Amah chu Department pakhat ah Joint Director a ni a, motor te pawh dawng pha khawp a nihna sâng chelh a ni. Mahse, zu in a tih danglam thin avangin thenawm khaw vengte buaipui ber chhungkaw din tu a ni tlat. A ruih tawh chuan chhungkaw awp lumtu tur khan buaina a siam a; thil ho te te ah a thinrim a, a nupui chungah tuanin kutthlak satliah chu sawi loh, in sawisak chang an nghah mai a. An ri bur bur a, zahna hre tawh hek lo le, a au ruai ruai a, a nupui hau ri nen thenawm te tan ngaihthlak nuam lo tak a ni. Zingah thung chuan zan lama boruak nei lo niawm tak hian in kawt velah inngeih hmel tak hian nilum te an lo âi dun ang leh lawi si a. Heti tak hian zu hian mihring a lo thlakthleng thei a nih dawn hi ka ti rilru neuh neuh thin.
Amah chu a ruih lem loh chuan pa dam thlup mai hi a ni a, han kawm vel pawh a nuam viau; mahse a ruih tawh erawh chuan a danglam hlak thung. A ruih tawh chuan zanah a bulah a nupui a awm tha ngam mang lo a, a sawisak hlau reng rengin thenawm te in velah a fate nen an biru a, a mutthilh hnuah an haw ve ngam chauh thin a ni. A nupui leh fate hlau tlanchhia thenawm vela a rawn zawn chang lah a tam. A rem chang lai laiah kan lo bihruk tir mai thin. A hna avangin khaw dangah te a awm chang a awm a. A lo haw tur hi a nupui hian a huphurh thei em em a. Vawi khat pawh a nupui in “Tun Krismas chu lo haw lo hram se, thlamuang taka Krismas hman ka va châk em!” a tih ka hre hial a sin.
Fa naute an lo awm duah tawh avangin an inthen thei tak tak si lo. Zu vangin damdawi inah te luh ngaih chang a awm a, han nghei tum ve thin mahse rei a daih lo; a taksa a that leh deuh chuan a inthunun zo lo a, a in leh mai thin. A nihna en chuan pa zah kai ve tak tur kha, zu vangin zah chu sawi loh; naupang ten intihthaih nan an hmang mai mai nia maw le. Zu vangin amah leh an chhungkaw zahawmna a paih bo vek ni hialin ka hria. He thil hi intih mualpho tumna lam a ni lo va, zu in mihringte zahawmna leh nun a tih chhiatzia kan tarlang nawn leh duh mai a ni.
ZU chungchang hi chu kan sawi tam tawh, mahse kan la sawi zel dawn a nih ni. Kan ramah ngei MLTP Act te zam eng ang mahse a duh chuan in tur an la hmu zel tho a. A to deuh thin tih mai loh chu (thenkhat chuan a tlawmna an la hre zui :-D).
Min pawmpui vek lem lo ang. Ka hmuh theih leh hriat theih chinah te, kan thenawmte nunphung atang ringawt pawhin ZU hi chu sual ka ti lo thei lo. A thatna aia a that lohna a tam zawk chhung chuan thil tha tak chu a ni lo chiang mai a. Kan hunpui lo thleng tur pawh hi thenkhat chuan kâi deuh chhalh lo chuan ho ti riau te an awm leh dawn. Thenkhat rei tak lo nghei tawh te pawh he huna in sum zo lo, in thar leh an awm nuk ang chu. Kan zahawmna leh ropuina te kan hloh hma hian sim theih chu tha ve viau lo maw? Keini mi(sual) ho pawh hi hnawksak leh mi nuih kan nih loh nan (a in thin te chuan) tih loh theih a va tha em! In thiam hi a awm thei tak tak lovin ka hria. Zu hi nuihzabura min siam tu, tul lova sum khawhralna a ni tih kan pawm thei em?
A tawp nan: Zu hi a awm mai mai chu ‘sual a ni lo’, ‘a ni’ tih chunchangah pawh inhnialna a tawp thei lo chu a nih hi le. Rûk ru thin pawh thil a rûk loh lai, a awm mai mai pawhin sual nih chu a hlawh tho a sin.. (tehkhin fuh chiah em aw :-D)
Ni e, Mahming, Pathian...
