Zohnam kan inpumkhat zual sauh na tur chuan a tu ate pawh mai hian mawhphurhna kan nei theuh a.A bik in tuna Lusei tawng hmang mek ho hi an poimawh a ni.
A chhan chu Zohnahthlak hlawm hrang hrang ah hian Lusei tawng hmang mek te hi a hlawm lian ber an ni a.Chuvangin a khaikhawm thei ber tu tur an ni bawk.Zohnahthlak hnam hrang hrang te hip theih nan rilru zau tak put pawh a ngai ngei ang le.Chumi atan chuan hnam damna hi ngaih poimawh a tul.
Zohnahthlak hnam hrang hrangte min phuarkhawm thei tur a rin kai ber chu Mizo tih hi a ni a.Mizo tih hian a huamzau tawk tur a ni.Lusei tawng hmang chauh Mizo ang a kan ngaih chhung chuan kan inpumkhat thei tak tak dawn in a lang lo.
Kan inpumkhat deuh deuh theihna tur in mitin leh pawl hrang hrang ten poimawhna kan nei theuh a.A bik in Kohhran leh tlawmngai pawlte bakah Media lamte phei chuan tih theih an ngah leh zual ang.Sawrkar pawh in hmalak theihna tamtak a nei ngei ang le.
A chang chuan tuna Mizo inti mek te hian Zohnahthlak dangte rilru kan tina palh thin ani.A chhan chu a huikhawmtu tur ber a ngaih kan nih lai in a thendarh zawng hian kan lo awm palh thin vang ani.Mizo kan han tihah hian Lusei tawng ni lo tawng dang hmang tam tak an awm a.
An tawng a hran ang bawk in an Culture te pawh tlem in a lo danglam deuh thei bawk.Amaherawhchu, thlahtu thuhmun unau vek kan ni.Chuvangin an hmasawn na tura an hmalak tumna te dan sak lovin Mizo hnam hmasawnna tur tho a ni tih hriatsak ila.Zohnahthlak hnam peng hrang hrang te hian hma an sawn chuan Mizo hnam hmasawnna tho a ni si a.
Zohnahthlakho hi Mizo tih hian huam tir vek thei ila a tha hle ang.Mizo II leh III tih tawngkam te hi hmang tawh lo thei ila.A chang chuan chanchin bua kan thu chhuah dan te pawh hi a tha be rang em aw tih a awl thin.Zohnahthlak dangte an hmingthata IAS vel a an han in ziah tlin hian Mizo angin kan chhuah a,an hming chhiat erawh chuan kan ti Mizo leh duh si lo.
Kan ti Mizo anih chuan englai pawh in ti Mizo ila kan ti Mizo duh lo anih chuan thuhran nise.Mi pakhat thil tih sual avanga midang engmah hr eve lo te tawrh tir tumna te bansan thei bawk ila a tha hle ang.
Kan film siam thenkhat te pawh hian mi rilru a tina thei an gem aw tih chang a awm.A nuihzat bur deuh leh chhiahhlawh rawng kai deuh role play tur hming ah pawih/Paite hming kan han hmang deuh kher thin te kha a tha ber dawn em maw ni le?A tu a te rilru mah tina lo a inpumkhat a awm kha thiltha zawk chu a ni.Hnam damna i ngai poimawh ang u khai!
Similar Posts:
- Zohnahthlak inpumkhatna kawnga Ralteho entawn tlakzia
- Mizo hi hnam hming a ni lo
- Thil Pakhat Chauh
- RAM LEH HNAM HUMHALH – IV
- Kan hnam hming “Mizo” leh kan “Chi” te hi
August 8th, 2011 at 8:07 am
Chhiar ang hmiang.
