Hmánlai Mizote khan a mihring azirin thlân laih dân bîk an nei a. Chu’ngte chu i’n thlîr zuai zuai teh ang.
1. Lungkuang thlân: Mi an phûm dâwna thlân an panpui laiin kuang chhûngah an inkhung ngai lo va. A zàwnna ‘hläng’ an siamah mitthi chu an muttîr a, puandumin an khuh a, a zàwnna tur a zapui lawr pali-ah chuan an zàwn a. Thlân lungkuang chi a nih chuan thlân laih pângngaia laiin a thlân chhuatah lungphêk an phah a, a sîr tuak leh a lu lam leh mawng lamah an chhawng vek bawk a.
Chumi chhûngah chuan mitthi chu an zalh a, lungphêk bawkin an chhìn leh khap a. He lungkuang thlân hi miṭha thlân bîk deuhva ngaih a ni. Thlân laih chhûngin tlangval thenkhatin lungphêk phah tur an lo zawng khâwm ṭhîn a ni.
2. Tianhrang thlân: Nula leh tlangval lênglai thlân a ni bîk. Lênglai thlân rëng rëng chu thûk bîk takin an lai a. He thlân laih dân hi chu: Thûk tak, äwn takin mitthi pawh ding àwn deuhva dah theih turin a khur an lai àwn ṭhîn a ni. Chutianga àwn deuhva an inphûm ṭhinna chu ‘tianhrang thlân’ an ti.
3. Khaukhurh thlân: Thlân laih dân pângngaiin an lai phawt a. An duh tâwka thûka an laih hnuah a chhuat zàwlin lehlam chu thlân sei zâwng chen bawkin an ker pûk ta vak a. Mitthi pawh phûm se lang phâk lo tura thûkin an ker a; a kawngka chu thingin an tung phui leh tlat a. Thlân ṭha tak a ni. Chutianga thlân an ker pûk, an khàrna chu ‘khaukhurh’ an ti. Thing aia mau lâk a awlsam zâwknaah chuan khaukhurh atan mau pawh an hmang ve ṭhîn. Tichuan, thlân khur chu an chhilh ta chauh va. Hei hi mi narân thlân an laih dân a ni.
Thulâkna: Hmanlai Mizo Kalphung by James Dokhuma.
First edition: 1992; copy 3100.
Second edition: 2008; copy 1000.
A man: Cheng 90; phek 365.
Similar Posts:
- Thawnga lei vir chanchin
- Zâm A Tûl Lo
- Vulmawi lamlian
- Khau chi hrang hrangte leh an chanchin
- Before the iPhone, comes the e – Phone !
hairehai
May 27th, 2011 at 7:32 am
Bengvarthlak hle mai
May 27th, 2011 at 8:05 am
Tianhrang thlan hi ka lola hre ngai lo em maw ni dawn chu le, ding awn deuha inphum tur chuan laih thuk a ngai dawn hle mai a
May 27th, 2011 at 8:07 am
Beng a var leh ta sawt mai
May 27th, 2011 at 8:13 am
Mizo sikul kan kal nawn leh ani ngawt alawm, avan tha vele. Naupan laia hriat, tun hnua hriat tawh miah loh min hriat nawn tir leh e, ka lawm hle mai.
May 27th, 2011 at 8:19 am
Lal ho inphumna kha a dang deuh em kha! Chhunzawm tur ka hre mai lo..
May 27th, 2011 at 8:42 am
bengvarthlak khawp mai .
May 27th, 2011 at 8:44 am
ka lo la hre ngai hauhlo hei chu. Lawmawm thin ve aw
May 27th, 2011 at 8:56 am
@ZerO: Mitha thlan, a hmasa ber khi a ni mai ang chu ka ti.
May 27th, 2011 at 9:02 am
Tlema la nau deuh ho chuan kan hre lo tlangpui ang ka ring. Post tha tak a ni.
May 27th, 2011 at 9:44 am
Ţhalai thlan chu ka lo hre chiah lo a nih hi.. ¤Thlanmuala zan rei tawh a phur tak a kal a har duh phian.. Pelh dawn vel hian tukhum leh ring ah hnungzang mi a ţham vung² maia.Vawthlep bun pheichuan ka kal chak tawlh tawlh a awl khawp mai.
May 27th, 2011 at 9:54 am
A khai a! A lo awm hrang ve thlap a ni maw, tha hle mai a…
May 27th, 2011 at 10:02 am
a lo ni maw… Maipawl kher pawh a lo ngai lo e…hehe
May 27th, 2011 at 10:11 am
Va bengvar thlak tak em!
