( A hmasa in ka hmuh ve dan mai a ni a, a dik ber ka tih na a mi bik lo e)
Hmanlai kan pi leh pu te hun lai a tang tawh in Mizote hi hnam huaisen tak kan ni lem lo tih chu a lang. Ram tha tak tak chenna atan a rem bawk si te pawh hnam dang ngam loh avang in kan thlang tla duai duai a ni lawm ni? A tawpah chuan tlang ram, Midang chuhbuai pui loh tur Mizoram chu an rawn thleng ve ta a.
Mizoram ah pawh chuan mi in an run ang tih hlau ni awm tak in, tui chawina a hlat leh hlat loh ngaihtuah hauh lo in tlang chhip ah khua an han din leh ta nghal a. Tlang chhip ah chuan miin an lo run tur pawh lo beih let chu a nuam zawk ngei ang, mahse thil dang a harsa tlat a lawm, kan dem theih chu an ni hauh lo na in an dawih vang ah kei chuan ka ngai tlat.
Kan pasaltha te kha chu an huaisen na meuh mai, mahse a then kha chu ãt huai chu a ni mai law’ng maw? Savawm a pûk a luhchilh ringawt mai te kha; a hneh dawn lo tih a chiang reng a, hneh loh tur zawk, a ma in ah leh nghal, mi fing tan chuan luh kher chi pawh ka ti lo.Tin, hmingthat tumna vang pawh a ni thei tho mai.
Ni e, an hun lai kha chuan hmingthat kha a hlu a lawm le. Hmingthat duh vang a lut pawh chu ni ta sela, tu ten emaw an sawi ang deuhin “Ram leh hnam tan a thih ai chuan ram leh hnam tan a dam a tha zawk” tih hi a hriat ve loh vang a ni maithei bawk, a thu mawl viau na in a dik ka ti khawp mai.
Kan pi leh pu te chu an ral tawh a, an tawn ang kan tawg ve lo a, kan hrethiam lo pawh a ni thei e. Tun hun hi i thlir leh teh ang: Khawilai emaw kil khat ah patling rual sawm atang a sawm thum bawr vel an awm tawh hi chuan thawm a ring thin teh e, a thu hi chuan tu cho chi mah an ni lo tawp mai. Mahse a tak thlen meuh chuan a pawr pawr hi a nep nep ah an tang duh viau a nia, Lailapur a mizo thih tum a thil thleng ah khan a chiang mai awm e.
Thil dang i sawi leh zel teh ang: Kan tunlai zia mawlh hi, changkan kan duh a, khawthlang lam unau te kan ngaisang a, tunlai tleirawl phei chu emo lo mang pawh an awm tawh lo, chu mai a la ni lo, Mobile phone lah kan nei tha, a changkang thei ang ber in awm kan tum a, a tam zawk phei chu nu leh pa te thawh chhuah a tang leh nghal in. Sap ho te chu han in tehkhin dawn ila tehkhin chi kan ni lo an ti leh daih bawk si. Chuvang chuan kan intehkhin phak tawk, kan bulhnai state te i han in tehkhin dawn chhin teh ang. Vai kan tih ho kan hmuhsit em em ho zingah pawh hian Mobile phone nei chu an tam ve mai, mahse han chîk mah teh u, vai Mobile phone nei ho hian thawh chhuah an nei tlangpui ang, Mistiri emaw, chhang zuar emaw, thirchhe zawng tal pawh in. Kan hmuhsit zawk mah nise kei ni ai a an chung nun na chen a awm ve tlat a sin.
Kan rama kan ngaihsan zawng te lah hi.. Mihausa hi chu a tlangpui in kan ngaisang deuh nge nge a, Mahni hlawh phu lo lutuk a in leh lo nei tha, Kum 10 chhung hlawh pawh khawl se an sak theih loh tur khawp a lian leh tha, eiruk tel lo chuan a daih lo a ni tih hre reng mah ila kan ngaihsan a bang chuang lo hi chu a mak ve ngawt mai. Kan rinpui ber kan Bible ah chuan “DIKLO TAKA TI TE CHU AWT HEK SUH” tih hi a lo chuang kiau mai. Kei chuan Hlobet ang mai a ah thluk a an awm hun nghhah mai hi a tha in ka hria..
