19/9/2011: Vawiin chawhma lam khan Sports Minister Zodintluanga chuan Mualpuia Rajiv Gandhi Stadium sak mek chu a hmunah tlawhin Artificial Turf phah tan a nih tur thu press mite a hrilh a, Stadium sak hnathawktute chu duhthu an sam loh thu a sawi a. Minister hian Stadium sak hnathawh enpuitu PWD te chu contractor-te chunga action lak theih dan zirchiang turin a ti.
Nakkum February thla khian Aizawlah North East Games thlen a ni dawn a, hemi atan hian Rajiv Gandhi Stadium pawh hi hman tum a ni a, vawiin atang khan Artificial Turf phah hna hi Lammuala phahtute Great Sports Infra Limited-te’n an thawk tan nghal a, kumin December thlaa phah zawh hman tum a ni.
Rajiv Gandhi Stadium sak mek a tlawhnaah Sports Minister hian chanchinthar lakhawmtute kawmin Stadium satute chu an thawk muang a tih thu a sawi a, October thlaa Gallery (Phase I) sak zawh tum anga an insawi pawh chu a rod pawh an la chah thleng mumal lo nia a hriat thu a sawi a.
“Hnaah hian hmasawnna a awm tlat lo, engnge action kan lak theih zirchiang ila penalty kan pek a chi em? tihte enfiaha PWD hi Nodal Department an ni a, harsatna in nei a nih pawhin ka hnenah lo thlen ula,” tiin hna viltu PWD te pawh Minister hian a hrilh nghal a ni.
(Hna thawktute hi Lloyd Insulations Kolkata an ni)
Similar Posts:
- Mualpui lamah Sonia Gandhi-in stadium thar tur lung a phum
- Rajiv Gandhi Stadium — Kum Khat Leh A Chanve Hnuah
- Rajiv Gandhi Stadium
- Lammual ah grass phah tan
- Stadium sak tur khaihlak chungchang sawiho a ni
kawrek mai rawh
September 20th, 2011 at 9:46 am
Sport Minister hi chu a fakawm khawp ma1.
[Report abuse]
September 20th, 2011 at 9:46 am
Contractor hlau lo minister kan nei..
[Report abuse]
September 20th, 2011 at 9:53 am
A thlalak hmuh tur awmse
[Report abuse]
September 20th, 2011 at 10:20 am
Sport minister hi a enkawl dept dangah pawh afakawm khawpmai…
[Report abuse]
September 20th, 2011 at 10:21 am
A naupang apiang an fing a,an thawk chak bawk tih hi Political Party te hian hmufiah thiam tawh se ka va ti em!
[Report abuse]
September 20th, 2011 at 10:24 am
A tha fak a, a tha lo sawisel ngam hruaitu leh hotu hi kan ram mamawh a ni reng a ni.
[Report abuse]
September 20th, 2011 at 10:55 am
rajive gandhi stadium ani hrim2 a ka tui lo…mi ropui tam tak kn nei ve reng sia…vai hming hi a ninawm ltk….sa zo suh se…
[Report abuse]
September 20th, 2011 at 10:57 am
chutia hma ala ngam eroh chu k fak tho KZP k chhong e…
rajive gandhi….(N)
[Report abuse]
September 20th, 2011 at 11:04 am
Minister Zodintluanga..
Congress party zingah chuan a chhuanawm ber in ka hria.
[Report abuse]
September 20th, 2011 at 11:06 am
Avan tha ve, dam taka awm chuan stadium tha pangai tak kan la nei dwn anih chu a
[Report abuse]
September 20th, 2011 at 11:10 am
Keipawh pu dina hi a thawh hlawk hle mai ka ti. Contractor chu han ban ngam phei se chuan miten “political propagation ang ah mai2 an ngaihsak lo mah na” te ka lo ti.
[Report abuse]
September 20th, 2011 at 11:15 am
Khai aw! Min an eiruk bang in stadium an sa a, lo sawisel tak mai. PWD leh an contractor ho hi kan ngam lo tehmai asin. Sports minister hian CM hnenah emaw PWD minister hnenah emaw pawh lehkha thawn mahse a pawi tur a pawi zo tawh.
