Antam Par a rannung Fu lai.. 
Tho Chabet par ah a Fu run mai.
(more…)
Archive for May, 2011
Some of my works – I
Monday, May 30th, 2011Hepatitis C (HCV) tana hmelma thar!
Monday, May 30th, 2011Khawvel a mihring maktaduai 170 chuang tina mek tu, Hepatitis C chuan a ngamloh a tawng tep anih hmel. United States leh Europe lam ram te chuan, mihring thin (liver) a cirrhosis natna leh thin cancer (liver cancer) thlen thei Hepatitis C do thei tur an siam zo tep tih an puang ve ve. Hepatitis C hian kum 10 tel a liam hnu pawhin mihring thin cancer ala siam sak thei fo thin a ni.
Europe leh United States te damdawi siam mek hian Hepatitis zungzam a “NS3-4A protease” an tih chu a do (fight) tur ber niin, 70% atanga 80% vel thleng natna veite a tih kiam sak ngei dawn niin an sawi. “He’ng damdawi te (US & Europe siam) hi damdawi lo chhuak mek tur te zinga a hma hruaitu te an nih dawn hmel,” tiin, SCIENCE chanchinbu chuan, “International Liver Congress in hepatitis C April thla khan an sawi ber a ni,” a ti. Tunah hrih chuan 40%-50% chauh hepatitis C vei enkawl te hian dam phah an awm a ni tih SCIENCE chanchinbu chuan a sawi tel bawk.
Nun tihlimtu
Monday, May 30th, 2011Rih pal (A dang ka rawn ti leh e)
North Vanlaiphai vurin a khuh (Khaw lum lai hi chuan a ngaihawm ve thin khawp mai)
Thiltih chi a ni angem?
Monday, May 30th, 2011In ngaihdan ni maw, nilo maw? He thu hi Mi(sual) te ngaihdan hrang hrang atangin thutlukna siam a, a bawhzui theite tana bawhzuia Mizo khawtlang leh hnam hmingchhiatna venna kawnga thil tangkai tak a ni dawnin ka hria a. Eng tak in ngaihdan ni ve maw?
Kan hriat theuh angin India khawpui hmun hrang hrangah Mizo thalai (thalai lo pawh) tam tak lehkha zir leh hnathawk te, thawk deuh thawk vaklo te, zir deuh roh zir chiang manglo te, hnasang tak tak chelhte pawh an awm nual mai a, chungho enkawla kaihruai tur chuan khawpui tinah Mizo Welfare a ding deuh vek bawk a. Chumite chuan anmahni intanpui tawnna atana an thawh mai bakah hnamdang kara Mizo nunzia leh Mizo hnam mualpho tur vengin an theihtawpin hma an la a, ngaihtuahna an seng bawk thin. Mizoram-a khawsa kan U leh naute, thalai leh nu leh pate hriat lem lohvin an theihtawpin Mizo hnam hmingchhiatna tur vengin hna an thawk thin; that tawkloh na leh tlin tawk lohna te chu annei ve bawk. (more…)
Bairabi khawdai Police Checkgate bulah buhfai dan lo a phurh a ni
Sunday, May 29th, 2011Bairabi FCI Godown atanga Buhfai an pek chhuah chu Truck pakhat ah Surpeme Court thupek angin 90 qtl zelin phurhtir anni a. Hetih rual hian Buhfai phurtu Truck te chuan Bairabi khawdai ah an Buhfai phurh te chu 90 Qtl chauh phurhin a hlawkna a awm lo tiin, Buhfai FCI atanga an lak trip hnih (90+90=180) chu Truck trip khat phurh turin an Load chhawng leh a, a load tur hian hlawhfa dang an mahni in la in hlawhfa an load chhawng tir leh a ni.
Driver te chuan hetia Buhfai trip hnih 180 qtl an load chhawn loh chuan hlawkna an neih loh thu leh an chawibelh thu an sawi a, Supreme Court order ang chuan 90 qtl chauh phurh theih nimahse chawibelh chuan tuman kan phur theilo ani anti a.
(more…)
Sunday Pual : ‘Mahse’
Sunday, May 29th, 2011Ringtute hi a khat tawk a intihchakthar hi kan mamawh fo thin, rawng bawltu ropui tak tak te pawh hian intuaithar hi chu an mamawh ve reng tho thin. Famkim lo mihring, hun alo liam a thil theihnghilh leh mai thin mihring kan nih hi kan hriat nawn fo a tul thin ani. Alexander Ropui-a pawh khan a hote zing a pakhat hnen ah chuan “He khawvel ah hian ka awm reng dawn lo ani tih hi min hrilh nawn fo rawh, chutilochuan awmdan tawk ka thiam lo ang e†a lo ti tawh reng ani. He theihnghilh theihna hi Pathian in min siam dan alo ni hrim hrim mai a, thihna leh lungngaihna nasa tak kan tawh chang te hian “Hun in a la hnem mai ang chu†kan ti thin, chumi awmzia chu kan la theihnghilh chhawm ve mai dawn ani tihna ani.
Israel fate nun ah pawh khan chiang takin alo lang thin, Pathian in thil ropui tak a tihsak chuan an pathian ah chuan an kir thin, mahse hun alo vei a, an lo theihnghilh leh mai thin. Chutiang hun ah chuan Zawlnei leh Pathian mihman tak tak ten harhtharna, inpektharna leh simna te an rawn tlangaupui leh thin ani.Tunlai pawh hian ringtute zing ah hmanlai Israel fate ang mai khan Pathian hmangaihna leh chhandamna kan chan, kan hlimpui em em te chu hun alo vei a, kan lo theihnghilh leh mai thin ani.Hetiang hun ah hian inreltawn a intehtawn mai lovin (Chu chuan mi a siamtha ngai si lova) infuihna thu leh insiamthatna tur a infuihtawn sauh sauh zawk tur kan ni. Tuna tlinglo kan tih em em te hi hmanni lawk a kut thing meuhva chibai kan buk lawp lawp, kan lawmpui em em te tho kha anni si .
