Ziaktu: Lalhmangaihzuala
Zirtirtu hna hi ‘hna tha, hna thianghlim, hna zahawm’ tiin an sawi fo thin. Mahse ngaihsan erawh an hlawh lem lo. Mizopa thinlungah chuan J.E., Cashier, Range Officer te’n ngaihsan an hlawh fe zawk. Hna sang zawk lam ah lah college zirtirtu ai chuan E.E., SDO, BDO ten ngaihsan an hlawh fe zawk bawk.
Zirtirtu te aia heng hna dang te kan ngaihsan zawk na chhan hi enge ni ta ang le? Mahni hlawh bakah pawisa dang nei thei dinhmuna an din vang zawk anih ka ring. Officer eiru miah lo te chu tawngkam chauhin kan ngaisang a, hnunglam atangin ‘a mawl em mai’ tiin kan sawi zui fo thin. Chutiang bawkin, eiruk tur nei ve lo Zirtirtu te chu rilruin a dah hniam thei thin khawp mai.
Zirtirtu hna hi hnamdang chuan an lo ngaisangin an dah chungnung thiam khawp mai. Kan chhehvela cheng Chakma te phei chuan an dah chungnung thiam asin aw. Mipui mimir hian an en dan a sang tlat. Mizopa thinlungah erawh zirtirtu hna chu ‘hna hmui lo / hna mawm lo’ a ni kumkhua dawn anih hmel.
Zirtirtu ni tur chuan thiamna lamah pawh qualified ngei nih ve a ngai a. Tin, ama qualification bakah proffessional degree a neih tel a ngai bawk. Zirtu tan chuan nalh lo leh mawilo taka inchei a rem ve lo va. Nitin, darkar tin deuh thaw naupang hmaa ding chhuak tur anih avangin a nalh thei ang bera a inchei a tul thin.
Dar 9:00 am ah sikul tan anih chuan dar kua rik hmain sikul a thlen ngei ngei a ngaih avangin zingkar ah hmanhmawh takin inbualfai, thawmhnaw nawh fai, pheikhawk tihfai, etc a tih vek a ngai. Tukchhuak fuh loh a sawi ve theih loh va, pafa, nupa, inhauh tuk ah pawh naupang hmaah hlim hmel put luih hram hram a ngai thin. Luna leh luhai ber bur chunga class lak tum pawhin hlim hmel put hram hram a tul thin.
Zirtirtu chu a voice a clear tha tur a ni a. Minute 45 chhung vel class laa hrawk na vek khawpa a au chhung hian “aw tial leh hnawk” a awm tur a ni lova. Chuti anih loh chuan nuih duh rual tete naupang an nui ham ham a ni mai. Zirtirtu chuan tawngtheilo khawpa vanduaina a lo tawk anih chuan a hna atangin a chawlh a ngai a ni mai.
Office a thawk erawh tawng theilo khawpa natna khirhkhan a tawk anih pawhin a thawhpuite an fel anih chuan an thup mawi thei zel tho. Peon chuan a damloh nikhuain a aiah a nupui emaw a fapa emaw a tir thei mai a (an pu te’n an remtih chuan), zirtirtu tan erawh fapa B.A. emaw tal a neih a ngai thung.
Kumtluanin naupang, thahnemngai takin a enkawl a, naupang sual an awm chuan mitha ah chher chhuah hram a tum thin. Naupang thasa reng enkawl chu a nawm viau rualin naupang tam tak erawh luhlul leh sual tak tak an awm thin.
Naupang sual, an sualna simtira, nunkawngtha kawhhmuh te, naupang thiamthei lo, thiamtir tuma theihtawpa beih te hi zirtirtu chuan a tum hram hram thin. Naupang tha tam tak a chher chhuak thei anih ngai chuan zirtirtu hi khawtlang siamtha tu pawimawh tak ani ngei ang.
Hna hahdam leh awlsam a ni em?
Zirtirtu nih hi, zirlai hmangaih tak taktu tan lo chuan hna hahdam pawh a ni mahna. Zirtirtu tha chuan nitin thahnemngai takin naupang a zirtir a, an hriatthiam lohte hrilhfiahin notes a siam sak a, a vawn tir bawk a.
