A ni lah tak a.. ka nick a han mention te hian a “bawih (Boih ti zawk teh ang 
)” lo thei em em mai lehnghal a. It ngawih ngawih vanga pawngsual pawh ni lo hian, kalpah leh phur chang chang hian a pawngsual roh thin a.
A chang leh “Chema”, a duh leh ” tata”, a duh hunah ” rawta”, a phur thut leh “trawta”, a duhdah tawh laklawh phei chuan “chhetatrawt” …a tharlam berah chuan “Foxtrot”… Amah lah hi a tawngthei sabawp chan pawh paikawng khat thur khawl tawh kha ania, ka ngam der mai si lova; phuba lak nan Asteric hi ka vel mai dawn emaw ni?? 
Lehlamah chuan, a va han ngaihtuah chhuak thiamin, hmangchang a va hre em chu ka ti viau thung lawi si. Chemtatrawta han tih teh duah ai chuan tawi fel et maia a han sawi hi chu tunlai khawvel hmanhmawh lutuk, nui vak vak tur pawha “LOL” kan tih puat tawhna khawvela cheng kan nih avangin a inhmeh viau thung lawi si.
Han thlir zau leh deuh ta ila, kan hnamzia ve reng reng nge mawni tih theih tur hian sap hming te pawh kan lamtawi a, chutiang zelin kan ti ‘mizo’ chhunzawm zel ta thung lawi a. Benjamin-a te pawh Bena kan ti mai a, Andrew pawh Dru-a kan ti leh mai a; Linda pawh Da-i; Christopher pawh Chris-a, to-a te kan ti a, khaii…han sawi dawn chuan a tam lutuk tlat.
Chuti chuan hnamdang tawng pawh kan lo “mizo-ised” vek ta mai a, thenkhatin tawng tihbawrhbanna chikhata an ngaih laiin tawng kan tihausa zawk ni hian ka hre fo. Hnamdang tawng kan sengluh tam poh leh kan tawng a hausain, kan tawng kan “international-ised” ni mai hian ka hria. Tha ve tak chu a ni.
Engtik maha vai tawng leh sap tawng thiam lo hulhual tur mi tam tak hian hetianga hnamdang tawng kan “mizo-ised” tak avang hian Awze tawng pawh mahni tawng angin awlsam takin kan hmang mai a. A remchang fu a ni.
Chutih lai chuan a sipel te pawh hi “Mizo-ised” vek thei ila duhthusam a niin ka hria, kan tawnga kan senglut dawn anih chuan. Pencil pawh pensil, carrom board pawh krawm bawt, adt.
English te hi en ila, a tawng origin hi chu Latin, Old French, Sanskrit tih vel anih nawk hi maw. Mizo tawng pawh hi kan tih hausak ve hi a tul takzet a ni.
Tawng hi hnam inpumkhatna atana rahbi pawimawh ber anih avangin kan Zohnahthlak puite tawng pawh hi a tam thei ang ber hi seng lut zung zung ila, inpumkhatna chu a zung atangin kan inmanchhohtir dawn a lo ni. Thanglian tur kan nih angin Mizo tawng pawh hi a thanlen hi i phal ve ang u.
Similar Posts:
- Good or Bad
- Mahni tawng hman dik loh hi thil zahthlak ani
- Inkawm khawm naah!
- Zawhna ?
- Rualawh a na leh thin!
January 6th, 2012 at 7:04 pm
Hmun awl ka lo luahkhatve ange.
January 6th, 2012 at 7:07 pm
Laldailova pawh DAIA hi2 😀
January 6th, 2012 at 7:09 pm
hmmmmmmmmmm…. 😀
sinatea hi a
January 6th, 2012 at 7:10 pm
saptawng te hi inglis ti mai ila
January 6th, 2012 at 7:11 pm
Chemtatrawta pawh Syama Hmar a ni daih lolz
January 6th, 2012 at 7:20 pm
Ka pawm loh post a ni ve tlat!
January 6th, 2012 at 7:26 pm
Ngaihdan neih a thiang e..
January 6th, 2012 at 7:27 pm
Tatrawt tih hi i inhmeh ber in ka hria. 😛
January 6th, 2012 at 7:28 pm
TS pawm suh kuah rawh hi2
January 6th, 2012 at 7:28 pm
Ka ngaihdan chu nakin deuhvah ka la rawn sawi ang. Hmanah post-ah ka siam tawh. I ngaihdanah chuan ‘post’ pawh ‘paws’ a nia. Hei tk hi ania ka pawm theih loh ni! Post tha tak a nihna erawh a bo chuang lo.
