Ka tleirawl atang reng in ka hmai hi a bawl ve deuh reng thin a, mahse nasa em em chu ani ngai lo. Hmai mam thin then eraw hi chuan ka awm ngai lo.
2009 chho vel khan namen lo hian ka hmai chu a bawl ta a, ka mangang chuan Doctor thiam tinreng ka rawn a, a reh thei lo. Hrehawm ka ti thei em em a, depression hial te ka nei hman ani.
Tichuan Mizoramah ka haw laiin, Dr.James a ka rawn a, damdawi (A hming ka hre toh lo) min chawh a, nimahsela kum hnih chhung chu nau pai lo tur in min ti a. (Paina tur poh ka nei chuang rih lo!!). Tichuan damdawi chu ka ei ta a, Pro active hmaibawl tan liau liau a siam product chu ka hmai tan ka hmang bawk a, thla hnih khat chhung chuan ka mam ta vek mai a…hmelhriat te zawng zawng mak tih a tling!!!
Hmai bawl lo chua kum hnih vel chu ka han awm a, nuam ka ti ve hle thin. Mahse tunlai hian a hma a bawl nasat ang khan a rawn awm tan leh a, ka mang ang hle ani.
Doctor ka rawn hnem tawh lutuk, tih ngaihna ka hre tawh lo, nula te kan la ni ve a, hmai bawl reng hi chu a hrehawm em asin, khawngaih takin ka misual pui hmun hrang hrang awm leh thiamna chi hrang hrang nei te khan min pui thei ula ka lawm hle ang.
Ka lawm em em e.
Similar Posts:
- Arngeng (Acne) damdawi-Dam ngei ngei na
- Motor ruih hi…
- Youth For Christ (Mizo Thalaite Lal Isua Tan)
- Tawimâwl
- Urticaria chungchang leh a enkawl dan
in va lut...
November 17th, 2011 at 1:10 am
Chhiar ila
November 17th, 2011 at 1:11 am
I ngeih deuh damdawi kha ei leh la nimai lawm ni?
November 17th, 2011 at 1:14 am
mipa emaw inih ka lo ti char2 a 😀
nia han pui teh u a hria khan, kei miSmawl hian hriat ka nei lo e.
ka lawm e.
November 17th, 2011 at 1:15 am
hmaikawr ka recommend e…ok seriously…limbu tui in chul thin rawh..arngeng pawh gone chuan i ngo sawt mai ang
November 17th, 2011 at 1:29 am
MAwngah acne ang deuh bawl a awm chuan pumpui digestion lampang a tha lo tih na
humbly yours
The Fonz.
November 17th, 2011 at 1:29 am
Dr.James-a chu rawn leh mai chi
November 17th, 2011 at 1:31 am
Han tanpui theihna che neih va chakawm ve aw..
Ka formula pakhat ve chu kut lawng in hmai khawih2 lo tur, kut al hian hmaibawl a siam belh duh hle.
November 17th, 2011 at 1:31 am
Thil awihawm vak loh .. mahse a tak ni si kan hrilh ang che.. :-O
Hmai leh ku tih fai that, eiin fimkhur tur, pillow cover leh towel tih fai that… tih vel chu I hre hne hlei hlui tawh ang…
1. Hlim (happy) a pawimawh… :-S thil ngaihtuah ngut ngut te hi a tha lo khawp mai.
2. Infawh (kiss)… chil inthlakthleg hi hriselnan a tha … mithiam ten an ti ve tlat. 😛
November 17th, 2011 at 1:36 am
mawngtamah arngeng awm chuan stars i chhun tihna-porn stars…anti
November 17th, 2011 at 1:37 am
Nihawi chi kheh hnuah kut sil fai lovin hmai khawih loh tur(rei tawh a sin).
Condom pawh i hnawih vek tawh awm si a (rinawm lem loh mahse), tha dang ka hre tawh lo
November 17th, 2011 at 1:43 am
sahbawn a hmaiphih hi hmai tan atha lutuk lo an ti. Nikhat a mut dawn a phih hi atawk,an ti teh tlat. Hmaibawl reh duhna ani em tih phei chu ka chiang chuang lo. 😀
November 17th, 2011 at 1:44 am
Delhi ah hian doctor tha deuh hnenah mi ka kalpui tawh a, i duh chuan hit me up with an email chuan ka lo biak sak ang che mahse a tlawm lo.or facebook hriselna huang group siam tupa sawn a hre mahna zawt chhin rawh.
humbly yours
The Fonz
November 17th, 2011 at 1:48 am
#Rumtea : condom hi an sawi thin a, hmang tak2 an awm emaw ni le. Mak ve riau.