An thiam theih loh leh an luhlul changin a zilhhau va. Question a set a, a type bawk a.Exam answer paper a check a, result a siam vek bawk. “Zirtirtu te chuan chawlh an ngah alawm, vocation te an nei a,” an ti thin. Mahse vocation hunlai hi answer paper check, attendance record evaluation leh result siamna hun atan an hmang thin.
Answer paper check a zan rei tak tak thleng an meng thin te hi kan hriatpui leh chuang si lo. Chawlh an ngah viaua kan hriat lai hian atakah chuan chawlh an ngah reng reng hleinem maw le.
Zirtirtu chu mitha, minunmawi, kohhran leh khawtlangah pawh mientawntlak ni turin kan beisei tlangpui thin. Police leh excise zurui te kan thlir liam mai mai theih laiin zirtirtu zurui erawh kan helh hle si a. Rin aiin an nun hi a chep teh mai ania. Next generation atana kan tu kan fa chher thatu, mihmantlak leh mipuitlinga chhuahtu kan Zirtirtute kan endan leh kan hmuhdan te hi thlak ve tawh a va hun tak em.
Tunge zirtirtu tha ni ta ang le?
Kan rama kan sikul neihte a inang lo hlawm hle a. Thenkhat sikul chuan zirlai tha tha an lawrkhawm theih laiin, sikul thenkhatah chuan zirlai tha vak lo, pawl rawn sawn ve phak chang chang te chauh an awm thin. Pass percentage tha nei sikula thawk zirtirtu chauh zirtirtu thaa ngaih hi a tihchi miah lovang.
Zirtirtu tha chu a incheina ah teh tur a ni lova, sikul pass percentage that lam ringawta teh chi pawh a ni lovang. Thiamlo leh bil ve tak tak te pawh dawm kang hram hram a, an thiam ve theihna tura theihtawpa tan la a, tha taka pass thei tura chher chhuak theitu zirtirtu ngei hi zirtirtu tha ah kei chuan ka ngai.
An hlawh erawh a that tawk leh that tawk loh ka hre lova, hlawh an lak regular leh ‘lar loh pawh ka hre lo. Zirtirtu hian an hna erawh an thawk chiang hle a ni tih ka hre ve thung. An tihtur, an duty tha takin an hlen tlangpui. Tu te emaw angin hna pending an nei ve vak lo. Office thenkhata thawk, biak nuamlo leh hrehawm tak tak kan tawn fo thin ang hi Zirtirtu pangai chin zingah chuan hmuh tur an awm meuh lo.
(Tunlai chu chhangchhiat nen, ka hun a tight a, ka kekawr kawng a tight a, keimah hrim hrim pawh hi ka tight bawk a, thu leh hla lamah lah thlaler hmuna dil an sawi ang maiin ka ro em em bawk; misual.com ah pawh ka mikhual hru ta mai. Post khat em em manah tiin thiam leh thiam lo chungin ka han ziak ve leh hluai anih hi. A chhiartu lam paw’n ngaihdan chintawk min lo neih sak mai dawn nia)
Similar Posts:
- Zirtirtu
- Zirlai leh Zirtirtu
- Zirtirtu nge pawimawh zirlai?
- Sorkarin September thla thleng bak zirtirtu hlawh tur a nei lo?
- Ka Zirtirtu
July 29th, 2011 at 12:32 pm
1st keuh em ??? vacation spelling hi tihsual kan hrat eeee
July 29th, 2011 at 12:33 pm
ka 1st emo k tya troxx chu che rang ve…chhiar ang (I)
July 29th, 2011 at 12:41 pm
3rd
July 29th, 2011 at 12:43 pm
Hna zahawm tak chu ani. An hlawh pawh a tha thawkhat ang,a nghet ho chu. Mahse,hlawh hmuh nan ringawt a thawk an awm a nih hrehawm an ti thei ngawt ang. Kei chu, tuna an hlawh ang vel hlawh tur hi chuan ka thawk peih lo.
July 29th, 2011 at 12:44 pm
vocation leh vacation awmzia hi a danglam a nia
caribou post a ni bawk a a tha zual
zirtirtu pawimawh zia hi chu aw!!!!!!
July 29th, 2011 at 12:50 pm
@ChhanaPa, school zirtirtu i tihna em ni? College & University zirtirtu te hi chuan an hlawh tam teh a nia aw, la thawk peih chuang lo em? 🙂
July 29th, 2011 at 12:50 pm
The Post of posts anih ber hi a (Y)
Khawvela hna zahawm ber zinga ka ngaih chu zirtirtu hna hi a ni. Zawmthaw taka thawk ho erawh a huatin ka haw hlur thung.
