‘Bandh Culture’ tih ka rawn Post leh, a hmalam a Benny nena kan conversation ah, Arunachal-in Kristian Chief Minister neihna chance kan neih that zia ka rawn sawi tawh thin a. boihapa hnenah pawh kan boruak a tan zia leh min lo tawngtaipui thin turin ka rawn ngen kha. Tunah chuan a takin kan hmu ta.
Arunachal Pradesh tun hmaa ‘Setana bill’ hrang tak hmanga Kristian tiak tirte an tihduhdah thinna ramah ngei hian Kristian Chief Minister kan nei ta rup mai. Vawiin khan Nabam Tuki Nyishi mi chu Arunachal Chief Minister ni tura thu tiam tir a ni ta e.
Arunachal-a Chief minister te zinga hmingtha ber leh mipui pawmtlan ber Dorjee Khandu Buddhist mi Halicopter a a han chetsual khan, Nabam Tuki hi Congress Party President nilai a nih avangin Chief Minister thar ni ngei tura ngaih a ni a.
Nyishi rilru tluang tha tak anih angin a theina zawng zawngin Dorjee Khandu-a ruang zawn leh Funeral vel kha a buaipui a ni. Chutih laiin Gallo pafing tak mai Jarbom Gamlin chuan a lo Campaign ru char char a ni awm e. Mahse “Kan va tih luatah Lengin ka zir sual e” tih ang deuhvin, Times Of India Correspondent Pradeep Thakur chuan, “Nyishi ho hi hnamdangin an ngaina lo” tih a lo chhuah a.
(Hei hi Gamlina te pafa tihtir anih ngei rin a ni) Tichuan mak takin Gamlin-a chu a rawn CM ta nawlh mai a. Mahse Nyishi rilru tluang tak Foul Play a awm erawh chuan Phuba lak tum ngei ngei chi ho chuan, nawr tlak an tum ve ta thung a. Tin, Gamlina hi Khandu-a CM lai khan Home Minister ani a, Nyishi ho hian an hminghlui ‘DAFFLA’ (an mithahte bung hniha tanbung thin tihna) chu duh lovin Nyshi (Zotlang sanga cheng) ti a thlak an duh kha a bawhzui duh miah lova, Adi an phel khan Gallong tih kha Gallo tiin thlak an duh a, chu chu awlsam tein a lo thlak tir then bawk si a, Home Minister atang khan an lo nawr thla tawh a ni.
Nyishi ho hian Chief Minister post hi an la chelh ngai miah lova, amaherawhchu, MLA ngah ber, Hnam huai ber leh Khawpui thut annih tlat avang hian, Nyishi ho duh loh chu an CM thei lova, an duhzawngmi hi an CM mai thin a ni. Tun tumah pawh hian, Gamlina hian a fin leh theihna zawng zawng a hmang na a, Nyishi hovin an nawrna tial tial a, Nyishi ho pawh nawr phel angin a lang hman hial a, anmahni leh anmahni(Tukia tan pawl leh Gamlina tan pawl)an in tualvuak hman tep a ni.
Tun tumah hian Sonia Gandhi hian Gamlina hi thlak lo ta ngat sela chuan, Arunachal hi a phel hial a hlauhawm a, Capital Complex-ah hian Gallo ho an awm ngam hauh lovang. Chu boruak inmung chu hlauthawng takin kan lo thlir dep dep a ni.
Thil pahnih khelh ruk ka nei a, chu chu, “Arunachal-ah hian Kristian Chief Minister an awm tur a n”i tih leh, “Arunachal hian MBSE ang khi Arunachal Board of School Education hi kan la nei ngei tur a ni” tih hi. Pakhat chu Pathianin a tihlawhtling ta phawt mai a, APBSE pawh hi min la neih tir nge ang tih hi ka ring tlat a ni.
Tuna Central Board an zawm hi a tha tho na a, Hindu ho Sikul ho nena kan intlansiakna kawngah Chance a tha hlei lutuk a, Anni chu CBSE a in affiliate sa ang anni a, keini tan erawh Pialtlepa liluh tum ang deuhthawin a har.
