Khawzawl lam atangin phone call kan dawng a, in khuai-no hual kha pawisa rawn thawn ru an ti a. Bu khat hi Rs. 2000/- vel anih lai kha a ni a. kan thian za-ho khan bu 5 kan hual a, pawisa min rawn thing ta si a, Summo kal turah kan thawn chhova, keini pawh khuai-no la tur chuan kan in tiari tan ve ta a.
October full moon zan hian a tak duh bik an ti a, chumi tin zawn chuan kan inpuahchah ta a. Aizawl chu chawhnu her hretah chhuakin zanriah ban hmanin Khawzawl chu kan thleng a. PWD IB (inspection Bungalow) chu a ruah remchan lai tak a lo ni a, kan innghat ve thla ringawt a.
Khuai seh(zuk) hi a na viau tih chu tlang hriat a ni a, kan U pakhat phei chu Nghalpuiin an zuk(seh) hlum thak tawh a. Kan fimkhur ve viau a, khawzawl pasaltha chu kan hruai tel a, a tak leh tak loh chu chung lam chiahin a hria a. Kan khuaibu hual hi a tam tham deuh avangin kan thian-ho pawh kan insem darh a. Kei tak phei chu ka fimkhur avangin a bu awmna pawh ral atangin ka en chauh a ni.
Kan kal tur kan hrilh lawk avangin DDT chu khaw en laiin an lo phul lawk a, khuai ven tur an awm vak lo niin a lang. Mahse kei atan chuan hnaih loh kha a him ber tlat. Ral atanga lo thlir kha ka duhtawk viau. Nghalpui bu chu an han lai ta a, rin aiin a lo tak a nih kha, thlangra tiat tiat an rawn phawrh mai chu kan tho awk awk mai. Motorah kan phur a, kan thlen in lamah kan haw ta a. A thleng hmasa pawl kan ni a, thiante nghah pahin Pasaltha-ho khuai seh damdawi chu kan dawm pui ve a.
Hmanlai atang reng hian khuai-no hi sa chhiah ang chiahin Lal hnenah an pe ve thin tih te chu kan Pasaltha-ho sawi atang chuan kan hre ve a. Khawzawl Pasaltha kha a lung kan ti leng aniang chu, hlado a rawn chham ta mai a. A silaimu a ui aniang chu a ka khan ‘phung phung’ a ti a. kei lah pek chuan kha silaimute chu kan nei alawm i in thlahrung anih kha, i duh tawkin kap rawh ka ti a, a box chuan ka chhawp a.
Kan thiante an lo thleng zela, kei ni ai mahin an rawn hawn tha a. Kan ri chel chul mai. Mahse khuai zuk damdawi erawh a hek deuh! Biate khaw lam kal erawh an rawn hlawhchham deuh, a ‘mi’ an rawn hawn hnem hle. Tlemin kan tlai deuh ani an ti.
Ti chuan a ‘mi’ kha kan kan ro tir a, khuai seh damdawi nen chuan hmeh ta a. Zan riah duh leh haw duh kha kan inhnial ta….! Ti chuan haw zai rel mai kha kan ti thlu ta a, thla lah chu in thlahrung miah lo chuan a eng tual tual emaw tih mai tur, ‘Sailothangi Hla’ kha kan thianpa khan an play dup dup mai leh nghal a. Zawi chuan Aizawl lam chu kan pan ta a, Kalkawngah tui awmna apiangah khan khuai seh damdawi kan phawrh a, kan han muangchang zui a. Khawfing a chah hnu fe leilung a lan chuan Tuirial kamah Sangha tharlam kan la dawn laih laih chauh a ni.
In lam a lo awm te pawh khan patling thawk chhuak ta chu min lo ngaihtuah ve aniang chu, kan han thleng chu an phur ve phian a. Thenawmte kha vei khat diat diat kan sem a, Upa lam phei chu an lo lawm thiam hle mai. Kei tak phei hi chuan ka allergic tawh deuh roh a, Avil leh bawnghnute kan ei hmasa te te, kan riam ta thin a. Pum 20 te hi vawikhat eiah kan han hmeh ta thin a, lu hi a hai chuai thei a sin.