July 29th, 2011 at 1:16 pm
(Y)
July 29th, 2011 at 1:24 pm
sisen tih danin. (Y)
July 29th, 2011 at 1:27 pm
Hna/ profession ah chuan zirtirtu leh doctor/nurse te hi ka ngaihsan, ni thei ta i la ka nih duh hauh si loh hnate an ni lawi si. Post the hle mai (Y)
July 29th, 2011 at 1:36 pm
Post tha tak a ni e. Zirtirtute hi an lo hlu khawp mai tih zir chhuah/zir loh hnuah hian kan hre thar duh khawp mai. Hmanlai mizo nunphungah kha chuan an dah pawimawh ve thin khawpin ka hria. UT hnuah khan a inthlak nasa em a ni.
Ka mimal thil tum ka’n sawi ve mai mai ang e. Kumin Sept.5th (teachers’ day) atang hi chuan kan zirtirtu hlui tuemaw ber hnenah kumtin engemaw thil ropui tehchiam pe thei lo mahila pek ka lo tum tawh a ni.
Kei chuan ka ngaihlu che u. (Y)
July 29th, 2011 at 1:42 pm
Mihring Taksa, rilru leh thlarau enkawl leh zirtir hna hì, “Noble Profession” tih ani thin. (e.g. Doctor, Teacher &Pastor). Mawhphurhna a sang bik em em mai a, Doctor inthlahdah leh damdawi chawh sual avangin Taksa nunna a chän theih a, Zirtirtu thalo leh inthlahdah avangin miin a nìh tur ni phak lovin, a damchhung nun a chän thei a, Pastor thalo leh rinawmlo avangin miin a Thlarau nun a chän daih thei. Hna zahawm, rinawm taka thawh chuan, Sum leh pai lama thlemna leh tlukna tur pawh a awmlo tluk a ni. Role model nih a ngai a, mi rin leh ngaihsan, biaknuam leh nelawm nih a ngai. Hna namai ani lo. Savage deuh tribe zinga zirtirtu nih a, hostel enkawl tehi tih mai mai ani lo. Risk a säng lutuk. pathian nena thawh chi chauh a ni. Good post.
July 29th, 2011 at 1:43 pm
Zirtirtu pakhat pawh a kal tlai ziah a; a haw hma thung 🙂
July 29th, 2011 at 1:44 pm
post tha ani
July 29th, 2011 at 1:48 pm
Primary zirtirtu hi an fakawm leh zual kati. He post chu nunhlui min hriatchhuahtir, nuihzat thlak tak2te. Post tha tak ani e.
July 29th, 2011 at 1:54 pm
10. Vaiva, a dik ka ti khawp mai. Zirtirtu nih advantage awm ropui leh hlu em em chu, Fate an puitling duh riau hi a ni. Chutih laiin, mahni sikul/College ring zo lova, fate hmun danga kaltir daìh an awm teuh mai hi chu ka hrethiam thei lo a ni. Advantage neih ve ber leh mahni thawhna han rin zawh loh tak tlat mai chu a mak ka ti a ni.
July 29th, 2011 at 1:59 pm
A tha e. Kan zirtirtu te hi hetiang vek hi ni sela chuan awwww….. #Zirtu tan chuan nalhlo leh mawilo tak a inchei arem ve lova.
July 29th, 2011 at 2:21 pm
Tun hma lam deuh kha chuan Mizoramah pawh zirtitute hian ngaihsan an hlawh hle ṭhin. Zirtirtu tam zawk te kha chu an hnaa rinawm leh ṭhahnemngai an nih bakah an mimal nun pawh an ulukin midang tana entawntlakin an nung ṭhin bawk a ni.
Tun laia zirtirtu tam tak hi chu han ngaihsan tlak hlawl lo te an ni ve bawk. Ṭhenkhat phei chu political appointee te an ni a, thawk tha peih lo leh thawk ṭha thiam bawk lote an ni nawk.
Tun lai hian engineer leh officer dang ṭhenkhat, an corrupt vanga hausa te hi kan ngaisang tak tak ta em ni? Tam tak chuan ngaisang tak tak chuang lo-in kan awt/thik mai mai a ni lo maw?