January 6th, 2012 at 7:33 pm
Dualova pawh Duaia, Nghinglova pawh Nghinga..:-P
Khai le, Mizo tawng han pawngsual tak tak ila.. (post thupui zuiin)..:-D
January 6th, 2012 at 7:33 pm
Hahah..a lo nih chu. I tihtauh laiin Chemtathmawna i nia, i hmanhmawh deuh chuan Chemtatpuata, gay deuh phei chuan Chemtatzâwrha 😀
indonesia te, malaysia lam te hian english anmahni trawnga sengluh chu an uar khawp mai, a rik angin a spellling pawh an ziak danglam mai a. Han tih ve tak2 dawn chuan nuihzat ah a kal deuh, entirnan khawrekshawn, dizastar. Maneichmen ehh!
January 6th, 2012 at 7:34 pm
Duailova pawh Duaia, Nghinglova pawh Nghinga..:-P
Khai le, Mizo tawng pawngsual tak tak ang aw.. (post thupui zuiin)..:-D
January 6th, 2012 at 7:34 pm
Ts, post tih hi paws ti lovin thuchhuah ti ila i pawm zawng ani angem? 😛
January 6th, 2012 at 7:38 pm
A sipel tih danglam vek hi ka sawimawi tihna lam ni lovin hnamdang tawng kan senglut hi tha ka ti e. Vairama chini, alu, tomato, adt awlsam taka kan sawi zung zung thei pawh a hlu alawm.
January 6th, 2012 at 7:43 pm
Facebook a hnam hming modify nalh lo (fail!) chiang te;
Callhreeng
qholhring
Etlar ( e tlar ?!)
plus nick a suffix ‘zie’ dah ho ka huat thin zia kha e.g remziee (fail, again)
January 6th, 2012 at 7:45 pm
Post tha leh pangngai, comment tir lamah hi chuan OT em em nghal ringawt lo teh ang u.
January 6th, 2012 at 7:47 pm
16,thumbs up.. Vawiina ka hmuh thar pakhat kha thing mai mai..
Etoz..ahma chuan zote ni thin..hairehai.. A awmsa khawih danglam kual hi a tul lo ber mai awm e..
January 6th, 2012 at 7:47 pm
Vai samtawk a awm a, sap samtawk te hi nei leh ila. 😀
January 6th, 2012 at 7:49 pm
Tawng tih hausak tìh lamah chuan, a tha ka ti a. Mahse, heng “post” aiah “paws”, “log out” aiah “lawkaut”, “special” aiah “sipisial” adt. han tih mai ang chi hian tawng a ti hausa lem lo. A danglamna a awm lo, kan ziak mizo mai zawk a ni. Awmze bo chuang si lova, mizotawng tluangtlama dah theih an nih erawh chuan a tha.
“Hmeichhia” tih aiah “Minu” tih ang te -:P
January 6th, 2012 at 7:51 pm
Tawng tih hausak hi chu ka sapawt khawp mai kei pawh, mahse mizo tawnga kan lo neih ve reng sa hi chu hnam dang tawng hi hmang kual vel lo thin ila 🙂
Rempy hi in chuh chak ee, ka tel ve duh a nia..haire nghe
January 6th, 2012 at 7:51 pm
Comment ka edit hnu ah a diklo nen a lo lut rual vel a ni maw..:-O
Rempy.. Ka thlawp che. Kei phei chu ka hming hi khawiah pawh ka hmang a, a tha nge tha lo chu ka hre lo a. Misual.com a ka in register tirh phei chuan Pu Hv-a’n a hairehai vel.. 😛
January 6th, 2012 at 7:52 pm
tha ka ti lo . tawng ral na hmawr ni in ka hria . Sermon leh thu ziak leh tawngka lam a , Mizo tawng a sawi theih reng tawng dang a sawi ching hi mi tam zawk in ngaihthlak nuam kan ti lo .Mizo tawng ang mai a kan hman kan hriat thiam tlan mai chi hi chu a awm sa teuh mai .a awm belh zel tho ang . thahnem lo ngaih vak na tur ah ka ngai lem lo .
