 27th, 2011 at 5:42 pm
Taimakna tih ai a Taihmakna ti a hman chu ka hre nual tawh. Mahse TuaiSialA leh kawlhawk tanna hi dik ka ti ve bur ringawt
“Taihmakna” ti in kan sawi ri ngial a, a dik thei ngang in ka hre lo!
[Report abuse]
February 27th, 2011 at 5:44 pm
Plus muantea
[Report abuse]
February 27th, 2011 at 6:18 pm
Taima takin phek tharah taimakna sawiho ang u aw..!
[Report abuse]
February 27th, 2011 at 6:19 pm
verb leh noun ang zawnga sawi hian a fiah rual2in inhnialna a titam ting fo a, mawlmang tak, dik tak si a ka sawi khi ring mai rawh u.
[Report abuse]
February 27th, 2011 at 6:23 pm
Inkhawm banah ka rawn lang leh ang.
[Report abuse]
February 27th, 2011 at 6:26 pm
taihmakna han tih tlat mai chu…h!!!! mizo tawng ziakdan dik hi soi fo hi tha ka ti, hre dik vek awm a har a, hriatloh palh leh tihsual palh chu inzir zel mai zok ila..
[Report abuse]
February 27th, 2011 at 9:20 pm
hei hi ka ngaituah thin… tawng hi chu culture leh tradition a zirin thumal leh concept tam tak hi a piang chhuak a ni a chutiang zelin kan hnamin a thil tawn thar a zir te pawhin/pawn thumal thar emaw chu a lo irh chhuak mai.. entir nan, chawhmeh tomato, hmarcha, sap, mawza,,etc…vai-hlo, chuan compound words tam tak dang te… ziak tih hi write tihna anga lo ngai ta ang ni ila, thil ziak hnuhchhia reng kan pi leh puten an nei vak pawh a awm lem lo va, milem tiam lovin…
chuti, ziak tih hi a hmain ziat a lo ni reng thei a ngem? te kha han ti tha leh rih ila…
[Report abuse]
February 28th, 2011 at 4:18 pm
Pathian ring lo pawh hi taima fe fe an tam mai!
[Report abuse]