July 29th, 2011 at 2:24 pm
Good Post.. ‘Teachers are the builders of the Nation’ & ‘The destiny of India is being shape in her classroom’anlo ti hial reng a ni.. Hnam hnuk khawih thil a ni.
July 29th, 2011 at 2:30 pm
zirtirtu – mahni skul naupang, kum tling lo khuaikhem chingho hi khawvela ka mi ten berte an ni. midum ek ai pawn ka ten zawk :p
cari, paws tha e. (Y)
July 29th, 2011 at 2:54 pm
Zirtirtu te hi an ngaihsanawm ka tih rualin ka ni peih hauh lo thung. Nupui atan zirtirtu neih erawh ka duh em em thung. hairehai. (I)
July 29th, 2011 at 3:16 pm
Mi tu pawh an hnathawha rinawm te hi an ngaihsanawm ber ka ti. Nitin inhlawhfa an ni emaw, Taxi driver an ni emaw, peon an ni emaw, Sipai lumum an ni emaw, Zirtirtu an ni emaw, Dr. an ni emaw, Er. an ni emaw mahni hna athahnem ngai lo leh run dal ang chauhva thawk thin te hi chu ka ngaisang chuang der lo.
A bikin Zirtirtu, ai kal la ho phei hi chu an ngeiawm leh zual……! Mr. Hawk-a sawi ang hian naupang khuaikhem ching te hi (N) (N) (N)
Mizoram zirna Mission hnuaia a awm lai kha chuan Zirtirtu hi Lal leh Khawnbawlte tluka khawtlangah mi pawimawh an ni thin. Mizo Union an rawn lal khan an mahni mi leh sa te tling lo zawk pawh nise zirtirtu hna-ah an thun teuh teuh mai. Aizawl khawpui phei chu an insem darh nasa tih lehkhabu tam takah ziakin a la chuang. Zirtirtu ai kal la chunga sumdawng ta daih te, contract hna lo thawk ta daih lah sawi tur an tam.
Hetiang ti ve lo te pawh Kohhran leh YMA lamah an inhmanga, TRANSFER hleih theih an ni hlawm mang reng reng lo. Politics-ah hian thuk takin an inrawlh a, School awmsa zirtirtu hlawh pawh Deptt. an harsat vei nen, Private School & Colleges te – an ‘Thangkura danah’ deficit-cit zung zung mai anih hi maw. Corruptionah pawh a hluar ber chu Education Deptt. hi an ti tlat.
Mahse mi tha tam tak erawh an la awm tho……hengte hian Zirtirtute an ti hmingtha thin. A hna ngawr ngawr hi a zahawmna bik erawh kei misual hian ka hre bik lo !
July 29th, 2011 at 3:23 pm
Mahse ka zah leh khawlaia ka hmuh pawha biak hmasak ka tum hram hramte chu ‘Kan Zirtirtu hlui’ te hi an ni. An hming mal malin ka la sawi chhuak thei vek………..P.S to Univ. (F)
July 29th, 2011 at 3:25 pm
misual.commer te zinga zirtitu awm te …………..Pu Hawka’n thupui han hawng se, kan sawiho dawn em ni ? 😉
July 29th, 2011 at 3:30 pm
mi tha ni lem lo leh nun uluk vak lo, politic atanga lut ho hian zirtirtu hlutna an ti hniam ngawt mai. Ka hua…
July 29th, 2011 at 3:34 pm
Zirtirtu te mipui mimirin kan respect tak loh chhana ka puh ber chu,’ pawisa sem tur a nei lo.’ Contract Basis/Master rol pawh nise, office a pawisa a khawih phawt chuan kan ngaisang tlat, hehi thingtlangah phei chuan a dik lutuk.
July 29th, 2011 at 3:52 pm
Zirtirtu lam sawi takah chuan, UNVA (University of Nothern Virginia) chuan an sikul a ramdang mi zirlai tam lutuk chu duhlo vin, ramdangmi zirlai te luh khapna a tichhuak niawm tak a ni. ICE police(Immigration and Custom Enforement) ten ramdang mi zirlai an dap chiam mai. Heng zingah hian vai an tam ber awm e:
The university temporarily can’t accept any foreign students, reads a notice posted on the door of the offices. UNVA students must leave the country immediately if they are unable “to continue to attend classes and maintain their active status in a manner required by federal government regulations,” the notice reads.