January 6th, 2012 at 7:54 pm
Rempy hi in inchuh anih pawhin a zahawmna hi chu humsak hram hram rawh u aw, Naute u. (U)
January 6th, 2012 at 7:56 pm
keichu Ruby ka star 😀 (U)
January 6th, 2012 at 7:59 pm
Hlonchhing, hmeichhia aia minu hman hi chu ka sapawt loh khawp, mahse patil tih aia hman atan ka sapawt.
Maya, kan Mizo tawng hi tunlai mamawhna nena kan update ve zeuh zeuh chu a tul em aw? Mizo tawng hian a daihloh chin tam tak a awm tlat…
January 6th, 2012 at 7:59 pm
Kei chu tawng tih ralna ni in ka hre ve hauhlo mai. Mizotawng a kan neihloh miau chuan tawng dang pawh nise mizotawng a sengluh mai tha ka ti tlat.
January 6th, 2012 at 8:01 pm
Kei chu Maggie ka star (W)
January 6th, 2012 at 8:03 pm
taka Hmeichhia tih aia MINU tia thlak phet tum hi ka ning ania ! Blore ah khuan a awm ngei ah 😀 a hming chu sawi lo teh ang 😛 MINU a ti ve ziah leh nghal a! (*)
January 6th, 2012 at 8:03 pm
English te hi han en vang vang ila. Old English atanga an lakchhawn chu tlem tak a ni. An ram ropuina chu thuhran, an tawng sengluh avang hian ani lawng maw English hman hi tumah hian an hreh loh tlat te hi..ka ti ve mai mai…
January 6th, 2012 at 8:06 pm
A hnuaia link-a post-ah khuan ka ngaihdan chu ka ziak tawh a. Pawlitik tih ai chuan politics tih hi ka la duh zawk em em a ni. Saptawng thumal, kan tawng anga a rik dan ang anga ziah hi tawng tihhausakna a niin ka hre tlat lo mai.
http://www.misual.com/2010/09/11/mizo-tawng-chungchang-bawk/
January 6th, 2012 at 8:08 pm
Hmeichhia tih aiah minu ti a thlak ka la support tluang zel e..
January 6th, 2012 at 8:10 pm
Soberboy, minu spearhead-tu kha chu a awm tawh lo zawk lo maw? Mizoram lama awm ta hi a ni em? 😉 . Kha minu ti tlat kha kan kohhran ami mawle, keipawhin ka ngaihsan loh phah vek, mithiam a ni nain.(Hmanzana kohhran line a min rawn hnialtute lo chhiar ngei atan khan)
January 6th, 2012 at 8:14 pm
Lr hlonchhing, engnge ‘hmeichhia’ tih aia ‘minu’ tih hi enge i duh chhan? Minu tih hi chuan awmze hran a nei lo maw? Ngun deuh zawkin han ngaihtuah teh.
January 6th, 2012 at 8:14 pm
Ehem, ka hming bulah star a awm ve nia. Ka comment tam vak lovin ka hria a, 1000 ka lo comment kai ve tawh reng a ni ang e. Nuam ve mai mai e..(intithei) 😛
January 6th, 2012 at 8:18 pm
A tha lutuk alawm..mahse kei ka ngaih pawimawh hmasak zawk chu kan tawng awm sa leh kan neihchhun te hi duat mangkheng hian I humhalh in I inzirtir uar sauh2 ang u,tih hi. A bik takin ziah hi kan thiamlo hle ta mai. Kei tiam in.
January 6th, 2012 at 8:19 pm
Tatrawt khutah ala awm ker e Kohhran dang dintu zingah a bul tum tu a ni hial an ti 😀 MINU a ti deuh kher zel mawle ka awm tantirh khan mak ka ti thei ltk ka la naupang chhia sia hi2
January 6th, 2012 at 8:20 pm
@chemte, Tawngkam tih hausakna lam kan sawi bawk si a, support tih aia sapawt tih ai chuan a hausak phah zawk ta ve ang. A dang pawh a tam mai, tih tur ka nei tlat. Out lawk te’ng.
January 6th, 2012 at 8:24 pm
Tuaite, i ngaihdan pawh hi a dik viau. I post hi ka lo la hmu lo pawh a ni maithei a, tah hian kan chhang mai ang che.