A tawp ber atan chuan, Mizo te hian ze nghet tak mai sim theih miah loh kan nei tlat a, chu chu Mize nghhet kan nei thei miahlo hi a ni.
Similar Posts:
- Mobile trick ho tê
- Misual.com mobile version
- Porn Movies leh Mizote
- Parking space via laptops, mobiles
- SMS hmangin tawng kan suasam
hairehai
May 27th, 2011 at 1:31 pm
U1uk takin chhiar theuh ang u 1e…
[Report abuse]
May 27th, 2011 at 1:42 pm
post tha khop mai. A tha lo lama kan thlir poh hian kan hnam a ni tih hrerengin, that duh zawk vang a ni tih i hrereng ang u.
[Report abuse]
May 27th, 2011 at 1:44 pm
nia tha khawp mai…kan chhiar ve phawt ange auh..
[Report abuse]
May 27th, 2011 at 1:45 pm
A ni viau!
[Report abuse]
May 27th, 2011 at 1:46 pm
Kawngkhar te kha thingfak a an kalh thin kha an rinawm vang chu ni tho mahse,thingfak aia tha kalhna awm chuang hek lo!
[Report abuse]
May 27th, 2011 at 2:04 pm
Post tupa hian hnial a cho hmel em mai a hnial miahlo teh ang.
[Report abuse]
May 27th, 2011 at 2:08 pm
A dik khawp mai.
[Report abuse]
May 27th, 2011 at 2:10 pm
Mize nghet,tha tak si hi kan mamawh reng a ni,ze tha lo,lo nghet tawh si hi ze tha a thlak a har viau a ni.Kan thil hmuh leh hriat te hian principle mumal min neihtir thei lo,puppet ang mai kan ni.Kawng leh lamah chuan ngheh tlur hi a tha bawk si lo,finna hman a ngai a ni.Post tha tak a ni.
[Report abuse]
May 27th, 2011 at 2:13 pm
I ziak tha lutuk….
[Report abuse]
May 27th, 2011 at 2:13 pm
A dik ang reng… Duhthusam lo lai hi chu sawi chhuah pawp pawp zel tur.. Opposition party tel lovin Ruling Party tha tak a awm theih loh ang bawkin, sawiseltu awm loh chuan insiam that kan ngaihna lai hriat a har thin.. Post tha tak ah ka puang e..
[Report abuse]
May 27th, 2011 at 2:25 pm
Het.. Ka online hma in an lo cuah hman chu le.. Min hnial suh u ka tawng thei phian a nia,..
[Report abuse]
May 27th, 2011 at 2:31 pm
Tha khawp mai .
[Report abuse]
May 27th, 2011 at 2:46 pm
nia,tlawmngaihna pawh hi kan pi leh pu te hunlai kha chuan a nu(fimlo) deuh niin a lang. Mahse hei hi kan ram ani a,kan hnam ani a,mahni insit zawng chuan ngaihtuahna hmanglo ila,kan inenfiahna leh hmasawnna atan ni rawhse.
[Report abuse]
May 27th, 2011 at 2:47 pm
A tha ka van ti tak em hairehai
Verno pui vak tlak anih hi
[Report abuse]
May 27th, 2011 at 2:51 pm
In van misual.com hlawm tak.
[Report abuse]
May 27th, 2011 at 3:08 pm
I sawi zawng zawng hi a dik vek, i hmu fuh hle maI.