May 27th, 2011 at 10:32 am
Bengvarthlak khawp mai.
May 27th, 2011 at 10:56 am
Hlamzuiha thi te kha chu an ulh thlep nawk nawka, hlumbelah thunin in hnuaiah an phum mai thin a ni lawm ni kha, …. ka chiang chiah tawh lo.
May 27th, 2011 at 11:27 am
Nia, kei paw’n a bengvarthlak ka ti khawp mai. James Dokhuma thuziakah tha lo a awm ngai lo.
May 27th, 2011 at 11:45 am
Ka lo belh ve ang chu…
Thlanpui.
Hei pawh hi inchawimawi na ang deuh te pawhin an hmang a. Thlan chu chhungkaw ta tur ang tein an lai a.Thuk lutuk lovin an lai a, a ruang a tung zawnga rawlh luh phei theih na turin an lai kaw phei vek a. Tichuan a ke zawnah chuan a thlan chu lungin an phui thin a ni. Lunga an phui chin bak chu an chhilh leh a, chhungkua ami thi dang an awm leh chuan an hai leh chumi thlanah chuan an zalh leh mai thin.
May 27th, 2011 at 12:23 pm
bengvarthlak khawp mai. Tianhrang thlan hi sawi dan chi 2 awm a, Pu James Dokhuma hian lenglai thlan(thalai)tiin a ziak a, midangho hian pasaltha thlan tiin an ziak thung. kumin tir lam khan kei pawh, Diphu ah national seminar ah Mizo burial system hi ka zu present ve ngei alawm…
May 27th, 2011 at 12:33 pm
Lungkuangthlan tih leh Thlanpui tih hi inang deuh a ni a,khaw thenkhat siam dan a dang deuh pawh a ni mai thei.Mithafa leh awmthei deuhte thlan siam dan a ni a, hmanlai chuan Sial,Bawng,Lawi leh Vawk talhin zu-nen ni 2/3 te pawh awhin thlan an siam thin.A ruang dahna pindan an siam dan hi a chhuat,a bang leh a chung pawh lung vek a ni a,a chung siam dan chu inchhun insirial ang hian Lung phek tha an thlang a,a sirah a tihnghehnan a chepbettu “Ngal-ngho”an siam thin.A khar atan lungphek hlai tha an hmang bawk.Hetiang thlan hi chu an chhungte dang an thih pawhin tah chuan an phum zel mai thin. Thlan dang siam a ngai tawh lo.
May 27th, 2011 at 12:56 pm
Thlan mangkhong a awm leh a…kan hrat thiam dan tur ber chuan tunlai a eiru ho in ropui ho ho a ni mai awm e
May 27th, 2011 at 1:52 pm
Baengvar thlak hle mai a…
May 27th, 2011 at 4:11 pm
A va bengvar thlak ve ….
May 27th, 2011 at 5:28 pm
Lal ropui deuh kha chu kuang an ur a, an ruhro kha an vawng tha thin ! Pi leh pu, nu leh pa ruhro kawl sawi tur an awm nual ang.
OT lo ang chu maw !
May 27th, 2011 at 6:21 pm
May 27th, 2011 at 7:39 pm
TS a chu hriat ngailoh min hriattir leh ta!!
May 27th, 2011 at 8:02 pm
Kuangur kha a hahthlak awm ngawtin ka ring, tlangvalho khan zan tam an ur thin a nih kha..kan pipu te kha lo mawl em em chu an ni lo tih a tilang chiang hle, thlan an neih hran thliah danah ringawt pawh hian.
May 27th, 2011 at 8:12 pm
Tuaite, i titha thin e!
May 27th, 2011 at 8:56 pm
Post tupa leh comments thenkhatte an bengvar thlak hle mai. Lungkuang thlan khi Lal thlan atan chuan an hmang ngei mai, tih kan tui hnih duh a. Denlung khuaa Lalnu Ropuiliani thlan an tih kha khitiang in han sawi ang chiah kha ani a, Khawhri khuaa, Lalpa Lalchhuma leh a nupui Lalnu Zikpuii te ruh ro an phawrh a, an phum sawn pawh kha chutiang chiah tho chu a ni. Tin Lal anni tih chhin chhiahna pawh engemaw tal an phum tel bawk. Thingsaia Saikuti thlan pawh khi ‘Tian hrang thlan’ ang chi chiah khi ani bawk.