‘MISUAL’ ho blog hluite leh kan comment te ka chhiar atangin hei hi ziah a tul ni in ka hria.
Kristian, Krista ringtu inti te chuan, ‘Isua hi kawng leh ‘THUTAK’ leh nunna ani,’ tih hi kan rinzia kan pha in ka ring lo. Mahse khawvel sakhua te nena kan inchiahpiahna leh, kan mithmuh leh benghriatte a lo danglam zel avangin a ‘THUTAK’ na lai kan hmu thelh dawn dawn ta ni in ka hria a, Lalpa’n rem a tih chuan ka thu ziah atang hian chhiartute mit a tihvar ka beisei.
‘Thutak’ tih hi English in ‘The Truth’ tih ani. Johana chuan ‘Thu chu tisa ah a lo chang‘ tiin Lal Isua chanchin min hrilh bawk. Thu tak hi ‘thu dik’ ani a, chu thu kalh apiangte dawt a chantirtu ani nghal pang mai.
He kan thudik (ISUA) hian, Pathian (a PA) chu min siamtu ani tih leh, Pa hnen chu amah ISUA chauh, ka sawi nawn ang, ISUA chauh kaltlanga thlen theih anih zia min hrilh ani. (Johana 3:16)
Chu mi pawm tute inti si in a, Hindu, Muslim, etc. te’n Pa hnen an thleng ang, an dik ve tho..etc.. tih ringtute chu Krista ringtu te ni lovin Krista thleng pha lova Kristianna sakhua a awm te an ni.
‘Sakhua‘ hi mihringte siam ani a, mihring te siam tu chu Krista ani(Thupuan 21:6). Chuvangin Krista ringtute chuan ‘ kan kristianna sakhua‘ ti a kan sawi a dik tawh lo. Sakhua chu Hindu te , Muslim te, Shikh te, leh a dang dang te, ‘THUTAK’ a tel ve lo ho zawng kha.
Pian leh murna avanga Kristianna a awm thei em? Thei e. Khawvela Kristian te hi a tam zawk chu an nih hi.
Isuan ‘i piangthar tur ani’ a ti. Kan pianthar a, Krista thutak chu kan pawm a, Krista ringtu kan nih loh zawngin, Kristianna Sakhua a awm vel mai mai kan lo ni dawn ani. Sakhuana hi a bawlhlo – ‘rituals’ chi hrang hrang in a hrilhfiah a. Kristiante kan in hrilhfiahna tur pakhat chauh a awm – Krista Isua. (I Korinth 1:22-24, 2:2) Krista kan rinna hi, kohhran thiltih leh program ah chauh kan lo nghah chuan sakhaw mi kan ni a, Krista kan ring tihna ani kher lo.
Krista hre tu te chuan a thu an ngaihtuah a, Bible Thianghlim –  mihringte hnena Pathian inpuanna (an hun tawng a zira an phak tawk ang zelin), hi a message dik tak hriat tumin tawngtaina nen an zir ve thin ani.
Kan nun ah hian ‘issues’ tam tak, zawhna khirh tak tak te’n kan rilru a ti buai in, kan lu a hai chang a tam ang. Heng ah hian mahni a ngaihdan lo siam tum hram hram vek lo ila, kan RIN Pathian hi ani ENGKIM HRIA (omniscient) chu, kei ni kan ni lo. Engkim hria ni ila chuan mihring kan ni dawn em ni?
Kan hriatthiam bak ama hriat turah kan dah ngam lo anih chuan kan ‘RINNA’ hi in enchiang ila; khita a chunga ‘sakhaw zawmtu’ kan sawi ang te khi kan lo ni ve dah ange. (Rom 11:33-36) Aman a hun a tih ah kan phak tawk leh kan rin ngam dan ang zia zelin hriatthiamna min pe dawn ani. Eg. Sam 23 na te hi kan naupan lai a kan by heart thin kha ani a –“Lalpa chu min vengtu ani a….” tunah kan nuna kan hun tawng zia a zirin a thuk zia kan hre thiam tan dawn chauha anih hi!!