Hriat tur thenkhat:
1. Khuai seh/zuk damdawi hi ei/in lawk chi a ni lo an ti.
2. Thla bial zan kher hian a hlawk bik an ti.
3. Khuaibu hi Freezer-ah dah hian kum tluanin a fresh-in a ei theih.
4. Freezer a i dah loh chuan a mi-ah an chang thuai mai.
5. A mi hi deep fry hian kaikuang aiin a hang zawk mahin a hriat.
6. Kan hlawhchham lai ka sawi lova, hlawhtlin lai chauh ka sawi. N.Vanlaiphai lam kan suartluan zan kan la sawi leh ang.
Similar Posts:
- Hei hi kan tlai lam hmeh tùr ni se
- Buh thar leh khuai-no
- Chhura leh Nahaia
- Mizo tawng danglam bik riauna
- Khuai i la ve tawh ngai em ?
hairehai
September 27th, 2011 at 1:04 pm
Ka comment hi an delete tawh bik long chu maw…? DDT phul hian a lawi nawn ngai tawh miah lo an ti bawk. Mahse mei khu a ur ai chuan a tui zawkin ka hria.
September 27th, 2011 at 1:14 pm
Kan thianpa doctor pakhat chu khuai no duh ve fu si hi a laknaah a kal ve duh ngai reng reng lo mai a. A chhan an zawh chuan zang lian zawk hi zangte zawk hlauin kan tlan kan tur a ni lo a ti e an tih chu 😛
September 27th, 2011 at 1:24 pm
ka thianpa chuan a inrui hmasa a, alak a nuam zawk zuk ti tlat a
September 27th, 2011 at 1:28 pm
Khuaino chu a duh hmel triah triah, post bakah 1st leh 2nd a la hauh zui….. 😉
September 27th, 2011 at 1:32 pm
lushai_er, khuai kan lak ngamna chu a in chen hmel khawp mai 😛
Khuai la hang tak tak, thingtlang pa thenkhat chuan zuin hi a pawi lo an ti chawk. Mahse ‘test’ chu ka tum chuang hauh lo a…
DDT hi kan hmang ngai lo. Vaihlo kan chhem lut thin a,mahse meikhu a ur hi chuan,khawnvartui, khuaibu a a far a hlauhawm khawp. Khawnvartui rim in a rim a ti tuilo zo vek thei thung a.
Kumtluan in ka freezer hi ka hmang tangkai khawp bawk mai… (Y)
A mi chu deep fry hian a tui ber in kei paw’n ka hria….
September 27th, 2011 at 1:39 pm
@lushai-er, keipawh ka comment an delete daih. Isaac Hnamte fapa boral thu post a mi kha nia. ‘Your comment awaits moderation’ ti reng a, chuan a bo ta daih! Chhandamna lam thu kha nia, tinge mawni tehreng ni? Comment pakhat ka chhan letna kha nia. Pawisawi pawn ka lo inhre lova nia, a pawi aniang chu.
September 27th, 2011 at 1:46 pm
Sawi belh tur awmlo khawpin isawithiam. Khuaiseh damdawi thingrim in nam awm…hairehai… Kapa leh athiante hian kum tin bu 2/3 hi chu an hual ziah a, kapa bula ka awmloh avangin hnianghnar tak chuan ka ei lo. Tunah zawng kapa acancer a….
September 27th, 2011 at 1:49 pm
#5: Kan thian thenkhatte chuan batminton racket an keng a, khuai lo haw lam kha an lo hlap thla thin.
DDT hi an laih hmain fai lutukin an rut leh vek a, a rim a nam lo. Meikhu a ur hi chu khuai no-ah khan a rim a cham tlat a, a tui loh phah hian ka hre thin.
September 27th, 2011 at 2:33 pm
Khawi no hi ei pawh ka ei ngam lo zu nia..:-)
September 27th, 2011 at 2:33 pm
Nikum khan thian zahovin E.Lungdar bul Leng khuaah kan la.. i sawi ang deuh hian khawchhung atangin kan la… Tumah min seh lova, mahse, khawizuk damdawi chu kan tauh deuh reng… Huiha.. (Y)
September 27th, 2011 at 2:36 pm
@chtr: Khuaino chu putar deuh duh chi a nia….lolz!
