A thupui atang khi chuan ka rawn sawi tum ber han ngaihruat thiam mai chu a awl lo khawp ang. Kan vengpa pakhat pawhin chawlhni tin chhuak KTP chanchinphek a article a ziah pakhat ah pawh thupui ‘Lalpa tunah zawng a uih tawng ang’ tih thupui hmangin Lazara (Marthi i nuta pa aka 4 days late) chanchin hmangin Pathian kan rin tawk loh zia thu, tha deuh maiin a ziah ka la hre reng. Akhaih ! thuhma kan neih ve duah chu !
Ka rawn sawi tum tak chu, ka hna thar thawhna hmun atanga hla vak lovah hian Mizo sipai (batallion) hi an awm a. A hma atangin Mizo dang hmaichhana hmuh leh biaklohna a rei deuh tawh avangin leh inhmelhriat ve hrim hrim a tha alawm tiin hmanni deuh khan ka va tlawh ta a. Min lo welcome tha in fel poh an lo fel thar thar viau mai. In hriatchian leh zual zawk nan tiin zawhnate pawh kan in zawt nual a. Mahse, mi pakhat (35s to 40s vel bawr) hian nan eng hnam nge ka nih tih min zawt mauh mai a.
Kei, engmah ngaihtuah thui lem lo chuan Mizo zinga Mizo va leng ta na na na chu kan pa leh ka pu leh ka pu te zel hnam hming ‘Paite’ tiin ka chhang liam ta mai a. Chu veleh.. mi a en dan leh biak dan a danglam ta deuh nghal a. Chuta awmve rawlthar pakhat chu rawn inrawlh vatin (phungthluk tum vang a niang chu ka ti), ‘Pawi hleinem, Mizo vek tho alawm kan nih’ a rawn ti vat a. An rin ang mi chu ni ila ka rilru put hmang a dang mai thei.
Amaherawhchu ka ngaihtuah chian in ka nuih a za letling zawk. Ka thiam loh nge chu ka hre lo, helai hmun ah hian hnam hmingah Mizo tih deuh kher a ngai nge chu ka hre lem lo, mahse ka rilru ah a awm loh lutuk vang a ni ber zawk a.
A enga pawh chu nise kei chu Aizawla piang leh seilian, ka pi leh pu te (a bak zel chu ka hre toh bik lo) chhui pawhin Paite, Khawlhring, Hrahsel, Hnamte, etc.. atanga lo irh chhuak ka ni a, ka pa leh a pa te zel Paite hming pu an nih avang a Paite inti ka ni ve mai a (tul lo taka ka rawn insawi viau tak chu). An mi zawhna leh biak dan zel pawh chu lung lova (?) la hran lovin ka nui ru ta mai a.
Amaherawhchu, Paite tia ka chhan chiah atanga an mi endan leh biak dan dang nghal kha ka ngaithiam lo deuh. Keini hovin Mizo kan tih zinga mi ni lo ta ila, ka la na viau ang ka ring. Hnam inpumkhatna rilru atanga ka ngaihtuah avang zawkin ka ngaihdan ka rawn sawi chhuak ve ta mai a ni. Tlawh leh ka chak viau lo na chungin Mizo thiante (unaute) an nih avangin va tlawh leh chu ka rilruk tho mai
Ka rawn sawi tum ber: Keini Mizo inti te hian kan unaute rilru vawi engzat tak ti na ang i maw?!
Similar Posts:
- Mizo hi hnam hming a ni lo
- Tunge Mizo ni ber ang?
- Sailo: Lusei nge Paite?
- Mahni hnam tawng thiamloh a zahthlak
- Thil Pakhat Chauh
kawrek mai rawh
May 15th, 2011 at 5:36 am
Europe ah hian kan awma a ram chu ka sawilo anga,kan unaute Burma atanga lokal hi maw han zawtila enghnam nge inih?SAILO hi an inti vek maiasin
hengho zawng zawng poh mizo an nih hi 
;-)SAilo,Hmarte,………
[Report abuse]
May 15th, 2011 at 9:25 am
Inti fing ve tak tak, mi pangai ve tak ni a inhria, inti mizo ve em em ringot. Mizo chu enge anih? Hre chuang der silo, lusei tawng hmang ve satliah ringot, lusei tawng chuan dawt sawi thei zuah zuah hle si, lusei tawng hmang lo chu mizova ngai leh hauh lo, hnam tobul poh chhui chiang peih chuang lo hi alo va han awm theih thin tak e aw…
[Report abuse]
May 15th, 2011 at 9:28 am
#52
[Report abuse]
May 15th, 2011 at 10:24 am
Ka pi (ka pa nu) hi Paihte diktak a ni!
[Report abuse]
May 15th, 2011 at 10:30 am
Ka classmate thin, ka thianpa pawh Paite dik tak a ni ve tho…
[Report abuse]
May 15th, 2011 at 10:33 am
Amen!
[Report abuse]
May 15th, 2011 at 10:38 am
@55 Paite diktak lo an awm em ni? lol
[Report abuse]
August 12th, 2011 at 10:22 am
Mizo tawng i thiam cn tok lawm. Mizo tawng ngeia biak theih hi cu hnam dang karah phei cn an nelawm duh bik, vai poh nise. Mizo nisi mizo tawng thiamlo ai cn hnamdang ph nise mizo tawng hmang cu ka nel hma xok ka ring.
[Report abuse]
March 14th, 2012 at 10:51 am
Ka thianpa nu pawh Paihte dik tak a ni a, Mizo dik tak a ni bawk
[Report abuse]