Zing lam Dar 3 : 30 vel a ni a, Ruah thimpui hmahruai tih hriat – thli vawt zet mai chuan huana kan phuihnam kung chu a rawn chhêm su lawp lawp a. Tawkfangah, Laipuitlang phèn atangin chhum thimpui a rawn inpangawzial tup tup a. Chu chuan kan In chung rangva hlui, kilhna hlui tawh tak takte chu Tom & Jerry ang maia khawngaihna leh lainatna tel hauh lovin a rawn sawisa ta thrawt thrawt a.
Thli chu a na tual tual a, kawpui sài ri dur dür leh kawlphè zuai zuai karah kawlphetha erawh a awm lo thung. Chu chuan khaw awmdan chu a tirapthlak lehzual a.
Kan in, ka pu pa hunlai daih tawha sak – tharum hmanga nàmtu an awm loh avang chauha la ding hram hram, kawmchhaka Pu Hruaia In lianpui leh kawmthlanga Pu Vela In sang takin a karcheh tlat avanga thli leh ruahpui laka la tlu sawp lo ve mai chu, thlarau sual luhkhung ang mai hian a chakna thahruite nen, a pûmin a khur hlawk hlawk ni berin ka hria.
Chutah, khum nghawr nghing lawih khawpa nâ, thenawmte In a dêng ta emaw tih mai tura hnaiah trek a’n tla dur a! Ka nau mu tui lai a phu zuk a, ka kuah a, khaw awmdan hlauhawm leh rapthlak tak chu biruk san tumin kan inlukhuh a. Khawfing chah hma – thim chhah hunlai tak a ni.
Dar 4 vel a ni tawh a, kawlphe leh Biak In mual atanga thli-vìr rawn thaw vuk vuk tih mai loh chu, khawpui ri leh ruah erawh a hàn tawh a. Chitè ruam atangin tiau chhumin khua vel a rawn tuam chho mek bawk a. Naupang tan chuan khaw awmdan chu khawlo tak a ni. Khawchhe thawm rapthlak a reh deuh thuap tawh a, kawl erawh a la phe zuai zuai tih bang awng atangin ka hmu a.
Thawklehkhatah kan kawngkhar kalhna a ri rak a, kawngkhar inhawng riin a zui a, kan unau chuan beng kan tùn hrû a. Mahse, chu erawh kan hlau lo! Ka nuin thenawmte thlai thar a khar chhawn bazarah a han zuar dawn tih kan hria, chu chu kan nunna a ni si. Khua chu chhe engangin bumro hle mah se, khum betin a nâ te a nih ngawt loh chuan nuamsamlo engang mah se ka nu chu chawl thiang a ni lo.
“Liante, kawngka hi rawn khar rawh le”
tih leh chhuah a rual a. Ka nu chu ka thlir a, kan kawt rahbi chho ulh zet mai a, bawr taka a inphur chho lúk lúk te,
“Nu ràng, chhuk rawh, i chaw tur bazar sa ningnawi ka rawn hawn dawn che…”
ti a, a hnung zui tum kan zawhtepui a hnâr lai te pawh kawlphe èng zuai zuai hnuaiah chuan ka hmu a…
Nu,
Ka dam khawchhuah nan i tuar a
Ka nawmsak nan i rethei a
Ka hlim nan i lungngai a
Ka puar nan i tam a
Ka changkan nan i berhchep a
Ka seilen nan i tè tual tual a
(Misual, vawiin thlenga ‘Nu’ la nei ho khan lo duat mawlh mawlh teh u!)
Similar Posts:
- …tual tual…
- Kha zan kha
- Zan Tihbaiawm!
- Kawrte-ah pawngsual rapthlak!
- Pu C.Lalbiakliana thi thu lawrkhawm
hairehai
July 6th, 2011 at 10:02 pm
🙂
July 6th, 2011 at 10:03 pm
chhiar phawt ang
July 6th, 2011 at 10:04 pm
@1 ka 1st tir che ni kha 😛
July 6th, 2011 at 10:11 pm
nu te hi chu a sur a sa hnuaiah kan tan hna hi an lo thawk bawrh2 thin zawng ani.