Link pakhat:
http://www.nbcwashington.com/news/local/ICE-Raids-University-of-Northern-Virginia-Offices-126355528.html
July 29th, 2011 at 3:58 pm
Tunhma a Zirtir kan tih ang quality nei kha an vang tawh ngawt ang !
July 29th, 2011 at 4:50 pm
Zirtirtu tha leh sikul naupang inkara inkungkaihna hi a zahawm danglam nasa a ni, thildang nena khaikhin chi pawh niin ka hrelo….
Duhsak bik leh thlei bik nei hauh lova min zirtirtute hi midang zawng aiin zirtirtu an nihna a chiang lehzual a, an pension /tar thlengin engmah tithei tawhlo mahse an zahawm em em reng tawh bawk….
Zirtirtu tamtak chu zahawm an tum lutuk avanga hlauhawm hi an awm a, nelawm an duh lutuk avanga tenawm an awm leh bawk a, rilruzau nih an duh lutuk avanga ngeiawm an awm leh bawk. A tlangpuiin thup leh zep nei miah lova langchhuak pawp, rinawm leh huaisen tak, naupangte chhungkaw dinhmun ngaihtuahpuimi, hriatthiamna nena naupangte kilkawi thin hi sikul naupangte tan chuan an hluber mai . He’ng mite tan hian a hranpa a intihzahawm kher a ngai ve lova, kan zahder kher pawh ngai lovin kumkhuain an zahawm sa em em reng tawh a ni…..
## (Y)
July 29th, 2011 at 5:11 pm
#6, teaching hi nuam ka tih zawng a ni lo. 12 result ka nghah lai in ka thawk ve zuai toh. Ni 1 ah cl voi 2 chiah ka nei. Ka hne top a ni mai.
July 29th, 2011 at 5:55 pm
Vawi khat chu zirtirtu-ah hian full time-in ka ṭang tawh: zing sikul-ah ka thawk a, chhun sikul-ah ka thawk a, tlaiah tuition ka pe a, zanah tuition dang ka pe leh bawk, high school level vek. Chhun-ah tih loh hi chuan maths hlir ka zirtir lehnghal (chhunah erawh chuan maths leh science ka zirtir thung a!!). A hne theih ngawih ngawih khawp mai.
Zirtirtu tha te hi chu dam chhungin kan theihnghilh dawn lo a nih hi maw!
July 29th, 2011 at 6:03 pm
zirtirtu theuh2 ah poh hian thok tlem leh tam chu an awm mawle … 😀
July 29th, 2011 at 6:24 pm
Mi zirtir kher hi chu ka thiam zawng a ni lo.Higher school kan kal lai te khan nau zawk te mathematics te kha ka zirtir ve thiam lo.vawi 1 ka hrilh a an man thiam loh kha chuan kuk fawk mai kha ka duh thin a 😛
July 29th, 2011 at 6:40 pm
Mizoram angah hian zirtirtu piangthar lo(sakhaw mi lo) leh ruihthei thil ti thin hi ka pawm thiam lo hul hual!
Tumkhat chu ka thawhpuinu hi ka mut dawnah ‘Answer paper check awlsam dan ka hmuchhuak’ tiin ka message a. Min lo zawt tlut tlut nia mawle! Chhuti hman dante hi a danglam ania.
An nungchang siam tum hi a pawimawh hle bawk. Hei hi kan ngaipawimawh ber turte zing ami a ni. Staff Meeting naah pawh hian naupang sual thlavang ka huah thin avangin HMAISEN ka tawng fo! Naupang kan thunun dan pawh hi enfiah a hun khawp mai….. An exam result tha tak aiin an nungchang tha lo lang chhuak hian min tilawm zawk thin sela hna thatak kan va thawk dawn chiang em! Mizoram hian a mamawh si a. Naupang nih laia rinawm lo chu a len hunah rinawm a har ang.
July 29th, 2011 at 6:48 pm
34 Ignatia : Ngaihdan tha tak ani.. Ka interview na hmun pakhatah chuan Pawl 10 ah mark i va hmu hniam ve min ti a.. Mizoramah chuan 97% te hmuh ve theih hekloh..!! “ka dam lova” tih vel a chhuanlam siam ka rilruk deuhva, mahse thutak kan sawi ta a
“I dont think the Class 10th percentage on my markheet depict my ability to perform and it doesn’t reveal that I will not be able to work productively.. Considering the current Education system… blah..blah blah.. ” ka tikual vel a… an pawm ve khawp chuan ka hria..!!