November 24th, 2011 at 4:43 am
A ni ngawt mai, mi tam zawka a thawh dan en hi chuan zu hi chu sawi mawi hi a har viau a ni. Mihring tam zawk hi chu a bual â tlat a ni. Chu aia mak ka tih chu, zu in avanga buai leh suahsual rawngbawl tumna pu tlat te anga ka chunga a thawk ve lo hi a ni…hehe. Ka rilru hi a chak ṭha bawk aniang zu hian a bual â har ve khawp chuan ka hria…..lu hai avanga rilru buai nghal chi chu ka ni ve lo
Report this comment
November 24th, 2011 at 5:09 am
Zu in thiam hi a theih tehmeuh,ruih hi a thiam theih loh.
) ka in pui te leh midang in thin te chezia,an rui ka hmuh hian…
Anyway,good post. 
Tin,ka lo chhut mai2 thin a…(occasionally bak hi chuan ka in ngai meuh tawh lo,rui khawp in ka in ngai lo.
Mihring hian kan mizia hi tute bulah leh khawiah pawh hian kan thup hnem khawp mai,mihring zia ve reng hi ania..zu kan ruih hian kan mize DIKTAK a lang thin. Chapo ar te,hur em2 te,mi kutthlak chak tlat te,adt. Mi,an ze dik tak i hriat duh chuan zin pui rawh an tih thin ang deuh khan…ruih hi inpuanna tha tak anih ber chu.
Report this comment
November 24th, 2011 at 5:18 am
Bawngkhawtlai ho pemna ram atanga duhsakna ka dawn thar:
https://i43.tinypic.com/27zkk6f.jpg
Report this comment
November 24th, 2011 at 6:10 am
nia, zu hi in tawk hrelo tan chuan inlohtheih a tha khawp mai…
Report this comment
November 24th, 2011 at 6:20 am
Chhun chawlhah chiar ang.
tren tren.
Report this comment
November 24th, 2011 at 6:20 am
Zu in hnua fel tak bula awm ai chuan zu in lo fel tak bula awm ka thlang.
Zu rui awm hle hle ai chuan zu in lo awm hle hle ka nel.
Zu in thin ai chuan zu in lo nge nge hi hmeichhe felin pasalah an thlang.
Zu in vanga buaina a tam an tih hi ka pawm.
Zu in aiin in loh a thlanawm fo.
Mipa tumahin Kristian chhungkaw dinpui turin hmeichhe zu in kan duh lo.
Mahse…zu in chu sual ka ti kher lo.
Report this comment
November 24th, 2011 at 6:24 am
Zu chu mi à apiangah a thawk na!
. Keipawh ka khulh zeuh tawh chuan ka u te, ka cousin te ka lo bem hmanhmawh zel! 
, zahthlak thei haih haih 
Report this comment
November 24th, 2011 at 6:31 am
Zu hi a lo chi viau hmel lo…A in thiam tan erawh sawi thu a cheng lo ang.
Report this comment
November 24th, 2011 at 6:50 am
ka ngaih dan chiah a ni e….full support
Report this comment
November 24th, 2011 at 8:08 am
@#7.. Rooney Opa chu va che hit thei ve… tih fo chi pawh ni loh hi, cousin te em em chu
@ Pu HV, i thil dawn chu a fim tha kak kak hle mai a.. tui phian ang..hhehehe
Report this comment
November 24th, 2011 at 8:12 am
Nupui fanau kutthlak hi chu rui emaw ruilo emaw a demawm hrim2, police hnena report sak hmiah zel thra maiin ka hria.
Texas judge william adams poh an suspend tak kha. A fanu a hlap lai video a ‘leak’ chhuak a. Youtube ah poh en theihin a awm.
Report this comment
November 24th, 2011 at 8:13 am
Zet-u-zu hi eee, thatna a neilo..damdawi atan tih te pawh hi a aia damdawi tha hi a tam lutuk
Lamji @ 2 ka ngaihdan chiah. Miin zu a ruih hian a mihring ze ril,harhfima a thup tih pawh a inhriat mangloh kha a rawn langchhuak thinin ka hria
Report this comment
November 24th, 2011 at 8:21 am
Good post. A ngaihnawmin a tha khawp mai. Zu avanga harsatna la tawk miah lo kan la awm ang em aw..