July 6th, 2011 at 10:14 pm
Nu hlutzia hi aw, a tlangpuiin pa aiin nu te nen hian kan inpawh zawk tlangpuiin ka hria.
July 6th, 2011 at 10:17 pm
Good post.
Nu leh pa neia mi la siam avangin Lalpa lawmthu ka hrilh a che.
July 6th, 2011 at 10:20 pm
Nu=fim lo
Nu=mipa lo (faminine)
Nu=Mother
Eng ber tak niang maw?
July 6th, 2011 at 10:22 pm
‘Nu tha pakhat hian Pastor 100 a hen a ni.’ an lo ti reng a ni.
July 6th, 2011 at 10:23 pm
GOOD POST.
July 6th, 2011 at 10:28 pm
A tha hle mai, lung a kuai mange…Post tha tak a va han ni em
July 6th, 2011 at 10:33 pm
van tha vee (Y)
July 6th, 2011 at 10:38 pm
Ava tha thuai thuai ve. KA duh chi zawngin i ziak a ni. Nute hi an pawimawh lutuk e.
Mother of Methodist an tih mai Susanna Wesley hi a fakawm khawp mai. John Wesley leh Charles Weslyte nu kha a ni a. A rem chan chuan a chanchin lo chhiar ve thin rawh u.
July 6th, 2011 at 10:44 pm
Ka Nu,tun thleng a min la dampui a,ka engkim a ka engkim,engmah hre lo va natna khum a ka leh reng lai a tlaivar a min tawngtaisak thin tu,kawngdik ka zawh nan a min zilh hau hreh lo leh felna kawng a hmangaihna thinlung nen a min kuah tlattu min pe hi LALPA,I hnenah LAWMTHU ka rawn soi nawn leh e.
July 6th, 2011 at 10:44 pm
Ignatia chu kum 1896 kal ta khan i thi si a, i va la hrah ve?
July 6th, 2011 at 10:49 pm
Lung a kuai hle mai!
…. Tawkfangah…. tih tawngkam chu kan va hmang lar ve lo ve!
July 6th, 2011 at 10:49 pm
Post tha lutuk.
Ka thawhchhuah tlem te a, ka nu leh pa ten an mamawh lei thei tur a Pathianin an nunna min zuah sak hi ka lawm .
July 6th, 2011 at 10:49 pm
Kawlhawk – hei hi FB ah ka chhiar sak tawh che, i thiam ka ti tlek tlek ngei mai. (Y)
July 6th, 2011 at 10:51 pm
He thu ziaktu hi chuan thu hi a thiam thlawt a nih hi, a thuziak reng in min hneh thei mai (Y)
July 6th, 2011 at 10:51 pm
Keini inchhung-ah chuan Nu ber a zin bo/awmloh chuan kan buai nuaih zel! 😀
Hnathawh haw te hian ‘khawnge ka Nu?’ tih zawhna hi ka la zawt bang theilo. Good Post (Y)
July 6th, 2011 at 10:53 pm
Duh tawka Kawlhawkan a thla a han zar hi chuan, chilthli tla duahin kan ka ho mai alawm. # Pian tirh ata mitdel niin, bible hi chhiar miah lo pawh ni ta ila, ka Nuin kum 10 ka nih hma lama thawnthu ngaihnawm tak anga min hrilh ringawt avang pawh khan, bible thawnthu tlangpui hi chu hre ve pawl tak ka ni thei awm asin maw le. Theological college a ka zir aiin ka nu pawl 3 thleng chauh pass hnen atanga ka zir hi ka chhuang zawk. Ka Pathian thu lak danah pawh hian, in hriatthiam mai ka ring.