[Report abuse]
August 8th, 2011 at 8:12 am
Post tha tak a ni e
[Report abuse]
August 8th, 2011 at 8:27 am
Tha hle mai, inpumkhat hi thil tha tak, hnam chakna leh dinchhuahna a ni…mahse, kan ti teh ang, thenkhat kan tih unau viaute hian min unau viau ve angem le? Entirnan, kan khawchhak unaute hi, international border in min daidang mahse kan unaute tiin tha takin kan lo dawngsawng a, mahse anmahniin min pek let ve langsar chu thil tha lo hlir ani mai a, hetiang mite nena inpumkhat chu kan duh reng dawn em ni? (fel tak tak te chu an awm tho anga)..Miin a unau tak tak chungah thil tha lo a ti duh dawn em ni?
[Report abuse]
August 8th, 2011 at 8:29 am
“how many MIZOS’ are there in Facebook?” tih Group-ah sawn in awm ve em Lusei leh Hmar inhnialna Group ni ringot hahthlak tak ani
[Report abuse]
August 8th, 2011 at 8:42 am
[Report abuse]
August 8th, 2011 at 8:43 am
facebook ah chuan “Huapzo Fiamthu” saw a nuam ber mai, kan lungrual tlang teh ania
[Report abuse]
August 8th, 2011 at 8:54 am
thra lutuk, i rawtna duhlo leh haw/sawisel deuh tlat an awm chuan rotekawlasepate ang deuh anni hial ang
[Report abuse]
August 8th, 2011 at 8:55 am
post tupa..tuna i ziah ang chiah rilru tak tak i pu anih chuan i fel hle ang, i piangthar deuh ah pawh ka ngai. Mahse ‘luseizomi’ i han in vuah duh ngat hi chuan kal kan chu i nei tih leh i rilru put hmang tur a hriat thuak thin a. Ka ngei lek lek thin che..
NOI
Mizote hian kan dah pawimawh hmasak tur chu kan ‘ram’ hi ani. Kan venghim tur ani. Kan tu leh fa, kan thlahte te tan chenna tlakin kan siam tur ani. Ram dang kan nei si lo!
Greater Mizoram and Nationalism thlur bing tur chuan kan hnam ala naupang deuh e. Thu puarpawleng leh UNO a kan innghah chhung chu kan la in ready lo tihna ani.
Sawi leh sawi hnu ‘ Mizoram a chengte chu Mizo tih an ni a, an tawng pawh Mizotawng ani’ tih hi kan kal pui dan tur ni in ka hria. A bak chu a ka ngaihven teh huam lo.
[Report abuse]
August 8th, 2011 at 9:03 am
Tha khawp mai. Zo hnahthlak nisi Mizo nih duh miah lo leh zo hnahthlak dang mizo a chhiar thei miah lo kan la awm fo hi kan mu tan a ni.
[Report abuse]
August 8th, 2011 at 9:32 am
United we stand ; Devided we fall..
[Report abuse]
August 8th, 2011 at 9:35 am
A tha hle mai
[Report abuse]
August 8th, 2011 at 9:42 am
in hnial an awm leh a ngem aw…
[Report abuse]
August 8th, 2011 at 10:04 am
dear admins: fone atangin poetry ka lo post chhin e ka tia, a lo thlen leh thlenloh ka en thiam tawh lo. In tih tihin lo ti mai teh u. OT loh nan- post tha khup mai.
[Report abuse]
August 8th, 2011 at 10:05 am
Post tupa hi lusei i nih ka ring lo, paite i nih ka ring
[Report abuse]
August 8th, 2011 at 10:15 am
Ralte atang hian in zir rawh uuuu
[Report abuse]
August 8th, 2011 at 10:18 am
@sammoo: ‘manage’ ah lut la, a lo lang tiarh mai ang.
[Report abuse]
August 8th, 2011 at 10:31 am
TS: fone leh comp. In ang lo deuh nge maw ni? Ka bo hu mai. kan en tha leh a nge.
[Report abuse]
August 8th, 2011 at 11:11 am
Damna bakah HRISEL, hnam hrisel, hnam entawntlak leh hnam tlo nih a va tul!
