Ka Office bang chu ka nupui fanaute’n nghakhlel taka min lo thlir dan tur ngaihtuahin hmanhmawh takin bike ka start a, ka lim chhuak puat puat a. Hemi tlai hian kan hna a laklawh em avangin kan tlai hle a, ka haw hian khua a thim ruai a ni tawh.
Thui pawh ka tlan hman hmain phone call ka dawng a, ‘Office lamah thil tih fel loh ka nei palh em ni ang?’ tiin tlan laklawh hle mah ila ka’n ding hram a. Harsa takin ka Jeans kekawr ipte atang chuan ka phone ring mek chu ka han phawrh a. Mahse, Office lam call ni lovin ‘Z calling’ tih a lo ni tlat! ‘Z’ hian rei tak min call ngai tawh lova, mak ka ti hle. ‘Ka pick up ang nge.. ka pick up lovang?’ tih ka han inngaihtuah a. Ani meuhvin min han call leh takah chuan Emergency tak aniang, ti chungin ka’n pick up ta a. A aw mawi tak rei tak ka hriat ngai tawh loh ngei chuan ….
I laklawh viau em?
Laklawh viau mai, ka tlan mek a, ka din phah.
A va zia lo ve, ka rawn zin thut a, rawn call che a tul tlat a ni..
Awww… a ni maw? Engtikah nge i rawn thlen?
Hei, ka rawn thleng deuh chiah, Hotel-ah ka lut fel chiah a.
E khai aw.. A ni maw? Khawi Hotel-ah nge i thlen a? Enge i rawn tih dawn reng reng?
Office Duty-a rawn kal a ngai ve ta tlat a, ka rawn zin ta nge nge a nih hi.
Khawiah maw i awm?
Zonun Hotel-ah ka lut fel chiah e.
Ka ngaihtuahna a bing ta mup mup mai le!
Zonun Hotel chu ka bul mai building lian tak chu a ni. Zovi hi englai maha ka theihnghilh ngai loh a ni a. A hmel mawi tak, englai maha ka thlir nin ngai loh hmel pu tu; ‘ka ta’ ti-a ka thinlungin a lo pawm tawh thin mihring kha a ni. Kan inneih a rem tak loh avanga be zui duh ta lo mai ka ni. Chu nu chu ka bul maiah hian a awm mek a, ka kalsan mai ang nge? Ka lo lawm ang? Duhthlanna siam thiam a va har ve le..! Bah deuh nuai-in….
A nih chu tak chu mawle… Hei ka tlan laklawh si a, nakinah ka rawn call mai ang che aw…
(a ngawi vang vang a…..)
OK.. Bye phawts..
Bye..
Ka phone chu ka melh vang vang a, ‘Z disconnected’ tih pawh chuan thinlung a kuai raih mai.
Ka bike chu ka han start mai dawn a. Self starter chuan a start thei ta tlat lo! Ka kick a, a nung chuang lo. Ka kick nawn leh pawh chuan a la nung thei lo cheu! Eng ka ti ta nge maw ni le?
Ka rilru a vak kual nasa mai. Ka bul maia Zonun Hotel-ah chuan ka peng mai dawn em ni ang? Han Surprise ta thut ila, Zovi lawm dan tur ka ngaihtuah. Ani mai ni lovin kei ngei pawhin ka la thlahlel ngawih ngawih a, ka hmu chak em em a ni. Zep thu cheng lo, ka ngaih em em thin, khawvelah hian vawikhat tal hun zalen tak ani nen hian tawng dun leh thei ila aw… ti-a ka lo suangtuah thin a ni. Aw… A va har tak em!