July 6th, 2011 at 10:57 pm
nia, Nu, mom, ma …etc an pawimawh khawp mai. hringnun khawvel ah hian 😉
July 6th, 2011 at 11:01 pm
Rilru a va hneh ve aw..chhiar a hrehom trep alom… 🙁 (Y)
July 6th, 2011 at 11:03 pm
Damloh chang pon ka nu in duat taka min kuah vong2 tluka na chhawkna chak hi ka hrelo…mom, i love u. (L)
July 6th, 2011 at 11:08 pm
Ama, nu, mummy… nu tel lo hian kan tlei thei lo hring nun khawvel ah (Y)
July 6th, 2011 at 11:13 pm
Ka Nu hi kan tet lai chuan a lo hong te hi ka lo malis thin,a ron chau hong ve thei thin emm a ni…
Lianthangpuia hla kha ka rilru ah a cham reng thin,a thiam chhuak te in om mial em,
“Mate ka seilen hun chuan,
Hahdam ni a tawng ngei ang”
‘Lo haw thuai thuai’ tih hla kha………
July 6th, 2011 at 11:14 pm
(Y) (U) (W) (F)
July 6th, 2011 at 11:22 pm
Kan zir a tam tual2 a, kan thiam a sang tual2 a, kan hriat a zua tual2 a, kum a lo upa tual2 a…
Nu hmangaihna erawh a chanve – chanve leh pawh kan la hre si lo!
July 6th, 2011 at 11:22 pm
Ziak tha ve aw…
July 6th, 2011 at 11:26 pm
”..Ka puar nan i tam a..”
chhang pali chiah a om a, riltam mi panga an om bok si chiah hian nu chuan chhang a ngainat loh thu a soi thrin. 🙂
July 6th, 2011 at 11:28 pm
kawlhawk@27 (Y)
July 6th, 2011 at 11:29 pm
@ReMpY_ScisSoR, nu hmangaihna hrethiam tur chuan NU nih ve a ngai e an tia lom (F)
July 6th, 2011 at 11:34 pm
@TMB, nu nih hrih loh a, hriatthiam hrihloh mai te ka thlang.. 😛 😛
July 6th, 2011 at 11:39 pm
ReMpY, he topic-ah hian i tui phian mai, i kawmen a ngaihnawm bawk. ‘nu’ te hmangaih thiam tak i nih ngei – 100% in ka ring e.
Nu hmangaihna – ka thiam ang tawk leh buarchuar taka ka vawm luh ve mai2 min hlut sak a, min fakdertu zawng2te chungah ka lawm e.
July 6th, 2011 at 11:52 pm
Kawlhawk nge nge, a van ropui ve ! vawin hi mother’s day chu ani em lo maw ! Mahse Nu pawimawhna leh min hmangaih thuk zia min hriattir avang hian a lawmawm e….He article ka chhiar atang hian ka nu tan engemaw tal tihsak ka duh ta riau mai.. (Y)
July 6th, 2011 at 11:54 pm
‘Ka nausein tunge mi chawi ?
Ka nu, ka nu duhtak chu.
Ka dam lohvin tunge mi chawi ?
Ka nu, ka nu duhtak chu.
Ka dam lova, a tlaivara, min lo chawi mu
thin,
Hah takin, chak lo chung pawhin,
Ka nu, ka nu duhtak chu.’
He hla hi kan tet laiin kan bye heart thin a, ka rilru ah a thi thei lo. a phuahtu kha Pi Nuchhungi a ni ta em kha le…
Kawlhawk chho thlawh thla zap rang, tih hi kan insawi ran siak thin!
Kawlhawk i thla zap ri a mawi e (F)
July 7th, 2011 at 12:55 am
God could not be everywhere, so he created mothers… an tia ni lawm ni kha? Nu te hmangaihna hi chu a va ropui tak em! love you, Mom… (L)
July 7th, 2011 at 12:58 am
I thluaithlum nalh hle mai. (Y)
July 7th, 2011 at 1:13 am
Hmanlai Nu te hi kan tunlai nula te hian anva tluk lo tak e awww….
Ka Nu sachek zuara Bucket rit tak khaia kumtluan maia kan veng a hrutkual thin kha ka lo mitthla ve vuai2 a, min lo hmangaih hle ani tih min hriatnawn tir e.
