Pathian rawngbawltu inti si, fate enkawla hmangaih nia in sawi thin hian a eng lai berah hian nge kan tih dik loh thin? Engvangin nge nu leh pa nih chu kan tlin loh a, heti taka mualphona in chhungkua min luhkhung \hin? Kan fate hi \anpui an ngaih lai tak, an tleirawl chhoh lai tak hian an lakah kan tihtur kan hlen thin em? Kan tih tur theuh hlen ni ila tuna buaina kan pai ang i kan paipawn reng dawn em ni?
Kan fate hian nu leh pa mitdel, anmahni kaihruai thei lotu an nei a. Nu leh pa, Lalpa laka tlan bo chuan a kalna kawngah ngei a fate chu a hruai thin a. Tichuan, kan bona kawng atanga kan kir leh theih na atan Lalpa chuan zirtirna thar min pek a duh a. A laka hel ang chiahin kan fate pawh chu kan lakah an lo hel ta thin a lo ni.
Pathian chuan kan fate hmangin zirtirna pawimawh ber min zirtir thin. Mihringin kan thlakhlelh thin khawvela hamthatna, ropuina leh hmingthanna te hi a rèi dawn loh zia min hmuhtir a.Heng zawng zawng hi khua a thim a, zan thim hnuaia kan mut a, zing khua a lo var a,thimna zawng zawng chu a lo kiang ta ang hian rei loteah an la ral dawn tih te kan ngaihtuah theih phah thin. Tichuan, mihringin kan tih tur chu simna thinlung ne’na a hnen pan a, Pathian hmangaihnaa thanlen hi a pawimawh ber a ni tih hi kan hmuhchhuah thar a ngai a ni. Mihringin nitina kan hun kan khawh ralna, kan inhambuaina te hi chu ral leh vek tur a ni a, hlimna kan tih te pawh hi rei lo te atana hlimna chauh a ni.
Kum tam tak a ral hnuah a pawi chin an thlenin, vuakna tiang leh zilhhaunain an nun a siam\hat theih tawh loh hnuah mi tam tak chuan fate nun siamthat tumin nasa takin an bei \hin a, a sawt tampui thin lo hle. Nu leh pate lakah an inthlahrung a, mahnia nawmna zawngin mahni tal talin an tal a, chu chuan kawng chhe nasa zawk lam panin a nawr kal zela, khuarkhurum lam panin an tawlh liam nge nge thin a ni.
Hlimna leh zalenna zawngin khawvelah an tlana, mah se an hmu ngai lo. Fapa tlan bo kha chuan a pa leh a chhungte a kalbosan khan a pa chuan Pathian kutah a dah thlap a, Pathian a ring a. Keini erawh chuan kan ring zo lova, simna thinlung puin lo kir ta pawh nise, duh takin, hming chhiatna leh mualphona min thlen tawh zawng zawng te theihngilh vekin kan lo pawm leh thei ang em? Kan fate Pathian laka an vahbo hian kir leh turin kan duh ngawih ngawih thin a, beisei takin kan thlir thin. Mahse, a sawt si lo. Engvang nge ni ang? Mitdel in eng an hmu thei lo ang mai hian an thil hmuh tur chu an hmu thei thin lo atin ni.
Mitam tak chuan tha inti tawk taka hawisang váh pahin kan fate kan enkawl a. Mahse, setana thlemna do zo tur khawp erawh chuan kan tha tawk si lova, kan fate ngei pawh hi Pathian hawisana hetiang dinhmuna an din meuh chuan hmangaihna a um zui zel ai chuan mahni leh mahni inkhawngaiha in lak hran daih mai hi a chakawm rûm rûm thin. Mahse, chu chu setana thlemna a ni a. Kan fate sual bÃ¥wiha an lo tluk hian chhungkua mai bakah kohhran leh khawtlang hriat kan hlau em em a, mah se, hei hi thil dik a ni ngai lova, a ni ngai bawk lovang.
