Khawbung-a Mizo Hla Kungpui Mual chuan kum 25 hmel a hmu dawn ta a, April ni 6 & 7, 2011 hian Hla Kungpui Mual silver jubilee hi ropui taka lawm tum a ni. Art & Culture Minister PC Zoramsangliana, Chief Secretary Vanhela Pachuau-te chu khuallian-ah an tang dawn a, ruai nen ni hnih lai hman tum a ni.
Mizo Poets’ Square tia an koh fiamah hian hla phuah thiam leh thu ziak thiam mual liam tawh mi eng emaw zat hriatrengna lung phun a ni a, tun tumah hian mi pali – PS Chongthu, Zirsangzela Hnamte, Nuchhungi Renthlei leh Rev. Thangngura-te sengluh belh tum a ni.
Mizo hnahthlak thu leh hla tha tak takte hmanga Mizote kum tam tak lo chawm tawhtute chawimawina hmun, Mizo Hla Kungpui Mual (Mizo Poets’ Square) hi kum 1986 khan Khawbung-ah din a ni a, kum 1996 leh 2006-ah te khan sengluh belh zel a ni a, tunah hian mi 29-te chawimawina lung phun a ni tawh.
He hmun luah thei turte hi Zoram pum huapa literature-a mi challang leh hmingthate’n thlang chhuakin, chu chu Hla Kungpui Committee-in a pawm hnuah chauh sengluh an ni thin. Thu ziakmi leh hla phuahthiam an thih atanga kum nga a ral hnuah chauh sengluh theih an ni. An kut chhuak thuziak emaw, hla phuah emaw, pahnih pathum tal Zofate thinlunga nung reng a ni tur a ni.
Mizo Hla Kungpui Mual-a sengluh tawh te:-
Kum 1986-ah Patea leh Damhauhva.
Kum 1996-ah Kaithangpuia, Lalzova, Saihnuna, Lalawithangpa, RL Kamlala, Rokunga, Vankhama, Suakliana, Liandala, CZ Huala, Kaphleia, L. Biakliana, Lalzuithanga, C. Thuamluaia, Rev. Liangkhaia, JF Laldailova, Capt. C. Khuma, Prof. Siamkima, K. Zawla, KC Lalvunga.
Kum 2006-ah Zasiama, Vanmawia, Ralngama, Siamliana, Laltanpuia, Rev. Saiaithanga, A. Sawihlira.
2011-a Hla Kungpui Mual-a sengluh turte pual hian seminar buatsaih a ni ang.
Source: The Aizawl Post, Zirtawpni, March 18, 2011.
Similar Posts:
- Hlakungpui Silver Jubilee Lawm a ni dawn
- Hlakungpui Jubilee lawm hun tur chiang ta
- Mizo Hlakungpui Mual Silver Jubilee
- Thil hlui khawn khawm dawn
- Hlakungpui ah chawimawina lung
hairehai
March 19th, 2011 at 4:25 pm
Tel ve a chakawm hle mai. Ka la han hmu ve hauh lo lehnghal.
[Report abuse]
March 19th, 2011 at 4:40 pm
N nge S Khawbung?
[Report abuse]
March 19th, 2011 at 4:44 pm
keipoh ka la kal lova ka kal ve chak khop mai.an va han hlu tak em aw!!!
[Report abuse]
March 19th, 2011 at 4:55 pm
Tunlai thangthar ten kan hriat lar Lalsangzuali Sailo leh Zoawi Lelte Vanlalruati te hian hmun an chang ve em le?
[Report abuse]
March 19th, 2011 at 4:57 pm
@Awmawmpuia: North nge South ka hre miah lo. An inthen hrang tih pawh ka lo hre hleinem!
[Report abuse]
March 19th, 2011 at 4:57 pm
Hman deuh hunah la kal ve tur ani, pangpar nen
[Report abuse]
March 19th, 2011 at 5:03 pm
Hehe. Ka kal ve châk khawp mai.
@dalbat: An hun a la thleng lo aniang.