Ka rilru duhthlanna chuan in lam haw reng a chak tawh lo. Ka haw kawng chu tihtawp rih mai a, ka bul hnai maia awm ka thlakhlelh em em mai chu ka thinlung chuan pan a duh a ni. A nia sin! Tun hunah hian Zovi hi ka ngai ngawih ngawih a ni. Hun kha leh chen kha ngai em em chungin ka be ngai tawh lova. Ka biak loh hi ka tan a tha tawh zawk a ni tiin ka ngaihtuahna chu ka lo hneh lui tawh thin a. Vawi tam a call hi ka pick up lo tawh a, a beidawng nge? Min call ta ngai lo reng reng a. SMS lamah tuanin vawi za tam hi reply lovin ka lo receive tawh a, a hnu lamah phei chuan chhiar miah lohva Delete hi ka ngah tawh a ni.
Kum khat dawn chu a reh ta! Mahse, zanin hian a lo call leh ta tlat a, ka pick up ta a nih kha! He hun hi hun rangkachak chu a ni mai lawm ni? Mahse, ka nupui ka ngaihtuah lo thei lo. Eng lai maha ka mit tlung lo ngai lo Sangi te nufa ngei mai chu! Ka lei malsawmna dawn ti-a ka lo chhal thin te an ni. Mahse, zanin na na na chu min hrethiam thei mai ang chu maw? Office kan buai pawh ka chhuanlam mai ang chu… tiin thlemna chu ka do zo ta lo a chha chu a ni ta!
Reception Counter-ah chuan nula fel tak mai hi a lo thu a, tun hnai maia lo thleng thar Zoliani thlenna room number chu ka zawt a. Room number 59 a nih thu min hrilh a, muang changin step-ah chuan ka pen chho ta chhat chhat a…
(Awm zel tur…. ti ve khanglang teh ang… )
Similar Posts:
- Nang i ngawih tlat si chuan…!!
- Laklawh
- HOTEL MANAGEMENT hi enge ni….
- Mayfair Hotel,Gangtok
- Mak ka ti thin!
August 26th, 2011 at 5:01 pm
Chhiar anng
August 26th, 2011 at 5:02 pm
Ti tawp lak lawh mange, ka chhiar chak in ti em lolz
August 26th, 2011 at 5:07 pm
Ka hostel room number ang chiah. 😀
August 26th, 2011 at 5:08 pm
A va ngaihnawm eee.. (Y)
zanin ah chhunzawmna lo post nghal mai la…, ka kham lo teh mai a nia 😛
August 26th, 2011 at 5:09 pm
No Comment.
August 26th, 2011 at 5:11 pm
Thil hi a va fairlo thei ve.. 😉
August 26th, 2011 at 5:11 pm
@posttupa: I kreinch em?? tih kha comment ah lo sawi lang phot la.. chuan ka lo comment leh ang…
August 26th, 2011 at 5:12 pm
Tiang hi ka chhiar duh chi (Y)
@No Comment: comment tur i hre ngang nang nge?? (N)
@4 (Y)
August 26th, 2011 at 5:13 pm
hetiang hi chhiar tam loh tur.. tumah hi kan ring thei tawh dawn hleihnem mule…!! engkim hi a lo ni thei zel anih hi….!!
August 26th, 2011 at 5:15 pm
Ti tawp lak lawh thiam ve,part 2 a nghahhlelhawm hle mai a..
August 26th, 2011 at 5:17 pm
#9,i soi dik chiah,ka chhiarlaia ka rilru awm chu ‘mipa ka ring lo hi ka va ti fuh em’ tih ani tlat..
August 26th, 2011 at 5:18 pm
Haw zawk mai la ṭha tur a nia le!!! ;-(
August 26th, 2011 at 5:20 pm
11 laltheri mipa kan in ang vek hleinem. Keini in kiss an sawi pawha hmui thianghlim pu mi te hi chu hmeichhia hian min thei mai mai dawn lo. Matea nu tur ka zawn lai mek tan hian ka rinawm tlat dawn 😛
August 26th, 2011 at 5:22 pm
@11: nupui te kan nei ve anga.. kan ringhlel tlat ang tih a hlawuh awm…!! Thil mak tak2 chhiar tura tam sia.. Pu kawlhawka lah FB ah a lo sex chat a, a nupui a th(r)am zui a…!! 🙂 heheh… Tumah rin lohtur tihna a kawk deuh tak tak asin…!!