September 27th, 2011 at 2:55 pm
(Y) naupan laia ka ei bak kala ei leh miahlo a, hmana ka ei kha chuan a tui ka ti hle.
September 27th, 2011 at 2:58 pm
Ziak ngaihnawm thiam hle mai..
In hlawhchham na zawk i ziah hun a Heading tur ka lo ngaihtuah maimai…
Tumbu ak haw ta teuh ni ula,tumbu kha fry ula khuaizuk damdawi ah khan han hmeh ta ula.deep fry a ni loh pawn a bai te pawh…tihte ka lo ngaihtuah vel mai mai.
September 27th, 2011 at 3:02 pm
A ngaihnawm hle mai. Mahse, a changtupa ber hian, ‘A nakah i zen’ lo deuh tlat mai a.I sawi ang khian, Nghalpui hi khuai zuk na ber pawla sawi a ni thin a. DDT emaw Khawnvartui emaw in hman khan, Khuai puitling ho kha an thi nge an rawn chhuak ngam lo? Tin, i sawi ang khian, Khuaizuk damdawi tha ber chu ‘Zu in nghek’ niin an sawi thin a. Amaherawhchu, khuai zuk hmaa lo inruih hnap mai chu “‘Thihna hlauh’ ani mai” an ti thin.
September 27th, 2011 at 3:07 pm
@PKF : Khuai hi an thlawk bo vek thin a ni e, a kaw kovah khan an phul kual den den chauh a ni. An lai lai chu ka hmu pha reng mai, laih ve kher kha ka tum lo hrim hrim a 😉
September 27th, 2011 at 3:07 pm
Ka ei ten deuh tlat :-$
September 27th, 2011 at 3:11 pm
#13: Tumbu hi thukthawlh emaw rawh emaw hian a tui ve duh fu asin. Ramhnuaiah phei chuan a khaileng hi a kawr mut huam khawp hian ahan rawh ila, a chhung no kha chi nen sehhmeh atan a tha khup mai 😉
September 27th, 2011 at 3:16 pm
Enge a ‘mi’ chu le? Nghalpui tih khi Sanghal lam turah ka lo ngai a ‘Khuai’ a lo ni leh si….
September 27th, 2011 at 3:22 pm
#18, a mi chu maw khuai puitling la ni chiah lo, mahse thla engkim nei vek tawh, a bu chhunga la awm si. A taksa pawh a dum run tawh…….Aw Ku_Shaia hian pic rawn vawm chhuah tur a nei lawm ni aw?
September 27th, 2011 at 3:22 pm
A ngaihnawm hle mai.. (Y) Khuai bu hi an lo lei thin a ni maw… Mi ram mi a nih vang nge, khuai la tu tur in rawih man, a bu in zawng hmu nge a la tu turin man neiin an lo zawng sak che u?
September 27th, 2011 at 3:26 pm
#20, Mizoram khawchhak lam khi Nghalpui hian a bawh bik a, khuaibu hi a hmu hmatu khan perh a tar a. Chu chu kan leisak thin a ni. Hlawhfa, khuaibu lai tur kan ruai thin bawk.
September 27th, 2011 at 3:27 pm
kan khua ami te chu an ti fuh a khawizu hi an la thin. Bur khat hi afirin Rs 200 in an hralh an hlawk lutuk kan sawilang mai mai anih chu . Good post
September 27th, 2011 at 3:27 pm
A post tupa chu(h)… Post bawk, first bawk… chutah la second zui… (Y) (Y) (Y)
Khuaino hi kei pawh chawhmeh tui tak niin ka hria. Mi tamtakin an ten em em laiin chil ti pût tuah zu trang mauh a.