[Report abuse]
May 27th, 2011 at 3:09 pm
Kawngka an kalh lohna chhan dang leh chu mi kha an tlem lutuk a, hriatchhuah an harsa lo lutuk a ni. Tin, thil bo uiawm tham kha an nei lo hlawm bawk em a ni.
[Report abuse]
May 27th, 2011 at 3:11 pm
Thingfak a do kalh mai kha a rem em a lawm le.. tin, an in sak dan ah khan thil dang a kalh vak a theih tlat loh a lawm.
[Report abuse]
May 27th, 2011 at 3:27 pm
I ziak tha khawp mai. Mahse ka’n ti teh ang. Hetianga ang thuziak hi kum lama upa deuh, ngaihtuahna hmang thiam chin awmkhawm naah sawi emaw ni sela a tha a, chuti nilova naupang thil man thiamlo te bula sawi chiam chu tha ka ti lem lo.
Kan pipute nundan kha tun ang khawvel atanga thlir chuan a ropui lo viauin a lang a; mahse a hun lai nena ngaihtuah chuan Sahrang leh Ral laka thih chu ropui tawpkhawk a ni ang. An huaisenna chhan chu engpawh ni rawh se, tunlai a kan rilru materialistic lutuk avanga keimahnia huaisenna lo lang ai chuan a hlu ka ti zawk fan.
A ngaihnawm hle mai. A tawp lama i thuziak hi chu ka sawi hne deuh tawh e…
Post tha tak a ni.
[Report abuse]
May 27th, 2011 at 3:38 pm
Happy birthday K’u Krista..
[Report abuse]
May 27th, 2011 at 3:40 pm
Happy birthday krista…ti ve tawp ang. A lo nih tak2 takin
[Report abuse]
May 27th, 2011 at 3:44 pm
E TS-a leh BMW te in chungah ka lawm em em e. Pathianin A malsawmna chhiarsen lohin tamtakin vur che u rawh se….
A post tu paw’n min lo hrethiam mai rawh se, kan OT tlat…
[Report abuse]
May 27th, 2011 at 3:45 pm
Ni e ni e adik ka ti khop mai.
Marawhchu vai tleirol fashion atchilh ve tak,mobile phone hmuchhuaktu emaw tih tur khop a khoih reng mai hi a nuai za tel a an om ve tho ka ring ve teh ngot a. Kan hnam mizo hnam sawt zawng leh pessimist zawng a thil thlir hi ka velkham teh lua lo KEICHUAN
[Report abuse]
May 27th, 2011 at 4:37 pm
Dawihzep vanga thlang-tla tih chu…..ka hre lo le,
mahse, tlang chhip lam kan bawhna chhan hi chu, hmanlaiin, khawthar an kai/zawn lai khan hmun hrisel an zawng ve a, Arpa a khuan al al chuan, hmun ralmuang leh hriselah an ngai a, khua an sual ta thin a, Ar a khuan miahloh chuan an ngaih a thalo a ni…tichuan tlangchhip lam hmun thengthaw leh nuam Ar pawh a khuan al al na hmun kha khaw thar kai/din nan an thlang ta thin a ni……..tih kha ka hriat ve dan a ni……
Post Ka la chhiar chhuak hman lo a….
[Report abuse]
May 27th, 2011 at 5:00 pm
post tha tak zawng ani e mahse, keichu hmanlai kan pasaltha te kha an huai ka la ti fan asin. Hmingthat an duh a, chu hmingthatna nei tur chuan price pay a ngai tih an hria a, huaisen takin an pay reng bawk alawm. Hmingthat duh vanga savawm puka luhchilh chu at huaiah i ngai a nimaw! An fin(?) huai zawk a ang mah ka ti kei chuan. Kei chuan kan pasalthate kha ka ngaisang asin aw!!
Fashion hi chu mizo chauh kan ni bik hlei nem. Helamah te pawh vai, chhungte chawmhlawm, bike nalh tak2 nei, vawiina R15, atuka karizma rawn khalh, laptop tha ber chi nen mobile lah thlak sek ho hi an awm ve nual asin. Mahse kan ram ang em2 te chu anni lo mahna.
