Heti mai leh heti lek hi kan ni a, Mizoram chu. Engpawh ti ila mi hnam tihdan entawn kan ngai lo theilo a. Zonet in tum 2 Mizo Idol thlanna a lo buatsaih tawh a, tun hi a vawi 3-na. Tichuan, Mizoram, a bikin Aizawlah engemawti lai atang khan kan Cable Network ten Reality Show an buatsaih ta sek mai a, mit leh beng a tlai hle. Mizo Idol, Mizo Icon, Comedian Search, Manhunt, leh a dang tam tak. Dik tak chuan kawng engkima kan standard en in Reality Show hi kan ngah lutuk deuh lo maw aw ka ti thin. Heng show hrang hrang atang hian Celebrity engemaw zat an lo chhuak thar ngei mai a!! Thenkhat chu chhungkaw tana phurrit mai ah te pawh an chang thei awm e.
Ka incheina leh ka hmel emaw, ka intihchangkanna te hmang hian mi ten min teh tawh lo. Eng mizia nge ka put, chhungte chawmhlawma in penparh mai nge ka nih a, mi rinawm, theihtawka hnathawk mi, ka nitin nunah ka Kristian nihna a lang em? Hengte hi kan tehfung ani tan tawh ania aw. Kan celebrity ho lah hian ‘Fans’ hi an han ngah nghal em em mai zel bawk a. Eng mi pawh ni ila, theihtawka chhungkua, khawtlang leh kohhran a rawngbawltu nih tum theuh ila. Mi thenkhat fel tak tak karah hian buaithlak deuh zawng an awm lo theilo. Mi te hmelhriat nih ve dek dek vanga in lak ‘high’ thut te pawh bansan a tul e. Mizo te hi chu Benazir Bhutto emaw Aung San Suu Kyi te maw aia Lady Diana ngaisang zawk hnam kha kan ni tlat mai a!!
Kan Idol thlan mek ah ngaihdan tlem — Zaithiam kan thlangchhuak dawn anih chuan zai lam a mithiamte’n full judgement pe ngei se ka ti. Mipui idol kan ti fo a, a dik theilo. Mipui nawlpui hian zaithiam thlang turin thiamna kan neilo. Mipui vote thlak dan ki chu — laina, hmelhriat, vengchhung mi, hmeltha tih vang, etc. vel vang a vote kan ni tlangpui. Sms vote hian 50 percent point a keng anih chuan Professional judgement a lang thei ngai lovang. Mipui te min telh ve kha a tul an ti anih pawn 25 percent point chauh keng tal se. Kan Judge te’n ki hrang hrang atanga an lo endik kha zaithiam thlanchhuah dan tur dik ber ani lo maw?
Similar Posts:
- Mizo Idol show hi a ropui em?
- Mizo Idol nih tu nge duh?
- American Idol:Vote for the worst!
- Mizo Idol/Icon etc ka hmuh ve dan
- UK Pop Idol Zawnna X-Factor-ah Mizo Nula 3
hairehai
September 28th, 2011 at 10:58 pm
1n chhiar ang hmiang.
September 28th, 2011 at 11:01 pm
Kei pawh mipui vote lai tak hi ka duh lemlo, top 5 atang phei chuan mipui vote chauh ni tawh dawnin ka hria..a fuh chiahloh na chu kan idol thlan tawhte atangin a chiang maiin ka hria
September 28th, 2011 at 11:04 pm
Hetih vang hi alawm la tla miah lo tur, Mizo hmeichhe zaithiam zinga special tak tur Roluahpuii Reiek an tihtlak koh ni 🙁
September 28th, 2011 at 11:05 pm
E he! Ka submit chauh sia, a van chhuak hma ve :-O
September 28th, 2011 at 11:08 pm
@RenghangMan, chutia top 5 atanga mipui vote chauh an ring tawh dawn anih chuan Mizo Idol hming puttir lo se, SMS IDOL ti mai se..
September 28th, 2011 at 11:12 pm
Vawi khat vote ah cheng thum a kal leh nghal (N)
September 28th, 2011 at 11:14 pm
Ka mi ngaihsan chu mahni hna/eizawnna a mi rinawm hi a ni.