Vaiho hian bus depot hi a lam dan dik tak hian vai pitar bâl ve tê tê pawh hian “baas dipaw” hi an ti dik talh zel mai a. A va mak reuh e tia ka han chik deuh chuan Hindi khan “बस डिपो bas dipaw” ti hian an ziak a, chuvanga lam dik chu niin. Hnamdang tawng an sengluh hmang khan an tawng sengluhnate kha be dawn ta se “bas dipawt” ti ta truk se, an bo khawp ang. Chuvangin a lamdan dik an hriat theih nana anmahni tawng zulzuia an lo rem pawh kha a remchâng viau a ni. Tawng hi a ziak dan ai hian a ri chhuak hi a pawimawh zawk si a. Ziak dik mah ila, a richhuak a dikloh avanga communication gap awm thei kha a felhlel deuhin a hriat a ni.
January 6th, 2012 at 8:28 pm
Soberboy, a meizanghlaptu zawk i hre lo a ni maw? 😉 . Minu an tih fo avang hian Patil ho sawi nan hian Minu hi hmang daih ila tha ka ti a ni, zahmawh sawi tel ziah ai chuan zia tak tur hi ania..:-)
January 6th, 2012 at 8:29 pm
haha a meizanghlaptu dang 2 chu ka la hria hi2! nia i rawtna hi tha phian PATIL hi MINU ni zawk se ka SAPAWT e 😀
January 6th, 2012 at 8:35 pm
Sawbarbawih, MINU term rawn coin chhuaktu te ngaihdan chu a ni vak lo maithei a, tuai tih lam a awlsam em em lai hian Patil han tih lawng hi upa lam tan a harsat deuh avang hian MINU han ti ila, pulpit tlanga sawichhuah ngam khawpa thianghlim leh felfai a ni ngei ang chu. 😀
January 6th, 2012 at 8:37 pm
Tomato pawh Bawkbawnthur ti tawh zawk ang u tih lai a,Linda tih vel Mizo tawnga lo seng luh tum te chu a..!! Hawiher tih zauh luat tumah hian kan tawng hi kan suat chiam thei zawk ania :-S
January 6th, 2012 at 8:37 pm
pulpit tlanga sawichhuah ngam khawpa thianghlim leh felfai a ni ngei ang chu a va HIT e haha ka LIKE tuar tuar lutuk haha
January 6th, 2012 at 8:41 pm
Helai hi a awl a nih hiíi…
January 6th, 2012 at 8:43 pm
:-O helai pawh. :-O
January 6th, 2012 at 8:43 pm
Tih hausak chu tha ka ti, ti hausa tur erawh chuan ka hmeichhe thi hul thak.
Para tawp ber khi tha ka ti. Chhimlam ah ringawt pawh sawn hmarlam a kan hman ngailoh tawngkam mawi leh tha tak tak a tam mai.entir nan, ni te pasal ‘ka Tang(trang)’ an ti te hi.adt.
“Van Thengreng” tih hi a mawi ka ti.(Chherchawp a nih kan ring ngawt a)
January 6th, 2012 at 8:47 pm
beethugs, belh leh paih ang deuh hi a ni mai alawm. Kan tawnga kan neih loh kan lakluh belh khan a awmsa a eiral dawn hleinem. Computer te pawh khawl thluaknei, pen/pencil pawh ziakfung…a tha viau, mahse a awmzia tak tak phawkchhuak pha si lova kan tawnga kan dah nil nial ai chuan, a awmzia dik tak phawkchhuak pha tur leh hnamdang nen pawha kan indawr a awlsamna tur zawka tawng dang kan sengluh hi a pawi lo zawk em aw??
January 6th, 2012 at 8:58 pm
Kan tawngin a awmzia a sawi fiah zawh loh thumal te chu la lut zung zung ila a tha, amaherawhchu kan tawnga kan neih ve reng tawng hausak duh vanga tawng dang lak luh erawh tul ka ti lem lo. Kan ziah danah erawh english atang a kan lak luh a nih chuan tih danglam loh a fuh zawk ka ring. A chhan chu kan hawrawp hman a inang a, an ziah dan pangngai khan a nihna a phawk chhuak tha hle zawk ang. Amaherawhchu, kan hawrawp ang nilo hmang hindi, chinese adt a nih chuan kan hawrawp a thlak ngei chu a ngai ang. (duah mai a 😛 )
tren tren.
