mi(sual).com

Mizoram Legislative Assembly chuan MLTP Amendment Act 2007 (wine) tlema tih danglam na, MLTP Amendment Act 2011 chu House ah lungrual takin an pass ta e. He amendment hian 2007 a phal tawh grape leh guava bak ah, apple, passion fruit, peach, pear leh ginger  atanga wine (alcoholic beverage) siam  a phal ani. Mizoram a kuthnathawktu te tan kawl a eng dawn ta e.

Kan hriat ang in, Mizoram mipui tam ber chu kuthnathawk a eizawng kan ni a, kuthnathawkten kawla ni chhuak chhiar a, a sur a sa hnuai a hna an thawk a, hlawkpui chu sawi loh, an ei khawp pawh an thawkchhuak hleithei lo ani. Chutih lai in Agro base industry hi Mizoram intodelh nan a feasible deuh ber chu a ni bawk si a, sawrkar pawh in scheme leh project  hrang hrang te siam in hma a lo la tawh thin a, a la mek bawk a ni.

Sawhthing, lakhuihthei, tung, pangbal, sapthei etc te kan ching a, mahse market awm mumal a awm loh avangin a hlawkpui tak tak theih lo a, MIFCO  te pawh in han bei ngial thin mahse a fuh hleithei lova , sawhthing nise , silchar vai ho in market rate an control a, kan dah tawih mai mai si a, mahse tun ah erawh chuan CHANGE a awm ve dawn ta in alang. Hnahlan leh Champhai ah chuan grape chingtu ten winery ah grape an hralh theih avangin an ziaawm phah hle a, thalai hnathawk lo a awm mai mai pawh an awm tawh lo ani. Khi lai ah khian grape hi 800 metric tons (approx) per harvest in an thar a, winery te khian 125 metric tons pawh an process thei lo a, surplus a tam hle ani.

Heng thei chi hrang hrang atanga wine (alcoholic beverage) siam theih na nih dawn tak avang hian kuthnathawktu te tan pawh a phurawm hle a ni. Mizoram hmun hrang hrang ah hian heng thei te hi ching ila, market awm sa a nih dawn avang in lungmuang tak in hna pawh kan thawk thei dawn ani. He thil ah hian bawhzui tur a la tam hle a, rules and regulation fel tak siam a ngai dawn a, alcohol content( abv) zat te fel taka siam a ngai ang a, quality control pawh uluk taka kal pui a ngai bawk ang. Tin, branding, brand positioning te pawh tha taka tih a ngai dawn a, local market ringawt ngaihtuah lovin national leh international market pawh ngaihtuah a tha ang. Kan factory leh product te pawh BIS,ISI , FPO,ISO etc te certification nei thei tura kan siam a tha ang. Tin, France a AOC, Italy a DOC, DOCG,IGT etc te ang khuan appellation fel tak kan neih a tul bawk ang a, labeling leh bottling ah pawh kan duhtui hle a ngai ang. Viticulture leh Oenology hi eco-friendly industry a ni a, pollution pawh ngaimawh tham a awm lo ani. Tin, winery hian tourism element an nei a, wine tourism hi khawvel hmun dang ah pawh a lar tawh  hle a ni. Mizoram ah pawh hian helam ah hian scope a tha khawp mai.

Karnataka leh Maharashta te chuan wine policy fel tak an nei a, Nashik ah khuan cheng vaibelchhe sang chuang seng in winepark siam a ni a, farmers hovin an hlawkpui hle ani, wine hi food product hnuai ah n dah a,chuvang in tax vel ah pawh a ziaawm phah em em bawk ani. Indian wine industry hi a thang chak em em a, chateau Indage in 1980’s vel ah bul an tan a, chu mi hnu ah Grover, Sula(2000) etc te an lo lang leh a, grape tha varietal grape (vitis vinifera) cabernet sauvignon, merlot, pinot noir, zinfandel, shiraz, sauvignon blanc, chennin blanc, reisling  etc te an ching tan ta a, a hlawhtling cho hle a, Indian wine te hian international expo leh blind tasting ah te pawh award te an lo dawng ve tawh a,tun ah hian he industry hi multi billion rupees worth a ni tawh a, kum 2050 ah chuan India hi khawvel a wine producer lian ber pawl a nih rin ani. Wine culture pawh India ram ah hian  a lar tawh hle a, hard spirits ( whisky , vodka, gin, rum, tequila, brandy etc) ai ah wine hi mitam tak in an duh tawh zawk a ni. Heng spirits te ang lo in wine phei hi chu food item ah ngaih a ni a, wine and food pairing te pawh kan ngai hlu tan hle ani. He MLTP amendment hi kuthnathawktu leh entrepreneur te  tan chuan chanchin lawmawm ani.

Similar Posts:

• “Grape tui sawrna” lo awm rawh se
• Grape Growers Society VS Excise Dept.
• Zawlaidi
• Zawlaidi- Kan zu hming thar tur chu!
• Wine bars in Bangalore

Recent Posts:

• Thaikawi Palai
• India ram hmun hran hrana Petrol man thar tur
• Paws Za na, tren tren.
• Power mumal loh chhan hi MNF vang a ni – S. Laldingliana, Parliamentary Secretary.
• Jersey lampang aw.

This entry was posted on Thursday, July 28th, 2011 at 3:56 pm and is filed under Mizoram, News, Zu. You can follow any responses to this entry through the RSS 2.0 feed. You can leave a response, or trackback from your own site.