Archive for July, 2011

Ka thamral leh thin

Friday, July 29th, 2011

Tunlai khawvel hi en teh — Hnam mawl an harh a, Hnam hnufual an thó a, Ram rethei an insangmar ta! Rorelna dik leh tha neih tumin, khawlaiah leh dâiahte an inhawrkhawm mup mup a, Hnam hnufual leh rethei bik nih an zak a ni.

Nakinah kan la harh ve ang!… Pathianin ram min pe a, hnam taima leh thuawi tak kan ni bawk si a; chumi hunah chuan eiru hausate an zak ang a, an In a rô tual tual ang a, an In sak laite an chawl khawro thuap tawh dawn si a.

Kut hnathawktuten khaw èng an hmu tawh ang a, thlantui nena an thawh chhuah atangin In thapui pui an sa ang a, tuk tin mai chu an tan hlim ni thar a lo ni tawh ang. Thalaite rilru tihdanglamin a awm ang a, an sukthlek a lo dik tawh ang a, hnathawk lova theuleu nih an zak tawh ang.

(more…)

Posted in Luangliam, Mizo Society & Culture | 80 Comments »

Hman lai chuan maw..

Friday, July 29th, 2011

Hmasang ata tawh keni Mizo ten thlang kan tlak hun atanga kan Mizo Culture leh kan tradition te, History te atanga kan thlir hian tlawmngaihna, Zonunmawi leh Hnam entawn tlak, hnam dang tawngah a awm ve lo tih te hi kan Hnam inchhuanna atan chapo pui tham a ni teh meuh em le??!

Kan mithiam leh Mizo History chhui peih leh ziak mite hian thup chin leh theprelh neih chungin kan Mizo Hnam hi khalh ngil an tum em ni aw ka ti thin. Kan ram zim te timawitu romei te leh thing leh mau hring dup mai te leh zotui thiang tia kan chhal te hian kan Hnam nunphung hi a thlak danglam theih dawn loh avangin nang leh kei hi a kila lung pawimawh kan ni tih hi i in pha lo teh phawt ang u.

(more…)

Posted in Mizo Society & Culture | 27 Comments »

Nuih dân hrilhfiahna

Friday, July 29th, 2011

Hahaha: A nui huah huah a, a ri huau huau va, ngaihtuah em em a nei lo. Inthlahrung miah lova tuihawk luang ri hawk hawk te pawh a nih duh hmel hle. Fiamthu a duh hle bawk. Inthlahrung miah lovin a nui chhuak hawk hawk mai a, a ri hi a hriselin hriat a nuam em em a ni. Mi nuihsawh nana hman erawh chuan a tawrhhlelhawm hle thung.

Entirna: Tun maiah khan Phunchawng-ah bike leh taxi a insu a, bike khalhtu zawk chu a khabe thlengin a hnap a tawlh..hahaha.

Hehehe: A nui hi a inthlahrung hle a, zak chung chunga nui a ang zawk mah. Mi zinga hetianga nuih hian khîk séng a awl hle a, hman rim pawh a hlawh hle reng a. Mi hnena thil dil changa a tawpa zahzela hman atan a á¹­ha hle a, a nui a dam dap mai. ‘Hehe’ ti-a hman a hlawh ber.

Entirna: Naktuk chu inah lo awm la, ka lo kal ang a, chuan…..ni mai…hehehe.

(more…)

Posted in HAHAHA | 54 Comments »

Bible-a Rahabi Nawhchizuar kha

Friday, July 29th, 2011

Joshua Lehkhabu Bung 2 atanga Bung 6 kan chhiar chuan  Israel faten Jeriko an beih thu kan hmu a. Heta hming pawimawh tak lo lang chu Rahabi nawhchizuar hi a ni. Israel lam enthlatute a puih avang khan amah leh a chhungte leh a neih zawng zawng zuah anih mai bakah tun thlenga Israel hnam zinga an tel thu kan hmu a.

He thu ka chhiar hi chuan Rahabi hi mahni hnam phatsantu, ama himna duh avanga a hnampuite  thih vekna tura hmelmate tanpuitu ang bakin ka hmu thei tlat lo. Amah hi nawhchizuar lehnghal a ni a. Heng hun laia Israel fate chakzia hi a hre ve a.

(more…)

Posted in Religion | 56 Comments »

Zirtirtu

Friday, July 29th, 2011

Ziaktu: Lalhmangaihzuala

Zirtirtu hna hi ‘hna tha, hna thianghlim, hna zahawm’ tiin an sawi fo thin. Mahse ngaihsan erawh an hlawh lem lo. Mizopa thinlungah chuan J.E., Cashier, Range Officer te’n ngaihsan an hlawh fe zawk. Hna sang zawk lam ah lah college zirtirtu ai chuan E.E., SDO, BDO ten ngaihsan an hlawh fe zawk bawk.