[Report abuse]
August 8th, 2011 at 12:22 pm
@chhangteval, luseizomi tih nickname ka hman avangin Lushai(duhlian) ka ni ka tihna lam ani lo.Ka lu hi a sei deuh hleka chuvangin Lusei(long headed) tih ka hmang ve mai ania.Zomi ka ni ka zahpui hek lo.
[Report abuse]
August 8th, 2011 at 12:27 pm
Kan awmna lam Paiteho chu an inti Mizo duh miah lo
[Report abuse]
August 8th, 2011 at 12:47 pm
@Post-Tupa: Hetiang i ron post avang hian i vei ve hle tih a hriat a, tute rual nge i nih chu rin thiam har viau mahse kan rual u tam tak te pawhin an lo vei tawh, an vei mek a ni a, i ti tha e ka han ti phawt ange.
I thlirna zawn atangin tehna i rawn siam a, dikna lai tam tak a awm; kan hnam la naupan vang te pawh ani anga, thenkhat chu thu dengkhawng tak tak han post te pawh an ching reng e. Chutih rualin thlirna dang atanga i thlir thiam chuan “comment 20” ang deuh hian ngaihdan a dang ve leh thei viau bawk ang.
Kan duhthusam thleng tur hi chuan dawhtheih a ngai hle dawn niin a lang. A chhan pawh tunhma kan fiamthu leh fairy tales tam tak te kha chuti maiin kan thaibo dawn lova, hengah te hian a hnam ang zawnga insawi engemaw deuh te (a story ah ka tihna) a awm fo a, tun huna kan fiamthu thawh tam tak hian chu chu a la keng tel a, a sawitu thiam loh anih lohna lai tam tak a awm thei a ni.
Mi lakah beiseina kan neih chuan an beisei angin kan awm em tih te pawh kan in en fiah fo a ngai anga, entirnan mai mai – ZOMI tih i nick ah i han telh kher te pawh hi helh tawk chu an awm ngei ang (kei pawh ka ni thin a, mahse hriatthiam dan chin ka nei tawh e).
Engpawhnise, thangthar ho hi chuan rilru zau tak kan put a pawimawh hle a, keini aia nau zawk, rilru so but but mai thei te pawh cool down thei tura ngaihtuahna fim kan sen fo a tul ngei bawk ang…..ka han ti a ni e!
[Report abuse]
August 8th, 2011 at 12:52 pm
Leh loks…Lusei ka nihna lai ka hre hlei lova, Mizo ka ni tih erawh ka chiang ngang mai (ka pa Chhakchhuak Chhum hleuh, ka nu Ralte bengchheng dik tak!)
[Report abuse]
August 8th, 2011 at 1:16 pm
MIzo Ram leh hnam hi chu kan chai hnem ta ngawt mai. Sawi chiam lo ila kan inpumkhat zawk a ngem aw….tih ka ngaihtuah ..
[Report abuse]
August 8th, 2011 at 1:25 pm
@hramtea_pa: Hmarho pawh an inti Mizo chuang bik lo…..
!!!!
Ka nu hi hmar a ni a, a intih MIZO teh reng nen aw…!!!
[Report abuse]
August 8th, 2011 at 1:27 pm
A Post tupa rilru ka á¹awmpui thlap, rilru puitling put a ngai…mi an Mizo an inti duh emaw, duh lo emaw Mizo an ni vek, lusei á¹awng hmang, hnam inpumkhatna duhtu chuan dawhthei taka patling rilru put a ngai a ni.
Indian inti duh lo aá¹anga kan intih Indian theih tak viauna aá¹ang hian zir tur a awm ang
[Report abuse]
August 8th, 2011 at 1:27 pm
HNAM DAMNAN A PAWIMAWH a ka hriat chu..mimal tin te Nun nghet leh dik thei ang a awm hi a ni. NGO te, kohhran leh politician te thu leh ta bik a ngai lo a, mahni awmna leh hnathawhna theuhah a dik leh fel zawk kawng zawh a, “nangmah mahni hmunah, kei ka hmunah”, tih ang khan, kan theih ang apiang a nghet leh dik taka nun hi hnamdamnan a pawimawh in ka hria
[Report abuse]
August 8th, 2011 at 1:43 pm
@24 Lushai_er Says:Hmarho pawh an inti Mizo chuang bik lo
Hmar ho inti mizo kan ngailo, mizo kan ni, Hmarho ti lo khan hmar thenkhat ti jok tawh ang che, ka thin i ti rim palh ang nge
inti mizo duhlo chhan pawh a awm ngei ang, in enfiah hmasa phawt te.
