Computer software-te leh games-te kan khawihin kan khel thin, Demo/Trail Version leh Full Version awmzia chu sawifiah kher ngai lovin kan hre awm e. Software emaw game thar a rawn chhuah hian a free in ni 15 emaw ni 30 thleng emaw te pawh hman theihin an rawn tlangzarh a, kan han enchhin a, a free-a a hman theih zawh chuan a thi ta mai thin a ni. Tin, trail version ah hi chuan a kimlo tlangpui bawk.
Gold Miner
Kan hre theuh awm e, gold miner game hi chu. Eng anga game changkang leh graphic duh sang pawh khel mah ila small games hi chu kan khel deuh vek thovang vawi khat tal chu. Gold miner Demo ka download a, setting ngai eng eng emaw chu ka ti thei deuh vek, tichuan ka khel ta a, mahse level 5 vel ka thlen chuan a tawp ta daih zel a, “i khelh tak tak duh chuan full version a nih theih nan serial no. Â hemi website ah hian lei rawh..” a rawn ti ta thin a. A uihawm duh thin khawp mai, kan khel tui dawn chauhva, a tawp daih zel.
FIFA 12
FIFA 12 pawh kan han download a, September thla hian an release dawn, tun ami hi chu DEMO a ni. Team kan thlang a, formation vel te kan siam a, squad kan sik sawi a, player transfer chu a update ve khawp mai. Tichuan setting kan siam zawh chuan kan khel ta a, a nuam kan ti lutuk, mahse hei pawh hi DEMO a nih avangin a tluanin a khelh leh theih chuang loh. A behbawm vel kha chu khawih vek thei mah ila a tak ram kan thlen dawn chiahin DEMO a lo nih si avangin a tawp ta thin a ni.
Aigupta ramah DEMO
Exodus 8:28. Tin, Pharaoa chuan,”Thlalera LALPA in Pathian hnena in inthawi theihna turin ka kaltir ang che u; amaherawh chu in kal hla vak tur a ni lo ve ; mi ngensak ang che,” a ti a.
Israel fate Aigupta sala an tan laia, Pharaoa’n chhuah a la phal loh lai khan, a ram chhunga inthawi chu a phalsak ve tlat. Tawngtai a phal a, ran thisena inthawi a phala, thlalerah pawh hla lotea va chhuaha, inthawi pawh a phal lutuk. Mahse Aigupta ram ata chhuah hlen kha chu a phal miah lo tlat. Â Aigupta ramah Pathian chu be tho mahse games ka sawi ang khian, a tak tak, a tak ram an thleng thei lo, an zawng zawngin Pathian an be thei tlat lo. Â An ram ngeia a zawng zawng (Full Version)-a Pathian biak kha an chak thlawt a, mahse an thei tlat si lo.
Setana chuan DEMO-a Pathian biak chu a phal, mahse..
Hetiang deuh chiah hi a ni. Hmelmapa Setana hian Bible chhiar te chu min phalsak lutuk, mahse nunpui min phalsak lo. Biak Ina inkhawm a, zaia lam vak vak min phal sak, mahse Thlarau leh thutak (tih takzet) a Pa chibai buk erawh min phal sak lo. Kristian te chu tawngtai thin kan ni, tawngtai pawh a phal lutuk, mahse thlarau pawlna nung nena tawngtai chu a phal lo.  Pathian rawngbawla, KTP,TKP,PYD,SAY. etc  leh activity hrang hranga buai tak taka chet vel pawh a phal lutuk, mahse thlarau bo chhandam min phalsak lo.
Keini Zofa, Kristian inti, Sunday tina Biak In pana kal thinte hi hetiang mai mai hi kan lo ni reng ange !! DEMO -ah, a behbawmah kan lo tal kual ve mai mai palh ange. Rorel hunah chuan Pathian chuan Full Version-te chauh vanramah a seng lut dawn si a, Â A tak pawh lohna ram atang hian Setana ramri pelin i pen chhuak ang u. A tak ramah, a tak ram tak takah lutin Pathian nena inpawlna nung neiin rawng i bawl ang u.
Similar Posts:
- NIKE World Cup 2010 Ad
- Introduction to Cpanel
- Virus Ka download! Help..
- Ka mut a chhuak!
- Hmangaihna Chhunzawmna
hairehai
August 21st, 2011 at 3:32 pm
post tha tak a ni
[Report abuse]
August 21st, 2011 at 3:33 pm
Chhiar phawt teh ang!!
[Report abuse]
August 21st, 2011 at 3:36 pm
No Comment.
[Report abuse]
August 21st, 2011 at 3:41 pm
ziak thiam hle mai..,
[Report abuse]
August 21st, 2011 at 3:47 pm
A va han dikin, a va han tha thin tak em. Kan nunah seng luh theuh i tum teh ang u. Demo kristian nih ringawt zawng a tawk love.