A dik khawp mai, a thiam ber chu hmun leh hmun a endiktu, an nunphung pawh hmu fiah zawkte thlan turah ka dah tlat. Tan zawng deuh pawh ka nei ve na a, ka vote lem lo.
September 28th, 2011 at 11:17 pm
@muantea, Roluahpuii kha Judge te pawn thiam an ti a, an comment atang pawh khan Professional judgement atang nilo in, mipui vote atanga tla anih zia a hriat vek kha. Pawi thei e 🙁
September 28th, 2011 at 11:19 pm
Kum tamtak chhung chu zai han ngaihthlak nawn tlut tlut chak tak hi ka nei ta lemlo a, mahse TBC of Thenzawl zai hi ka play nawn tlut tlut ta mai.
September 28th, 2011 at 11:19 pm
A dik ka ti keipawh. Zaithiam thlanchhuah tur a nih chuan Judge te thutlukna ni ngei turah ka ngai.
Chuan Mizo zinga ‘star’ ah chuan S. Malsawmtluanga hi ka ngaihsan pawl tak a ni. A inla ‘high’ ve lo a, midang a ngaichang thiam bawk.
September 28th, 2011 at 11:21 pm
@5 SMS Idol ang turah keipawh ka ngai.
September 28th, 2011 at 11:24 pm
@Chhuaklinga, dik khawp mai. Eng hna pawh thawk ila, rinawm hi a hlu in a tlo ber mai. Mizo Idol nena kan sawi kawp nachhan pawh ania, zaithiam lar, Mizoram mipui hmelhriat an lo nih thut hian an ze pangngai tha reng kha an hlauh palh thei tlat, post a ka ziah ang khian reality show product, chhungkaw tana hnawksak celebrity kan siamchhuak teuh thei.
September 28th, 2011 at 11:26 pm
Ka pu leh a thlah kal zelte hian kan buaipui ve ngai lo.
Manchester-a khel mekte leh an lei tur thleng thlenga hre thei; mahse Rev Chanchinmawia Bawngkawn bial thintu leh Synod moderator( thi ta) pawh hre hrang lo thalai hruaitute hi ka SPIN chak a nia. 😀
Ngaihsan tur hi kan hre lo. American idolte hi a ka engahmah a thawk lo mai mai khawp a, thawk lo tak a ni. Mahse kan khap thei ngawt si lo. Benezie Bhutto chu sawi loh ZA Bhutto chanchin ngaihnawm lutuk hre lo pawh kan awm leh teuh anga sin.
Tin, sms vote chungchangah chuan a tihdan phung hi ka thlawp e. Reality show hi mipui hlut tur atana tih a ni. Chuvangin MASS PARTICIPATION hi a pawimawh ber fo. A idol thlan lam erawh ka thlawp LO chhia va.
September 28th, 2011 at 11:27 pm
Inngaihtlawmna nun hi a lo pawimawh a ni.
September 28th, 2011 at 11:32 pm
Mizo idol/ icon thlan hi ka va han hne chiang. A sang tel pawh icon leh idol nei mah ila, Icon leh idol hian Mizoram hi India ramah state ropui berah min hruai chhuak lo tawp ang..Tuna Zoramin a mamawh chu zai lam ni loin,thluak lama in elna ani a mamawh. Look East policy in zoram a rawn tuam mek lai a, India ram Sokar lai pui policy hre phak mi thiam kan chher chhuah loh chuan he Mizo hnam hi chimralin a awm dawn..A bak ka sawi peih lo..Mizoram hi Idol leh Icon lama a tlan duai duai lai hian boralna kawng a zawh mek a ni 🙁
September 28th, 2011 at 11:34 pm
@Ignatia, kan Benaziri chanchin hi ngaihnawm takin rawn post tak teh, hmingchhiatna lakah fihlim lo mahse a ram tana nunna hlan ngam ani si.
Kan Idol chu, SMS Idol vuah mai ang u..hehe. Anih Reality Show anih avanga mass participation dah chungnun ber kha dan em ni?
September 28th, 2011 at 11:38 pm
@A..doc_lib a rawn inlar e. A khuangcher bo tawh emaw tia :-O
September 28th, 2011 at 11:55 pm
@Sheldie: Miin ‘Chumi kha mi kha lo vote rawh aw’ a tih tawk tawk na avangte khan a lawm kan ngaihhlut em em ni. I awihloh chuan he reality show hian mizote min chiah hneh theihzia hi a chhan zawng rawh- Mass participation vang liau liau a ni. Nakinah chuan a tul reng bik lo mai thei bawk a.