Ka coment teuh hi chuan post tha tak ania,a that em avangin ka rawn tuihnih ve mai ani tih kha min lo hriatsak bawk la.tunlai chu i post ka chhiar zing viauin ka hria
[Report abuse]
May 27th, 2011 at 6:02 pm
Post tha khawp mai..
Kan ram leh mipuite sukthlek zawng vei deuh tan chuan ‘fakna’ awka hi chhuah a har ve thin bawk ani. Kan thatna leh felna hian khawiah mah min thlen si lo anih hi. Sawiselna leh duhkhawp lohna thute, hlate hi tun ai hian nasa se ka ti.
[Report abuse]
May 27th, 2011 at 6:05 pm
#25 A ni khawp mai, tnly chu ka ziah chhuah sa hi ka post thn a, tn hi a tawp na a ni rih e, kar 2 chhungin pa 3 ka rn post ve a, a bak chu tun maiah chuan post tur em2 ka nei lem lo. ninawm lamah a kal loh ka beisei ngawt a..
[Report abuse]
May 27th, 2011 at 6:17 pm
pi leh pute kha an dawihzep em em pawn ka hre lem lo, an til a tam lo lutuk ber kha a buaithlak lai chu a ni. in 300 awmna kha khaw ropui an ni phak a nia, khua leh khua kha an la inngeih lo em em zel bawk nen. an huaisen leh sen loh hre tak tak tur chuan Mizo chanchin zir chiangtu hnam dang eg. Rai Bhajur-a etc. te thuziak atrangin a hriat theih ber ka ring. a pawimawh ber chu, hnam dangin engtin nge min hmuh, tih hi a ni.
[Report abuse]
May 27th, 2011 at 7:57 pm
Kan engemaw a ni ber e.
[Report abuse]
May 27th, 2011 at 8:02 pm
Post-tupa hian “Pi pu nun” -a ‘pa nuamsa’ kha a zir ve em aw ???? Kan sawina chhan pawh ‘Pa nuamsa’ kan tih a inang ta lo lutuk te hi a ni. A nawm lai an sawi te kha a hreawm lai ber a ni zawk lo maw le ?
Kei pawhin i rilru ang hi ka pu ve thin. Mahse an generation leh kan generation hi a inang lo lulai em a ni.
Self-sufficient an ni a, an survival atan khan tlangchhip kha ral lakah chauh lo, malaria lakah te khan an invenna pakhat a ni kan ti thei ang. Kan pi pute thlang tlak hi an dawihzep vanga puh ngawt chi pawh a ni ber lo mai thei, zalenna an duh vangah pawh a ngaih theih ang. Tin, khawthlang lamah hian an unaute thlangtla hmasa te an um vang pakhat a ni bawk.
Huaisen chungchangah chuan mipa fa (nausen) a lo pianin chem an hum tir a, a then chuan sakei thin te an lo lei kanin an ei tir thin an ti bawk. Thingserh an sah tir a, nopui dawm ngei an tum a. Chung zawng zawng chu han thlir let hian ‘an mawlna’-ah kan ngaihsak chuan a dik bik lovang.