[Report abuse]
August 8th, 2011 at 1:56 pm
Bihar Regiment Ngopa leh Suangpuilawn Biala awmte thawmhnaw phurin mi thahnem tawk tak Thingat(Singngat) Manipur bial lam panin an kal chhuak a, a karah zan 6 an riak. Kulina kawng a thui hle. Chubakah mi ram anih avangin buhfai intodelh angai a, an Sipai hruaiten engmah an pe si lo. Hemi tum hian Ngopa, Khawdungsei, Lamzawl, Hnahlan, Murlen, Tualcheng, Aiduzawl, Changawl, Suangpuilawn, Vanbawng, Phuaibuang leh Khawlian atangte in nula leh tlangval 1000 rual zetin Sipaiho an hruai a ni.
An hawng lam a hnung fal deuhte chu P.N.C(Paite National Council) Volunteer ten an lo bei ve bawk nen. Fur lai a ni leh nghal a, a retheih thlak zia tun thlengin ha hipin an la hrilh fak a ni.
…..Tv.Lalbuanga phei chu heng Paite Volunteer ho hian an sawi sa a, a nung chungin an phum ta mai a, mahse a thih hmain Churachanpur Camp O.C chuan a lo hmu a, a zu tlan a, a zu hai chhuak leh a ni. [Rmbuai lai leh kei P. 164 & 165]
Rambuai laia Paite Volunteer chet dan, mi an suam thin dan te chu thawn thu mai an chang zo ta a, Remna leh Muanna kan neih hnu hian kan hre reng tawh lo; phuba lak tumna pawh kan nei lem lo ! Hei hi kan Kristianna vang liau liau niin a ngaih theih ang.
Mizoram lamin kan tuarna nasat zia hi a tul tak leh “Burma” ram lama Mizote min hek dan te ka la rawn phawrh leh ang.
[Report abuse]
August 8th, 2011 at 2:10 pm
Hmanni ‘Remna Ni’ a, Rev. V.L.Sawma thusawi khan ka rilru a hneh khawp mai. Kawng sirah ruang a lum pheng phung a, tuman an ngaihsak ngam si lo, tute nge min hek kan hre reng, mahse phuba kan la lo te hi a ropui a tih kha.
@lutawi : Mizo nih duh lo kha chu lo inen zawk teh u, tuma’n Mizo lo ni rawh u kan ti dawn lo, a duh chuan Mizo ka ni an ti mai zawk a ni.
Hmar thenkhat han tih pawh hian hmar hnam sub clan aiin a mimal a nih kan ring deuh bawk a ?
Hei Bawrhsap Thupek ka han tarlang teh ang.
Thupek
No. 784-47 G of 29.4.46
Sorkar lehkha No 4973 A.P. Tahrik 16.7.1934 a mi angin Kum 1946-47 atanga Leiman khawnnan heng hnam te hi Mizo a ngaih an ni tawh ang.
Pawi, Paihte, Hmar, Laker, Chakma, Riang, Tuikuk, Matu, Chawrai, Hrangkhawl, Langrawng
[Report abuse]
August 8th, 2011 at 2:33 pm
Ka type laklawh laiin UPS a lo thi hman a…..load shedding a rei tawh hle! Thupek zawm zel khi….
Leiman bu-ah chuan an hnam hming chu a la chuang tho vang, mahsela a chunga hnam zawng zawng te khian Mizo an nih angin Leiman thuhmun an pe ang, hemi hian ramdang atanga Mizoram pem lut kha a khawih lo.
Copy to : All C.I
SDO., Lungleh
A.Macdonald,
Superintendent, Lushai Hills.