September 27th, 2011 at 3:27 pm
@lushai_er, ka hrethiam e..a hma ka lo hre ngai si lo a hriatthiam a har em a lawm maw le!! hehehe
September 27th, 2011 at 3:29 pm
Khuaino te ka tel lova in lo sawi mai mai a? Ka ril in titam thar ta tlat mai a. Hairehai. (I)
September 27th, 2011 at 3:30 pm
@lushai_er, ka hrethiam e..a hma in ka lo hre ngai si lo a hriatthiam a har em a lawm maw le!! hehehe
September 27th, 2011 at 3:32 pm
@26, a muang vel lutuk a ka lo nawn phah a nih pek hi…
September 27th, 2011 at 3:44 pm
Hmanniah kan thenawm nuin tlem min rawn suah ve a…plate chhin kha hawn pawh kan hawng ngam lo..hehehehe..an chum tha em em mai lehnghal.. 😀
September 27th, 2011 at 3:44 pm
@melody: in thlahrung reng reng suh, misual.commer tam zawk hi khuai la lo an nih ka ring. Tih dan hrang hrang a awm thei a, N.Vanlaiphai lamah hi chuan Vaihlo khu hi an ham lut thin thung a.
Perh-ah chuan an mobile no. te an dah tel thin. Bazara khuaino hi an chhum dak tawh a ni a, duh angin a hang tawh thin lo. Mahni lak ngei han chhum nut phut mai chu tui tak a ni.
September 27th, 2011 at 3:51 pm
@lushai_er, enge ‘Perh’ chu.., tinge khuaino an lak chu chhum dak phawt a ngaih a? Ka va bo heh heh tak..!!!
September 27th, 2011 at 3:54 pm
Khuaino hi ka ei ngam thak lo,a chhan chu ka khawih ngam miahlo..haahaaaaa
September 27th, 2011 at 3:55 pm
2002 atanga nikum thleng khan kum tin nghalpui lakna-ah ka kal ve ziah, sawi tawh angin vaihlo in kan ur thin, a tui lohna em em pawh ka hre chuang lo. DDT phul hi khuai an kai tha duh tawh lo an tia, North Vanlaiphai ramah pawh nghalpui a kai ngai tawh mang lo.
Meichher kan chhi a, khaw thim hnu-ah meichher chuan nghalpui kua kan va hup a, chuan vaihlo in kan ur ta mai thin, nikum hmasa-a nghalpui thingkunga a kai kan lak erawh kha chu beih a hautak khawp mai 😉
Pu Shaia rawn chet hma in hei hi ka’n vawm bei ve mai nai ange
http://i51.tinypic.com/16m1sv9.jpg
September 27th, 2011 at 3:57 pm
@melody : Thingtlang lam i fang tam vak lo a ni maw? Perh chu mawm hmawlh phun a, a ler lamah lehkha/mau phelsep emaw zeh. Thil chhinchhiahna atan a hman hi a ni mai.
Pasi te, khuaino te hi an zawrh hmain an chhum so phawt thin. A that rei nan an ti thin. Chiang em?
September 27th, 2011 at 4:00 pm
#32: Thank khiu lutuk. Kei pawh hi thlalak hi ka dah tha thin lova…!
melody en tur a no leh a mi closeup deuh i nei mial em :inthlahrung:
September 27th, 2011 at 4:07 pm
@lushai_er, ka hre thiam e.. Nih leh, khuaibu in lei theih dan chu?
September 27th, 2011 at 4:10 pm
Pu Lushai, van pawi ve aw, ka nei lo tlat
September 27th, 2011 at 4:12 pm
@sisen, pic chu a va tha ve.. a var kha a kua seal-tu a mi?
September 27th, 2011 at 4:14 pm
post tu khian khuaibu ei angin a insawi sia, comments lamah khuaino in ti leh bok sia, a ei tlak ve ve niang chu.
A pui, a bu neitute an lainatom e.