(more…)
Mut Thlahlel Suh
Sunday, May 29th, 2011Thufingte 24:33,34. I duh chuan mu hlek la, chhîng hlek rawh, Kut kuangkuahin châwl hlek teh, I mut hlânin i rethei hman ang a, Tlâkchhamnain sipai angin a nang thut ang che.
—————————————————————————————————————————–
Sazupui leh satel intlansiak tuma sazupui a chak loh zawkna chhan kha mut a thlahlelh vang a ni. Tûnlaiah nula leh tlangval, chak hmel tak tak, zing dar 8:00 thleng thlenga mu vûm thûr thei kan tam hle a. Tlakchhamnain min nang ve thut mai ang tih a hlauhawm hle.
Kan Bible-in mut chungchang a sawi hi thatchhiatna lam leh hlawhchhamna lam nen a sawi zawm tlangpui thin niin a lang. Chutiangin zîng leh thawh hma chungchang a sawi hi thil tha leh hlawhtlinna lam sawina a ni tlangpui bawk.
Mut hi kham tak tak a har a ni mai thei, tho hma aiin tho tlaite hian mut an kham lo zawk fo. Tho tlai thinte ai hian tho hma thinte hi an hlim zawkin a lang bawk. Thawh tlai hi doctor-in an chawh khât khawp nia.
Thubelh: Tunlai chhanah zan men ngaia hna thawk kan tam tawh. Chutiang mite tan chuan mut rei hrim hrim lamah lo in ngaihbel mai teh u.
Thu lakna: Chhung Inkhawm Bu. May ni 27
Lai lal huaisen Dokulha chanchin
Sunday, May 29th, 2011Dokulha hi kum 1851 khan Cherhlun khuaah lo piangin a pa chu Taihmunga Chinzah niin a nu chu Saitangi, Ramliana fanu a ni. Ramliana hian mumang mak tak neiin a mumangah chuan thla 2 eng fiah tak leh ni thlain a an laitat a hmu a, chu ni eng chuan thla eng chu a rawn enkhalh ta a ni. Chu mumang an hrilhfiahnaah chuan thla 2 te chu a fapa Ngulhmunga leh Taithaia an ni a, ni ve thung erawh chu Saitangi leh a fate an ni a, Saitangi fapate ho Dokulhate unau rual tlang hrang hranga lalna chang ta te an ni.
Kum 1888 ah Dokulha leh a unaupa Hausata chuan an khuate hruaiin an rammu a, Lt. John Steward-a, khatih laia survey pawla an hotupa lu chu 3rd February ah an la a,hetih rual hian European dang pahninh leh Indian Sepoy pakhat an that tel bawk. An rallak sumte chu silai, pistol, fian leh sana a ni. Heng mi an thah chhan nia lang chu an tana hun lo la kal zel tura hlauhawm leh hnawksak thei nia an hriat vang a ni.
An thiltih hian sawrkar beng a lo thlen chuan sawrkar thin a rim hle, Hausata leh a unaupa Dokulha hrem tur hian kum 1889 khan an rawn kal a, hei hi Vailen II kha ani. An hotupa chu Brig. Gen. Tregear a ni a. Lt. Col. Nicolads-a leh Maj. Chaver-a an hote sipai 200 in Lungtian khua an rawn thleng ani. An rual hian Political Officer Lyal-a pawh a tel ni ngeia hriat ani. Khuan an rawn luh hian mipuiten an lo hriatlawk avangin an lo chhuahsan veka tumah an hmulo. Dokulha a tlanbo avang leh Hausata a lo boral tawh avangin an tum ber erawh an hlawhchhama mahse Hausata thlan atang erawh chuan silai leh pistol chu phawrhin Military Headquarter Simla ah an hawn leh ani.
(more…)
Thilnung thlalak tlem azawng
Sunday, May 29th, 2011Pathian thilsiam nalh tak tak ho hi han enkual hlawm ila,
Mu vanlaizawla a thlawk lai
Hei hi chu Spiderman inchunga a fu lai a va ang em em ve le.. ‘Uchang’
(more…)
Reginald Arthur Lorrain (Tlongi Pa)
Sunday, May 29th, 2011
R.A. Lorrain (Lakher Zosap), Mizovin ‘Tlongi Pa’ kan tih chu July 10, 1880-ah a piang a, a pa chu James Lorrain a ni a, London Post Master hna thawk thin a ni. Serkawn Zosap Pu Buanga (J.H.Lorrain) nau (chhul khat kual) a ni a, a lei a thial let tawp tawp thin avangin ‘Thialleta’ an ti bawk. R.A.Lorrain hi a tlangval lai chuan a sakhaw-mi vak lo a ni awm e. Lakher rama a lo chhuah hma hian Canada ramah te a awm a,  America ramah ‘Texas Rangers’-ah te tangin Wild West lamah hnuhma a nei ve a sawi a ni thin. Mizoram a lo chhuahna chhan hi a u Pu Buanga vang (lehkha a thawn thin a)  kan ti thei bawk ang chu. A rilru a lo puitlinin Pathian rawngbawlna lamah a rilru a pe ve ta a ni.
in va lut...