[Report abuse]
September 20th, 2011 at 11:30 am
Hetiang thuai thuai tur hi a ni.. engtinnge a tih erawh en zui zel ila.. faknan khua a tlai em nang.
Hmanah amah aia senior zawk Minister pakhat hian party worker-ho thlavang hauhvin telephone-in Director pakhat a hau hrep a, Director lah chuan zu hre der lo va! Tactic hrang hrang hi a awm ve a.
[Report abuse]
September 20th, 2011 at 12:00 pm
Mizoram hi contractor dinhmunah in dah ve chhin chuan hna thawh a har ang reng. Cement/Thir Iron Rod (Re-bar)te hi Guwahati atanga lak vek ngai an ni a, kar 1/2 an thang thin. Silchar a quality hi chu sawi chhiat belh tawh kher lo ila. Kalkawngah harsatna namen lo paltlang angai thin.
Kan tarlanna chhan pawh kan thenawm Tripura khu chuan Alkatra/Cement/Rawra thlengin Bangladesh atangin an la lut thin. Hna a kal chakin phahin an quality pawh a that phah em em a ni. Border Trade kan develop dawn anih chuan construction materials hi abikin chhim/chhak leh thlang lam atang hian source dang awm thei se, kan changkang sawtin ka ring.
[Report abuse]
September 20th, 2011 at 12:00 pm
Breaking News : Khatla Primary School I Staff Office a rawn pawng dut dut a, tui a rawn luang chhuak thut a. Dawhkan leh chair a tlu rem rum mai. Tun darkar 11:30 AM maia thil thleng a ni. Tui hi a put nasa hle a. School staff leh pupils an thlabar hle. Phase I Aizawl Water Supply pipe line a chhia ni berin a lang. A kianga vela kal mipui an chi-ai hman thelh a ni. Thawh hnihin thil a thleng.
[Report abuse]
September 20th, 2011 at 12:06 pm
@chawnghilh: Thi leh hliam an awm lem lo maw?
PHE tui pipe lian tak Bethel kawng phei a an phum hi…..hetiang hian an pipe a tuiek hunah chuan a la thleng fo vang.
Millennium chhak lungpui hmun pawh PHE tuiput avangin a chim tawh kha…!
[Report abuse]
September 20th, 2011 at 12:36 pm
Thi leh hliam awm lo ve. Video camera ka chuh hman lo va, Nikon hmangin ka lo capture ve thuak thuak a, LPS pawhin min rawn dil ve tak kha!
[Report abuse]
September 20th, 2011 at 1:09 pm
#16 khi Bethel kan tih khi Chawnga Road tih tur anih khi….
[Report abuse]
September 20th, 2011 at 1:14 pm
Chawnghilh, video a i lak hman lo pawn tih dan ka hria. 2012 (film) kha en mai rawh.
[Report abuse]
September 20th, 2011 at 1:18 pm
#17 thlalak chu en ava chakawm ve.
[Report abuse]
September 20th, 2011 at 1:31 pm
Sony : Movie chuan ka la tho, Nikon D90 hmangin.
[Report abuse]
September 20th, 2011 at 1:53 pm
Contract Management kan thiam lo ti ila tu pawi kan sawi lo ang chu maw! Action lak ringawt hi solution a ni lo a, a hun taka an zawh theihna turin hma lakpui zawk se, a tha zawk ang chu.
[Report abuse]
September 20th, 2011 at 2:06 pm
#14, Bungrua Gauhati atanga lak a ngaih vanga a buaithlak bikna tur ka hre lem lo, kan mamawh dang pawh a lo thleng reng tho si a, Bangladesh atanga lak phei chu a buaithlak leh zual ngawtin ka ring. Contractor leh a viltu te thiamloh leh inthlahdah vangah ka ngai ve tlat. Mamawh tur engkim hi hna an tan hma in hriat lawk vek a nih hmel bawk si. Sports Minister erawh a fakawm khawp mai.