Idol leh Icon thlana ka zirchhuah chu- IMPORTANCE OF MASS PARTICIPATION hi a ni mauh mai. India’s Independence Movement thahrui pawh kha Mass Participation tho a ni. Kha tah tak khan Pu Gandhi kha midangte’n an tluk lo em em.
Apa ZA Bhutto atangin lo post ka tum ang; mahse ala rei ang ka inahte ka hawn phawt a ngai. Helaiah hian material ka nei lo.
September 28th, 2011 at 11:55 pm
17 sheldon170, min ngai anih mai chu a.. Kei chu idol leh icon thlan hi (N) ( mizo thalai te rilru hruai sualna ah ka ngai..)
September 29th, 2011 at 12:06 am
@Ignatia, Mass media a pawimawh si, engkim mai hian a kawk vek anih hi. Mahse, IDOL ah kher hi chuan mass participation chu… 🙂 Kan pu Gandhi pawh kha Western culture khan a influenced hman lek lek a, India zalenna a sual tir kha chu a kalsual lek lek em aw? Non-Violence khan a tan lo ania.
ZA Bhutto pawh chu…a va la rei hmel, haw phawt haw phawts!!!
September 29th, 2011 at 12:08 am
Post tu leh sawitute, insawi dik hlawm mang e… LPS chauh pawt MIZO nisi ten MIZO IDOL an TV-atangin an la entheilo zui. Facebook group thenkhat ah lah chuan vote ka zawnpui e, ek e bal e anti. Kan ram hruaitu atana tha pawh vote lo a, athalo tih hrereng chunga vote thin tute AN ni miau si aleh!!! Zaithiam tih miah loh vote hi (N) .
September 29th, 2011 at 12:17 am
@rohlupuia chalrang, E! Chutiang te chuan sms vote an lo zawng ani maw? Tupawh hian kan zaithiam tih te vote chat chat vek ila chu mass participation hi a pawi pawh ka tilo. Chutiang a ni teuh silo a, zaithiam an tih vanga vote chu an awm ve tho ang, mahse a tam zawk chuan post a ka ziah khi an vote chhan ka ring e kei chuan.
September 29th, 2011 at 12:23 am
Sheldie: December hian ka lo haw hmel mahse ka vangkhua ka thleng lo mai thei. Lehkhabu hmun danga ken chungchangah hian father-a hi a strict leh zual a; ka ngen chhuak zo ang em aw…
Sawi leh ta ila. Election kan kalpui danin min chiah hneh em em chhan pawh hi Mass Participation vang a ni. Mahse Idolte nena hmahbel tlat erawh a rem lo mai thei. Mipui zinga hlut tir duh chuan sms-a an lo thlanna khan a hlutna a neih san a ngai tlat. He thil hi INDIVIDUAL tak pawha dik ni si MASS ang zawng pawha dik a ni. Sms chauh ni lo cheng hnih khat kan thawh ve naa Biak In sakte hi chu kan inti neitu teh mai ania. Kohhran hmangaihna pawh hi kawng leh lam takah chuan heti zawng pawh hian a thlir theih tho mai; mahse hmangaih dan dik ber erawh a ni lem lo.
September 29th, 2011 at 12:29 am
@Ignatia, khawvel khawi hmunah pawh awm ila hmun khata awm ang tho kan nih hi maw..kan khawvel pawh a changkang tawh teh e. Kei chu ka post ve chhun te hi chu maw, engmah reference awmlo, chawp leh chilh a rilru a lo lang han type pur pur mai hi ka nia, tu tan maha han hlut tlak lem loh, mahse, a tha lam duhna thinlung pu a ziak ka nihna hi ka chhuan ve awmchhun.
September 29th, 2011 at 12:39 am
demand awm lo se, min suply tawp nang… zoram thalai te hian KHAP lohva sa-hawk an mamawh. Mahni in bun ruah leh KHAP bawm tawt atanga zalen ve an duh. Kohhran leh khawtlang mit ti mim lo tawkin, Rui lo hai lova ban vaia buk lawp2 a, zuan tawr2 an chak. hei leh zel hi KHAP lo hram ang u.