[Report abuse]
August 21st, 2011 at 4:01 pm
ziak thra reuh khawp mai
A dik lutuk.
[Report abuse]
August 21st, 2011 at 4:01 pm
[Report abuse]
August 21st, 2011 at 4:09 pm
A trial version chu keygen in a tih nun mai theih sia. Chuvangin kan Pathian biak dan pawh a trial version anih pawhin keygen hman keuh tur. heheh
[Report abuse]
August 21st, 2011 at 4:36 pm
Mihring inti ho hi demo version kan va tam dawn em tih ka ngaihtuah mai mai a. Tha thuai thuai hle mai..
[Report abuse]
August 21st, 2011 at 4:44 pm
In lo va DEMO hlom ve mawle !!!!
[Report abuse]
August 21st, 2011 at 4:44 pm
lal-funny leh.! Kei chu demo ah pawh pirated ka niin ka inhria..haha.. Mahse ka keyzen hman hi version thar ber- thlarau thianghlim.3.0 kha b nia.
[Report abuse]
August 21st, 2011 at 4:46 pm
Inkhawm bang ka rawn lut ve chiah, hei chu, kan Asst. Pastor in ‘Who Am I’ tih sermon a sawi chhun zawmna a lo nih reng hi le. Ngaihtuah a ti thui hle mai.
‘Tinge, ‘Trail’ i tih zel le ?
[Report abuse]
August 21st, 2011 at 4:50 pm
#11: hahaha
troxx-a hi chu DEMO pawh anilo DEMON
[Report abuse]
August 21st, 2011 at 4:58 pm
Post tupa chu sermon i ziak thiam thin hle mai. Hetiang, IT nena inkaihhnawih Sermon i thlak thin ka vawi 2 ngaihthlak (chhiar) na..
Ti tha e… Midang tan…
[Report abuse]
August 21st, 2011 at 5:03 pm
sual langsar khawih loh vanga full version a inngai, ruihhlo ngai leh midang dah hniam ching, full version ngawl veiho hi an corupt keuh duh.
[Report abuse]
August 21st, 2011 at 5:22 pm
Sunday pual ah cheat code min rawn hlui dawn emaw ka lo ti mai dawn asin le. A tha hle mai, YZ generation tan chuan tiang hi a fiah duh.
Mahse i sawi ziktluak leh si lo.Ringtu nun hi demo a tan phawt tur, a hnu a activate chauh tur i tihna a ni thei deh tlat. A nihloh leh a tir atanga full version neih nghal tur, full version chu kum 2000 kalta a Isuan a release kha nge, pentikos Thlarau a activate chawp ngai tur, vawi khat activate tawh chuan expiry date a nei em? Nitin activate chawp ngai tur nge, vawi khat activate tawh chuan a tawk, activation code chu virus in an overrun zung zung thei em, nge a 100% secured? Z generation chuan an crack zung zung mai ang a…
I tih law law chuan a loop hole hi hnawhphui deuh thin rawh.
Good post.
[Report abuse]
August 21st, 2011 at 5:23 pm
keygen or crack siamtu chu setana nimaw..?
[Report abuse]
August 21st, 2011 at 5:40 pm
[Report abuse]
August 21st, 2011 at 5:42 pm
a va ngaihnawm rem2 ve leee
[Report abuse]
August 21st, 2011 at 5:59 pm
Va kuai lut thiam ve. Full version kristian nih nghal ngawt hi chu a harsa ve thin bawk ani. Demo kristian nih hi a nuam tawk vel kha a nia!! Isuan Kross a a tuarna zarah full version kristianity activate theuh ang u, virus lakah inven nan antivirus tha chi install theuh ila.
[Report abuse]
August 21st, 2011 at 7:10 pm
Demo version, Full version a ‘cracked’ dan secret min hlui dawn emaw tihnak a laiin. Min bum leh ta!
Word thar ‘Demo Kristian’ & ‘Full Version Kristian’ – a va’n tha kher em ve le e. Contextualised thiam bawk a, kan hrethiam tlang ngei mai. Good Post
[Report abuse]
August 21st, 2011 at 7:15 pm
He post chu kan like keuh teng…
[Report abuse]
August 21st, 2011 at 7:28 pm
Chhiar lem lo hian kan AMEN thruai ange.
[Report abuse]
August 21st, 2011 at 9:25 pm
Gold Miner full version download tur a awm dawn emaw ka ti hman! I kailut nalh zeih zeih hle mai.
[Report abuse]
August 21st, 2011 at 9:38 pm
FIFA 12 demo hi chu Sept 12 ah a chhuak chauh dawn sia.. ilo khel tawh bik a?.. ka duh ve nia…
FIFA 12 News
[Report abuse]
August 21st, 2011 at 10:32 pm
va tha ve.