November 17th, 2011 at 1:59 am
I ti hrat ani hrim2… 😀
Aloe,pro active,ldt. I hmai a sensitive a,tleirawl chhuah atang cream/make-up i hmang nasa aniang,hmai ati sensitive duh an ti. A enkawl dan a awm pawh ka hrelo. Tui in hnem la,nia.,..mi kiss hnem bawk la. 😛
Post bawl tak ani. 🙂
November 17th, 2011 at 2:05 am
nitrosan 10 ei chhin teh…darkar 1 danin mum 1 vel hmawm la mhai chu a mam duh khawp mai 😛
November 17th, 2011 at 2:08 am
Try Doxycycline 10 0mg ni tin vawi 2(zing & tlai) ni 14 chhung. Nau pai loh tu r!!
November 17th, 2011 at 2:16 am
TUI IN TEUH TEUH…thawh hma leh zing exercise lak te pawh a tha khawp mai, i tho tlai thin ani hrim hrim
November 17th, 2011 at 2:24 am
Ka hmai hi a la bawl ve ngailo hi chu ka vannei leh lawl ngawt mai, bawl thin chiah se chuan hmelchhiat tawh nen..hit lo viau ang lol
humbly yours
The Fonz
November 17th, 2011 at 2:34 am
Engvangin nge hmai a bawl? Hei hi hriat chian hmasak angai!
Excretion chikhat ani em? Kidney function mumal lo ani em? ENgtinnge hmai lam a chhuak lo a mawng lamah kan chhuah tir ang tih hi fundamental question ani!
Engpawhnise, chaw kan ei phawts ange..
November 17th, 2011 at 2:36 am
fonz…dr dre pawh a bawl ngai chuang ami,,notoroius nen 😀
November 17th, 2011 at 2:42 am
dr james i rawn tawh bawka dr jones leh dr alban han rawn ve chhin teh
November 17th, 2011 at 3:22 am
in awih em aw ka hre lo.kerala ah college kan kal laiin ka thianpa pawh ar ngeng ngah lutuk ani a.tih ngaihna a hre lo.a hmai mawm vang pawh niin alanglo.mawm hman pawn alang lo.a phih fai ngun lutuk.mahse a reh hlei theilo a.purunvar nitin a helin,chaw ei apiangin,a ei thin a(a damdoi ani tih ahriat vang pawh nilo in).chutia purunvar a ei regu atang chuan a hmai bawl nasa chu rehve tlat mai.garlic that zia ka sawi pah nise.
November 17th, 2011 at 3:55 am
Kum 25 vel ka nihin nasa takin a bawl a..Mahse training ka neih lai a ni a..nitin Canteen ah oil tha pawh ni lem lo a siam, chhang,leh eitur hrang hrang ka ei thin vang kha a lo nia..training ka zo a..khang kha ka ei ngai ta lo a..a reh daih.
Tui in tam leh oil ei loh hi a tha ve lutuk.
November 17th, 2011 at 3:58 am
Fonz leh Zualbonez hi bawl ve chhin se ka ti..an lawm em mai 😛 😀 🙂 😉
November 17th, 2011 at 6:41 am
Arngeng chungchang thil pakhat..Mizo ten kan sim tura ka duh deuh chu hmai bawl deuh kan hmuh a ‘E nang chu i hmai ava bawl nasa ve’ tih ching kan awm hi.An hmai zawn a kut zung chal a kawh a,’E..ka hmaibawl hi i mi hrilh ka ngailo,a bawl zat pawh ka hria,a awmna hmun pawh ka hre vek…’ tia kawh sawk sawk hi ka nap thin. A tih reh dan thurawn ka pe thei a zeng pawh ni lo..(Kan thin rim thar thut chu) Hmai a bawl deuh pawh a,’I hmai bawl a reh ta hle mai…i fai kuar mai’ min han tih te hi chuan kan hmai bawl lo len ve vuk vuk a.
