‘RAPTHLAK’ tih thumal hi a awmzia hawi lo lutuk taka kan hman chang hi ava tam ta em! “Vawiin kan piknik chu kan hlim rapthlak” “Kan kohhranah Harhna alo thlenga, kan hlim rapthlak” hetianga han sawi mai hi kan ching ta khawp mai.
Mizotawng thiam lem lo hnamdang unaute tawngkam chu nise ngaihthiam theih tak tur phei zawng ani. Mahse, hetianga sawitu hi Mizo dik tak kan ni fo mai si, ava zia lo em!
Rapthlak hmanna tur chu, Sairang Kurung lui a tu tih la hriat loh hmeichhe bawp chhar an ni ringawt mai angah te hian, a sawi chhawn lehnaah, “Ava rapthlak tak” ti ila a dik ang. Tuensang, Nagaland a kan awm laiin, kan thiannute unau chuan, “Zolungmuan, lo tlan rawh kan nghak reng che” tiin, an laizawnnu chu an au a.
Ani lah chuan, “Ngawi lawk rawh u, ka mawza kan ha lawk ange” an tih ta pek anih kha. Mawza hi hak chi ani lo a, a buna bun chi ani. Anni hi thiamawm tak an ni. Chutih lai thleng pawha Zoram la chuang chhuak miah lo an ni miau a. Chutiang ni lo, Mizoram khua leh tui dik tak, Mizo Nu Mizo Pa ngei maiin, pulpit tlang thleng thleng a mahni tawng kan hmang phelh ta phung mai hi chu ava ngaimawhawm tak em ti r’u.
‘Hla siamtu’ tihte pawh hi tawng dik ani thei lo, hla hi a phuah a phuah chi ani. Hnam dang tawng hman dik loh hlauh avangin kan kimki leh chuih chuih lawi si, mahni tawng hman dik loh hi zahthlakah ngaiin hman dik tum hram hram ila. Hnam dang unaute taawng hi chu eng tawng pawh nise hmang ding lo kan nih pawhin zah tur ani lo, hei hi hnam dang tawng thiam kan harsatna chhan lian tak niin ka hria.
Hnam dang tawng thiam hi a tul, thiam tur chuan ‘zak thei lo, ni loin. Zak lo thei nih a ngai’. Mahni pianpui tawng hmang lo a naupante’t atanga Zoram pawna awm kan ni anih pawhin, Mizo Tawng hmang dik turin tan ila ang u.
Similar Posts:
- Tute hi nge Mizo? Mizotawng hi enge?
- Mahni hnam tawng thiamloh a zahthlak
- Airtel Mizo customer care
- Ka Rilru A NaThin…
- Mizo leh Mizo tawng
hairehai
October 2nd, 2011 at 6:38 am
Chhiar zawh vek hnua kawment hi a in thla hrun awm loh rapthlak…
[Report abuse]
October 2nd, 2011 at 6:52 am
Hnam dang tawng hman dik loh hlauh avangin kan kimki leh chuih chuih lawi si,
Dik kher ve le
chu mai a la ni lo, a hmang dik lo deuh pawh kan la deu(h)/nuih ta lai a.
‘lutuk’ kan hmanna te pawh hi, kei ve pui pawh hian ka hmang dik lo fo mai.
[Report abuse]
October 2nd, 2011 at 6:52 am
Tlar hnung kil ber atangin ka ban ka rawn phar e…
I zawm tlang mawlh teh ang u… Kan bopil hma, kawng bumboh leh hling hmum kan thlen hma, kal ala awlsam lai hian. [ti deuh duah 
]
[Report abuse]
October 2nd, 2011 at 6:57 am
Post tha tak a ni. Mahni tawng hman dik loh hi thil zahthlak a nih rualin, mahni tawng ziah dik loh hi thil zahthlak tak a ni bawk. A post thupui i ziah dan atangin ka tui lo nghal tep alawm le..! ‘ani’ ni lovin ‘a ni’ tih tur a ni e. ‘ani’ a nih chuan pronoun + singular + 3rd person a ni daih thei….te han ti vel ila.
[Report abuse]
October 2nd, 2011 at 7:16 am
Tha lutuk.
[Report abuse]
October 2nd, 2011 at 7:18 am
rlchhana, sawi te hi a ninawm dawn mai thin. I tan lakna a lawmawm e.
Tuensang lammi, John Lusang Tikhir classmate ka nei thin. Ani kha chu a English a hmang sual ka ti dawn nge hmang ve tak chu a ni hrim2. Father nen an inhnial a, a hnial hneh si lova, “Father, i am Naga i will eat you raw,” ati mai asin.