@postupa hian Room No 59 chu a pan mek aa.. lo kreinch zui phei chuan chhiartute rilru chuan..”khai aa”‘ a ti dawn anih hi…! Posttupa.. I kreinch lo hram ka beisei.. lolzzz
August 26th, 2011 at 5:28 pm
A khreinch lo ni ngei ang, a sawi chhuak tlat. Mipa in kan conquest kan sawi zut zut ngai lo. 😀
August 26th, 2011 at 5:29 pm
Pu kawlhawk’an “Thenawm nu ka phawk” tih a rawn thehchhuak leh dawn aa.. hetiang ang chi tho hi a nih ka ring tlat…!!
August 26th, 2011 at 5:30 pm
Van ti chatlak thiam ve le 😛
August 26th, 2011 at 5:33 pm
chhiar a nuam eee a hreom ti mai teng… (Y)
August 26th, 2011 at 5:38 pm
@posttupa: I bike i kick nung thei lo pawh chu a mak hran love…! 🙂
August 26th, 2011 at 5:41 pm
Khreich tak ang maw,haha
August 26th, 2011 at 5:45 pm
Enge a message ni ta ber ang aw?…. aaaaa eng lo a ni- nula leh tlangval ho kha induh ber in nei thei hauh bik lovang. Keini tak ngial pawh hian kan iai ber kan nei keuh nia. 😀
Lo che leh tak tak teh. I reh rei ta em mai!
August 26th, 2011 at 5:54 pm
Duhber/hmangaihber neih hi a lo har a ni e….
August 26th, 2011 at 5:54 pm
I bike chu ava polite awm ve? I rilru a hria a niang. 😀
August 26th, 2011 at 5:59 pm
#13,mipa chu in2 ang vek lo,ka pawm thlap e,mahse aaaa mipa hi chu ringhlel lo phawt ila mce han ringbur duh lo phawt ila kan ti fuh nge2 zel..
August 26th, 2011 at 6:00 pm
#13,mipa chu in2 ang vek lo,ka pawm thlap e,mahse aaaa mipa hi chu ringhlel lo phawt ila mahse han ringbur duh lo phawt ila kan ti fuh nge2 zel..
August 26th, 2011 at 6:08 pm
I bike kha a spark plug a mawm a niang hehehe
August 26th, 2011 at 6:10 pm
Hetiang vel hi kan office hnathawk te leh kan titi ngaihnawm tih zawng alo ni ta ta. Tunge danglam ngam ?
August 26th, 2011 at 6:11 pm
Ti ve khanglang lo khan rawn awmzel tir teh khai hairehai (Y) 🙂
August 26th, 2011 at 6:13 pm
La comment hrih lo te’ng
August 26th, 2011 at 6:24 pm
Yes! Kawnga, hmana Kawnga, tunah pawh la Kawnga reng kha!… Awm zel tur, a ti maw… a va manhla leh dawn em! A thawnthu inkal-thelh si, chhiar nuam tawka mar at si hi in hmu em? Hei hi alawm Kawnga kawngna chu!
A hmel mawi tak, englai maha ka thlir nin ngai loh hmel pu tu; ‘ka ta’ ti-a ka thinlungin a lo pawm tawh thin mihring kha a ni.
Helai thu tè hi erawh ka’n sel ve hlak. “…’ka ta’ ti-a ka thinlungin a lo pawm tawh thin lanu/mi u/thadângi/nuimawi/mengmawii kha…” a eng emaw ber khi ni ta zawk se. “mihring” han tih teh tawl chu hmangaih berte sawi nan a rum èl-ûl lua em aw… ka lo tirilru thuai2 a. :p
Chhunzawmna kan nghak e, thianpa! (Y)
August 26th, 2011 at 6:28 pm
22# mr pitchi thusawi khi a dik/ril ka like (Y) pawp pawp e
August 26th, 2011 at 6:29 pm
Kawlhawk i duhrum em kha 😉
August 26th, 2011 at 6:31 pm
No comment lovin, ka comment e.