July 29th, 2011 at 7:02 pm
no_nick: A dik lutuk! Naupang hi an thiam leh thiam loh hi darkar thum chhung lek hian kan teh tling thei ngai lo ang. Chu ai chuan taimakna,rinawmna, tih-hram-hram-na, dawhtheihna, peihrei/fuat, themthiamna (skills) leh a dangte hi nei thei sela a tha ber.
Ka class teachinga thu naupang an fail ve ngai lo. Mark hmu tlem mahse ka ti pass zel mai.Nungchang tha phei chu an pass ngei ngei. Mahse ka tih pass hmain an harsatna ka zawt thin a, rilru hah avanga zirlo an ni tlang pui. Ka classa an thut chuan thiam an ni mai. Board exam erawh tihdan danga kal a ngai thung. Kan thil zir tamtak hi chu kan theihnghilh leh deuh veka kan mamawh chuan kan ennawn leh mai zel alawm. Zirtirtu pawh hian a zirtir hmain a ENLAWK thin!
July 29th, 2011 at 7:12 pm
Thian duhtak te u, in comment ka chhiar thla diat diat a, in tilawmawm kher mai. Misual.com ah hi chuan thuziak post ai mahin comment hi a ngaihnawm thin. Chhiartu awm lo thuziak hian hlutna reng reng a nei lo, ka thuziak tlawm tak min chhiar sak avangin in zavaia chungah ka lawm e.
A tawpa ka han ziak ang deuh khi a ni a, ka hun hi a tight thei deuh hlek a, ka thuziak pawh ka chulmam hman ta lo anih khi. Punctuation hrim hrim pawh khi han lepse teh u, inzir nan ka lo hmang ang e.
July 29th, 2011 at 7:30 pm
Sikul chekhnawk te te a tam tak viau chinah hian Zirtirtu duhdak lo an tam phah hle.
July 29th, 2011 at 7:36 pm
post tha fu. zirtirtu hna hi eizawnna pakhat ve mai a ni e. thawk tha leh tha lo te pawh an awm ve bawk a.tihtak zet a thawk te hi an fakawm khawp mai. inthlahdah tak tak pawh an tam ang.. hna pakhat ve mai a ni e..
July 29th, 2011 at 7:42 pm
#39: I comment hi ka HELH deuh. ‘Hna pakhat ve mai’ tia han generalise tawp atan chuan a dik theiin ka hre lo kei chuan. Mahse i ngaihdan dan chu i thlir dan ni sela. Pathianin duhtaka a siam mihring enkawl hi a namai lo ania.
July 29th, 2011 at 7:58 pm
Hna bik ani. a ti mi leh tui mi te chauh thawh tur ani, ‘Hna pakhat ve mai’ chu a ni lo deuh e. tiin ka lo comment ve leh hram
July 29th, 2011 at 8:48 pm
Zirtirtu zirtirna atanga inzir chhuak thenkhat hian anmahni zirtirtute enhniam let an ching an ti.
Chaw barhtu kut i lo seh tur a ni lo, i ei tur chaw petu che a ni si a.
Tun dinhmuna i din theihna tura i phak tawk zela zirtirna lo petu che i hmusit tur a ni lo, thiamna i dawnna a ni si a.
Nau paw chunga ziakah chuan a tha khawp mai, spelling mistake a awm zeuh zeuh tih mai loh chu (H)
July 29th, 2011 at 9:01 pm
Kan Lal Isua kha ‘ Zirtirtu ‘ tiin an ko thin
July 29th, 2011 at 9:24 pm
Post tu pa, zirtirtu tha i teh na chu ka ngaih dan chiah…
July 29th, 2011 at 9:36 pm
A tha khawp mai.Mihring, mihring a siam tu chu ‘ZIRTIRTU’ ani… Goodpost.
July 29th, 2011 at 9:37 pm
Middle school a kan zirtirtu pakhat kha nikum khan kawngah ka tawk a, sir i dam em? min la hria em? tiin ka bia a, min lo hre chiang khawp mai. A thawhpui te in ah a tlan kual a, ka hming sawi pahin, min sir a sin tiin ha hipin a sawi a,ka rilru a khawih ngei mai.Kan zirtirtu hlui reng reng hi ka hmuh chuan sir/madam tiin ka la be ziah a, an lawm ve thei khawp mai.