[Report abuse]
August 21st, 2011 at 10:39 pm
A changkang hle mai… Pathian leh Setanan Joba chung ah theihna an in lantir chu Pathian in Toba nunna chu khawih a remti lo thung, natna hrehawm lutuk setan an a tawrh tir chhung chu Pathian a ngawi tlat.. Harsatna kan tawh te hian kan Pathian lam kan hawi tlat ve lem lo, fiah kan dawl ve lo em ni..!
[Report abuse]
August 21st, 2011 at 11:00 pm
Trial Version ho TRAIL-ah hian virus chi hrang hrang an rawn hneh vek hunah Full Version chu an rawn lut thei dawn chauh a nih hmel
[Report abuse]
August 22nd, 2011 at 12:12 am
https://fifa-12-download.blogspot.com/2011/06/fifa-12-demo-download-link-leaked.html
i chang tawh lo
[Report abuse]
August 22nd, 2011 at 12:48 am
Setana hi thuneihna pakhatmah nei toh lo a nia, min thlem vel né ně bak tih theih a nei tak2 lo. KtP, Pyd etc in hman a phal, thlarau bo chhandam erawh a phal lo, i ti a. Thlarau bo chhandam hi chu Isua chauhvin a thei hrim. Isua chauh lo chu tumah chhandam theitu an awm lo. Setana phal lo chung kan hneh toh avangin kan inkhawm thrin ni zawkin ka hre ve tlat mai.
[Report abuse]
August 22nd, 2011 at 5:37 am
Good post
[Report abuse]
August 22nd, 2011 at 7:55 am
@30.
Nia, naupangte leh dawizepte thlamuan nan Setana hian thil tihtheihna a nei lo kan ti thin.
Mahse a nihna takah chuan Pathian hnuai deuh chiah a ni a, mitthi a kaitho theilo a ni deuh chauh !!! Chu chu thuneihna engmah a neilo kan ti thei hauh lovang le. Lal Isuan chhandamna a rawn siam hnu pawh hian setana thuneihna hnuaiah kan la kun tlat hlawm tho si a nih hi !!! Dik tak chuan Vanram kai turte chu an tam em em lo asin !!!
Tin, a takin a hnathawh chu hmu ve lang chuan mak i ti ve khawp ang le. Chutah chuan Thlarau thianghlim nei tak tak chuan an ngam thin.
[Report abuse]
August 22nd, 2011 at 10:35 am
Post tha khawp mai.
[Report abuse]
August 22nd, 2011 at 10:42 am
#29 ka van awih lo e… EA Soprts hi chu a leak awm kala re lo sin… Mods vel mai2 niang…
a video ciah lom leak-out… bla2
[Report abuse]
August 22nd, 2011 at 2:41 pm
@32 : ‘Nia, naupangte leh dawizepte thlamuan nan Setana hian thil tihtheihna a nei lo kan ti thin.’ Kei chu naupangte hi dawt nia ka hriat hi chu ka hrilh ve ngailo reng2.
Pathian hnuai deuh chiah a mi kha hnehin a awm a, paihthlak a ni tawh. Isua thihna a hneh hnu phei kha chuan ‘Lei leh vana thuneihna zawng zawng ka hnenah pek a ni tawh’ a ti lawm lawm asin. Pathian fa, Krista thisena hrin tawhte chungah hian Setana hian thuneihna a nei tawh hauh lova, an inkhawm kal turte hi a dang bet thei lo reng reng. Setana phalna in vawikhatmah ka la inkhawm ve lo. Keima duhthuin ka inkhawm ve mai.
Thiltithei ve tak chu a la ni reng thova. Pathian ring duhlotute chungah chuan a thiltihtheihnate a la hmang fo. Pathian ringtute chungah pawh hian Pathian remtihna chuan mihringte hi min la sawisa thei. Mahse, Pathian remtihna lo chuan engmah a ti thei chuang lo.
Setana hian thil thralo leh Pathian duhloh zawnga awm tur chuan englai mai pawh hian min thlem a duh reng a, min thlem fo bawk a. A chang chuan natna te hi a rawn thlen a (Pathian remtihna chauhvin). Heng natnate a rawn thlen pawh hian Pathian chuan hnehna a chang zel thrin.
Ka sawi duh chu: Setana hian Pathian fate chungah chuan thiltihtheihna hi a nei hauh lo tih mai a ni. He thu hi thlarau lam indona a ni e. Pathian thil tihtheihna aia Setana thil tihtheihna kan sawi uar zawk thrin hi ka ngaimawh avangin ka rawn inrawlh ve hlek a nih hi.
Setana hi thil tithei ve tak a ni tih hi ka pawm a, Pathian fate chungah chuan thuneihna a nei tawh hauh lo tih erawh hi chu tarlan ve hram ka duh a. Min tina thei a, inkhawm lo tur ten min thlem thei a. Min tihlum tur leh min dang bet tur hian thuneihna hi a nei thlawt lo a ni.
[Report abuse]