September 27th, 2011 at 4:25 pm
Kan naupan laiin, ka Pain thawnthu min hrilh thin a. Pa pakhat hi a fapa naupang hruaiin a ramchhuak a. Hna a thawh mawlh mawlh lai chuan, a chhak lawkah chuan, a fapa chu a lo tum tak tak a.A tumna lai kha Nghalpui bu a lo ni awm e. Nghalpui chuan an zuk rawn ta chiam mai a. A fapa natuar chu a rakin a vial ngawlh ngawlh mai a. A zuktu an tam em avang chuan, a damchhuak dawn lo tih a chiang reng mai a. ‘Na a tuar rei mai mai ‘ tiin, a pa chuan Maufeiin a khawhhlum ta a ni awm e. A ruang nena in an han thlen a, thil awmzia a han sawi chuan, a nupui lah chuan, “Engah nge i thih ve law law zawk mai loh!” a lo ti lehnghal a ni awm e. An khawngaih thlak khawp mai. Ka pa khan naupang te ni chunga Ram kan han kal thin kha min ngaihtuah thei thin ngawt mai.
September 27th, 2011 at 4:26 pm
@Rempui: khuaibu ei angin ka sawina lai ka va’n hmu lo ve a ? A thu hrimah khuaibu chu khi a lemah pawh khian i hmu ang a, ei mi a ni lo hrim hrim.
@melody : A kua hnawhtu rang anih khi. khimi chhungah khian a no chu a awm thin. a rang var tuam loh ho khi a ruak, an thlawh chhuah san tawhna anih khi.
September 27th, 2011 at 4:30 pm
@PKF: Thawnthu nge a tak tak aw…? Ka hre ve thin tlat a ni.
September 27th, 2011 at 4:34 pm
@lushai_er, min hrilhfiah peih a ka lawm hle mai.. a bu in lei dan ka la hre chak a nia o.. se, phone atanga rawn luh a ngai tawh dawn a.. a chak lo thei lutuk a..
September 27th, 2011 at 4:41 pm
Lushai-er, thil thleng tak tak a nih ka ring. Ka lo zawt chiang leh deuhvang. Khuai no tluk a thil hang tui hi chu a vang ngawt ang (A tawk chauhva tui leihin)
September 27th, 2011 at 5:03 pm
DDT chu ei tel palh a va hlauhawm awm ve a te ka lo tia 😀
September 27th, 2011 at 5:13 pm
Serchhip nu Khawivanrial in a zuk hlum kha ni 24 khan, an tumbu khawrh, thihna khawpa khuai zuk chu a na awm mange aw……. ;-(
September 27th, 2011 at 5:34 pm
Khuai no hi tui ka ti lutuk, ngaihtuah chian erawhin an lainat awm. N.Vanlaiphai ramah khian Nghalpui bu chu a awm duh viauin ka hria.
September 27th, 2011 at 5:38 pm
@Pkfanai thawnthu (a tak pawh ni maithei) hi kei pawh ka hre ve thin tlat.
Khuai zuk satliah-ah hi chuan Arsa leh a tuihang hi kei chuan ka ngeih khawp mai. Ka beng-kawmah tumkhat Nghalfek/nghalpui (ka chianglo, leia kaw nei, tai rang rek ruk) hian min zuka, arsa tui ka chulha ka ei bawka, ka dam nghal huai huai.
Khuai no hi kan awmna-ah pawh to far far khawp mai, Feet khat bial vel, a thlar( a bu) nena awm hi Rs.1000 an ti.
Khuai no- Dam reng rawh se.
September 27th, 2011 at 5:48 pm
Lushai_er a (Y), thil post hi i uluk thei khawp mai. Ngaihnawm thei fu bawk si a.
Vawkno nge tui zawk ang aw khuaino hi ? 🙂 , khuaini hi chiang kuang takin ka la ei miah lo.
September 27th, 2011 at 5:49 pm
Nikum hmasa lam Outside magazine issue (zawn chuan ka la nei ang)ah chuan, “Khuaino pakhat hian mi pakhat nikhat chakna (protein etc.)nikhat mamawh a keng deuh vek,” tiin a ziak.
September 27th, 2011 at 5:50 pm
@41 kei pawh ka hre tawh…………
Nghalpui hi chuan sele/ramsial pawh a seh hlum thei an ti thin, a seh hlum tak tak an sawi erawh ka hre hlei law.