Kristianna eng hnuai atangin an inthawina vawkpa sut nghak, kel khal te kan zuk deu chuan thildik a ni thei lovang. An vanram (pialral) kai tum dan te kha taimak leh pasalthat ngai em em ‘Thangchhuah’ nu/pa nih ngei kha a ni a; lal pawh nise thang an chhuah loh chuan thangchhuah puan leh diar te kha an khum thei ngawt chuang lo…………A sei hmain “sei taka le tawi taka le turh’ ti daih teh ang
[Report abuse]
May 28th, 2011 at 12:31 am
Kan pi leh pu te kha trang rual se, a hlawmin mi sing rual te om ve se, tumah an hlauh vak bik kei chuan ka ring lo. Mahse an lo neih dante en khan chutiang ti thei anni si lo alawm le. An nunah khan pasaltha te kha an hlu em2 a, savawm puk a lut duh tok (tunge lut poh ka hre chuang lova, i rn soi bik silova) te an lo awm khan mite ngaihsan an hlawh a, huaisen nh kha an chak phah a. Tuai an awmloh phah a (awm maithei bok), a thra letling phian alawm le. An rinawm vang anilo th kha cu ka thlawp ciah lo. Thilruk hmang i.e kutkem nei te kha an haw em2 anh kha. Nupui/pasal ah poh kutkem nei an duh ngailo anh kha. Sala
[Report abuse]
May 28th, 2011 at 9:28 am
Tun hma kan pi/pu te kha, an khawvel kha a la zim a (khatih lai a, ram tamtak khawvel pawh a ni ve mahna).
An in elna leh intlansiakna te, an hmingthanna kawng, khaw- tlang invawn felfai na kawng te kha tunlai nen chuan a dang- lam ta hle.
Zawhna :
1) Hmanlai ai-in, tunlai hian mihring hi kan rinawm ta viau em ni le?
2) Hmanlai aiin kan tunlai tlawngaihna hi a tak-in, a ropui ta viau zawk em ni?
3) Hmanlai pi leh pu te ai khan kan huai zawk ta viau em ni le?
An hunlai chanchin ka chhiar hian, Pasaltha te chauh pawh ni lovin, khawtlang nunphung inkaihhruai dan hrim hrim leh an thurochhiah te kha a zah awm :
1) Ai upa zahna
2) Piangsual te chunga an ngilneihna
3) An tlawmngaihna (mipui mimir reng reng)
4) Thatchhia leh nunrawng chunga an ngaihdan.
5) Nula te nunchang mawina…
6) Hnatlang…..
Sawi tur a tam awm e…………tunlai hi chuan, …enge a nih bik? …tu neih ka ei hlei nem? tiin ai upa te pawh kan zah ta lemlo….kan intih fin tak em avangin..hmanlai nun pawh kha kan hmu hniam ta hle a ni…
Min chawikang tu Missionary te kan hmusit thul, pi le pu te kha mawl kan han ti thar leh vel thul…dawizep te kan han ti thar ve leh vel hi chu, keimahni lam kan in enfiah hle a ngai ta zawk ni in ka hria.
Tunah chuan khawvel tukverhah kan lo dak chhuak ve ta tak a, missionary te nise, Zoram pawnah an vak chhuak ve ta tak tak a, BA/MA mai ni tawh lovin Civil Service lamah te IAS, IFS, IPS, India ram pawn a Ambassador hial ni pha te, Ram chhunga MLA/ Minister hial ni thei te kan tunlai pasal tha te anlo ni ve ta…………Kan sawi phak piahlamah ah pawh USA, Australia, Europe, Asia ah te pawh mi en tawn tlak leh mi chhuanawm tak tak kan nei a..hmanlai nun a kan let theih tawh loh avangin, kan tunlai thangchhuah dan leh pasalthat dan te chu – helam hi a nih tawh zawk hmel e.
Hmanlai nun sawi sel lo leh hmusit zawng a thlir lovin, kan tlawmngaihna leh huaisenna te hi helam hawizawng, Mizo hnam ti hmingtha tur zawngin, tu leh fate zirtira nun a lantir chung zelin, kan Mizo ro hlu hi i chher thar zawk teh ang u.
[Report abuse]
May 29th, 2011 at 6:36 pm
# 31 Savawm puka lut chu Khuangchera a ni e..Lo kap lo ula chuan a hmui no ah ka sat ang a tih nghe2 kha mawle..
Kan pi leh pu te khan Shan hnam an ngam loh vang a an thlang tlak tak thu kha chu kan zir ve ngei kha maw!!!
[Report abuse]