Report this comment
November 24th, 2011 at 8:27 am
Pi Ri-i zarah zu ai chuan meizuk hi ka vei ta zawk a, sual lian zawk ni in ka hre ta bawk.
Report this comment
November 24th, 2011 at 8:53 am
A ruih loh laiin tha leh fiah takin zah lo lam ni lovin a fate hoin ngenna thlen se a effective ber ka beisei.Pu hv thanksgiving US a an hmandan recent photo nen min lo khilai thei ngem,an entawntlak ka ti em bawk ani ve pakhata.
Report this comment
November 24th, 2011 at 8:55 am
Keipawh sacrament a semtur ka pu dahthat kan inru tawh,nuam ve tho..
Report this comment
November 24th, 2011 at 9:18 am
Ka post pakhatah (sawi lo mai ang) mi pakhat nen kan inhnial chiam tawh. Zu awm mai mai hi a sual lo, keimahni kan pawimawh zawk a ti tlat a.
Zu awm mai mai hi a sual a ni, a Nature-ah a sual sa tlat avangin. Pastor sitting roomah in miah lo mahse,Zu dah luau reng ila, kan helh khawp ang. Hei hian a entir chu, Zu awm mai mai hi a SUAL tihna.
Kan piantirha Sual kan nih sa angin, Zu pawh a piantirh ata a sual sa tih hi a chiang.
Report this comment
November 24th, 2011 at 9:43 am
Zu chu a in duhin sawi mawi dan an zawng a, an hnial hneh theih chuang loh. meizial pawh chu ti tho. Tleirawl chhuah te chuan lo in ve ang hmiang. Mahse Nupui/Pasal in neih hnu ah chuan nghei hmak a tan atha khwp mai, kan fa te kan awm ang hian rawn awm ve se kan duh angem. duh chuan a pawi reng2 lo. in zel mai rawh
Report this comment
November 24th, 2011 at 10:11 am
Mizo theuh theuh kan in ang lo ani ber e. Keini chawi ei laia wine in kan duh a, wine pawh, zu dang pawh kan in rui ngai hlei lo va. Zu rui khawpa ina, buaina siam khawp hi chu ‘minority’ fe annih ka ring zawk. Mizoram ah pawh ka in ve tho va, in sawi ang em em chu ka la hmu miah lo. Extreme case in sawi ani. Chutianga rui buai tur pasal pawh chu a nupui pawh chuan a lo neih duh reng reng? Sorkar pawhin chutiang mite officer ni tlakah an lo ngai reng reng em ni?
#10 a ziah ang khian rui emaw rui lo emaw mi tana chimawm chu action lak mai tur alawm. Chhungkaw problem sorkar solve tir tur ani ngai lo.
Report this comment
November 24th, 2011 at 10:40 am
atha lo niang, Kawlhawk pawn, nghei nilo in, nghei atum..in tawh su
Report this comment
November 24th, 2011 at 11:03 am
A duhin inse aduh lovin in lo se,an la inneihtluan thei tho chuan atha alawm,kan tanpui thei anih lem loh chuan mi chhungkaw chanchin online media a lo post hi a mawi lem lovin ka hria,ka phalna lovin keimah ka ni ngei ani tih hriat theihna ka hming pawh tilanglo mahse ka lungawilo khawp ang,a chhelama min chhuah chuan.
Report this comment
November 24th, 2011 at 11:12 am
Zu in hi sual ni se chuan badboy te hi jail ah an tang reng ang chu..
Report this comment
November 24th, 2011 at 11:14 am
Zuin hi sual chu han ni tehreng se..Frost te hia chuan nitin case thar a nei ziah ang chu mawle
Report this comment
November 24th, 2011 at 11:14 am
#19 sony -mihring hi a lo inthlak theih khawp aniang, a tlangval lai ang poh a ni lo a ni maithei sin. Chuan sawrkar hian an hnathawk te chhungkaw nunphung a hriatpui vek lem nang…
#21 kawlnicolney – lo lungphang suh, nang chu ka chhuah ve lo ang che
Report this comment
November 24th, 2011 at 11:32 am
Sorkar hnathawk tan chuan Conduct Rule a awm a, Kiddo (phuahchawp?) thawnthu a “Joint Director” hi a sawi anga rui buai thin anih chuan a pute’n an hriat a ngai. An hriat loh chuan an duty an ti tha lo ani mai. Mahse Mizoram ah hi chuan dan hi tute mah in an zawm lo anih hi. Hui ha!