Isuan he khawvel a a thu thehdarh turin  min zirtir, midang te kan hmangaih chuan ‘dawt‘ a an rinna an nghahna  kan khawngaih tur ani, ‘THUTAK‘ Isua chu an hriat loh avangin. Tihluihna, diriamna, leh thamna rilru pu zawnga thahnemngai te’n Isua chanchintha an thelh duai. Lei leh van Lal, engkim ti thei khan, tihluihna chu duh se, thawklehkhat ah khawvel kha a ram ah a siam thei dawn lawm ni? Amah ngei in ‘ka ram chu he khawvel a mi ani lo’ ati. Khawvel dan anga ropui leh hlawhtling ni a kan ngaih te hi, Krista’n a ram dinna tura a duh dan ani lo. Ram ropui tak a din duhna chu mi te thinlung ah ani zawk.
Vawiinah hian keini ‘MISUAL’ (Literally!) ho hian kan thinlung theuh ah hian Isua laltir turin kawng i lo hawn ang u. ‘Ngaiteh, kawngkhar bula dingin ka kik hi; tupawhin ka aw hria a kawng a hawn chuan a hnenah ka lut anga, a hnenah zanriah ka ei ang….’ Thupuan 3:20. LALPA chu fakin awm rawh se.
Similar Posts:
- Thil chiang em em chu!
- Isua Pathian a ni lo
- Thutak (The Truth)
- Thutak Eng hmaah chuan
- MIZO HNAM SAKHAW DIK PHOCHHUAHNA ~ Iby- Rorelliana
hairehai
June 2nd, 2011 at 12:39 am
A tha khawp mai. Han sawi laih laih phawt ila. Christocentric em em mai ila tha ber mai
Isua hi a ni vek mai.
Good Post.
[Report abuse]
June 2nd, 2011 at 12:46 am
[Report abuse]
June 2nd, 2011 at 12:55 am
pian leh murna a vang a kristian deuh vek kan ni e zofate hi chu…vanram thleng pha tur pianna dik nei erawh an tam lo khop.
.
[Report abuse]
June 2nd, 2011 at 12:56 am
A tha hle mai
[Report abuse]
June 2nd, 2011 at 12:56 am
Good post!
[Report abuse]
June 2nd, 2011 at 1:11 am
tha hle mai….
[Report abuse]
June 2nd, 2011 at 1:21 am
A tha hle mai.
Chumi avang chuan, ” Lal Isua ka neih phawt ka rethei lo ve,” kan ti thei ta a ni.
[Report abuse]
June 2nd, 2011 at 1:23 am
A tha hle mai, Isuan Thutak a tih bik kher awmzia hi hman atanga ka thinlunga lo cham tawh thin a ni. Isua’n “Thutak hriattir hi ka pian chhan a ni” a tih a Pilata’n “Thutak chu engnge ni?” a tih khan a rilru a buai angreng hle a, buaina awm tak pawh niin ka hria. Kristian chhungkua ni sa in zawng chawp lova Blind Faith a kan nun vang mai mai in buai reng si hi buai lo awm in kan awm ve mai mai niin ka hre bawk.
Similar post a Thutak (The Truth) tih ah khian hemi post nen a in zulzui tak hian a chhiar theih ang.
Good post
[Report abuse]
June 2nd, 2011 at 1:32 am
Voi hnih lai ka chhiar chuak dap e..a tha hle mai..
[Report abuse]
June 2nd, 2011 at 3:47 am
A tha dap dap hle mai! I thu ziak a chiangkuangin chhiar a nuam hle mai.
Ni e, Krista thleng lova Kristian nih mai hi a hlauhawm khawp mai! Engkim Kristaa infawkkhawm hi Pa remruat dan a ni si a, @Krista sawi ang khian han Christocentric em em phawt mai ila a tha e.
Tunlai ‘politically correct’ tumna khawvelah hian Kristian inti tam tak chu ‘tluksanna’ thangah an awk mek zel a nih hi maw! I fimkhur ang u.