September 29th, 2011 at 12:48 am
Mizo Idol/Icon hi ka ngai ropui em em lo, mahse khap em em te chu… Kan sawi ber chu heng reality show in a ken tel tel nunphung hlohna te, tin, a show kalpui danah te ngaihdan kan sawi ania. Kan ram hruaitute leh kan nu leh pa te hian min ring zo lova, min khuahkhirh seng tak tak silo a, dinhmun laklawh takah kan ding mek. Zu khap kan sawisel ang deuh ani, kan ramchhunga zu zuar turin kan inring tawklo 😉
September 29th, 2011 at 12:57 am
Idol, Icon tih vel hi ka tuipui pha lo tlats. Ram hnuk a khawih lo em mai :-$ :-$ :-$ :-$ 🙂
Kut hnathawk hlawhtling leh mi rinawm thlan chhuah hun a nghahhlelhawm hle mai 😉
September 29th, 2011 at 1:00 am
Kut hnathawk hlawhtling leh mi rinawm thlan chu Misual in huaihawt ila, mahse Misual tam zawk hi ‘anonymous’ kan ni sia, buaithlak awm:-P
September 29th, 2011 at 1:00 am
Idol, Icon a tha ve reng! mahse postu sawi manner hrim hrim hi chu keimahni mizo-ah chuan kan nei tha reng! mahse sapho manner tih nen chuan kan la inhlat khawp mai. Hnam zia atanga manner hi thlir tur ania.
September 29th, 2011 at 1:05 am
Khap tawh lul love le, kan khap sa pawh buaipui awm khawp a nih tawh hi. A hman that dan lam hi i zir zel phawt mai teh ang u.
Of the east lamah chuan mut a hun ta viau mai. Mangust vek u le.
September 29th, 2011 at 1:13 am
good post (Y)
September 29th, 2011 at 2:08 am
Post tha tak a ni awm e. (Y)
September 29th, 2011 at 2:22 am
Zaimi an awm a, Ziak mi an awm,thu sawi chi an awm a, ngaithla mi an awm.’Book of the year’ thlan hi tul kan ti em ?? Zaithiam inthup zawnchhuah hi a tha ka ti kei chuan.MCS examah Topper awmlo se engtin ?? Mahse,Mipui vote erawh tul ber lo.
September 29th, 2011 at 2:43 am
khawnge a enna link kha?
September 29th, 2011 at 5:06 am
mifela, Mizo Idol leh American Idol tih post zawkah khan a awm
September 29th, 2011 at 9:08 am
SMS vote chungchangah Roluahpuii tlak zan khan facebook ‘Mizo Idol’ group-ah ka âng tawh a, han sawi belh vak tur pawh ka nei tawh lo! Tan ka nei lo va, duh pawh ka nei lo, tumah ka vote hek lo. Thiam tih erawh ka nei chiang. SMS-a kan vote sup sup hi eng company-ny emaw hlawkna mai chauh a ni e. Vote petu hi a tam berah mi sing ruk vel bak an nih ka ring lo, chu’ng mi tlem të-ah chuan hmelhriat ngah a pawimawh tur zia a hriat maiin ka hria.
September 29th, 2011 at 9:44 am
Post tha leh dawn ti thui tak a ni e… (Y)
ka lar LEM loh vang hian, milarte hi engtehual in ka ngai bik miah lo 😀
Thil reng reng hian, thatna leh that lohna a nei vek si a le. Post-tu sawi tum erawh kan hriatthiampui a tha e. Icon/Idol thenkhat, Zoramchhani, TBC-a (Lawngtlai), ldt. te tan chuan he programme hian an nun a thlak danglam chiang hle a. Chutih laiin, mi tam zawk te nun erawh hmasawn lam aiin, chhungte tan a phurrit an ni zawk si.
September 29th, 2011 at 9:48 am
Idol an lo thlang leh tawh ani maw? Ka la en lo reng reng. Idol leh Icon hmasa ber kha ka en ve. Chuan Ramhlun sport complex putar leh Rc-i bak kha chu zaithiam tih tur ka hre lau. 😛
September 29th, 2011 at 11:42 am
Roluahpuii Reiek kha a tha thlawt a, Mizo hla duhzawng ang pawn a zai thiam a..Rock Star tha tak (mizo zingah) an chhawp chhuak dawn a ka ngaihlaiin a tla ta mai kha mak ka ti. Burma mi -ti a kan ngaihsan vakloh ai hian Music a kan hniam zawk zia te hi ka lo ngaihtuah ve a.
