Zawlaidi hian kan ngaihzawng, mahse min duh ve tu pawh ni lo in min duh phah theihna niin Mizo in kan ngai thin. Mahse, Zawlaidi chu chutia duh hun hun leh duh ang ang a hmuh mai theih a ni chuang lo in kan pi leh pu te chuan an sawi thin a. Amaherawhchu, tunah chuan Mizoram Horticulture Department hmalakna hnuaiah Zawlaidi chu chhawp chhuahin a awm dawn hnai ta… :roll:
Hnahlan leh Champhai leh a chhehvelah khian, hun rei tawh tak atang khan Grapes hi sumdawnnan hman a lo ni tawh thin a. Khita an grapes tharchhuah te khi ‘plastic zem’ lian tak takah, Wines siamdan phung pangngai pawh ni lo in, um in hralhchhuah a lo ni tawh thin a. Mahse, tunah chuan, ‘grape wines’ siam dan phung pangngai zulzuiin, ‘Zawlaidi – port wine’ chu siam chhuah mai theih tawhin peih fel a lo ni ta.
Hei hi Hnahlan khua a Winery building ve thung a ni e…
Hnahlan leh Champhai a grapes ching tute hi intelkhawm in ‘Grape Grower Society’ an in din a. He Society pahnih te hian anmahni khua ve ve a Winery hi an enkawl dawn a ni. Grapes tharchhuah, fai tak mai chu Kg khat, cheng 30 bawr velin heng Winery hmunah hian, sawr turin an hralh thin dawn a ni.
Grapes rah te chu khawl a her sawm annih hnuah, heng zem lian pui pui (11,000 litres capacity) ah hian chawlhkar thum vel um anni ang a, chutah a ‘bottle’ a khung theih tur in, sawngbawlna neuh neuh a kaltlang hnuah buatsaih a ni ang.
Hemi ‘conveyor belt-ah’ hian Zawlaidi um chu a rawn tawlh phei ang a, khawl hian burah Zawlaidi chu a lo chhung lut ang a, chutah muang chang a an rawn tawlh chhuak chu ‘label’ a lo bel ang a, a chhin in a lo chhin zel ang. Tichuan dawr a zawrh chhuah theihin peihfel a lo ni tawh dawn a ni.
Hei hi chu, Winery hmuna ‘laboratory room’ chhung a ‘Zawlaidi Wines’ endik tur a buatsaih lai a nih hi… :lol:
(Note: Heng Winery hmun te hi ‘visitor’ angin ka va tlawh ve a. A ‘technical’ thil leh ‘details’ hriat ka nei bik lo. Han sawi khawm ila, a chungchang hre chiang deuh te rawn lut tel turah beisei bawk ila. He ‘Winery’ leh a ‘product’ tur chungchangah hian kan ngaihdan theuh te i han thawhkhawm teh ang u.)
Similar Posts:
- Krismas nang nen
- Grape Growers Society VS Excise Dept.
- Zawlaidi- Kan zu hming thar tur chu!
- Lalsangliana Mizo kha kan hre lo, -KCP(MC)
- Zawlaidi-a ka ngaihdan leh a hriate ngaihdan
August 29th, 2010 at 9:19 am
A PAWI DAWN! HEI HI, A PAWI LUTUK DAWN!
mimal leh chhungkaw tam tak chhiatna thlentu tur a ni tih hi huaisen takin ka puang lawk ngam e: inlarna chhete ka hmuh ve danin :lol: Nimin Vanglaini article ang khan.
Mizo hian Zu hi achhia emo, a tha emo KAN TLIN VE LO! Hei ‘Zawlaidi’ ni lo vin ‘ZU’ a ni. ZU DIK TAK!
Thalai tam tak, a hmei a pain, kum tling leh tling lo, nu leh pa te tan chuan Alcohol 14% duhtawka ruih nan a chak tha tok a ni. Chhuanlam ah, Zu leh Drugs chhuanlamah an hmang nasa ang, i fapa te, i fanuten an lan addict ang! Chutih hunah chuan i rin aiin a poi thui hle toh ang!
A PAWI DAWN! HEI HI, A PAWI LUTUK DAWN! lo ngai reng roh u!
Report this comment
August 29th, 2010 at 9:24 am
LO WELCOME CHI A NI LO VE!
Kan hnam hian chhiatna kawng thuk zawk a zawh zel zawng a nih hi! Thutak lamah thang si lo vin, khawvel hmasawnna lamah kan tuihal a, PATHIAN kan hlat tulh tulh a, kan nun a dal telh telh a ni.
He Zawlaidi ‘Zu’ hi a zalen dawn si a, Nupa kar buai phah te, Uire phah te, ruih avanga inthahna te, suahsualna chi hrang hrangte, sual nawmchenna leh sual pawisak lohnate a hluar nasa hle dawn a ni.
Kum tling lo ten an Addict bawk ang. I FATE VENG THA HLE RAWH! LO WELCOME CHI A NI LO VE!
Report this comment
August 29th, 2010 at 9:29 am
Economics Development leh sum kan um luat avang hian kan thlarau nun ngaihtuah lek lo vin kan tlan suau suau a.
Pathian ringtute tih awm leh awm lo pawh kan dawn pha tawh lo, khawvel leh a chakna leh sum hian min eichhe mek a ni.
Zawlaidi-in a hrinchhuah tur hi ka hmu lawk chiang si a, ka tah a chhuak tak meuh meuh a ni, tih theih erawh ka nei lo. KAN CHHIATPUI DAWN! Chhungkaw tam tak an la rum phah dawn a ni. Ka unau, lo fimkhur ang che aw!
Report this comment
August 29th, 2010 at 9:36 am
Zu lam chi in ngai reng reng lo ten an tem dawn a ni. Chung mite chuan an Addict phah bawk ang! “Zu a ni hlei nem” tiin an tlip mawi ang.
CORRUPTION – HURNA – RUIHTHEIH THIL!! Zoram hi chuan PATHIAN THINURNA a la tawng baw khawp ang. A hming lam lam lo lawl law ila chuan a ziaawm tur, a hmel hliahtu ram leh hnam hi zawng, NA EM EMIN min la thunun mawlh ang!
Report this comment
August 30th, 2010 at 3:55 pm
Tihian ngaihtuahna ka nei ta a: Mizoram chhungah zu nilo wine an tichhuak tur hi a that viau laiin, wine hian ek a ti dum duh em em mai a, tin, kua a ti thalo duh bawk. CHuvang chuan Mizoram hi tun atanga hun reilo teah chuan Kawthalo damdawi hralh a tlak viau ka ring a, Mizoramah hian ek dum tak tak leh kawthalo a pung viau turah ka ngai :lol:
Report this comment
September 20th, 2010 at 12:10 am
an aged tir dawn emo tia????thla khat ph um tlin loh te chu????sap ho sawi dan chuan “wine chu a hlui poh leh a tui”…mizo te kan rilru a hmanhmoh vang a ni e….hnam dang bula show chu a chi vak lo maithei….
Report this comment
October 29th, 2010 at 11:54 am
Zawlaidi thlak chiang fek fawk heile. A bottle thenkhatah hian Hnahlan Grape Winery tih leh Champhai Grape Winery tih a awma, khawi zawk nge tui zawk…. https://tinyurl.com/zawlaidi Zawlaidi ngei mai chu hei le.
Report this comment