Mizoten kan hnam hming phuah dan leh ziah dan hi i ngaihtuah ve mai mai thin em. Hmanni chu kan thian pakhat nen hian hnam hming ziah dan leh hming phuah dan chungchang hi kan hriat dan leh ngaihdan ve ve hmangin kan in hnial chiam mai a. Ani chuan hnam hming ziah dan chu a pu tu kha mizo anih phawt chuan eng ang pawhin lo ziak kual se a pawi na a awm chuang lo.
Zalenna an nei a kan sawisel theih pakhatmah a awm hlei nem a ti tlat mai a. Kei lah mahni tanna lamah chuan lo tang tlat mai chi ka lo ni ve a. Zalenna an neih na ah chuan ka chiang khawp mai, mahse chutiang zalenna an neih chu hetiang thilah hi chuan hman a remchan lohna a awm thu ka hrilh ve nasa mai a.
Hetiang chungchangah hian inhnialna tam tak a awm thei ang. I ngaihdan anih leh nih loh chu ka hre lo a, ka ngaihdan leh dik nia ka hriat dan ka han tarlang ve lawk ang e. Lehkha kan zir lai (ti ve tawp mai ang) a kan zirlai pakhatah chuan ziaktu pakhat hian a hnam hmingah ‘Colney’ tih hi a hmang a. Mizo zirlai zawng zawng chuan ‘Kawlni’ a tihna ah kan ngai mai a,kan hrethiam mai a ni. Ka thian hnamdang pakhat chuan chu hming chu mizo hnam hming ani lo ang a ti ve mauh mai thung a.
A chhan pawh chutiang hnam hming chu a zirna atangin mizo hnam hming ah a awm tlat lo a ni. A nickname/surname satliah ani ang e a ti tlat mai a. Mizo hnam hming kan neih ho zingah hian ‘colney’ hnam hi a lo awm tlat lo mai tih hi min ngaihtuah chhuahtir, ‘kawlni’ hnam hming anga kan lo ngaih sak ve ngawt mai hi a ziaktu leh a chhiartute kan inbumna chikhat a lo ni reng mai tih ka hre chhuak ta a ni.
Tin, he hnam hming chauh hi mizoten hnam hming kan ziah dikloh chu ani lo. ‘Royte’ tih te hi engtik atanga kan hman tan nge tih pawh hriat ani lo. ‘Jongte’ tih hmang pawh engemawzat kan awm ta. Mizo in alphabet kan neih sa in a daihloh vanga hmang chu ni ila a hriatthiam theih deuh awm e. Sap suak nge kan nih a,mizo suak zawk. ‘O’ hi mizo alphabet a kan lam rik dan turah chuan ‘aw’ ang ani ve lo a, tichuan mizo alphabet leh sap alphabet hman pawlhin mizo hnam hming kan ziak chhuak ta tihna ni a. A van buaithlak tak em!!
Tin, hming in sak sak dan chungchang han tarlang tel leh zawk i la. Sap hming inphuahsak hi eng emaw chenah chuan a tha khawp mai. Hnamdang zingah phei chuan mizo hming hi lam har an ti thei em em mai a, sap hming lo neih zeuh chuan awlsam takin min ko thei nghal mai thin a ni.
Mahse maw, hetia sap hming kan inphuahsak hian kan hnam hming langsar tur kha kan thup bo thin tihna a lo ni reng mai a. Fa ka la nei ve lo na’ngin ka neih hunah chuan koh awlsam leh tawi thei ang berin ka fate hming chu ka phuahsak ang ka ti thin. Sap hming ka phuahsak chuan mizo hming ai khan a langsar hmasa dawn tih hi ka chiang sa reng a ni. A hming hmasa zawkah hian mizo hming dah sak ta i la, a mizo hming zawkin an ko duh mial ang em tih te ka ngaihtuah tel bawk. Eg. Buanghmingthanga Michael te han ti ta ila, a mizo hming hian an ko duh mial mahna.
Sap hming inphuah ho hian mizo hming ai hian sap hming hi an dah hmasa zawk fo thin. A chhan chu mizo hming hi kan ngaih hniam zawk vang ani fo thin. Ka ngaihdan ka han thai lang mai mai anih hi, in comment na ka lo ngaichang reng e.