July 7th, 2011 at 1:40 am
A va han tha tehreng em! Nu hmangaihna hi chu, a ril-in a thuk asin! keinin hre pha chiah lo mah ila, kan tana an thiltih te, an mi hmangaihna te, an hreawmna te hi chawimawi chu an phu hliah hliah ani. Nu hmangaihna tluka thil hlu hi mahni chauh awma, then leh rual, mizo pui awm lohna a, han damloh chiah hian a hriat lehzual hian ka hre thin,.. ;-( Hei aia sei zawk hian ziah theih nise, a van tha dawn em! (Y)
July 7th, 2011 at 1:41 am
# kilhna hlui tawh tak takte chu Tom & Jerry ang maia khawngaihna leh lainatna tel hauh lovin a rawn sawisa ta thrawt thrawt a. (Y)
Thu i thiam hle mai a, ka va awt che. 🙂
July 7th, 2011 at 2:14 am
thu i thiam a,Nu hmangaihna i phawk chhuak nalh khawp mai! ka lawm e,NU hmngaihtu min pe a,tun thlenga kan nunna min la zuah sak tu Lalpa kan Pathian chungah lawmthu awm rawh se (L)
July 7th, 2011 at 3:26 am
(Y) nawn awn awn e
July 7th, 2011 at 4:12 am
Kanu min ti hrechhuak hle mai. 1966 rambuai tlanchhiat hawn atang khan Bazar-ah a inpho tana, zingah rawng a bawl sawk sawka chawei khamah em nen a inphur chhuak thin.Tlai a lo haw hian chawhmeh tur leh parcel chhia vawk chaw chhum nan a rawn phur haw tel thin. Ziak a thiamlo a chhiar thei tawk tawk. Kanu ba-bu chu a thluak ani mai.
@kawlhawk i sawi ang hian NU la nei chuan theih ang tawka duat hi “An phu” ka ti. Kanu min duat ang zatve pawhin ka duat let lo hi damchhung ka inchhir dawn ani.
Photoshop thiam takin duhtawka thlalak an cheimawi ang hian Kanu khan min photoshop kual nasa ve khawp mai. Kanu khan wheelbarrow tuiek ang ka nih pawhin min nawr/tur kal hram hram thin. Ama photoshop thiam dan hmangin “Mama Biakin-a in inkhawm hi chuan ka lawm thin asin” tia khawvel lama tlan aia Lal Isua hnung zui tura min duhsak dan te … min ve vel teuh ve Zika
July 7th, 2011 at 5:27 am
MHIP day special a ni maw! Chhiar a nuam khawp mai….
July 7th, 2011 at 5:53 am
Nu te hi chuan min lo van hmangaih tak em (L)
July 7th, 2011 at 5:53 am
Amen..!
July 7th, 2011 at 6:07 am
Hetiang ah tak hian hmeichhe khawsak thra te chauh chu a ni lo ropui thrn ni..Engtin nge hetiang tak a, fa an hrin duhzawk le, tih mai tur a ni.. Mahse, hmangaihna vang a lo ni, tuman hmangaihna hi an sawifiah thiam lo…!!
July 7th, 2011 at 6:41 am
A va ngaihnawmin chhiar a va nuam tak em. Ka’n chhiar nawn leh ngat teh ang.
July 7th, 2011 at 8:36 am
Mawi leh uluk taka lung bang rem —chuta pangpar chuai lam, uihawm tak … a zâm ngiai ang lah ni!
July 7th, 2011 at 8:44 am
A thain a ropui khawp mai. Critic meuh paw’n fakna thu a chhakchhuak hreh lo! I post khi tuna mi tam tak, bazar-a chawhmeh zuara thu zawng zawngte dinhmun leh nihna a ni tih ka hria. Nu ni kher lo mah se chu’ngho chuan an dinhmun hriaa an hah leh thawhrim zia tarchhuaktu Kawlhawk hi hmuin rawn hria se, Kawlhawk hian chawhmeh a lei a ngai tawh lovang!
Nu hmangaihna hi a ropui e. Nuhrawn hmangaihna erawh ropui kan ti vak lo a niang!
July 7th, 2011 at 8:49 am
Ima ,anu,mami,mai,kai,
nu mawww
July 7th, 2011 at 9:18 am
A va tha in, hnuk a va ti ulh zawk em!! Comment zawng zawng nen ka chhiar chhuak vek e!!!
Losul haw hun vel a; kan unau a, Lianthangpuia hla kan sa dial dial thin te kha aww… Pu Kawlhawk, i thuziak zet chuan, ka chun fam chang hnu ngaihlai a ti thar e..;-(
July 7th, 2011 at 9:20 am
Ka nu hmangaihna aw nem chu,
Theihnghilh ni reng ka nei lovang;
“Bawihte min vahvaih san mah la,
Ka tawngtaina tal hre reng rawh”.