July 29th, 2011 at 9:42 pm
#42 (Y)
Salary.com chuan heti hian khawvel hna zahawm te a chhut:
10) Accountant (0.9%)
9) Architect (1.9%)
8 ) Police Officer (4.0%)
7) Engineer (4.6%)
6) Scientist (5.7%)
5) CEO (8.2%)
4) Firefighter (9.7%)
3) Teacher (16.4%)
2) Soldier (18.8%)
1) Doctor (27.3%)
July 29th, 2011 at 5:51 pm
“Mizopa thinlungah chuan J.E., Cashier, Range Officer te’n ngaihsan an hlawh fe zawk” tih hi mizopa ka ni na in ka pawm em em lemlo.
Private Zirtirtu aiin Gov’t Zirtirtu ah zu rui buai an tam zawk.
Gov’t Zirtirtute hian ‘Teaching allowance’ an la hi mak ka ti viau bawk. (an la la reng em tih chu ka hrelo)
Post tha tak a ni e.
July 29th, 2011 at 6:12 pm
Naute leh a nu an mut hnu awm velah chuan Saitawka pawh a rawn lang ve ta. A va nuam ham ham ve le.
July 29th, 2011 at 6:27 pm
#49, nursery rhymes in sak siak ang hmiang??
July 30th, 2011 at 12:49 am
Caribou hi thu a ziak ngaihnawm thiam zek a nia, a thuziak ho pawh hi belhchian a dawl viau zel mai. Zirtirtu te tluk a mi puitling chherchhuahna kawnga mi pawimawh hi an awm kher lo ang
Chuan phek thar ka hawng
July 30th, 2011 at 12:51 am
cari 49# @Saitawk chu va siam rang ve, hmanni lawk maw ka lo tia
July 30th, 2011 at 1:56 am
Post of the month-ah ka thlang e. A tha ka ti kher mai!
July 30th, 2011 at 6:22 am
September 5 all round year in India.
PWD outdoor laborer side income i hre duh em? Ruah leh rial, nisa rum tak, thlipui… pute thu lo pawhin an tawmna an pan ve phat thin.
Zirtirtute vacation leh zirlaite vacation a innawm hleih ngawt ang!
July 30th, 2011 at 6:46 am
School KG to 12 bika zirtirtu te leh college zirtirtute hi chu an dinhmun a in ang lo tak zet, generalise ngawt theih an ni lo. Lecturer ho te hi chu an hlawh tam ang ai hian an thawh erawh tam lem lo tak an ni. Kar 1 a 45mins period 3 chauh nei thenkhat te leh private school a nitin a period 6-8 la thin te in hahthlak hleih tak ani ang.
School ah phei chuan mahni tan a thahnem ngaihna la hre lo a tam zawk an ni a, performance naupang te ah a lan awl sam avangin zirtirtu te tran pawh tan a ngai hle, college ah erawh chuan puitling a chhiar theih tawh an ho thung.
Keimah ah chuan school kal lai a min zirtirtu te kha ka rilru ah ka dah lian zaw mah emaw aw, ka ti thin.Min zirtirtute zawng zawng kha ka la sir in ka la madam thin.
Teaching talent ka tlachham ve ang reng si a, ka thawh chak loh tak proffession ani..lecturer ah hian ka tang ve thuak tawh a, ka ngaihtuah let hian in adapt phei chu a theih nang in, ka tang ta lo kha pawi ka ti lo khawp mai…chu mai te chu
July 30th, 2011 at 8:53 am
Zirtirtu kan ngaihsanloh nachhan ah hian-Kan hnam mentallity a lang berin ka hria. Miin Pawisa a ngah chuan-engtinnge-khawi atangin nge tih aiin an Sum neih avang khan kan ngaisang ringawt thin a lawm..
Post tha tak a ni e..
July 30th, 2011 at 9:50 am
A va tha kher em! he post zet chu, kawmen zawng zawng nen ka chhiar chhuak vek a, a manhla ngei mai.
Zitirtu tha i tehna leh Ignatia kawmen ho khi.
Zirtirtu rau rauah pawh pawl hniam lam a kan zirtirtute kha aw.. an ngaihawm thin teh e. Tin, a zirtute hian zirtirtu tha leh thalo chu kan hria, kan theihnghih tawh ngai lo.