Similar Posts:
- Middle Name/Hming Lai: Hming Pathum I Nei Ve Em?
- Mizo hi hnam hming a ni lo
- Ng Chungchang
- India in Zalenna a sual
- ‘NG’ chungchang
hairehai
March 29th, 2011 at 6:19 am
Mizo tawng ziak AW leh O lam dan English in i zir ang aw:
AW : O as in ON
O : O as in OVER.
Khiti khi anih avang khian Kawlni tih aia Colney ti a ziak anih chuan Kaulnei ti a lam angai dawn ta a nih chu. Zohnahthlak hnamah hian Kaulnei hi an awm lova, an awm kumkhua pawhin ka ringlo.
Ralte Kawlni chang anni hleinem, Zâwngte, Hauhnar leh a dang te pawh ziak Lêr ching an awm, thil fuhlo tak leh chin hauhloh chi niin ka hria. Intih vaitingtâng tum hian kan nihna a bo chuanglo, kanmawl hle tih nemnghet ting mai niin ka hria.
[Report abuse]
March 29th, 2011 at 6:23 am
Mahni hnam hming saptawng a ziak ho reng reng mi lar pawh ni raw sek sek ka ngaisang eih lo, e.g Lalzuia colney
[Report abuse]
March 29th, 2011 at 6:26 am
[Report abuse]
March 29th, 2011 at 6:36 am
Heng ho hi chuan Kulikawn pawh ‘coolycone’ an ti mai ang a?? Mizo sap hming pu zawng2 hi an duh dan leh mawi an tih vanga in phuah an ni vek lo..sakhuana thil vanga pu an tam mai..!
[Report abuse]
March 29th, 2011 at 6:49 am
Mi(khual)pa # 4 a dik, Sap hming tihah pawh English tak chu tlem tak zawk ani maithei.
#2
[Report abuse]
March 29th, 2011 at 6:55 am
Hnam tinah hming ziak dan dik, awmze nei a awm. Chutiang chuan inkoh uanna emaw inkoh duatna lam a sawilo thung.
[Report abuse]
March 29th, 2011 at 7:02 am
E khai, a va la hma ve. Kan mu leh rih teh ing
[Report abuse]
March 29th, 2011 at 7:22 am
Pu HV sap hming kan ti mai pawh a,mizo tam zawk hriatthiam dan leh sawi danin.. Mizoin hming dang kan put tam zawk hi chu Bible a kan hmuh(Esther-i,David-a…etc) leh chhiar thin an ni tlang pui niin ka hria..Sap kan ti mai a mizo te chuan, English an nilo tih chu tlang hriat a lawm..
[Report abuse]
March 29th, 2011 at 7:26 am
kan pu hi ka tan khawp mai, a letterhead anlo siamsakah jongte tiin anlo dahsak a, a thaichhia a, zawngte tiin a thlak leh vek. Zotawng diktaka ziak hi keipawh ka duhsam ani.
[Report abuse]
March 29th, 2011 at 8:39 am
Pu Sangthanga chuan,”Hming bulah ek e,bal e a awm tur a ni lo,Sangthanga a ni faithah tur a ni ringawt mai,” a ti ve hmiah an ti.
[Report abuse]
March 29th, 2011 at 8:41 am
Colney an hnam hminga an ziah chuan Wralte ka inti ve mai dawn. Mahse Kawlni zawng zawngin Colney tih an hmang si lova, Ralte ka inti mai ang.
[Report abuse]
March 29th, 2011 at 8:45 am
“Fa ka la nei ve lo na’ngin ka neih hunah chuan koh awlsam leh tawi thei ang berin ka fate hming chu ka phuahsak ang ka ti thin.”
Hming sak i chhungten an chang leh daih si ange. I duhdan anglo deuh hlek in Roxenburgh Pathian Ram Rambuatsaiha Rault aka Ralte te an sak sak daih anga
[Report abuse]
March 29th, 2011 at 8:46 am
Tuna kan thupui hi thu tha tak a ni a, post tha a ni e. Hming ziak dan hi kan duhdah nge ni a kan uang kual ve nge ni kan in ti changkang aw?????? Hriatthiam harsa tak a ni. Ni e, mizo hming ni na na na sap tawng hawrawp hman anga ziah tlat hi chu a dik lo reng a ni.eg. Hrangthanzawna chuan HT John tiin a ziak mai a, a sualna a awm lo a nimai thei a, mahse a hming ah John tih a awm lo tlat a ni.