Min hmangaihzia ka ngaihtuahin,
A hnena awm ka va chak em!
Ka tan a tawngtainate chuan,
Thlifim angin min rawn chhem thin.
July 7th, 2011 at 9:55 am
A ngaihnawm in Nu hlutna a tar chhuak tha hle mai. Poem pakhat kan hriat chhuah leh phah chu a. Chu poemah chuan, nu ber kha rul in a chuk a. Na tiin a vial a vial a. Zanah pawh a mu tha thei lo a. Mahse chu nu chuan, rul chuan a fa te chuk lo a amah a chuk zawk avang a a lawm zia a chham chhuak a…
July 7th, 2011 at 10:39 am
Thu thlauithlum dan chu a van ngaihnawm ve… a buruak ah min chen tir ve tak tak thei a lawm mawle… Mahse a tawp dan hi a tawp thut a ka kham lo e…..
July 7th, 2011 at 10:47 am
Misual, vawiin thlenga ‘Nu’ la nei ho khan lo duat mawlh mawlh teh u!
A tha hle mai.
Hmangaihna min zirtirtu pawh hi nu te an ni lawm ni. An sawi tam lo, an inhlanna atangin hmangaihna awmzia kan nunah kan zir anih kha.
Hmangaihna nei miah lova fa hring ve te pawh an awm a, heng ho hian khawvel an ti zing anih hi.
July 7th, 2011 at 11:09 am
Thlams khi hla khi ka duh lutuk, kanu kiang a thla muang tak a seilen kava chak thrin tak em, .. Post tha tak ani,.. Ka hnuk ati ulh don alom le
July 7th, 2011 at 11:28 am
53. Thlams, Ka hla duh lutuk i rawn tar lang e. Kum 10 liam tawhah khan, Adi tawngin kan let a, kan Naupangten an sa ve thap thap thin. Ka duh zual lai leh ka hnuk ti ulhtu chu e, “BAWIHTE, MIN VAH BO SAN MAH LA, KA TAWNGTAINA TAL HRE RAWH”, ” Ka Nu, ka hria asin” (HU=Hnuk ulh)
July 7th, 2011 at 11:29 am
Ka nu ka ngai e…kum 2 dawn kan inhmu tawhlo..miz u mom..
July 7th, 2011 at 11:32 am
“Bawihte, min vah bo san mah la, ka tawng taina tal hrereng rawh” (khawhmuh a fiah lo, mit a phè ta tlat mai)
July 7th, 2011 at 12:05 pm
kawlhawka thu ziak hi chuan thling a vit ngaih zel
July 7th, 2011 at 5:12 pm
Nghah man a va awm teh lul em! Vairam ka kal dawn hian ka nu leh ka u ten Vanapa Hall bulah khan MST bus ah min thlah liam a. “Pathian in a hrereng che ania” ti a min thlah kha in an thlen hnuah a lo insit deuh ni tur a ni, “Mi chuan an fate thufing tak takin an thlah a….” a lo ti a ni awm a. Mahse, kha thu tawite khan ka kalna a piangah min kaihruaitu a nih phah ta a….
July 7th, 2011 at 5:19 pm
VaiVa, #62
July 7th, 2011 at 6:21 pm
A va ropui e o….comment ka chhiar vek…a ngaihnawm… LALPA ka lawm e.
July 7th, 2011 at 6:46 pm
July 7th, 2011 at 7:50 pm
Paws 170 chuang ka vawm lut ve tawh a, tuntum hi kawmen uangthuang tak awm si loa kawmen 60 chuang a luhna paws awmchhun a ni. Ka lawm e!
Sualin khawlo hlawm hle mah ila, Nu hmangaihna erawh kan va lo chiang hlawm tehlul em!
July 7th, 2011 at 8:41 pm
In tih pa ve nak laiin mi i vel, chu ni ber e…
July 7th, 2011 at 9:57 pm
Kawlpui, i post dang zawn awl dan min lo hrilh teh, kei misual junior hi.