January 6th, 2012 at 9:00 pm
Rempy chu lar fu ni…
Tawng hi chu duhlo pawh ni ila a thangin a danglam chho reng tho mai. Hnam dang tawng pawh kan seng luh belh zel lo thei lo. Tawng tih hausakna kawngah chuan thuziak mite an pawimawh khawp mai, mahse Sap tawng kan lo hman than tawh han tih Mizo that leh vel hi a lang khawr tut duh khawp mai… Bakah Mizo tawnga kan ziak/sawi a nih rau rau chuan, kan tawnga awm reng sia hnam dang tawng han hman vel hi tawng boralna lampui a ni….
January 6th, 2012 at 9:01 pm
Amen.
January 6th, 2012 at 9:05 pm
Kan tawng hi kan tihhausak a ngai e. Tawng thar kan chher a ngai. Post-tuin a rik dan ang anga ziah mai a rawt ho khi, a Mizo tawnga kan nei lo a nih chuan chher thar kan tum zawk tur a ni.
January 6th, 2012 at 9:06 pm
Lo in pawngsual su. Eng thubuai mah ka chhui peih rih lo. Christmas chawlhin min la hmet chau. Kumin chu ram pawnah la then kumtluan chu a la ngai rih sia ka va han peih tawh lo chiang
January 6th, 2012 at 9:06 pm
Tawng tih hauhsak chu tha kan ti vek a, kan duh veka, a kaida(hei pawh hnamdang tawng)erawh kan zam chhuak fuh theilo a nih hmel, helam post hi a tam tawh viau.A thar chher chhuah lam chu dahtha ta ila,Hnamdang tawng viz: English, Hindi angte kan tawnga a tlukpui awmsa/neihsa te hi han hmang tlangnelin han ngaina em em phawt mai ila a that ve ka ring deuh roh.
Eg : Telephone-Biakhlatna, Computer-Khawlthluaknei….Iau, va mak he hu si ve…
January 6th, 2012 at 9:07 pm
Bakcheh liani hi aw. Ka meihawl rawh kha a lo hria a.
January 6th, 2012 at 9:13 pm
Ehe a lo thleng ta!!
January 6th, 2012 at 9:16 pm
Hmeichhe pawngsual nih chu a zahthlak roh e
Tawng tihhausak hi chu ka thlawp tlat, mahse posttupa sawi ang a lamdan anga ziak erawh tha ka ti lo thung. Mizo tawnga kan nei lo a nih chuan phuah mai emaw a tawngbul (english emaw) spelling ang chiah khan awm se a tha zawk anga min tiluhai lo zawk ang.
January 6th, 2012 at 9:18 pm
Kan society leh kan tawng hi kan close tlat a, thil thar zir tum lova, keimahnia kan intereka, khawvel kan dai zau loh chuan kan tawng hi a outdated tulh tulh hi hlauhawm ve tak a ni. Khawl thluaknei va tih deuh duah ai chuan computer tih thlang vek in nih hi ka ring tlat.
January 6th, 2012 at 9:21 pm
Tawng chauh niloin mahni pawh hi Hausa bawk ila…eh.
January 6th, 2012 at 9:40 pm
Ni e
January 6th, 2012 at 9:51 pm
Muantea@57 ka thlawp e. Tawng tih hausak a tha, mahse, thil thenkhat Mizo tawnga dah rem thlawt lo a awm ve a. Computer te pawh a chunga in sawi ang khian ‘Khawlthluaknei’ tih duah a remlo, ‘Computer’ ti mai ang u.
Chuan, english word hi, a tlukpui kan tawng a kan dah anih loh chuan a spelling tih Mizo ngawt hi ka duhloh bawk. Corruption ti lova ‘Eirukna’ kan tih chuan a tha, ‘Kawrapsawn’ ti a ziak ang chi hi chuan kan tawng a tih hausak phahna ka hreve lo. A ti changel hmun mai mai lo maw aw ka ti.
January 6th, 2012 at 9:55 pm
#61
January 6th, 2012 at 9:59 pm
@49 Chhuaklinga & @ 50 bk
January 6th, 2012 at 10:13 pm
sheldon..tha viau mai. Tawng hi chu a ngai renga a stagnant hi chuan a rawih lam niah ka ngai..
Tunah hian kan khuaah ruah a sur nasa mai. Vawt leh dawn khawp mai
January 6th, 2012 at 10:36 pm
chemte, i post ah hian bold dan khan kan zir ve chhin aw…
hei hi post thatak a ni
January 6th, 2012 at 10:42 pm
sheldon..zawh tur che ka nei tak ania.. Nangmah emaw ka tia dolly dollz ka biak hrep phah chu a..shaallla..