Hnam hming ziak hi sawi kai law law teh ang, mahni hming bul ah hnam hming hawrawp bul ber ziah pawh hi a tawk lo…. Eng a lam tih hriat a har lutuk tlat. C dah tu chuan C lam hnam hming a tam si a, a lo chhiartu tan chuan buaithlak tak a ni. Hei ai chuan Chhangte a nih chuan a hming tawp lam ah chhangte tih belh mai se chutiang zel in hnam dang pawh in. A nih loh chuan hnam hming ziak tel lo law law se…
[Report abuse]
March 29th, 2011 at 9:12 am
@ Xaia,
‘Mi ram Petera te chu an meng paw chik chek a, keini ram Petera te chu mit kalh lek lek, ke kual ti te, kei chu Sangthanga ka ni fel fai thah’ a ti zawk ami kha
[Report abuse]
March 29th, 2011 at 9:22 am
Kei chu in sawi mai bakah khan tunlai a mizo hming ziak zawm lova chhumbunga ziak kan in tih hmuh hi a tha lo mange ka ti. entir nan Lalchhandama tia ziak mai tur, Lal Chhandama kan tih tlat chuan hmana kan zir thin dan a kalh tlat. Amaherawh chu hnam hming telh duh ta se ziah zawm loh chu a dik ang e.g Lalchhandama Sailo tiin ziak se a dik zaih chu ka ti thung. Enge in ngaihdan?
[Report abuse]
March 29th, 2011 at 9:49 am
Vaiho hian HANAMTE min ti a, ka eih ve mai. Sapho hian HUMPTY min ti, an thiam danin min ko. Mahse an ziahin, HNAMTE an ti ziah tho. Spelling dik, a dik tak phawkzo ka thlang fan. Colbert, Colney ka ni ve lo miau a le!
[Report abuse]
March 29th, 2011 at 9:57 am
Ka thianpa Liantluanga pawh, Sunday School-ah a hmingpui a awm a. Roll call an buai loh nan, an zirtirtu chuan ka thianpa hming chu engtia ziak nge ni dawn tiin a rawn a, ani chuan, “Ka hming bulah Q dah mai rawh,” a ti sam et.
[Report abuse]
March 29th, 2011 at 10:02 am
Kei chu misual.com-ah paw’n ka hming neih chhun hi ka hmang mai
Ka hmingpum Lalhmingmuana Sailo,(Mahminga tih hi ka chhungte leh thiante min kohna.
Pawl sawm ka zirlai (inti-english medium hostel awm takin..
) in Sailo hi Psylo tiin ka ziak ve thin, Matric ka pass hnu leh tun thlengin chhunzawm tlakah ka ngai lem lo 
)
[Report abuse]
March 29th, 2011 at 10:19 am
Mizo hnamah pawh tlema nau deuh, History nei lar ve lemlo ho bak in an thlak an thlak lo ang…
[Report abuse]
March 29th, 2011 at 11:29 am
*A hming hmasa zawkah hian mizo hming dah sak ta i la, a mizo hming zawkin an ko duh mial ang em tih te ka ngaihtuah tel bawk. Eg. Buanghmingthanga Michael te han ti ta ila, a mizo hming hian an ko duh mial mahna.*
Hnam dang ho chuan a koh awlsam zawk ‘michael’ tih tho hian an ko ang ka ring
[Report abuse]
March 29th, 2011 at 11:33 am
Ka hmingpum hi a sei viau a, vai-ho hian lam har an ti bawk a, ka sap hming hian min ko mai zel a, tichuan ka mizo hming lamdan ka zirtir hlawm a, kar khat a liam meuh chuan min ko nalh nalh thei tho. Pakhatin a thiam bel chuan a awki phawi dan an man a midang paw’n min ko ve zung zung mai..
Hnam hming, english alphabet-a dah hi a tulna ka hrelo mai ni lo in, hnam originality a ti bo vek…
[Report abuse]
March 29th, 2011 at 12:23 pm
Mizo hming = behbà wm(lal, vanlal,…) + a tak tak lai(hmangaih, rinawm,…)
ka ngaihdà n ve mai mai.