Chuvangin APBSE din hi Kan lehpelh theihna awmchhun niin ka hria a, Pathian pawhin min hriatpui a, min Approved sak chuan, Arunachal Pradesh Board Of School Education (APBSE) pawh kan la nei ngei ang. Lalpa tan hian thil Ropui tak tih tum ila, Lalpa hian thil ropui tak min tih sak hi ring tlat bawk ila, Lalpa tan thil theihloh tak tak a lo awm lo ve.
Similar Posts:
- Thlalak hlui tlem..
- Bandh Culture (Fimkhur a ngai e)
- Adi leh Nyishi
- Anni leh Keini/Nangni leh Keini (Sunday Pual)
- Chief Minister hi maw???
chemtat... (129)
Asteric (112)
H.Vangc... (108)
TuaiSialA (97)
PKfanai (73)
lrpa (68)
ReMpY_S... (63)
Sãñgp... (61)
Dr Mahm... (59)
funny (51)
November 2nd, 2011 at 9:02 am
Report this comment
November 2nd, 2011 at 9:06 am
lawmpuiawm hle mai, in thilduh pawh inhmuh ngei theihnan kalo tawngtaipui a che u
Report this comment
November 2nd, 2011 at 9:09 am
A tha dawn e.
Report this comment
November 2nd, 2011 at 9:31 am
A lawmawm khawp mai. Secular ram anih hre rengin sakhaw intluk tlanna nena rorel a thiam beisei phawt ang u. A state ah sakhaw dang bia an tam si a.
Report this comment
November 2nd, 2011 at 9:48 am
kan hriat tlan mai maiah: Arunachal ang sakhaw hrang hrang bia tamna hmunah hi chuan, CM te thlek lam hi a pawimawh khawp mai. Gegong Apang kha Donyi Polo(Hnam sakhua) betu ruh lutuk a nia. Dorjee Khandu kha Buddhist ruh tak ani bawk a. Jarbom Gamlin hi Donyi Polo zuitu ruh tak kristianna dodal thin nia ngaih a ni. A han Lal chiah pawh khan kristian ho chuan “Engtin tak awm ang i maw?” an ti ru deuh a. Mahse a zia lang hman lovin Nyishi hovin an nawr buai a. Buaina siamtute kha kan kohhran mi deuh vek anni mai si a, chanchinbuah pawh “A kristian lo” tih leh Arunachal Christian Forum(AFC) leh Nyishi Baptist Church Council (NBCC) ten hma la rawh se tih te an chhuah chuai chuai hman a ni. Tuki a chuan Sakhaw dang chu a zah thiam khawp ang. Diwali ah pawh Congress chief anih nain Greeting a pek ngei kha.
Report this comment
November 2nd, 2011 at 10:08 am
engkim tan hun ruat a awm, phun hun a awm a, phoi hun a awm, sengkhawm hun a awm a, tihdarh hun a awm, fingtak leh thiam tak in eng sakhua mah hi India ram ah hian hniam bik leh diklo bik tih dan in a nei lo a, chu mi hre reng chung-a Chriatian te tan rul anga fing, thuro anga nun nem a hmalak hun a ni mai ang a…a lawm awm e!
Report this comment
November 2nd, 2011 at 10:12 am
Mahni rinna ah i chiang zawk ang u, Kristian anih vang nilovin, he pa hi Arunachal ram hruaitu rinawm taka niturin i lawmpui theuh ang u.
Report this comment
November 2nd, 2011 at 10:15 am
Pk ka thinlung takin ka lawmpui a che.
Report this comment
November 2nd, 2011 at 10:42 am
a va ropui em
Report this comment
November 2nd, 2011 at 10:56 am
Arunachal ram kristian zawng zawng leh thawktute zawng zawng ka lawmpui che u. Setana bill duh lova Mizoramah pawh kawng kan lo zawh ve hial lai nen kha chuan a boruak a dang ta hle mai
Report this comment
November 2nd, 2011 at 11:08 am
In lawmpui awm e. Pathianin in tawngtaina a chhang a ni ngei ang. God bless Arunachal Pradesh…
Report this comment
November 2nd, 2011 at 11:10 am
Ka lawmpui e
Report this comment
November 2nd, 2011 at 11:13 am
A va lawmawm ve, tluang taka a sorkar a kal theih nan duhsakna ka hlan e.
He post hi chanchin lawmawm leh bengvarthlak tak a nih hi.