Pheikhawk ilo ha ve ange aw
[Report abuse]
October 2nd, 2011 at 7:33 am
HaHaHa @ HV..”I will eat you Raw” ka duh lutuk
.
A ni dik rapthlak
Ni ngawt mai, Good Post
Mizoram ah hian kan Pi leh Pute hun atang a awm tawh Gorkhali nual a.In ti Mizo in, tawng thleng a pai miahlo pawh hi, an inchhung ah chuan an hnam tawng leh zia hi an paih duh miahlo nia. An tawng leh Culture hi an vawng tang tang mai a ni.
[Report abuse]
October 2nd, 2011 at 7:46 am
Lima(Tuensang district a an zirlai hruaitu thin) nen Chendang khua ke ngatin kan kal a.. Kan kal paha kan ti ti na a a thusawi, ‘Mizo te hi hnam hrang2 in awm a, mahse tawng chikhat in hmang vek tho sia, keini chu khaw hran hran ah a hnam bil te te in kan awm a, tawng hran kan nei hrang theuh a’ a tih kha ka hre chhuak.. Hmar, Paihte etc.. ten tawng bil an neih ka hrilh lo kha pawi em lo ang chu maw, hmar ka nia hmar tawng ka thiam tlat silo alawm…..
[Report abuse]
October 2nd, 2011 at 7:52 am
Hm, tawng chungchang ah hi chuan inhnialna hi a tam duh khawp mai… sawi tur tam tak a awm ang… post tha tak a ni e
Mahni tawng hmang dik turin hma la theuh ila….
[Report abuse]
October 2nd, 2011 at 7:58 am
Thu uar atan rapthlak kan hmang hi a dik lo chuang amaw’n le? A nuam rapthlak kan tih hian a nawm dan hi nuam mai mai a ni lo tih a hriat a!
‘Sweet Suffering’ tih te hi… a inhmeh lo a nia. Mahse an hmang ve tho si a. Shakespeare paw’n a lo hman fo kha maw…
[Report abuse]
October 2nd, 2011 at 8:03 am
Atha hle mai a..
[Report abuse]
October 2nd, 2011 at 8:04 am
Good post. A dik khawp mai. Kan tawng hi kan suasam nasa lutuk tawh a. Zirlaibu lamah te hian telh tam se ka duh khawp mai.
[Report abuse]
October 2nd, 2011 at 8:37 am
ava tha mai mai em
[Report abuse]
October 2nd, 2011 at 8:47 am
Mizo tawng hi sap tawng a ni lo tih kan fiah hun, kan chian chat hunah kan hmang dik thei ang. Sap tawng atanga engkim kan teh vek zel dawn a nih chuan vai tawngte hlei hlei hi a dik lovang.
Nia, mahni hnam tawng hman dik hi kan mawhphurhna a ni e.
[Report abuse]
October 2nd, 2011 at 8:56 am
[Report abuse]
October 2nd, 2011 at 8:57 am
Post tha Rapthlak tak a ni
Tunlai thangthar te hi chuan tarmit kan BUN a, mi hming te kan PHUAH tawh vel
[Report abuse]
October 2nd, 2011 at 9:15 am
Mizo tawng dik humhalhtu kan awm zel hi a lawmawm hle mai. Tang sauh sauh teh u. A veitu tan chuan a hahthlak lam a nih hi le.
[Report abuse]
October 2nd, 2011 at 9:16 am
Ka tui IN a hal a, ka mutTHILH a chhuak em mai, pindan CHUNGnung ah ka mu dawn
[Report abuse]
October 2nd, 2011 at 9:16 am
Ho ka ti, Ziah lam ah hian duhtui zawk ta i la, ti ti thu phung vel ah hi chuan aal iz vell ka ti mai.
[Report abuse]
October 2nd, 2011 at 9:44 am
A va tha Rapthlak em!!!.
[Report abuse]
October 2nd, 2011 at 9:51 am
Chakai nufa kal inzirtir kan va ang ve. A post thupui rawn dik lo nghal ngawt a. Ka chhiarchhuak tho va, a tha e.
A thupui khi Site Adm. te siam that tir teh a. A mawi chiah lo.
[Report abuse]
October 2nd, 2011 at 12:23 pm
Post tha khawp my. Tunlai TV show hrang hrangah leh puipunnaa Host-te pawh hi Mizo tawng hmang diklo an tam tawh lutuk. Buaina chi ani (ti tawp mai teh ang)
[Report abuse]
October 2nd, 2011 at 12:53 pm
Mawza ha lawk an tihin a hmangtute chenna lama an hman dan a nih chuan a dik lo kan ti ngawt thei bik dawn em ni ti pawn a ngaihtuah theih.