August 26th, 2011 at 6:38 pm
rawn chhunzawm lehnghal rawh tunah…
August 26th, 2011 at 6:39 pm
ngaihnawm dawn hle mai… 😀
August 26th, 2011 at 6:48 pm
Hmeichhe ho hi a lawm! An han induh kual vel a, midang a kawp ta amaw tih mai tur te hian an han awm vel a. Nupui neih dawn tak takah, “ka lo hmangaih zia che ka hre chhuak” an ti heu zel mai a. “phengphehlep a khua a tlai zo ta” tih a ngai thin. Rilruah hliam thar an dah mai mai a ni. Inneih hma hi chuan, “Lui a Sangha leng lai” ang kan ni. Mi Len a awk tawh hnu va tih buai tawh tur a ni ngai lo ve.
August 26th, 2011 at 6:53 pm
chhunzawm vat se aw, Zanin ngei ah
August 26th, 2011 at 6:55 pm
I hur ru reuh ….
August 26th, 2011 at 6:57 pm
A rang thei ang berin han chhunzawm vat teh khai.
August 26th, 2011 at 6:58 pm
Part II chu a ho ngawt ang. Room 59-ah khan ka va lut dawn tep anga, ka muhil ka harh hlawl pawh a ni mai thei 😀
A nih loh vek leh, Room 59 kawngka ka han kik karh karh a, a rawn hawn nak chuan Ka U Dari lek a lo awm a…. 😀 😀
August 26th, 2011 at 7:03 pm
I bike a nungtheilo nilovin kick na tur tha i nei tawh lo…eichhh
August 26th, 2011 at 7:08 pm
36 ka like bon tawp tawp. Nupui neih dawn tak takah ‘ ka lo hmangaih zia che ka hre chhuak’ an ti heu zel a.. tih lai tak hi. A hmeichhe mizia ngawih ngawih lolzzzzzzz (Y)
August 26th, 2011 at 7:16 pm
ka va han chhiar jom leh chak tawh tak em…. (Y)
August 26th, 2011 at 7:23 pm
Kei chu tiang lam hi ka tuipui lo, la zawn mek lai tana rinawmna lo vawn nun laia, zawn hmuh tawh tana rinawm lo anga lang lek lek tih ang vel hi. Hmeichhia hian min va han thei mai mai dawn bik lo e aw 😛
August 26th, 2011 at 7:31 pm
Mi tenawm tak i lo nih hi….han ti ngot don ila, thawnthu a nh hmel mah2 joks
August 26th, 2011 at 7:31 pm
Room no 59 ah chuan a va lut dawn a. Pawn atang chuan mipa leh hmeichhe inchhaih thawm a hria a. Rilru na takin Pu Kawnga chu a haw leh ta hnu hnu a… 😀
August 26th, 2011 at 7:36 pm
@doc_lib, haha.. Zovi lak atanga ka talchhuah dan leh Sangi ka phatsan theih ngang loh zia lamin ka rawn chhunzawm dawn pawh a ni mai thei asin! I hrelawk ngawt ngawt em ni?
August 26th, 2011 at 7:37 pm
Kawnga ka hmuh chak zia che leh
August 26th, 2011 at 7:40 pm
@ReMpY_ScisSoR, ka lo tenawm ru em a ni. ;-(
August 26th, 2011 at 7:40 pm
ReMpy tan hian ka rinawm ve tlat anih chu mawle a van mak mai mai. Nula dang hian min theih tum mase min van thei mai mai dawn lo tak em 😛
Post tupa, i rinawm lo pawh ka la tih chiah bik loh hi maw le 😛
August 26th, 2011 at 7:42 pm
Hihi…….zahmawh sawi i tum
August 26th, 2011 at 7:42 pm
I lerh awt awt lutuk a, i duh loh zawk a lo rai ta sia, i nei lo ngam si lova, i hmangaih zawk Zovi kha i theihnghilh thei si lo ava nih hmel ve
Eng pawh ni se, nupui pasalah kan innei tawh a nih rau tau chuan, kan kawppuite lakah hian han rinawm tuk mai ila kan inchhir lo nge nge a nia
August 26th, 2011 at 7:43 pm
@Maisek, I sawi tum ka hria….