Post-tupa pawhin a rawngbawlnaah a chhawr tangkai ngei ka duhsak e.
tren tren.
Report this comment
November 2nd, 2011 at 11:15 am
Fergie pawh a rawn lang ve ta.
Ka lawmpui a che u.
Ka lawm e
I tan
Lr
Report this comment
November 2nd, 2011 at 11:29 am
Thil lawmawm lam a ni ang em aw?? Roman Empire hun lai khan kristian te kha Rom lal nunrawng tak tak hnuaih nekchep leh tihduhdah ni mahse an fei fat mai a…Charlemgne rawn chhuah hnu a Kristian state sakhua a puan a nih atang khan kristianna kha a dal ta tial tial ni hian ka lo hre ve thin,:history zir ve nual:
Report this comment
November 2nd, 2011 at 11:41 am
Jacka pi, ani khawp mai, Constantine-a hunlai ang khan kristian chu kan zalenin kan pung deuh hluai ngei ang. (Rilru neutral tak tak an tam si a). Quantity pawh hi a thatna a awm ve tho a lawm maw le. Arunachal for Christ ti zel ang aw.
Report this comment
November 2nd, 2011 at 12:05 pm
A lawmawm ve hranpa reng reng e.
A tir atanga sakhaw dang bia CM la nei miah lo (ka chiang leh lo) pawh engruai kan nih si loh hi maw!
Report this comment
November 2nd, 2011 at 12:07 pm
Ava lawmawm ve le…. taka, post tupa hi missionary i lo ni reng a ni maw……. tunah chuan ka tawngtai naah i hming ka lam tel zel tawh ang e….
Report this comment
November 2nd, 2011 at 12:16 pm
@bucko, ka lawm lutuk e. Midangte tana tawngtaina(intercessory prayer) in thil a tihtheih zia hi a tak ngeia hmutu ka ni bawk a, ka ngaihlu satliah lo khawp mai.
Report this comment
November 2nd, 2011 at 12:19 pm
Pakak post-a ka comment theih loh aiah hetah ka comment ang.
A va tha ve aw.. Nu leh pa zawng zawngte’n chhiar ula, hre teh u. Nu leh pa la ni lote paw’n in fa neih hunah a pawimawh dawn tih hriain save hmak ula, nitin chhiar fo teh u.
No. 7 a kim lo va, hei hi no. 7 atan aw..!
Ka kete hi a chak tawk lo va, i kal chen ka kal thei lo thin. Chuvangin i kal peih lohna apiangah mi tir fo teh suh.
Report this comment
November 2nd, 2011 at 12:30 pm
An pu ber kristian anih chuan kristian state an nih toh mai chu a, missionary poh tirh a ngai toh lo ang chu mo!!!. Taka kan CM ang hian a PUJA ve a ngem le te ka ti mai mai. lo secular over bon viau mai anga
Report this comment
November 2nd, 2011 at 12:49 pm
21. An awmdanin a zir bawk a, Arunachal Politician ho hi chu an zau halh mai. Kristian, Hindu, Donyi Polo leh Buddhists hi inzat tawk takin kan awm a, a malkhaiah chuan, kristian chu kan tam ber tawh ka ring. Tin, Hindu ho 90% vel hi chu vai an ni. Vai hi an tam ve hrim hrim a.
Report this comment
November 2nd, 2011 at 1:17 pm
A va han lawmawm em….east lam atangin engmah pawh ka lo hre ve lem lova, kan Finance Minister hmasa Setong Sena kha kan lo chhuang ru ve khawp a,tunah cm meuh kan ringtu pui a han ni chu Setonga te pawh an huai ve thei deuh ngei ang chu mawle….kamlunga te pawh hi pa tha tak chu a niin ka hria..akawm anuam khawp mai..Lalpan awmpui zel rawh se.
Report this comment
November 2nd, 2011 at 2:22 pm
A va lawmawm ve o..
Report this comment
November 2nd, 2011 at 2:59 pm
“A lawmawm e” tih mai loh chu han comment vak ngaihna ka hre lo tlat.
Report this comment
November 2nd, 2011 at 3:27 pm
E khai thlararu lam atang chuan lung a chhe rum rum mai ka ti. Kan CM thar hi ka lawmpuiin Pathianin hruai zel sela, malsawm rawh se.