[Report abuse]
March 19th, 2011 at 5:13 pm
Khawbung S khawtlang hmalakna hi chu Mizo hnam hian a nhilh tawh ngai lovang. Thu leh hla thiam te hi ngawi renga ring taka tlangautu leh Ramin a fa chuam te an ni. Hats off to all Mizo poets, essayists, writers. Silver Jubilee lo thleng ta chu ka duhsakna sang ber ka hlan e.
[Report abuse]
March 19th, 2011 at 5:34 pm
Khawbung hi a khawlai a la khu viau em chu ka hre law, chu tih lovah chuan hmun nuam ve tak a ni. Kal leh a chakawm mange
[Report abuse]
March 19th, 2011 at 6:08 pm
south khawbung zawk ania,north zawk chu champhai hmunhmeltha bul ah a awm…khawbung khua hi champhai atang in 72km vela hla ni a,E.Lungdar lam atang pawh in a kal theih…khaw nuam tak ani,a khawlai tak ah zawlbuk tual a awm te hian a ti nuama,Hlakungpui bul lawk a helipad tlang a in zar duau mai a,puanvawrh kham an lang var uarh te kha ava nalh tak em aw..kan tet laiin school ang in Hlakungpui ah hia kan thawk nasa thei khawp mai..kumin ka nag dawn lo erawh ka ui khawp mai….khawbung khaw zaudawh,centenary te chu ka chhim a sin mawle…
[Report abuse]
March 19th, 2011 at 6:17 pm
Thih hnu chauh ah nilovin damlai pawhin lakluh thei se tha ka ti.
[Report abuse]
March 19th, 2011 at 6:18 pm
Hla kungpui mual la hmu ve lo te tan… (fiah lo lutuk)
https://i54.tinypic.com/1yvo6u.jpg
[Report abuse]
March 19th, 2011 at 6:20 pm
A thlalak i neih chuan han post law law la Tuaisiala
[Report abuse]
March 19th, 2011 at 6:28 pm
I ti lawmawm e Zero
[Report abuse]
March 19th, 2011 at 6:42 pm
@mik3s, a thlalak neih chu sawi loh, kal pawh ka la kal lo.
[Report abuse]
March 19th, 2011 at 6:42 pm
Kaithangpuia hi ka hre ngai hauh lo
[Report abuse]
March 19th, 2011 at 6:48 pm
@ninja: Sual lutuk! Ka type sual a nih khi le.. Mobile atanga post a nia, tihsual a lo awm khawp mai.
[Report abuse]
March 19th, 2011 at 7:50 pm
Nikum lam khan Silver Jubilee lawmna tur hi post ani tawh thin a atir a kan Budget nuai 36 kha kan tlin ring lova min huphurhpui tak tak pawh misual ho zingah kan tam anih kha.
Vanneih thlak takin Khawbung leh a khawchuak te thawhrimna leh sawrkar hotuten min phur pui na zarah kan budget Nuai 35 chu khumin tunah hian Nuai 50 chuang kan nei ta ani.
Mimal leh chhungkua ang ten Rs 10000 thawhte kan awm nuk mai a kan lawm tlang hle. A hre chiang duh tan a hnuaiah hian Hlakungpui mual site link ka han dah e.
https://www.hlakungpui.com/
[Report abuse]
March 19th, 2011 at 9:10 pm
@Tuaisiala : alo nih chu, hei Zero a dah hi ring mai ang. I ti tha e.
[Report abuse]
March 19th, 2011 at 9:11 pm
Minsawm ve tak asin maw le. Kal ve ngei pawh ka tum tak kha….
[Report abuse]
March 19th, 2011 at 9:16 pm
khawbung in la ti ta deuh2….
[Report abuse]
March 19th, 2011 at 9:29 pm
Kal ve ka van chak ee..Khawbung’S’ hi ka la kallo re re..
OT loks…CFL hi Makpa englo kanga nen khan an komen tawngkam hman dan a in ang ee…Obama ang deuhvin..’Change’ lo ti vel a nih ka ring.