29.4.1946
“Officially-a Mizo a ngaih an ni tawh ang”
A hma lam hian ngaih an la ni lo a nih hmel ?
[Report abuse]
August 8th, 2011 at 2:46 pm
Keipwh Mizo diktak Hmar twng hmang chungkua atanga rwn seilian k nia, Duhlian twng cu k thiam thwkhat thoa,mase tlemin harsatna ka la neih.Hmar twng k hman vang hian k in t Mizo lo hrim2.Nia Duhlian twng cu knin pumkhat leh zual theih nan hmang vek i la cu atha khwp ang, hmangtu tam berh ani bwka.
Mase Mizo cu hnam hrang2 min khai khwmtu ania, chu mi hnam hrang2 cu PATHIANIN twng a pe vek, an duh le duh lo vanga hmang pwh anni lo, Mizo twng vek anih.
[Report abuse]
August 8th, 2011 at 3:01 pm
Comment ve leh teh ang! Kan ngaihdan hi enga tinge a in an theih lo tlat thin le. A mak ngawt mai.
Ka ngaihdan kan sawi ange..
He khawvel a ram chhengchhe em em mai, zawng leh hauhukte tual chaina niawm reng hi kan Pi leh Pu ten lo sat kua in chenna atan an lo hmang a. Chumi thlah kal zel te chu kum za emaw erh awrh atang khan ‘Mizo’ tih kan lo ni a, tichuan kan ram pawh Mizoram tih a lo ni.
Rambuai a lo awm a, tam tak chu Manipur leh burma lamah te an tlan chhia a, chung mite chuan Zoram hi an theihnghilh ngai lo a, an hmangaiha, rawn pemkir an tum reng thin (Juda ho babulon a an tan lai a Judai ram ka theihnghilh che chuan…an tih ang khan!). Mahse heng pem chhuak nilo, kan chipui leh hnam pui anga ngaih theih tam tak kan chhehvelah an awm teuh tho. Heng mite hian Mizoram hi kan ram an tih ve a rem lo a, hmangaihna pawh an nei hran lo. Heng mite tan hian Mizo intih pawh angai hek lo a, keinin inni va tih pawh a tul in a lang hek lo.
Mizoram chhung a hnam/chi hrang hrangte chuan lungrual takin Mizo nih kan pawm a, tawng pawh Mizotawng kan pawm tlang tan viau a (hun a la rei lo deuh a..). Mahse hetah hian Mizoram mi ni ngai lo te chuan kan lungrualna leh kan ta bil ram kan nei hi thik in min hmelma chei deuh tlat niin a lang. Heng mite hi kan ram ah awmhmun rawn khuar mahse an mikhual chet a, an in bawl hrang a, kohhran leh khawtlangah ‘chi hran’ ni tlat in an inhria a. Hei hi kan fimkhurna lai tur chu ani reng ani.
Hei hi ka hmuh dan tlangpui ani a, tu pawi mah sawi phei chu ka tum lo ania..
[Report abuse]
August 8th, 2011 at 3:09 pm
“poimawhna” tih khi ” pawimawhna” tihna turah ka’n ngai ngawt a. Dik tak ang maw????
[Report abuse]
August 8th, 2011 at 3:29 pm
#32 lrpa, i ngaihdan ka tawmpui che, i sawi ang ho nen khi chuan inpumkhat lo mahila pawi ka ti miah lo
[Report abuse]
August 8th, 2011 at 6:06 pm
@lushai_er: Hetianga thil kal tawh kan chhui kir dawn chuan PNC chauh hi thlur bik chi ah ka ngai lo. Khatihlai a chin army (PNC i tih ho an ni nge ni lo chu ka chiang chiah lo) a an hotupa in MNF sipai a tanpui nasat zia te, foreign an kal na tura a thawh nasat zia leh a hnu a MNF ho in phakar chhuah a an thah daih te hi hre ve la chuan tu nge dem tur chu i hre mai ang.