[Report abuse]
March 29th, 2011 at 1:33 pm
Hming chungchangah hi chuan inhnialna a tawp thei tawh lo ang, The mizoram Name Act 2020?? te kan nei a, danin min phuar a nih ngawt loh chuan, mahse a tha zawk leh kan hnam dam theihna tur erawh misual rual hian i tlangaupui zel ang u….
[Report abuse]
March 29th, 2011 at 2:29 pm
Colney, Royte, Joute, Jongte, Colbert, Wrenthley, ldt. te hi eng hnam tak ni hlawm maw? ‘Sai a chak bera Mingovin thil an tithei ber’ tih thua thluak suk Mizote hian a dik a dawk pawh thlu lova Sap ngaihsanna thlarau hi kan la inrochun zel zawng a nih hi.
[Report abuse]
March 29th, 2011 at 2:29 pm
shylo-sailo
[Report abuse]
March 29th, 2011 at 2:33 pm
Hming chungchang hi hman deuh khan kan sawi ho nual tawh a. Khata tang khan hming sei diah diah tak mai hi a lo va hnawksak em! Tangkaina pakhatmah a nei si lo ka ti ta a ni. Ent. Rammawia Ralte, Lalliana Lailung, ldt.. tih mai te hi a lo thain internationally pawhin a lo inrem khawp a ni.
[Report abuse]
March 29th, 2011 at 2:52 pm
Kei chu CHAWNGTHU ka ni, chongthu tiin ka ziak. letter pakhat a tlem vang hian academic form ka fill up zawng zawngah ka hming a leng chiah chiah ( ka hmingpum hi a se ve hrim hrim). A tha ka lo ti viau mai. O leh Aw khian ka identity a tidanglam pawhin ka lo hre lem hlei lo va. A tidanglama ngai erawh an awm ngei ang. Ka O leh Aw vang khian ka MIZO nihnaah ka buai lo khawp mai. Midang ziahdanah pawh ka buai bawk lo.
…khrum
[Report abuse]
March 29th, 2011 at 2:58 pm
keimah bonez mijo
[Report abuse]
March 29th, 2011 at 3:02 pm
Mizo chauh lo pawh, hnamdang pawh an ni ve thi a sin. An buai vak awm pawh ka lo hre lo va.
Entirnan:
“Banerjee (Bengali: বà§à¦¯à¦¾à¦¨à¦¾à¦°à§à¦œà¦¿ Bênarji) or Bandyopadhyay (Bengali: বনà§à¦¦à§à¦¯à§‹à¦ªà¦¾à¦§à§à¦¯à¦¾à¦¯à¦¼ Bôndopaddhae) is a prevalent brahmin surname in the Bengal region of India. The name is also spelt Bannerjee, Banerji, Bonnerjee, Bandopadhyaya by different families.”
…khrum
[Report abuse]
March 29th, 2011 at 3:53 pm
Grigori Yevseevich Zinoviev te,Georgi konstantinovich Zhukov te,Yevgenii Yevtushchenko,Soren Kierkegaard te,Aleksei nikolaevich Kosygin te,Sergei koussevitsky etc..etc vel hi chuan ka hming a sei em a,hnamdangin an lam thiam lo tih vel,a sei emai tih velah chuan an buai ve loh hmel …:-)
[Report abuse]
March 29th, 2011 at 4:34 pm
Tunlai chuan Ralte in ‘etlar’ an in tia,sailo in ‘cylo’..
nge awmzia???
[Report abuse]
March 29th, 2011 at 4:36 pm
#29: A dik tho mai.
Rabindranath Tagore-a tepawh, Bengali pronounce dan ang chuan, “Robindronath Thakur” tih awmtak ania. Rabindranath Tagore tih hlirin kan hre larin kan ziak thova.
‘Tagore-a’ ti tawh lovin, ‘Thakur-a’ ti tawh ang u hmiang.
[Report abuse]
March 29th, 2011 at 7:46 pm
Hnam dang lam thiam turin ka hming hi ka la ti danglam ngai lo, ka tum bawk hek lo. An lam thiam leh a á¹ha, an thiam loh pawhin a ‘cial ting ani mai. Ṭawng hran hman kan nei a, hei hi á¹ha ka la ti fan
[Report abuse]