Kristian chhungkua chu tute nge?
1. Kristian chhungkua chu Krista luah chhungkua (The Christ Centered Home) a ni.
2. Kristian chhungkua chu Krista Lu leh Hotu bera neitu chhungkua an ni.
3. Kristian chhungkua chu Pathian biaa pawl thin, Pathian hnena Malsawmna an dawn ang zela Pathian hnena thilpek pe thin a, chhungkua Pathian hmaa kun (tawngtai) ho thin an ni.
4. An thiltih leh awm dan rengah pawh Pathian zah mi, Pathian pawsa a, Pathian hnena chawimawina leh ropuina petu chhungkua chu Kristian chhungkua an ni.
5. Kristian chhungkua chu midang hnena Krista chanchin hriattir mite an ni.
6. Kristian chhungkua chu Lalpa tana Maicham mit lova chhi thinte hi an ni.
7. Kristian chhungkua chu midang te tana inphal a, an nun leh hun te hmang mite hi an ni.
8. Kristian chhungkua chu Pathian chunga lawm mi an ni.
9. Kristian chhungkua chu Hmangaihnaa phuar khawm, midangte hnena lainatna leh khawngaihna lantir thin an ni.
10. Kristian chhungkua chu Pathian thuawih, thuhnuairawlh leh inngaitlawma nung thin te hi an ni.
Kristian chhungkua kan tehna/thlir dan dik tawk lo awm thei tlemte te
1. Kristian chhungkua hi Vantirhkoh chhungkua ang turin kan beisei em ni? Kan tehna a san avangin Kristian chhungkaw hlutna leh pawimawhna kan hmuh thelh fo. Mihring famkim lovin chhungkua kan din a, fing leh thiam bik chuang lovin fanau kan enkawl a. Nu emaw, Pa emaw Pathian thuthlungah an cheng a, member zawng zawng chutiang chu kan ni lo thei e. Mahse Kristian chhungkua chu kan ni si a.
2. Davida chhungkua te, Abrahama chhungkua te leh Jakoba fate kan en hian Pathian chhungkaw famkim lohzia kan hmu. Davida, Pathian thinlung ang pu mi pawh a damchhung nun chu a fapa nena indo nan a hmang tho mai!! Pathian mi Elia pawhin a fate a thunun zo bik lo. Lalpa mi Samuela pawhin a fate a thunun zo nahek lo. Mahse Pathian chhungte an ni si!!
3. Lalpa Zawlnei te pawh kha an nupui fanau chanchin kan hre tam lo hle. An nupui fanaute nun dan atangin anmahni kan teh lem lo. Pathian mi Joba pawh a nupui fanaute chuan an zui lo a nih kha!! Lota pawhin a nupui fanaute a hruai vek thei lo. Kan Lal Isua meuh pawh a unaute’n an zui zo lo.
4. Pastor fate apiang Pastor an ni mai lo va, Upa fate pawh Upa an ni vek lo. Missionary fate pawh missionary an ni vek kher lo.
Kan fate’n kan hnung an zui tawh loh avangin Kristian chhungkua kan ni ta lo tihna a ni lo ang. Kan chhungkua piangthar vek nih loh vang maiin Kristian chhungkua tia koh loh tur kan ni lo ang. Kan chhungkaw member zinga chak lo an awm avangin Kristian chhungkua kan nihna hi a bo mai thei lo.
Kan intehna dik tawk lo avangin Kristian chhungkaw awm dan tur pawh kan hloh thin hial awm e. Pastor si, Upa si, Kohhran Hmeichhe hruaitu si, rawngbawltu si ti tein kan inteh a, kan tla ta thin a ni lawm ni? Joba pawhin a dam chhungin chhungkua chu a zirtir a. Nova pawhin a dam chhungin chhungkua a buaipui a. Kan dam chhungin Kristian chhungkaw dik tak ni turin kan bei dawn a, kan bei zel dawn tih i hre reng ang u. “Kum tam tak ka bei tawh a, Kristian chhungkua hi ka beidawng tawh” ti kan awm em le? Kan La Isua chuan Ngaihdamna thu a zirtirnaah vawi 7 hmun 70 ngaidam turin a ti asin!! Kristian chhungkua hi mite tehna dan ah kan tling lo pawh a ni ang. Mahse Lalpa hmaah kan nih dan ang angin kan lang zawk ang. Pathian chi nung chu engtikah emaw a thang lian ngei dawn a ni. Mite min teh dan, en danah ni lovin Lalpa nena kan inkarah chhungkaw Maicham mit lo chu kan chhi zel tur a ni.
by Rev. C. Chanchinmawia
Similar Posts:
- Chhungkaw tan thusawm pek.
- Nupa
- Ka fate chu..