Kawnga ka hmuh chak zia che leh kan kar hlat si zia hi..
tih i tum
August 26th, 2011 at 7:49 pm
Hla thu han chham chhuah mai ka tum a, Awithangpa, Pu Vankhama te siam tawh sa a lo lut zel mai….zan reh-ah hman chuan part 2 chan pahin….!
Lunglei-ah hian Hotel-ah ka thleng ngai lova, ka hre tlem khawp mai. Zonun Hotel chu AP Tlanga mi kha em ni? A neitunu khan LLi kan awmlai khan paper-ah a puah vel mek a!
Kan thianpa pakhat ang hian, “You can’t eat chicken every day” i lo ti ve ngawt ang e
Chicken lo i ei chak anih paw’n i ei lo ei than tawh kha a nih hmel a; a taste kha ila theihnghilh lo anga. Mahse Lal-Davida pawh khan a ei tawh hnu pawh ni lo, a la tem ngai loh kha a chak ve tho mai. Pathian atang lo chuan a har mai thei!
“Ka dem lo che a sin, ka tawng ve tawh a sin !”
tih hla kha ka sa chak viau, mahse ka la tawng ve si lo…….misualah hian tawng tawh an awm in rinna mitthlain ka hmu.
August 26th, 2011 at 7:59 pm
@lushai_er, Lungleiah Zonun Hotel a awm lo. AP tlang ami kha chu Hotel Elite alawm.
Hla chu han chham mawlh teh.. chhunzawm titui tu atan
August 26th, 2011 at 9:35 pm
Leitlangpui PLA a chet chuan kan refresh sek mai!
Part II chu i ziak tawh a i la post duh lo nge, i ziak mek a i la zo lo zawk? Nge, i la ngaihtuah mek?
August 26th, 2011 at 10:37 pm
Ngaihnawm dawn e, part- II ka lo chang ran e.
Mahse kha leh chen i lo hnar theih tawh hnu a ni a, tunah pawh in hmu leh mah ula hnar a har ka ring lo.
August 26th, 2011 at 11:00 pm
@lianchhiara, a ngaihtuah pawh ka la ngaihtuah chhunzawm duh rih lo.. Ka tuai thi hul tlat, zanin chu.
@Kitty, ka hnar thei dawn tlat lovin ka hria… zel ang deuh hian ka awm tlat.
August 26th, 2011 at 11:24 pm
Va ngaihnawm ve….part 2 chu..:)
August 27th, 2011 at 12:05 am
Ehiau…Awm zel tur chu lo chang khiau teh ang..
August 27th, 2011 at 1:19 am
Zovi hian zan dar 12 velah Kawnga a text a, “Ka thlenna Room No. 59-ah tumah an awm lo a nia aw,” tiin. Hmanhmawh takin Zonun Hotel-ah chuan Zovi thlenna room chu a han thleng a. Tumah an lo awm lo tak tak a. Tala-in a lo inkalh bem a!
August 27th, 2011 at 1:38 am
A tawi tehlul nen i va ziak ngaihnawm thiam ve! A chhunzawmna a nghahhlelhawm kher mai, i titawp thiam ngawt mai
Part-2ah chuan a nupui fanau a phatsan hrim hrim. 
August 27th, 2011 at 11:54 am
part II chu inthinlungah ziah in a awm mek e…
August 28th, 2011 at 1:17 am
Muang changin part II chu aw… Ka lo inngaihtuah fim ange…
August 28th, 2011 at 7:40 am
Va ngaihnawm e.. Kawnga nge nge…. A tak tak angin ka ngaihtuah thei nia mawle.. I thiam e