[Report abuse]
March 19th, 2011 at 9:52 pm
North Khawbung leh South Khawbung chungchangah hriat chian loh/fiah lo a awm a ni maw? North Khawbung chu Champhai bul lawk, Hmunhmeltha khaw piah ami a ni a, Khawbung chu Biate leh E Lungdar piah, Tuipui ral ami a ni e. Tunhnai deuh khan Khawbung hi, North Khawbung a awm avang hian South Khawbung ti a sawi a awm zeuh zeuh a, mahse, South Khawbung hi a awm ngai lo a, Khawbung ti a sawi hian a fiah tawk. ‘Khawbung ala ti ta deuh deuh…’ tih tawngkam hi a awm a, mahse, a . Khawbung ber hian an lawm zawk tlat. Ngaihhuat lamah an la miah lo.
[Report abuse]
March 19th, 2011 at 9:59 pm
Ka en thuaka ‘Mizo Hla Kungpui leh Misual silver jubilee lawm dan tur’ tia ka’n chhiar chu le…lolzz
[Report abuse]
March 19th, 2011 at 10:01 pm
Asteric, mak thei em mai!
Pu Shai, a bengvarthlak leh ta!
[Report abuse]
March 19th, 2011 at 10:19 pm
Khawbung chu ka tlawh chak pawl tak a ni. Thlalakah erawh ka hmu ve nual tawh in ka hria..
[Report abuse]
March 19th, 2011 at 10:22 pm
Khawbung a la ti ta deuh deuh…tih vel kha ka hriat chhun a nia, tlawh ve pawh a chak-awm hle mai.
A bengvar thlak thin ngawt mai…
[Report abuse]
March 19th, 2011 at 10:35 pm
shai #23
[Report abuse]
March 19th, 2011 at 10:43 pm
Thlalak..
https://i.imgur.com/Qnsfh.jpg
[Report abuse]
March 19th, 2011 at 10:48 pm
29
vlchinzah # Khawi lai nge a ? In nu leh i fanu a ni maw?
[Report abuse]
March 19th, 2011 at 10:51 pm
@ HV, Khawbung chu a main road kha an metal/alkatralized(?) hehe… tawh a, Hla Kungpui Mual thleng in, ka kal hnuhnun ber chuan a ziaawm tawh khawp mai.
[Report abuse]
March 19th, 2011 at 11:02 pm
@ mr Duhlova, an sawi hla kungpui chu nih hi. Helai hmunah hian Hla phuah thiam Patea leh Damhauhva te Ruhro phum ani, hei hian helai hmun hi a ti hlu hle.
kumtin hian tlawhtu an tha hnem thin hle. A hmun leh hma hi tih chang tlun zel tum ania, tunah hian master plan te siam in nasa zawk a jubilee zawh lamah hma lak chhun zawm tum ani.
[Report abuse]
March 20th, 2011 at 2:17 am
Hun remchangah la kal ve chi anih khi.
[Report abuse]
March 20th, 2011 at 3:54 am
khawkhawm lai khan ka pate pawh he khua ah hian an khawm ve a,Zawlsei leh Khuangthing ho an inngeih lova naupang ho a huhovin an insual thin ani awm e……….
[Report abuse]
March 20th, 2011 at 2:41 pm
Khawbung thlalak vel chu hetah hian a awm ang….. Kal ve tum ngei chi anih hi….
https://www.khawbung.mizoram.gov.in
[Report abuse]
March 20th, 2011 at 7:48 pm
Misual zawng zawng rawn chhim tur a sawmna rawn tih chhuah thuai tum ani ang
[Report abuse]
March 21st, 2011 at 12:34 pm
vlchinzah kal ve a vanchakawm veeee…mahseeeeeeeeeeeee kan kawng chhe lutuk hi…minister ho pawh hian khilama motor a lo kal hi nuam an ti emaw ni le….1992 vel a kawn an blacktop tawh kha tun thleng in chei that a awm toh lo chu ni sia
[Report abuse]