September 27th, 2011 at 5:57 pm
@lushai_er, hriatreng tur point 3 khi ka lo man lo anih khi
September 27th, 2011 at 6:03 pm
Hetiang hi nghapui an ni em? mahse an tet hmel deuh bawk sia..
https://www.youtube.com/watch?v=9GxpAXsSIGU
September 27th, 2011 at 6:16 pm
Nghalfek leh nghalpui hian leiah bu an nei ve ve, nghalfek erawh a thuk deuh a, rah pawh mai mai chi pawh a ni meuh lo, Nghalpui erawh pawnlang taka bu siam an nih avangin a chung hi rah pawh mai theih a pawn a ni thin, chuvang chuan a hlauhawm bik em em a ni.
Khawivanrial leh Nghalpui hi mi thenkhat chuan thuhmun niin an sawi ve bawk, thinga a kaiin khawivanrial, leia bu a neihin Nghalpui anti mai ni a sawi te pawh an awm.
September 27th, 2011 at 6:41 pm
Khuaino tih vel hi chu kei ka chekin a mil tlat lo. Hehe Sakhi patuai, a chek duh tawka siam hawp kuang kuang hi tui ka ti ber mai, zanah rep pahin a ti tha lai seh hmeh ah han hem hmin zui ila, zan chu hman a nuam duh khawp mai
September 27th, 2011 at 7:12 pm
A ngaihnawm kher mai. Mahse, khuai hi ka ngaina lo ve thlawt.
September 27th, 2011 at 7:39 pm
Kut zungchal tia tia Nghalpui n o var hluk mai han tep chup chup mai chu ngaih a tha duh awm mang e
Keimahah chuan Nghalpui no ai chuan Khawivanrial leh khawibel no hi a hang tui zawkin ka hria. Kan chhungkua hian kan han duh khawp a, hman ni deuh, Inrinni zana kan lak tum pawh khan Sunday tuka hmeh tur sa kan lei lawkte dah thain Khawibel no kan chhum nu phut mai mawle
September 27th, 2011 at 7:49 pm
Sanghal note chhuhsak/chhar lam ni turah ka lo ngai ngawt a, a ni hauh lo!
He post aṭang hian thil ka hriat ngai loh ka hriat belh leh ta ṭeuh mai. Khuai no hi ka ei hleithei lo – pangang a ang tlat.
September 27th, 2011 at 8:30 pm
Ka la ei lo a, eitur a awm chuan ka ei hreh ka ring lo, in sawi tui hmel thiam emai.
September 27th, 2011 at 8:39 pm
Atui khawp mai.. ei ve ngei rawh u….
September 27th, 2011 at 8:41 pm
Nghalpui no te chu chawhmeh tui no.1 a ni ringawt ka tan chuan ! Mahse, a laknaah ka la tel miah lo, khuai dang khawibel, khawidang, adt laknaah hi chuan ka tel ve zauh zauh tawh.
A ngaihnawm e.
Khawizuk damdawi hi kal pahin kan in tlangpui.
September 27th, 2011 at 8:58 pm
A tuina la pawh velo chuan eilo law law rawh u, a fin thlak zawk ang, duh hun hunah eitur a awm si lova, ti hian @lushai_er te post hi chil lem ri khulh pahin kan lo chhiar a, a taka ei tur kan hmu phak tak tak bawk si lova.
September 27th, 2011 at 9:48 pm
A ngaihnawm hle mai
. . ei ve a chakawm e . .khawivanrial no Kg 2 kan chhum a kan han lim tak tak mai chu , chaw eikham ah ka mu hle hle . hehe . . .engtik ah mah khatiang a ei tur kha ka hmuh leh pawh ka ring tawh lo .
September 27th, 2011 at 11:02 pm
Comment dang ka chhiarlo mai.