Chhim, hmar, chhak leh thlangah hian hman dan a lo inang lo khawp mai. Hmun thenkhatah sawhthing an cho thin a, thenkhat leh thung chuan ‘kan lai’ an ti thung.
Ka sawi ve mai mai a nia i sawi tum hi chu tha viau chuan ka hria.
[Report abuse]
October 2nd, 2011 at 12:56 pm
A tha hle mai. Kan thatchhe tawlh tawlh a, tawng kan uluk lo sawt hle. Mahse, hla siamtu tih hi Mizo tawng dik zawk a ni lo maw. Kan naupan lai atangin ka pi leh pute khan hla siamtu an ti tlat. Tin, kum lama upa deuh hian hla siamtu an ti deuh zel. Hei hi Mizo tawng hausakna a ni lo maw ka ti ve tlat. Lu kan met ang deuhah hian ka ngai mai
[Report abuse]
October 2nd, 2011 at 1:04 pm
Tha viau mai…mahse swynonym(ka sawisa em aw? mafaa thu a nia
) kan va nei tlem duh awm ve tiang te chuan………
OT lok teh ang………kwai leh jadoh luan na a ti emaw ni ta kha le………kha thil kha chu ngaihnom khop mai…………
[Report abuse]
October 2nd, 2011 at 2:36 pm
Mi(sual).com ti hlu tu te zing ami….awareness hi kan neih deuh2 a ngai reng ani.
[Report abuse]
October 2nd, 2011 at 3:06 pm
“Entrance exam ka pe” tih pawh hi a dik lo in ka hria. “Entrance exam ka ziak” tih zawk awm tak a ni. sap tawnga “to give a test” an tih vang maia pe lo tih ngawt hi a dik lo in ka hria.
[Report abuse]
October 2nd, 2011 at 3:22 pm
Tarmit vuah/bun(?) chungin ka chhiar chhuak dap mai.
#10 ‘Oxymoron’ hi a hun leh hmun taka hman chuan a mawi lutuk. Mahse a context pel rawk leh a awmzia ti bo zawng a hman erawh til awm thei a ni.
Nia, Mizotawng pawh hi a hmangtu kan thahnem tial tial mai si a. Internet leh sms language-te hian a pawlh nut mai loh nan standard writing lamah tan lak kan ngai. Misual dot comer-te hian hma kan la sawn zel dawn chiang e.
[Report abuse]
October 2nd, 2011 at 3:53 pm
@TS, #4. I sawi tha e. ‘a ni’ leh ‘ani’ kan thliarhrang tha duh miahlo hian mit a ti kham khawp mai.
A tlangpuiin mahni tawng hman dikloh aiin saptawng hman dikloh hi kan hlau fur zawkin ka hria.
[Report abuse]
October 2nd, 2011 at 5:00 pm
He yhil hi a that viau rual in………….a chin tawk hriat a tha khawp mai, sap/mizo tawng ka thiam vak lo ve2.
Mahse tawng tih tak ah a in thlah chhawn a danglam chho reng tur leh in siam chho reng tur a ni a, khaw hran2 in hman dan an nei theuh a nga chumi pawh leng lova mahni khua leh veng hman dan a kha dik ber ni a kan hriat a kha a dik ber kher lo thei.
Tawng tih hausak lam ai in a in tai te zawng in a kal daih theih bawk ka lo ti ve mai2.
Tunlai thalai/sms tawng kan tih ho a hi tawng thar emaw lo chhuahna tangkai tak pakhat a ni ve tlat in ka hria. Entirnan, rawlthar/tleirawl lai a kan lawm ber hlawm a chu ngaihzawng hi a ni lo thei lo, chumi vang chu a ni pakhat mai thei ngaihzawng ringawt sawina hi kan ngah em2. Rual u deuh te hun lai atang tawh khan ‘chhas’ tih te pawh hi a lo chhuak kha a ni a. mizo tawng a ni tho hetianga tunlai thalai te tawng dan duh lova tih vak hi tha ka ti lem lo.
[Report abuse]
October 2nd, 2011 at 5:02 pm
Tarmit vuah chungin thalai deuh te paw’n lehkha in chhiar thin.
‘MITBELH’ vuah rawtna kha a awm tawh a..! Kan hmang uar lem lo ni pawhin a lang.
In sawi takah chuan zahmawh pawh hi hmeichhia/mipa serh sawina a ni chuang hlei nem. Thu awihawm loh deuh leh in pelh deuh ti ti karah an lo sawi ve te khan, “het zahmawh lo sawi suh,” an ti fo mai.
Hmeichhia/mipa serh leh a kaih hnawih sawi ching kha chu “hram tlahawlh” an ti thin zawk em ? Chutiang mi chu damrei lo tur ah khan ngaihna an nei thin em kha?
[Report abuse]