Report this comment
November 24th, 2011 at 11:38 am
A duh in in se, a duh lo na na na chuan kan in chuang lo
Zu in avang a suahsual rawngbawl tlat hi chu an ngeiawm rual in an lainatawm; insum thei lo lo an ni bawk si
Kar hmasa khan Signature ah hian 40% alcohol a awm tih ka hmu a, tin Vodka um nalh zia ka hmu bawk. Zawlaidi um hi eng ang nge ni ve reng reng le??
Report this comment
November 24th, 2011 at 12:06 pm
Zu hi kan vai ruih a ni ber e. Hihiiii.
sual a nih pawh ka hre lo, tha a nih pawh ka hre lo, mi A in chi a ni lo tih erawh ka chiang.
tren tren.
Report this comment
November 24th, 2011 at 1:22 pm
Zu in tlak lo a nih chu. . Nghei hmak rawh se haha. .
Ka kawmthlang pa pawh a rui a, an nu kha chhuak rawh! a tia. A chhuak daih.
Report this comment
November 24th, 2011 at 1:34 pm
zu chu ka chhungten in lo se, midang chuan lo in sup2 se a duh miau chuan
Report this comment
November 24th, 2011 at 3:07 pm
Zu bawk maw..In suh se zu in tlak lo anih chu.. A in tlak tam tak awm an awm laia a in ve tlak lovin an lo in ve hian a buai zo thin.
Thil nunna nei lo hi sual a ni thei lo. Sual awm chhan chu a hmangtu a zir ani mai. Thil engkim ah hian a tawk chin hi hria ila, a lo fel thluam mai ang
Report this comment
November 24th, 2011 at 5:21 pm
I thenawm-pa chu zu a-in in a rui thin anih chu.Mimawl zu-in ang main.Zu in hian ruih kher tur ani lo.Zuruih hi Bible-in a khap tlat ani;zu-in erawh chu a khap thu kan hre lo.Zu kan ruih hian kan chhunglam ze tha lo inthup kha a lo inlarchhuak thina;kan nihna,kan nunchang leh mize dik tak kan chhuah thin.Thinlung chhungril sualzia leh bawlhhlawhzia a hriat chian em avangin Pathianin zu ruih min phalsak lo ni ngei tur ani;in erawh a khap lo.TOTAL pawh a PROHIBIT awm kan hre lo.Tun lai Mizo pa leh thalai zingah hian changkang tak tak an tam tawh;Zu-ina rui ngai lo.
Report this comment
November 24th, 2011 at 5:57 pm
Kei chu zu ka in chuan ka dawih sawt zel!
Report this comment
November 24th, 2011 at 7:22 pm
Zu in mi aiin a in lote hian an lungkham zawk a nih hmel
Tun hnaiah silaia inkap hlum an awm ta fo mai, silai khap a awm ka hre lem lo.
Chemte a invit hlum an awm kumtin, an khap ka hre bawk hek lo.
Kumtin inawkhlum eng emaw zat an awm ziah, an khap ka hre lo bawk.
Zu Zu ZU kan ti a, eng chiah hi nge maw zu le, a alcohol content atang thliar tur nge a rim atangin. Grape wine 14% kan phalrai laiin beer 5% kan khap lehsi te hi enge a awmzia?
Kan sacrament semah te hian alcohol eng zat nge awm ve, zu a chhiar a ni ve tho em ?
Report this comment
November 24th, 2011 at 8:23 pm
#33 comment hi like pawp,a bik in beer kan khapa zawlaidi kan khap leh silo hi.Dan mumal deuh hlek hi chu neih angai ni.
Report this comment
November 25th, 2011 at 8:15 am
Good post.
Report this comment
November 25th, 2011 at 3:01 pm
Report this comment