SmS vote leh Judges 50/50 pawh ni se, kan judges kha Music a miril tak chu nise..an 50 vote khan Roluahpuii kha an ti tling thei tho..Stage perform ah pawh a tha ber a, music a kan la hniamzia a lang niin ka hria.
September 29th, 2011 at 12:28 pm
In ngaihdan mai mai a ni lo maw? He Mizo idol tum thumna hi la en ve miahlo te vangin a hlutna chhete pawhin a tlahniam miahin ka ringlo.In en theih leh lo en ula,in theih loh leh lo mu lum ta mai che u…hahahaaaaaa 😛 😛
September 29th, 2011 at 12:51 pm
City bus chuang ngamlo tur kan pung leh sauh dawn ni maw:P
September 29th, 2011 at 12:54 pm
Reiek nu kha chu tha ve pangai……….a uihom ber mai thei bawk. judith i zai kha a pui hle bawk, mi a hneh dan lam chu thu hran nise……………… a aw kha len hmel khop mia a hritlan vang chu nilo tur ah han ngai phot i la.
September 29th, 2011 at 1:17 pm
Engpawh ti i la, perfect theihloh a, mahse theihtawp chhuah hi kawng engkimah a tha e. Han eiru lo phawt mai i la…hehe!
September 29th, 2011 at 1:24 pm
@sheldon#43: A post tu ber OT keuh, vei i ngah hmel hle mai 😀 😀
September 29th, 2011 at 1:50 pm
ka nu in idol en natur website min rawn hrilh ve trawh. En pheichu ka tum lem hleilo a.
September 29th, 2011 at 1:51 pm
@Sheldie(#24): I post leh comment hi a tha thin lutuk alawm. Engmah reference a ngai hran hlei nem. Kan thil hriat atanga kan zir leh ngaihtuah chhuah in share til tel hi a nuam a lawm. Keipaw’n tunah hian ka thil buaipuina lampang tih loh chu material engmah ka nei lem lo. Ka kawl mekte chu- Bible, kan thianza hova kan zir mek- Paula Zirtirna(Rev Chanchinmawia ziak), ka roomah EU(Vai thiante) inkhawm thin avangin KJV Bible tamtak leh UESI Song Book ka kawl leh bawk a. Post siam tur phei chuan ka thil hriatte hi a kim loa a dik hlel bawk. Mi post phenah hian a tikimtu atan ka lo iak ve mai mai zel a ni.
Ka thil sawi chhuah tamtakte hi chu ka sikul kal laia ka chhiarte an ni tlangpui; a bik takin chhuti hmanga ka hawn hian ka pa hian lehkhabu chhiar tur min tuk sak thin. Tin, ka ngaihven lam a ni deuh reuh bawk. Bialnu, Bike, Incheina, ldt., hian ka rilru hi an la peng ve ngai lem lo.
PEER PRESSURE nasa lutuk avanga valued system hlauh tate hi an uihawm ka ti thin. Changkanna hi an HAI chiang alawm. Mi a bike neih rawng emaw neih anga mi chhichhiah chingte hi ka hmu phe thin khawp mai ka conservative BULUK lai chuan. 😀
September 29th, 2011 at 2:01 pm
Hmar nu kha tla tawh se ka va ti ve kei misual hian…. Mizo Idol-ah a rawn thlensan deuh avangin a rawn inti mizo hluai lehnghal aa.. Ti na mah mah em aw?
September 29th, 2011 at 2:07 pm
@malsta, OT loh khiii, post nen a in relate alawm..hehe
September 29th, 2011 at 2:07 pm
Post tha leh dik tak a ni.. (Y) (Y)
September 29th, 2011 at 2:09 pm
@chtrawta, i lo chuti ve elo?