1. Khuai seh/zuk damdawi hi ei/in lawk chi a ni lo an ti.…
A dik ang, Zu in hnu reilo te ah khuai in min zuk chuan khuai tur kha a thawk chak bik a, a hlauhawm. Mahse zu in hma-in min zuk ta se a zuk hnu ah Zu in ila damdawi thra tak zu ni leh lawisi a!! (thudik)
September 28th, 2011 at 12:12 am
Zanintlai Animal Planet a chhuak Wild China tih program ah khan Hunan Province a tribal ho khuaino lak lai leh khuaibu an zawn dan an rawn ti chhuaka, kan veng pa min hrilh dan nen a in ang chiah mawle. Sa an chah a, khuaiin a rawn ei lai chuan la zai ft.2 bawr vel khuaiah chuan an lo tawn a, a hmawr lamah puan them an tawn bawka, khuai chu an zui a, tichuan a bu awmna an hre thei thin ani…
September 28th, 2011 at 1:20 am
Hman ni Changte lui a ka u thiante nen kan kal pawh khuaiin min zuk a, a hnunga kal pahnih kha min bawr nasa bik a..khuai tak tak pawh ani chiah lo emaw ni, a hmuh pawh ka hmu chiah lo a, ka bek kha a kang ta emaw tihtur hian a rawn thip vawng vawng a, chutah mawngtam , chawn vel a ah a darh a, na ve tak ani.
Ka hnung a mi khan khuai seh damdawi a lo ti hma deuh a, a taksa pum a vual a, a thaw hleithei bawk lo a, kan lui kal pawh kan buai phak hrep..
September 28th, 2011 at 5:12 am
A ngaihnawm hle mai
Lung tepawh a ti leng alawm le
September 28th, 2011 at 7:59 am
@ Lushai_er…Khuai Baby hi chu..ih ih..englo..Uite Pangang unaupa a nih duh hmel eee…mahse Misual MI ah pawh Lianpui chi Shailendra in a thawh a..kan hlimpui phian..a nuam ngawt ang a eiduh tan chuan..
@ 51..hriat tur 1 na khi chu = Zu hi khuai zuk tan a tha lutuk a, mahse a zuk hma a Zu lo in sa hi chu Khuai tur kha an haw bik.
2.na chu=Fullmoon zan a khuai no lak hian, khawithlarah khan Khuai no a tam duh bik.
3 na khi chu=Khuai thlar hi Mizo chuan Khuai bu kan ti mai a..a awl i ti em..Lolsss
September 28th, 2011 at 9:38 am
@lushai-er, khuaino thlalak chu hei le. Hmun dangah ka lo leng bo veng veng a, ka ron paste lok hman lo a ni e… (khawi) Nghalpui no anni e.
https://i53.tinypic.com/ne9il4.jpg (a dinglam ami khi a-mi chu a ni e)
https://i54.tinypic.com/10x7i4x.jpg (khap 9 belah chhum vum thur mai ang aw…)
September 28th, 2011 at 2:27 pm
#68, Thank Khiu…melody khan a mi chu a chiang tawh ngei ang.
September 28th, 2011 at 10:21 pm
Khawnge khuai mo kha..!! Nizam ka comment theilo a…Khawnge tha tharin ti leh teh ang
A ‘mi’ hi ka rap deuh tlat mawle ka ti lui thei thak lo,a khuai baby hrim hi chu ka ngeih khawp mai ;)HEH tak ka ni ei tur a awm chuan
September 28th, 2011 at 10:22 pm
khuai ‘NO’ sorry
September 28th, 2011 at 10:29 pm
68@, ril a ti tam, ka pum a kal ruih ruih thei, i va ngah bik ve le. Huis..
September 28th, 2011 at 10:57 pm
Ku Shaia khuaino pics chu naktuk tukthuan hmehah ka hmang mai nanga
September 28th, 2011 at 11:45 pm
Helaiah hian zirlai bright tak tak kohhran leh ram hruaitu la ni mai tur te, engineer, officer, academician. ldt., kan fuamkhawm thin a. Mahse hetiang thawnthu ngaihnawm tak anga ngaih mai tur thar thawh leh tum hi a ropui LO ka ti thin khawp mai.
Sapel, thangkam leh adangte hi thingtlang khaw tamtakah chuan khap a har anga mahse hetiang hi chu kan SIM thei tawh a ni. Khuaino aiah Broilerte pawh kan neih tawh hi maw. Tui chu a tui na meuh mai mahse ECOLOGICAL BALANCE hi kan ngaihpawimawh loh chuan kan la buai teh ang. Nungtin(Biodiversity) pawimawhna kan tuar ang zel hian kan la hrethiam chho zel ang mawle!