Lalpa chuan mitë ber tawngtaina pawh a ngaithla thin a. Pathian chuan mihringte min hmangaih avangin nu leh pa leh ringtu dang te hmangin khawikipah pawh a hmangaihna chuan a umzui zel hin a. Mahse, har kan tih ber mai chu, ‘mihringte hian Pathian hi muang kan ti a, nghah ngawt ngawt mai hi a har kan ti \hin’ tih hi a ni. Mihringte hi kan hmanhmawh thin a, kan nghak chhuak zo lo fo reng a ni. Mahse, kan duh dan mai hi chu kan tan ngei pawh hian a tha tawk thin si lova. Kan tawrh theih piah lam thleng thleng hian min nghah tir thin a, chu chu a thiltihtheihna mak leh ropui tak min hmuh tir a tum vang a ni fo thin.
Kan fate sualna avangin Pathian kan ko lawm lawm a, “Lalpa min tanpui rawh†tiin kan ngen thin a. Mahse, hei erawh kan hriat hmaih thin si, Pathian chuan mihringte hi kan that leh that loh ngaihtuah hauh lovin min hmangaih a ni tih hi. Kan fate hi an nih na ang angin kan hmangaih em? Nge kan duh ang nih tir tumin phut nei ran in kan hmangaih zawk? A sual emaw a tha emaw i fa tan, a pual liau liau in mahni in phah hnuai tak in Pathian i au tawh em?
Similar Posts:
- Pathiana mihringte dinhmun;
- Hmangaihna lan chhuah tir
- Lalpa I hmangaih ang chiah khan Lalpa’n hmangaih ta che se la!
- Hmangaihtu aw
- Nupa Hlimna
in va lut...
October 30th, 2011 at 9:17 am
In enfiah chiah ila
[Report abuse]
October 30th, 2011 at 9:46 am
A va tha dap dap ve. Fa enkawl hi Pathian tan, ram tan leh keimahni nu leh pa, chhungkaw tan ngei pawh a rawngbawlna pawimawh ber a ni tih hi hriat chian a, a taka thawh a va pawimawh em.
tren tren.
[Report abuse]
October 30th, 2011 at 10:14 am
A tha kher mai; punctuation dik lo a tam deuh tih mai loh chu.
[Report abuse]
October 30th, 2011 at 10:40 am
post tha tak ani
[Report abuse]
October 30th, 2011 at 10:56 am
Ka ngaihtuah ve fo thin a…fa ka neih hnu hian enkawl thiam a har zia ka hre ve tan a.
Faten kawng dik lo an zawh avanga nu leh pa dem chiam hi a fuh ber em tih erawh ka rilru luahtu ber a ni reng. Nu leh pa zir loh vanga sual chu an tam na meuh mai a, mahse enkawl inangkhat vek dawngah hian a danghlei em mai.
Thil tha lo a lo thlen hian puh tur kan zawng fo va kan ban phak chu kan dem chiam thin chu chu ka thatho lai pawha ka tih thin a ni. Amaherawhchu chik taka ngaihtuah erawh a tul a ni.
Fate an kal sual tawh phei chuan nu leh pa thusawi hian awmzia a nei tawh lo tluk a ni a, mi dang inrawlh a tul thin…Pathian zarah fa sual rual ka la nei lo va ka enkawlna hnuaiah hian sual ta se, thuhriltu pakhat lo kalin min rawn dem bawng bawng se…ka rilru tur ka la hmu pha lo.
Post thahnemngaihna a tha ka ti thung sawiho chiam tlak a ni.
‘a tihngaihna reng kan hre lova I lam kan lo hawi mai a ni e’ tih hi mihring lam chan a ni fo thin.
[Report abuse]
October 30th, 2011 at 1:48 pm
A tha hle mai. Kan rohlu ber kan fate hi ‘Sapial tlat’ tir mai mai tur zawng an ni lo maw le. Post tupa ka thlawp hle mai.
[Report abuse]
October 31st, 2011 at 3:13 am
Chhiar a nuam hle mai
Hetiang tih ngamna atangin bul tan ta ang ila atha awm mang e!
https://www.cnn.com/video/?/video/crime/2011/10/30/vonat-police-chase-policeman.wltv#/video/crime/2011/10/30/vonat-police-chase-policeman.wltv
[Report abuse]
October 31st, 2011 at 4:34 pm
In comment chhiar a nuam e. Nu leh pa tak2 nih hi thil namai a lo ni hauh lo mai..
[Report abuse]