Northeast state hrang hranga hriat hlawh ve tak Jessy Ralte hian Shillong UCC Barapani atangin hriat a hlawh tana. BA a zawh hnu Law a zir mek laiin zai lamah in pumpekin Northeast an fangkual thin. Band hming hran hran neiin Aizawl Vanpa Hall ah pawh zan hnih full house show a rawn neih pui.
Jessy Ralte lanna video hi a vang em maia ka han post a ni. Jessy Ralte hi a boral tawh avangin a video emaw a hla emaw nei chuan min han share thei ula ka lawm khawp ang.
An sa zo dawn toh em awww . An plan ang hian an sa thei ta em le …. tih te ron zawh pah in an sak tum dan thlalak hmasa lam hi kan ron post ve mai mai ani e.
Kan chung Thlapui pawh khi a la ngai reng; kawlah a rawn inchhawnga lunglen rawn kaihthawh a la thulh lo, a chekawi arsite lah theihnghilh awm miah lovin min la hlui reng a; tuktina chhuak Ni lah a la dai lo a sat ngaiin a la sa reng.
Kumpuisula hun inher chhuak turte chu a pangngaitein an la her chhuak a, tlangtin mualtin leh kawr ruamte chu an hmunah an la bawk tlang far ; mahse kei leh ka thiante hi kan va dang ta em! Ka dam rualpui, ka veh ka veh thin savate pawh kha khawnge an awm tak ang le, Sairawkherh kak atana ka lak hual Sehawr zarte kha engtiat tak ni tawh ang maw le? Ka thangchep kamna, Chepa kawngtum kha a la kaw phat ang em le? Ka rilru mitthlah chuan a la kaw reng.
Tawlailir za atana ka sah loh zawk a phirpui kha a lian tawh viau ang nge a tlukar daih tawh zawk? Khiang thing hi a la me rengin Vawmbal hnaiin thak a la siam thei em le? Thakpui leh Zawngkangthai hian mi a la kang theiin Chhimhruk hi ka la haw tho ang em le? Han fiah leh thei ila aw!
Aljazeera lama kalo hmuh danin India ramah chuan anti-corruption council, India Supreme Court leh High Court judge pension tawh te leh, NGO te huaihawtin din anih mek thu kalo hria a. Hemi council hian a tum ber chu India rama corruption nasa lutuk leh khawvelah pawh ram corrupt zual 178 zinga 87 na kan nih tak avanga chumi do tura duan ni awmin ka hria.
Aljazeera in a kawm, Kiran Bedi (Top Cop/ex consultant to UN GS) leh Columbia University professor Jagdish N. Bhagwati, tuna Nobel Prize in Economics la tura beiseiawm te titi ngaihthlak anuam hle mai. Kiran Bedi chuan hemi pawl lian tak tur hi politicians te inhnamhnawih lova siam anih tur thu leh an thu neihna laka fihlim thei ang ber tura dun anih bakah chumi ngei mai chu bawhzui a, chak taka India tana hmala a mihring corrupt te chu chhui chhuak a, dan anga hrem hmiah hmiah an tum dawn a ni. He pawl hi sawrkar thuhnuai nilo mahse, corruption chhui theihna an nei dawn anih hmel e.
Mizoram rawn chhui ve tura nawr atha viau lovang maw?
An inkawmna video link ah hian a awm e:
https://english.aljazeera.net/programmes/rizkhan/2011/04/201142764639288265.html
Nimin 27th April 2011 khan Lawngtlai College Veng LIKBK Kohhran chuan Dan puitling/thianghlim-a innei tha duh te tan hun a siam a, hetah hian nupa tuak 93 te hming pe lut awm in tuak 91 te inneih that tir an ni a, tuak 2 te hi damlohna avangin an tel ve ta lo a ni, Rev. V. Lalhmingsang’n Pathian leh Kohhranho te hriatpuina in a inneihtir.
Hetiang hi Mizoram ah thil thleng zen zen ani lova, tin tun tum hi innei tha an tam ber tum ani thei angem? Mi(sual) ho sawi ho ah ka rawh chhawp chhuak e….
Nimin khan ka hna chawlh remchan lai chuhin Jerusalem-ah ka va leng khawthawnga; camera thar tha zet mai, Arsenal keeper jersey colour lehnghal ka leia; thla test pahin tlem azawng ka’n la nghala; chung zinga thenkhat chu ka han share e:
Ka leina dawr
Naupan lai deuh chuan “India Hnamte Pa” hi kan chhûngte emaw ka ti hial thìn. A chanchin ka hriat ve pakhat ka sawi lang duh. A zinna rêl ding atangin a chhuk ve ngawt a. Rêl tlà n leh tùrah a lùt hman tà wk a. A chappal khing lehlam a thlawn palh ta si a. A khing lehlam chu a pawt thlawn sawk sawk a. A chappal khing lehlam awmna lai à wm vèl tùrah a thlawh phei ve leh ta ngawt a.
Kephah-là wngin a awm zui phah ta a. A kianga a zinpuite chuan engti ziaa a chappal lehlam chu vawm thla zui leh ta mai nge a nih an zà wt a. Ani chuan, “A khing lehlam chauh kha a chhartu tân engtihna mah a ni tham dâwn si lo va, a khing hniha a lo chhar mial tà kin …” a ti e, an ti. (Gandhi-a version diakin ka rawn ziak lo mai thei.)
Chutih hun lai vèla a hmêl chu —
Mihring taksa hi cell tamtakin a siam a ni a, heng cell te hi Protein siam an ni, heng cell hrang hrang leh organ hrang hrangte hi felfai taka pawt zawm tu chu Laminin a ni. Laminin hi Protein chi khat ve tho a ni a, Laminin hian kan taksa bung hrang hrang, vun leh engkim hi a pawt/char khawm a, a tangkai thlawt a ni.
Laminin hi Microscope hmanga en chuan a shape hi Kross (Lal Isua thihna Kross) ang chiah kha a ni a, hei hi a makna em emna pakhat chu a ni. He thil hi an hriat chiah chuan Kristian te an lawm kher mai, Pathian hian Amah leh mihring inkara inremna hmanrua Kross hi a lo dah pawimawh em em a, hei vang hian thil lian ber leh te berah pawh Lal Isua thihna Kross lem kha a chuang a ni tiin an sawi.
Awle, nizan lamah awlsam takin Man Utd in Schalke chu an hneh ta mai sia, 2nd leg hi Man Utd home a khelh tur a ni bawk nen final chu an lut turah ngai phawt ila mahse chumi hma chuan zanin hian The Messi and Ronaldo Show a awm leh phawt dawn. Real Madrid home ah 1st leg hi an khel phawt dawn a chuvang chuan tlemin Real Madrid in hmanni lawk a khelh Copa Del Rey final a Barca an lo hneh tawh avang khan an “confi” zawk turah ngai ila engpawhnise an in hneh tawk viau tho chu ka ring. I han sawiho ang u lem!
in va lut...You can unsubscribe anytime!