Buailai khan mizo hnam chi hrang2 ten(A bik takin Hmar) beiseina sang tak neiin MNF an pui nasa em2 a, mahse remna thuthlung an siam khan khang ho kha theih ngilh (Lui) in ramri an ti zim a. Chu chu tun thlenga mi tamtak (A bik takin HPC) rilru tinatu a ni.
[Report abuse]
August 8th, 2011 at 6:34 pm
@35 utupi, ni e a dik ka ti. Rambuai laia Burma a mizote min hek dan tih te hi Lushai_er hian a rawn phawrh mai thei, dik chin pawh a awm ang. Mahse Rambuai lai a Burma a Zohnahthlakten mizote min puih nasat dan te pawh sawitur chu a tam khawp ang. Hriat zawng zawng sawi hi a tha ber kher lo, mi sawi/ziak kan hriatchhawn mai mai a nih phei chuan.
[Report abuse]
August 8th, 2011 at 6:36 pm
@35 : Nia, thil kaltawh chhui chuan Lushai Hills Mizoram ti hian lo thlak ta pawh nise Lushai dialect “Mizo tawng” ti a an thlak hi a pawi ber niin a lang ! A chhan chu kan Mizo hnam dang tam tak te hian ‘Mizo tawng’ a ni tih hi kan accept duh dawn chuang lo niin a lang.
MNF-in Zalenna a sual khan an Mizo Unau (Unionho) kha 1967 thleng khan 300 chuang an suat hman an ti asin. History i en chuan inremna kha hman hmanah kan lo nei thei daih tihte pawh i hria ang, PC Sawrkar khan mawh a phur pawh kan ti chuang lo. A hun takah Pathianin min pe mai a ni.
MNF te zarah hian UT&State-hood hi chu kan hmuh phah tih erawh chu kan pha thei lovang! Rambuai avanga Mizo mipui tawrhna kha Mizoram chhung mai nilo, Burma, Manipur thlenga nunau pawisawilo tawrhna kha i sawi ang hian Pawl mal hming ka lo lam palh a a pawi hle mai (my apologies)…..khang tawrhna zo zai kha a rapthlak lutuk a thangtharte hi chuan hetiang zawng hi chuan ke i pen lo hram ang u. Tum pawh i tum chhin lovang u!
Kan Mizoram muanna hi a tawk ta lo em ni? Khawthlangah kan chenpui Tuikukin min tibuai a, Hmar lamah lah chutiangin !
Tawng vangah kan puh fo vanga, kan la puh zel pawh ka ring ! Kei chuan Mizo tawng kan tih pawh hi kum 50 a han ral mah anga, dialect thar kan hman daih ka ring.
I INREM teh ang u…….in rem lo tham kan awm loh hi !
[Report abuse]
August 9th, 2011 at 1:30 am
lushai_er: I INREM teh ang u…….in rem lo tham kan awm loh hi ! amen…
facebook-ah group pakhat “how many MIZOS’ are there in Facebook?†tih, member 6000 chuang awmna chu hnam chungchangah inhnialna a nasat ltk avangin khar ani a, a uiawm hle. hmar leh mizo tih vel vang ani deuh ber.
mizo khawtlanga a neitu ber ber te hi hmar, pawih, paihte..etc leh lusei te an ni tho sia, engati nge maw inlak hran tum tlat hi kan awm thin le? ka ti ve mai mai, kei hmar thlah hian. NOI
[Report abuse]
August 9th, 2011 at 1:34 am
kan meitei professor pakhat hian mizo leh paite/hmar/kuki danglamna min zawt a, a mizo hmelhriat ho kha ka’n sawi a, ani hi manipurah chuan awm se kuki a ni ang a, pakhat hi paihte ani ang a, kei hi hmar ka ni ang a…..mahse mizoramah kan awm a, mizo vek kan nia, tawngkhat kan hmang a, hnam hming hi chu surename ang mai mai ani..kan ti mai chu, a danglamna chu a hmuthiam ve viau in ka hria.
[Report abuse]