Forest & enviroment, Power minister ni mek Setong Sena pawh hi a in sawhngheh zel beisei ila, kristian tha leh ngaihsanawm a ni bawk e.
MLA thlan zawh hlima kristian MLA te Arunachal Christian Forum in an pual prog an hman tuma tuna CM ni ta Nabum Tuki thusawi ka la hriat reng chu, ‘Pathianin nangni (kristiante) veng turin min ruat anih hi, zam suh u, theihtawp kan chhuah ang’ a tih kha chunglam hian hriatnawn tir fo se kan va ti ve.
Report this comment
November 2nd, 2011 at 3:33 pm
Report this comment
November 2nd, 2011 at 3:38 pm
A lawmawm dang dai hle mai kawng leh lam atanga thlir chuan…
A nupui hi Mizoram lama ‘Buhfai tham’ zir turin lo tir chho ve teh u a.
Report this comment
November 2nd, 2011 at 3:54 pm
Hun a kal zel a, thil te chu a inthlak thin. A lawmawm hle mai (ti ve ngawt)
Buddhist CM ai hian a sual mai angah hairehai
Report this comment
November 2nd, 2011 at 4:19 pm
29.Hv, Awl zate a ni. Buddhist CM kha, MLA pakhat, Khrimey buddhist monk ni bawk khan a dawm kangin a kaihruai/guide tlat mai a. Ke a chhep sual lo ang reng viau a ni. Pu Tuki pawh hi guide tu tha deuh chu a mamawh khawp ang.
Report this comment
November 2nd, 2011 at 5:57 pm
AP a Kristian te tan a thlamuanthlak deuh tawh ang chu. An ram than theih nan, ke nasa takin a pen ka duhsak e.
Report this comment
November 2nd, 2011 at 5:58 pm
Dik taka ro a rel theih nan togtaipui ag u.
Report this comment
November 2nd, 2011 at 8:35 pm
Arunachal Pradesh hi lo thang deuh deuh se la. Zofate nen hian i in suih zawm deuh deuh ang u. Chhungkhat kual, chhul khat hrin tih hla te pawh hi kan sak rual dual dual theih hun kan thlir reng ania
Report this comment
November 2nd, 2011 at 8:43 pm
Hindu/Buddhist CM neih ai chuan ngaih a tha deuh alawm. Ti ila, Mizoram, Christian CM thiau awmna pawh eng chu a ni lem hlei lova.
Ringtu awm ho te tan hlawkna awm ngei turah ngai ang.
Report this comment
November 3rd, 2011 at 1:14 am
“Thil pahnih khelh ruk ka nei a…”
PKfanai chu Arunachal-ah chuan thil i tih theih hmel hle mai… ‘duhthusam’ emaw ‘beisei’ pawh ni lo ‘khelh ruk’ ngat
Report this comment
November 3rd, 2011 at 1:41 am
Mizoram paw’n Kristian hlang hlak hruaitu kan nei a, heti hi kan ni lek mai a!! Arunachal Kristian CM chu Kristian diktak anih ring phawt ang.
Report this comment
November 3rd, 2011 at 6:55 am
A ropuiin a lawmawm hle mai. Lalpan hruaiin veng zel rawh se. Kumin krismas-ah hian arsi intar a tam sawt turah beisei teh ang.
Report this comment
November 3rd, 2011 at 9:22 am
Min duhsak tu te zawng zawng chungah Lawmthu ka sawi e. Fergie pawh a lo lang nawlh a, a lawmawm zual. @megapixel, Rul anga finga awm a, thuro anga pawi khawìh lo a, awm a ngai a, fimkhur thiam a ngai khawp mai. NBCC Gen. secy te, Congress Party Gen.secy adt. hian kan hostelah an fate an dah a, idea chu a share theih ve khawp mai. Nabam Tuki a tunu(a fapa fa) pawh kan kawl. Nyishi hi hnam backward tak an nia, hnamdang ho a bikin Gallo leh Adi ho fin hi la chelhlo tak an ni. Catholic Father fing tak tak ho pawh behind the scene ah an awm ngei ang. Mahse hriatchhuah/hai lan ni ta se, a pawi thei ang. Key person te hnena Idea share hi a ni mai kan tih theih tawk chu.
Report this comment