[Report abuse]
June 2nd, 2011 at 5:30 am
[Report abuse]
June 2nd, 2011 at 6:35 am
‘Christian by birth’ ni furin kan inngai mai thei, a ni lo chiang teh asin. Johana 3 thu original kalphungin, ‘chunglam atanga hrin’ (hrin nawn) kan niha, Messia zuitu, ¤zuitu pawh A ruala kal, kan nihin Christianos/Meshihiim kan ni, thih thlenga Messia thuhretu (witnesses)-te hi. Kristian (TT 11:26; 26:28 & 1 Pet 4:16) an lo tih thinte nen kan dang ta riau. Tunlaia kan zui dan kalphung hi chu CHURCHIANITY a ni ta ber e. Post tha tak, thu tluang, dawlh nuam tak THE TRUTH IN A NUTSHELL a ni e.
[Report abuse]
June 2nd, 2011 at 6:35 am
Christian by birth kan ni poh hi Pathian remruat a ni lawm ni?
[Report abuse]
June 2nd, 2011 at 7:17 am
Good Post..Kraws Thisena Silfai, Sual a Phuar te Zalenna..Chutah chuan kan Hlu in kan mawi a ni..
[Report abuse]
June 2nd, 2011 at 8:11 am
May 21 khan Harold Camping sawi angin mithianghlim lawr kha a thleng ta lo na a, thil lo la thleng thei ani reng ania. October 21 hma daih pawn a thleng thei.
[Report abuse]
June 2nd, 2011 at 8:40 am
@hiho : Christian nu leh pa kara piang ni mah ila, kristian tia Luka leh Petera te sawi CHRISTIAN kher hi chu a dang chiang. Pagan Rome hnuaia Messia tana, phatsan ve hauh lote kha chu an dang, tunah chuan hriatsilna hiam min chiah ta!
[Report abuse]
June 2nd, 2011 at 8:58 am
@chawnghilh hman ah Kolkata ah Sap pakhat in I thu min hrilh ang deuh khian min hrilh tawh. Ka dang hneh khop mai.
Eng tin nge christian i nih min tia, Kei chuan Ka pian tirh a tangin ka ti mai a.. A pawm lo nasa mai.. Min hrilh hrep.
[Report abuse]
June 2nd, 2011 at 10:05 am
Tha lutuk,Isua chauh lo chu thlan tur dang an awm chuang lo, Amah chiah hian kawng leh thu tak leh nunna a nih thu a la sawi,Amahah chauh hian vanram chahbi chu a awm a ni.
[Report abuse]
June 2nd, 2011 at 10:08 am
Pian tirh atangin ringtu a nih theih loh in tia law, Isua’n, ‘naupangte te te ka hnenah han hruai rawh u…” tupawh nuapangte anga mi lawm lo chu… a tih kha engtinnge ni zel dawn.?
[Report abuse]
June 2nd, 2011 at 11:30 am
Kristian tih hi ‘THUTAK Krista chu pawm tu’ tihna anih avangin Sakhua te nena category khat nei a compare an awm hian a titu kha Kristian a intih si chuan ka rilru a lo na thin, a nunah a taka pawhna a awm loh avangin.
[Report abuse]
June 2nd, 2011 at 1:09 pm
Isua Krista hi pathian fapa a ni a, a mah rin chauh hi chatuan nun neihna a ni tih a chiang hel mai, a ropui e!!
[Report abuse]
June 2nd, 2011 at 2:12 pm
“Lalpan kan zaa tan mal min sawm sak rawh se, Amen,”
[Report abuse]
June 2nd, 2011 at 2:18 pm
A chiangin a tha hle mai. Tunlaiah hian kan in zirtirna tamtak hi Bible a ‘THUTAK’ ni silo, a hrul a thu awm zawm nuam deuh tur a ni em aw a tih theih. A sawi tlawr thiam leh titi thiam deuhte thusawi hi awih mai a awl thin. Mahse PATHIAN thutak hi a danglam dawn chuang lo.
[Report abuse]
June 3rd, 2011 at 5:50 am
A thupui, ‘Kristian ka ni em?’
Yes,by birth. Tih loh tur min zirtir te hi zawm har ka ti em em!
[Report abuse]
July 21st, 2011 at 12:24 am
Bible chhiar chian deuh mamawh chu kan awm chiang!!!
[Report abuse]
July 21st, 2011 at 12:35 am
[Report abuse]