Tuman in rawn chhunzawm duh si lova Part-2 kan ziak leh teh ang.. Ziah tur lah chu ka kuh trun sia, lehlamah chuan phunchiar nih hlawh a hlauhawm phian lawi sia. Kan zavaia kan sawt tlan theihna a thlen theih tak mialin, kan thlasik maupuah phawng phawng ange.
2009 May-ah leh 2010 December khan Service Selection Board interview tura koh ka ni ve a. CDSE written-a tling hi Mizoram sorkar hian tanpuina angreng deuh(ti mai ila) cheng 10000 hi a pe ve thin e an ti a. Ekhai, Aryan te angin kan khawsa ve thei si lova cheng singkhat pawh a hlu alawm ka tia( ;-)), chumi beisei deuh chuan Higher & Technical Dept, Mac Donald Hill ah chuan kan tek lut ve chawt a.
Office ka lut a, inhnuaiah a ni e an tia, Scholarship Board lamah chuan ka chhuk thla ta hnak hnak a. Ka zu biak pa chuan a thlang kila thu nu games khel chu zu be teh a ti a. Ka zu pan a, ka kal chhan leh ka duh te ka zawt a. Mi pawh en lem hlei lo chuan Financial Year a tawp dawn a a theih loh, pakhat phei kha chu a rei tawh lutuk a, a theih tawh lo hrim hrim a ti nghal bur mai a.
Games a khelh pawh a la chhunzawm char char a. Tichuan, hei Mizorama awm ka ni lova tun thla tawp hian chhuk leh mai ka duh avangin tihdan min ngaihtuahpui thei em ka ti a, lokal leh rawh min ti a, a games khelh chu a la dah ta chuang lo. Ka harsatna ka sawi hnu chuan ka chhuk hun tur min zawt leh ta. A games khelh dah lo chuan min la be reng.
Tichuan, a landline phone a rawn ri ta ral ral a, a game khelh chu a pause ve ta. A phone chu  a la a, tui a liam thu leh pump off tur chuan midang chu a hrilh a, kan inbe tan chu a games a khel leh ta anih chu. Chuan, ka chhuk tum hun chu min zawt leh. Ka hrilh tha ve mai a, tihdan a awm thei hram lo maw, haw-na senso a tam tham sia, chhuk leh mai ka duh deuha ka ti chu a vawi thum nan ka chhuk tum hun chu min zawt leh ta, tlai lamah lokal thra leh turin min hrilh zui.
Heti em em chu a ni love, ka mualpho hma hian ka chhuahsan a ngai a ni e ka ti a, ka chhuak mai ange ka tih pawh chuan a la khel chhunzawm zel a, chawhnu lamah officer hmu turin ka kal pah chuan games khel pahin min la hrilh zui a.
Hetiang hi in lo tawn tawh ngei ka ring a. He website hi sawrkar hnathawk leh officer lian ho khan in lo chhiar anih chuan Mizoram mipui rawng in bawlsak leh, an chhiah chawi atanga hlawh inhmuhte rawng hi tha taka bawl turin ka fuih ve duh che u a ni.. Keimah anga mi phunchiar in tawn hma hian.. 
(Admin Note: i ti thra thin khawp mai, i rawn ziak zel dawn nia!)
Similar Posts:
- Mi(sual) Gamer!
- MZU Sport Board an demawm
- Indian Football-ah Thil Thar? (Santosh Trophy-ah senior team-a mi tel phal lo)
- Games khêl ang!
- Whistle Blower Part-3
hairehai
April 16th, 2011 at 12:29 am
Van dik dawn tak em@benny…majualtea vang vek lawm..
[Report abuse]
April 16th, 2011 at 12:33 am
@benny..kaikuang kha hau rawh ka tih chuu, mak ee
[Report abuse]
April 16th, 2011 at 12:34 am
a van dik lehzual tak..
[Report abuse]
April 16th, 2011 at 7:44 pm
agree…they don’t care about us….
[Report abuse]