[Report abuse]
September 20th, 2011 at 2:22 pm
“Bungrua Gauhati atanga lak a ngaih vanga a buaithlak bikna tur ka hre lem lo,”
wheww
Guwahati atanga buaithlak loh i tih chuan Kolkata atangin la la 
Picture chu
https://vanglaini.org/index.php?option=com_content&view=article&id=11214:stadium-satu-contractor-an-muang-kan-intiam-thlawn-ziah-zodintluanga&catid=108:frontpage
Sports Minister chu Safari suit a hak ve loh hrim hrim a vang pawh hian ka tan.
[Report abuse]
September 20th, 2011 at 3:35 pm
Contract an dil lai chuan a thaber niawma an hriat kha an thawh tir a ni awm si a le!
[Report abuse]
September 20th, 2011 at 4:14 pm
#23,@lalpeace: Guwahati atanga lak a buaithlakna i hre lo anih chuan a lawm awm lam anih chu.
High Strength concrete leh high grade steel hi Guwahati-ah pawh stock a awm loh chang atam mai. A bikin furah phei chuan Cement hi store that a har a, an stock tha duh vak lo. Mizorama kan hmuh tam ber hi PPC/Slag cement an ni tlangpui. Brick remnan leh plaster nan vela hman tawk lek a ni e. OPC-53/43-ho hi chu avang pharh ang. TMT-500 phei chu Guwahati-ah pawh avang pharh ang. Re-rolled steel hi kan hmuh tawk vel a nih hi maw.
Mualpui leilung hi rin aiin a tawh a khirh zek ang aw. A bul velah In dinglai a lo awm ve neuh neuh nen, blasting an han uar deuh phei chuan mi In-chungte a vawm a, mi Tv. te a keh anih kha maw!
@Zero : Kan Mizoram condition bikah chuan thla 6 chhung vel chauh hnathawhna hun kan nei a, Vai contractor Mizorama vawikhat hna thawhna ni tan phei chuan Project Management hi a har viau ni tur ani. Duh angin Bill hi Teasury Office lam hian an pe rang thei bawk si lo!
[Report abuse]
September 20th, 2011 at 5:23 pm
#9 khi
[Report abuse]
September 20th, 2011 at 8:47 pm
“Hnaah hian hmasawnna a awm tlat lo,… khitianga mahni enkawllai sawi sak sak ngam khi kan mamawh reng a ni.
[Report abuse]
September 20th, 2011 at 9:00 pm
Khatla-ah leimin turu a awm e lo maw? JL Cinema Hall kawngah a innghat an tia lo???
Hrechiang in awm em?
[Report abuse]
September 20th, 2011 at 9:08 pm
Sawisak emaw action lak emaw a awm loh khi. Tawngkam mai mai alawm
Open bid a nia, Mizoram chinchang hre lovin rate hniam te te-in an chhang a, a chhang hniam apiangin contract an hmu zel si aleh. An thawk á¹an dawn chauh a, harsatna an tawk ta! Vai phakariti an chhuah char char a, a enkawltu officer te an lo tha luam luam bawk si a. Working season a liam zung zung a….
Mizoramah construction materials a vang a, a to a. Working season a rei lo tih kan hre vek. Contract an chhan hma paw’n an hria a, çontractor te ‘risk’ a ni. Contract agreement-ah provision a awm loh chuan hnathawh muan chhanah chhuanlam a tling thei lo ang??
[Report abuse]
September 20th, 2011 at 10:47 pm
@Zero sawi ang khi kei mimawl ngaihdan a ni fan. Thil harsat dan hresa tura ngaih ten ruahman lawkna an neih loh hian tunge hlawk ang? Tu thiam loh nge? An contract agreement chu han zirchiang teh se, Mizoram sawrkar zawk hian sum a chawi tawk em lawng chu maw. Eng pawh nise contractor leh a viltute khan tan han la sauh sauh teh se.
Pitartetlang a indoor stadium khu chu contractor khuan a thawk tha viau lo maw ka ti.
[Report abuse]