September 29th, 2011 at 2:17 pm
Sheldon, chuti e le…a hmar ang zawngin an tang nasa tih hi an hre lo emaw ni le aw?..post angin ka ziak dawn mi aw ka tia…hmar ho nen pawh kan inhnial hrep tawh…mahse, a rilru chhiat thlak ka ti deuh sia,, i post hi ka lo hmang tangkai ve tawp..chu pawh, midang comment awm vak tawh loh hnu lamah..
MIZO IDOL KAN THLANG DAWN ANIH CHUAN MIZO NIHNA AIA HMAR NIHNA DAH HMASA CHU KAN TI TLA NGAM TURAH KA NGAI.
[Report abuse]
September 29th, 2011 at 2:20 pm
@Ignatia, ni e tiraw. Technical lam miin technical leh facts post se, keinin current events leh hringnun chungchangah ngaihdan lo sawi ve ila. Misual ah kan han sawiho hnu chuan keini post te pawh a complete ve thlup zel alawm.
[Report abuse]
September 29th, 2011 at 2:24 pm
Sheldie: Thums up.
Chemte:
[Report abuse]
September 29th, 2011 at 2:30 pm
@chtrawt, no problem. I post ang deuhin duh duh sawi theih. India ram khawi hmun atang pawn sms vote a lut thei si a, sms hmu tam tam an tling dawn a ang tlat. Pawi khawp ani.
[Report abuse]
September 29th, 2011 at 3:03 pm
SHeldon, hmar ho zawng zawng hi an population te min hrilh hrep hlawm lah tak a.. Mi nuai 3/4 bawr vel an awm a..mi nuai khat pawn vote se, MIzo Idol-ah Hmar nula kan nei ang…
Mizorama dil lian ber chu Rih dil a ni a, Burma ramah a awm… Mizo Idol chu Hmar nula a ni.. A va inhlat lo em!!!
[Report abuse]
September 29th, 2011 at 4:24 pm
ti mah2 deuh lo maw..hmar a nih avanga mizo a nih lohna a awm hleinem.mizo hnam peng pakhat a ni ve tho a.eng hnam nge mizo ni bik chuang a.mahse hnam bil ang zawnga a kal a,a inti mizo duh loa hmar hnam bil ang zawnga a inlahrang nih chuan a demawm tho.a nih lem loh a a inti mizo anih chuan mizo a nih loh bikna a awm chuang hleinem.
[Report abuse]
September 29th, 2011 at 5:02 pm
Nguntang…i rawn sawi condition anga a awm thin avangin alawm tikhian ka rawn sawi reng ni..
[Report abuse]
September 29th, 2011 at 5:52 pm
Ka hne top icon/idol thlan hi. Ka ti leh pek thin ang ka hne. Chutah school zirlai /hoteller te emaw ni enturin an la sawm zui thin.. an la ti em tun tumah hian..Mizo thalai te hi zai lama tlan duai duai lo in, kan chheh vela hnamdang khing phak a, he thluak in dona khawvelah ah hian an survive theih nana chher hi kan mamawh tawh..Mizo icon/idol sangkhat aiin IAS pakhatin Zoram tan thil a ti thei zawk..Huiha ka ram ka ngaihtuah changin ka rilru a hah thin si..Ngaihtuah loh dawn a ngaihtuah loh theih si loh
[Report abuse]
September 29th, 2011 at 6:37 pm
@doc, insum rawh insum rawh. I BP te kha…! Idol/icon hi keini pawn kan hne, kan thu awm silo nih hi.
[Report abuse]
September 29th, 2011 at 8:35 pm
mizoram intohdelhna ber chu zaithiam ngah lamah chauh a ni e.kan ram mamawh buhfai 25% chauh kan thawh chhuah laiin zaithiam chu kan mamawh aia tam kan thar chhuak tawhin ka hria.milar nih thiam dan kan inzirtir a ngai a ni.
[Report abuse]
September 30th, 2011 at 10:34 am
post tha tak a ni e…
[Report abuse]
September 30th, 2011 at 8:54 pm
@chtrawt, Sinate nichin mai khan a zai zo chiah. A zai chak(strong) viau in ka hre mai a kei chuan. Thiam leh thiamloh ka hrethiam lo kei chu
[Report abuse]
September 30th, 2011 at 10:41 pm
Mizoram dinchhuahna tur chu solfa leh kungfu an tih kha maw misual pakhat chuan
Engpawhnise, sheldon, good post
[Report abuse]