Zirtirtu te aia heng hna dang te kan ngaihsan zawk na chhan hi enge ni ta ang le? Mahni hlawh bakah pawisa dang nei thei dinhmuna an din vang zawk anih ka ring. Officer eiru miah lo te chu tawngkam chauhin kan ngaisang a, hnunglam atangin ‘a mawl em mai’ tiin kan sawi zui fo thin. Chutiang bawkin, eiruk tur nei ve lo Zirtirtu te chu rilruin a dah hniam thei thin khawp mai.

(more…)

Posted in Education | 57 Comments »

NIC a Programmer Hnaruak

Friday, July 29th, 2011

Post : Programmer
Qualification: BE/BTech/MCA with minimum 60% Mark.
Msc in Computer Science first class
Master Degress in Physics/Maths/Statistics/Operation Research with Post Graduate Diploma in Computer Scince from Govt recognized inst.

Age Limit: 18 -30 yrs with Relaxtion as per Govt norms.

No of Vacancies: Total 62(sixty Two). SC:6, ST:9, OBC:16, UR:31

Pay Scale: Rs 9300-34800(PB2) Grade PAy 4600 (total Emoluments Rs 33,439/-pm

Link: recruitment.nic.in

Posted in Information | 81 Comments »

YMA General Conf ah hmeichhe tan kekawr hak rem ti lo

Friday, July 29th, 2011

Kumin October thlaa YMA General Conference thlengtu tur, Kolasib khawpui chu kawng hrang hrangin a inpuahchah mek a; YMA General Conference Organising Committee chuan, conference rorel inkhawma kal tur hmeichhiate’n kekawr hâk loh hram ni se, an ti.

YMA General Conference Organising Committee chu Thawhlehni khan CT Mawia, Fund Raising Committee Chairman leh Kolasib Sub-Hqrs. YMA President hoin an thukhawm a, Committee péng hrang hrangte hmalakna ngaithlain an sawiho zui a ni.

Organising Com­mittee meeting chuan, YMA Conference-ah hian mikhualte’n hun tha leh boruak thianghlim tak an hman theih nan theihtawpa tan lâk ni se, tiin, Kolasib khawpuiin mi híp thei tur hmunhma a neihte a theih ang anga cheibâwl an rel bakah, Conference hmanna tur, Diakkawn Field bulah PHE hmalaknain Rs. 1,60,000 senga vantlang zun-in siam an rél bawk.

Vanglaini

Posted in Information, Mizoram | 105 Comments »

Khamah Tipper tlan liam, 1 thi

Thursday, July 28th, 2011

Nizan dar 7:30 vel khan Zanlawn leh Serkhan inkar, Ralven kawnah Vanlalchhuanga, Chaltlang Lily Veng Tipper (LPK) Aizawl pana tlan chu khamah a tlan liam a, motor khalhtu Johny Lalremruata, Durtlang Gosen veng a thi nghal.

He motor chuang ve mi pahnih chu an hliam a, Sentlang PHC-ah hruai an ni. Motor hian kawng chho-ah a zo lo a, a hnung zawngin a tawlh let a, khamah hian a lir liam ta a ni.

Posted in News | 20 Comments »

Beiseina

Thursday, July 28th, 2011

Mihring zia hi an mak ve khawp a, a changin kan nui a, a changin ka tap a, a chang leh kan hlau a, A chang leh kan lungleng a, a chang leh mi kan hmusit a, a changin mi kan hmangaih bawk a, kan khawngaih bawk a, lehlamah mi kan hua a. A chang leh kan thinrim, a chang leh kan lawm .

Mihring mizia ve hrim hrimah ka ngai a. A changin beiseina neiin hlimna leh hlimlohna karah kan cheng a. Beisei ang a thelnin kan hlim em em a, beisei ang chiah lo deuhva thil a kalin kan lunghnur leh em em a.

Mihring hi ngaihtuahna leh suangtuahna hmangin kan duhna lai lai ah te kan leng thei tho bawk a. Mak tak chu kan ni ve hrim hrim. Kan dam chhung hun tur hi kum 70 ang velah dah ta ila, Darkar 613200 vel ang chauh kan dam dawn tihna a ni a. Hemi Darkar hun chhung hian ngaihtuahna chi hrang hrang kan kalpel a.

(more…)

Posted in More than words | 29 Comments »

Sawrkar Hnathawk leh NGO/Associations

Thursday, July 28th, 2011

Kan Ramah hian Voluntary Organisations leh Associations chi hrang hrang a tam ta viau mai a. An Office Bearers te lah chu han bih chiang ila Sawrkar hnathawk an ni deuh fur leh nghal a.

Thenkhat in a an lo sawi fo tawh thin angin NGO/Association Committee te hian Sawrkar hun a pawt hek nasa hle thin a ni.University/College Professors leh Lecturers te hi chu hetiang lama an in hman tam hi UGC in a recomend mai bakah an in hman pawh rem tihna chin a nei ve a. Amaherawh chu, sawrkar mit atanga a lan dan chuan a dang zawng hi chu kan in hman ve vek hi a rem chiah lem lo a ni.

(more…)

Posted in Opinion | 30 Comments »

« Older Entries
Newer Entries »