Lengpui Airport Building Varanda
Archive for June, 2011
Lengpui Airport Building
Wednesday, June 29th, 2011Zo Rimawi 1900 – 1975
Wednesday, June 29th, 2011ZO RIMAWI 1900 – 1975 - Laltlanthanga Pachuau , Upper Republic, Aizawl.
Mizo te hi zai ngaina hnam, inpawlkhawmna hrang hrangah te kan lunglen leh khawharah pawh zai hmanga inhnem a, inkawm hlim thin kan ni a. Kum 1900 vel atang khan Kristian ah kan awm tan a, Zosap Missionary te khan kan Mizo hnam zai kha paihin anmahni hla thluk (Western tone) in zo tawngah Pathian fakna thu, rem leh remlo in an vawm bei a, heta Mizo zai hrang hrang kan neih te hi Lalvunga zai, Lerha zai, Thanglunghnemi zai te leh zai dang tam tak kan neih te hi a awmzia takah chuan an hla thluk a kha a ni ber a, entirnan Salu lawm na ah pa lungleng a lo ding chhuak a, “Awle, tunah Darlenglehi zaiin i han zai teh ang uâ€, a han ti a, a hla thu kha chu a lunglen zawng hla thu a thawh dan azirin a chham chawp zel mai thin a ni.
Chung Missionary-in a hla min siamsak te chu Mizotawng nena ing euh tak taka remkhawm an ni a, mahse, ringtu hmasa te kha chuan an ngaisang em em thin a. Tlangval lungleng zual deuh te chuan chung sap hla thluk hmang chuan lengzem hla thu lungkuai tak takin Mizotawng thluk nena inrem takin an lo siam a, chu chuan thalai tam tak te lung a kuai em em a, rinna kawngah pawh bahlahna eng emaw chen a siam phah hial a ni, chu chu ‘Kaihlek hla’ an ti.
Mizo Air traffic Controller hmasa ber
Wednesday, June 29th, 2011Airports Authority of India Hnuaia Air Traffic Controller thawk turin Tv Gilbert L Hnamte, S/O. Dr. Lalthanpuii Hnamte, Pu Lalthlamuana Hnamte [L] IAS,  Tuikhuahtlang a inziak tling. Kan news reporterin thu a dawn danin Calcutta ah thla 6 vel training phawt tur ani e.
Ani hi Mizo zinga Air Traffic Controller hmasa ber tur ani e.
Hetah hian thu a zawhfiah theih: 9436151404 (vacancy a awm e).
Gilbert kan chhuang a che ..Thums up
Hranghlui nih a har dawn lo
Wednesday, June 29th, 2011Mi thiamten chhuan hrang hrang hi hming an lo phuah vek a, chhuan thar a lo pian apiangin rilru sukthlek leh hawiher a danglam ziah bawk a. Mahni lamah inngai upa hlei thei lo mahila kan aia nau zawk an lo thathnem viau tawh chuan min nawr upa tho tho thin a nih hi. Khawnge tawi tetein Generation hrang hrangte hi i han thlirho teh ang.
Veteran: Hranghlui, kum 1945 chin 1946 hma lam zawnga piangte sawina a ni a. Indopuiin an rilru a suksak tawhte an ni. Tunah chuan pensioner an ni deuh vek tawh a; an nun a ngel nghet a an side lamah nghet takin an tang thin. A thli beng lam lamah an thle ve mai mai ngai lo. Brig.Thenphunga duh tlattu pawh an zingah hian an tam a, an ruh tlat mai a ni.
Baby Boomer: 1946-1964 inkara piangte an ni a. Indopui a tawp a, nun a zalen a; nun inkharkhip leh ralti reng renga awm lai hun a liam tawh avangin huau huau leh Party a tam a. Hmeichhiat mipatna lamah an tlan nasa hle. Nau pawh an piang hnem nangiang e. Tleirawl chhuah han tih phat nei ho an ni tlangpui a, nu tling patling an lo nih chuan an fel ve leh viau hlawm.
Lunghlu!
Tuesday, June 28th, 2011‘Lunghlu chu a thap a nia’ ti a an sawi kan hre fo thin. He thuin a sawi tum tak chu mifel leh tha nia kan ngaih lem loh, pawnlam landana eng vak nia lang lo mahse chhungrila thatna thuhruk tam tak awm si te hi an ni
Mi thenkhat chu midang thatna leh mawina inthukru an hmuthei em em a,mahse chu lunghlu nawtmama,a thalai lachhuak tur erawh chuan tihngaihna an hre der lo thung si. Mi thenkhat ve thung erawh chuan chutiang thil inthukru chu an hmu hauh lo thung.
Mi tlemte tak takin midangte thatna lai hmuha chawikan an thiam a, a tam zawkte erawh chuan tihngaihna kan hre ve hauh lo mai niloin an thatna kan hmuhhmaih fo ve thung a ni. Engtin nge midang thatlohna lai kan chawikan sak ang? Engtin nge chu thatna leh mawina,an chhungrila inthukru chu kan lakchhuah ang a,an nuna bet tlat emaw tih hial tur khawpa nghetin engtin nge an nunah lung kan phun sak ang?