January 6th, 2012 at 10:52 pm
chemte, welcome! Enge ni ta?
January 6th, 2012 at 11:12 pm
Englo ania. Internet banking hi home branch ah kher tih angai em?
January 6th, 2012 at 11:18 pm
Hehe..chemte, ka hre bik nang! Ka hriat ve leh i mail ah ka lo thawn ang che.
January 6th, 2012 at 11:28 pm
Ole..ka lawm lutuk e..
January 6th, 2012 at 11:49 pm
Lamrik anga hnamdang tawng pawh mizonised vak mai hi ka thlawp ve lem lo.
January 6th, 2012 at 11:56 pm
I post kamkeuna angreng ah rempy hi i rawn (pawng)sual a ni zawk mah in ka hria e a…
tawng hi hnam inpumkhatna siamtu a ni mai lo, HNAM siamtu a ni zawk ka ti. Sapho leh an tawng lo inhruallen dan hi kan thik dawn a nih chuan kum 200 chuang khawvel kan awp ve te te a la ngaih hmel. Tak tak a, i thahnemngaihna ka sapawt e, ka chaklo na ber a la ni zui.
January 7th, 2012 at 12:02 am
A post advertise nan poster ang deuh ah ka hming a hmang mai2a ni tih chu post ron chhuah hma khan ka hre toh
mse, ka vui lo, a thiante a tih duh dan a ni hrim2 a, amah hi kan hrethiam zok khop mai
January 7th, 2012 at 12:27 am
Hnam dang tawng kan hma laklawh tawh ho hi chu tih Mizonised vek hi kei ka thlawp khop mai..tam tak chu kan hmang mek bawk a ni lo ni?
January 7th, 2012 at 1:22 am
Mizo tawng ringawt hian kan khawvel thang zel hi a daih dawn lo.. Chuvangin, kan huamzau tir angai khawp mai..
January 7th, 2012 at 1:50 pm
Tawng tih hausak zel ka duh, mahse hmeichhia ka nia,minu chu ka ni ve lem lo, hmeichhia nih hi ka lungawi pui viau
Sheldon hahaha… Bold leh italic I zir duh chuan post siam rawh, mahni post a OT chu Sandy te pawn an phal deuh mahna. Chuan tri tih rikna tur t cHhunhan dan kan zir nghal dawn nia
January 7th, 2012 at 1:56 pm
Jacka pi, 39 a Hindi khi hmu em..’cial tak mai hi ania..keipawh ‘tri’ ka thiam lo..
January 7th, 2012 at 7:21 pm
‘Minu’ tih hi patil sawina aiin tuai sawi nan a inhmeh zawk mahin ka hriat chu le. Mipa ni si, nu zim zemho emaw, intinu chawpho emaw te hi tuai an ni a, minu (= mipanu) an ni deuh ber zawk lo maw?
January 7th, 2012 at 8:34 pm
Tawng tih hausakna tha tak pakhat chu; Hnamdang mizo tawng thiam tir hi a ni thei bawk ang. State pawna awm abikin zirlai,hostela awmte leh hnamdang nena khawsaho hian kan tawng hi an zir duh phawt chuan a dikin i zirtir ang u. A dik kan tih kher na chhan hi, thenkhat hnamdang an nih avanga zahmawh leh tawng mawilo zirtir ching kan awm bawk.
January 7th, 2012 at 11:03 pm
Kan kawmthlang pa pawhin sex hi Nupa eksar ati mai a, a tha riau in ka hre mai.
January 7th, 2012 at 11:27 pm
L Keivom pawh hi ka ngaisanglo ani lo, mizo tawnga kan neih loh english word te mizotawnga a tlukpui phuah/siam si lova mizo lam rik dana a ziak thin hi chhiar hrehawm ka ti. Tawng tihhausakna ah ka ngai ve tlat lo.
January 7th, 2012 at 11:48 pm
inla meng hlawm maw JUDA pa nen kan inhnial mek huhu nuam e LOL
January 7th, 2012 at 11:57 pm
Khawiah maw Juda pa chu.
January 8th, 2012 at 12:06 am
FB ah hi2
January 8th, 2012 at 12:34 am
Soberboy, Oneness ho a ni lo ve mial maw..;-)