- Nang Malsawmna Ni Ang Che
- Biahthu ‘D’ in hlan nawn leh ang aw
May 29th, 2011 at 6:30 am
[Report abuse]
May 29th, 2011 at 7:21 am
A tha dap dap hle mai
[Report abuse]
May 29th, 2011 at 7:36 am
[Report abuse]
May 29th, 2011 at 7:49 am
post ka chhiar atanga Sermon tawi ka dawn ve – ‘Chhung Inkhawm neitha apiang fate an fel kher lo. Lalpa tana inpe nasa apiangte hi Setana’n a thlem chak zawk a nih a rinawm.. Setana thik tham khawpin kan tih thin kha maw!! Chuvangin inteh tlin tum na hi Setana hnathawh ani’
[Report abuse]
May 29th, 2011 at 8:11 am
[Report abuse]
May 29th, 2011 at 9:31 am
tha dap2 thin khawp mai
[Report abuse]
May 29th, 2011 at 9:40 am
Post tha hle mai. Uluk leh zualin kan chhiar nawn leh teh ang. Ti daih ila Rev Chanchinmawia hi Tripura ah Missionary a awm tawh em aw?
[Report abuse]
May 29th, 2011 at 10:26 am
Khawvel a rawn tlawh laia Isua sawi tam ber kha chik taka kan en chuan midang nana kan relationship a tam ber. I chunga an tih tura i duh angin midang treat ve rawh, tih kha a sawi uar hle. Nangmah aiin i thenawmte (mihring dang zawng zawng) i hmangaih tur ani. I tih tak tak chuan Thu 10 pek mai ni lovin dan dang zawng zawng i fultil vek dawn ani. Biakina Pathian biak chu a zirtir no 1 anih hmel loh.
[Report abuse]
May 29th, 2011 at 12:24 pm
chhiar pahin a post tupa chu alo va ril e tih ka ngaihtuah neuh2 a a hnuai ka thleng thla a……
post tha tak ani…Mizoram ah chuan kohran a in hmang apiang fa te hi an sual tawh ti ila adik na mual2 chu atam tawh mai ang a…
[Report abuse]
May 29th, 2011 at 1:15 pm
va tha v o..
[Report abuse]
May 29th, 2011 at 1:40 pm
Kristian chhungkua ber an fel famkim loh ten… tumah kan fel thei nang. Kan entawn tur an ni a…….
Hetianga Kristian chhungkua kan beisei dawn anih chuan Kristian chhungkua nih a har vak dawn loh hi…
[Report abuse]
May 29th, 2011 at 2:44 pm
Kristian chhungkua te tih loh tur:
1.Septic tank sah mai mai.
2.Thenawm te ram nek.
3.Kut tling lova sum hai luh.
4.Kohhran leh a behbawm a inhman a vang a in hmang ve lo te hmuhsit.
….leh an dang pawh a la tam mai.
[Report abuse]
May 29th, 2011 at 3:37 pm
Kristian nula leh tlangval an inneia chhungkua an din hi kristian chhungkua a ni e tih chinah hian duhtawk mai ila (ringthar chhungkua pawm telin). Criteria kan siama kan inteh reng mai hi chuan tu chhungkua mah hi kan inteh tling zo lo ange.
[Report abuse]
May 30th, 2011 at 1:37 am
A tha khawp mai. A pawimawh em em bawk.
Mizo kristian te tan pawimawh si mahse kan ngaihthah deuh nia ka hriatte ka’n tarlang ve mai mai:
1) Isua Lo kal lehna.
2) Piantharna dik.
3) Kristian chhungkaw dik chungchang.
Hengho hi ni phawt rawh se.
Point a in pe thlap thlap a, chhiar a nuam e.
Good Post.
[Report abuse]
May 30th, 2011 at 12:15 pm
4. Pastor fate apiang Pastor an ni mai lo va, Upa fate pawh Upa an ni vek lo. Missionary fate pawh missionary an ni vek kher lo.
He thu chu thudik awmsa a nih hmel e, example chu pe lo mai ang, duh leh midang in pe mai rawh se…
[Report abuse]
May 30th, 2011 at 2:14 pm
A tha hle mai. Mihring hi kan famkim lova, mahse rinnaa hmalam pan (hmasawn) zel chungin kan kal tur a ni a, chutichuan Vanram kan thlen hunah kanla famkim dawn a ni. Kan famkimlo tih vanga that tum chuang lova awmreng erawh ringtu tih tur a ni lo. Bible-ah pawh khawngaihna a pun leh zual theihnan sualin kan awm reng tur a nilo tiin min hrilh a ni.
[Report abuse]
May 30th, 2011 at 2:19 pm
Comment tu zawng zawng te leh chhiar tu te, ka ziak ni lo mahse in zavai a chunga ka lawm thu awm rawh se. A hlawkna chu tel theuh rawh u
[Report abuse]
May 30th, 2011 at 2:27 pm
Kristian an nih a, chhungkua an din bawk chuan kristian chhungkua chu an ni mai alom. Josefa,Mari leh Isua te ang HOLY FAMILY kha chu adang a awm thei tawh si lo.
[Report abuse]
May 30th, 2011 at 2:34 pm
#18: ‘An ni mai lawm’ hi kan ti leh ngawt zel a, kan thiangzau mah mah. Kristian chhungkua concept-ah hian chiang ila kan harsatna tamtak hi kan pumpelh ka ring.
[Report abuse]