Pizawn/Puzawn koh dan hi
Tuesday, June 28th, 2011Mo chuan a pasala nu leh pate hi ‘Ka nu/ka pa’ tiin a pasalin a koh dan ang angin a ko ve nghal mai a. Chutiang zelin a pasala chhungte dang dang pawh a pasalin a koh dan ang angin a ko mai tur a ni. Mipa ve thung chuan kan nupui nu leh pate hi a tam zawk chuan ‘Ka pi/ka pu’ tiin kan ko thung a, a then chuan ‘Ka nu/ka pa’ tiin an ko bawk. Pi leh pu anga kan kohna chhan hi Pizawn/Puzawn an nih vang a ni ngei ang.
Nupuite nu leh pa ‘Ka nu/ka pa’ tia kote hi ‘Ka pi/ka pu’ tia kote hian an dahhniam deuh va, thaibawih chan an chantir deuh niin a lang a, pa lo riau anga hriate pawh an awm hlawm. A tak tak ramah erawh tunge patling zawk tih erawh hriat a ni lo.
Ka thil hriat pakhat ka han sawi mai mai duh chu nupuia nu leh pa koh dan chungchangah hian mi pakhat, pa senior ve tawh takin a sawi dan chuan kan nupuite nu leh pa hi kan pi leh pu an ni lo a ti ve tlat. Mihring puitling kan lo nihin fa kan neih ve theihnan kawppui kan zawn hmuh a ngai a, chutia kan kawppui tur leh fanau kan neihna tur kan zawnna kawngah chuan kan fate tan pi leh pu tur kan zawn sak a.
Mizoram University atanga Commerce Ph.D hmu hmasa ber
Tuesday, June 28th, 2011Dr. Laldinliana s/o Lalthangliana Varte, Mission Veng, Aizawl is declared qualified for the award of the degree of Doctor of Philosophy (PhD) in Commerce by the Mizoram University Notification on 27th June, 2011. In fact, he is the first to receive the highest academic degree in Commerce from Mizoram University.
Dr Laldinliana received the doctoral degree for his thesis entitled ‘Consumer Behaviour in Mizoram: An empirical Study’ under the guidance of Prof. NVR Jyoti Kumar. The thesis has many interesting findings which received appreciation of the subject experts. Dr. Laldinliana is working as Assistant Professor in Mizoram University in Commerce Department. He offers, in his thesis, specific suggestions for marketers, trade and commerce, consumer organizations, NGOs and also the policy makers such as Govt. of Mizoram in this pioneering work.
Kolasib District NLUP Joint Verification.
Tuesday, June 28th, 2011
NLUP Joint Verification.
Vawiin Dt:28.6.2011 khan Kolasib District NLUP Implimenting Board ten Trade hrang hrang a Beneficiaries te an Pawisa dawn angin hma an la em tih a hmun ah kalin an enfiah a, he hun ah hian Deptt. hrang hrang te an kal kim in, hlawk thlak anti hle a, Deptt. te hian an hna chanpual theuh te chu an Deptt theuh te hmalakna in an lo enfiah deuh vek tawh a, mahse Deptt te thawh hona thatzawkna leh thohhona tha an neih zel nan vawiin khan a huhovin endikna hi buatsaih ani.
May 25 zana thihna thleng kha
Tuesday, June 28th, 2011May ni 25 zan khan tu nge thi ?. Nang emaw, kei emaw chu khawngaihna avangin kan la ni leh rih lo phawt a, tu emaw chu an thi ngei si. Chuti ang thihna kutvawt leh rapthlak tak lak ata thlamuanna chu sakhaw tinte zirtirna laimu chu a ni. Sakhaw dang rin dan leh thih hnu piah ram beiseina chu sawi ngai lovah dah ila, Zoram kristian nawlpuiin thihna kan hriatdan leh kan hmachhawn dan hi kan Pathian thu leh kan theologian ten min zirtir dan nen hian a inmil chiah em ?
Mitthi vuinaa kan inthlahna thuchah leh thlanmuala vuitu tawngtai thu inkalh tlat thinte hi ngaihtuah chian a tul tawh em ?. Kan thlarau chhandama awma thih veleha van kai nghal tura kan inzirtirna hian min ti thlamuang zo lo deuh thin a ni lo maw?
Vanrama Pathian hnena nuam taka thlarauva cheng tur inti si, he lei hrehawmah hian thih hreh em emin neih zawng zawng sengin phailam damdawi in lian kan pan ruai a, oxygen pe-in a theih chhung chu inchelhdin hram kan tum a, nuam taka vanrama kal mai tur kha lei hrehawma la awm rih tura tang fan fan turin kan infuih a, thi mai tur pawhin damna beiseiin hringnun thlahlel ngawih ngawihin dam tumin tan a la hram hram thin.
Combined Post – 3 in 1
Tuesday, June 28th, 2011Ruihhlo – Laltena
Ruih hlo chungchangah hi chuan kan harh chhuah a hun tawh tak zet. Ngaihtuah ngun poh leh mimal, khawtlang, chhungkua, ram leh hnamin a tawrhna a lang tam a; puanven sawichhinga insanmar a hun tawh a ni lawmni?
Lawngtlai ah Camping Pu Sanglura hovin neih mek zel a ni – Chasez
Lawngtlai Bazar Lairam Isua Krista Baptist Kohhran-ah chuan Salvation & Revival camping neih mek zel a ni a, tunah hian chhawng 9-na neih a ni leh dawn. Chhawng 8-naah khan mi 430 vel lut anga chhut a ni a. Tunah hian camp lut tur te Registration tih mek zel a ni. Tunah hian mi 700 velin Registration an nghak mek zel a ni.
Zawhna – son of God
Ka mail-ah hian Attached a lang thei miah lo mai a, enge awmzia ka va hre duh ve aw?
in va lut...