November 17th, 2011 at 7:05 am
Arngeng pumpelhnan a, dan 7 zawm tur…
1) Zan mut hma a tha, (Zan meirei vak te hi a hua)
2) Mut dawn a hmai phihfai that,
3) Hmaiphih nan Sahbawn sen (Lifebouy ngei) hman
4) Deh deh (khawih) loh tur.
5) Thilmawm lam ei tam loh…
6) Thlan tlak lai a hmai phih loh(puan nema dehhul phawt hnu-a phih tur)
7) Darthlalang (mirror) hi dahbo daih tur.
(Y) (Y) (Y) (Y) (Y)
November 17th, 2011 at 7:17 am
Kan thawhpui nula pakhat hmai bawl ve tak pawh pasal a nei a, a hmai bawl a reh veks mawle. Apply ve mai dawn? :d
tren tren.
November 17th, 2011 at 7:38 am
#27 (Y)
November 17th, 2011 at 8:04 am
Misual suh. I misual chuan zan i mengrei dawn a, a thalo tawp. Dr. Thlengi (skin) i la pan loh chuan pan ve mai mai la. Kan nau pakhat (mi pa a nia) hi chuan eng gel emaw ni chauh hi hmaiphih nan a hmang thin a, a hmaibawl hi a reh ta duak. A hming i hriat duh chuan ka lo zawt ang e.
November 17th, 2011 at 8:07 am
Arngeng satliah nge tunlaia nizung natna (sun burn) an tih ang chi hi ni ang aw?
Kei hi sun burn avanga Mizoram Dermatologist ho hmelhriat hlui khawpa pan kual tawh ka ni a, sun burn hi chu a reh hlen hlei thei lo niin ka ring. Min enkawl lai chuan ka ziaawm ve mai a, mahse a reh hlen thin si lo. Tunah pawh hian Lalremruati Sailo-in min enkawl mek a, ka ziaawm lai tak a ni nghe nghe. Arngeng satliah hi chu an enkawl thiam viauin an sawi thin asin.
November 17th, 2011 at 8:32 am
Hmeichhia hian an buaipui lehzual deuh.
Arngeng/hmaibawl hi zanhnih khat a a damduakna hmuchhuak ila chu kan hausa viau ang!!!
November 17th, 2011 at 8:35 am
Tleirawl laia arngeng farm siam nasa lutuk ka ni ve, mipa mah ni ila a hrehawmzia chu ti tak a ni, depression ka nei ve nasa, school pawh eng emaw chen ka chawlh phah. Chuan Dr Lalnunmawii (Ni tain ka hria) Skin doctor in Resteclin capsule min chawh a, ka ei tlauh2 a, a reh hlen hmiah. A hnu hma chik deuh neuh2 erawh a la awm reng. Kha damdawi kha a chhuak tawh lo mai thei a, a hming ka theihnghilh thei tawh lo. Ka khawngaih che.
November 17th, 2011 at 8:35 am
Dam ngei ngei na i duh chuan hei hi chhiar rawh le.
http://www.misual.com/2010/06/13/arngeng-acne-damdawi-dam-ngei-ngei-na/ (&)
November 17th, 2011 at 9:18 am
Kan khuaah lo zin la chu ka doctor hnenah ka lo hruai tur che nia. Hmaibawl hrehawmzia chu ka lo tuar chhuak tawh a ka hrethiam i awmdan tur hi.
Skin type, lifestyle mai bakah hian climate hian mi a affect ve khawp mai. Kei chu Aizawl boruak hi ka ngeih hlek lo. Zan menrei hi ka haw hle bawk.
November 17th, 2011 at 9:51 am
Pi aduh, in khua a lokal hunah lake ah khan min hruai ve rawh aw! 0T,dalah, pro activ hi hman reng theih chuan a tha an ti khawp mai. Ka hmelhriat 1 pawh a damlo a,damdawi a ei nasa bawk si a,a hmai a bawl khat vek a,mahse pro activ a hmang a,a dam hmak. Mahse,hman reng a ngai a ti.
November 17th, 2011 at 10:02 am
Pu ChhanaPa kha lake kha chu kal ka sim tawh, a hit lo tlat.
Chuan pro activ hi inhnawih chi ringawt a ni lawmni? Kei chu doctor hi inentir ngei ila, magnifying glass leh eng hmanrua rua emaw in lo en se, ei chi hnawih chi, facewash leh sunscreen thlengin min lo chawh se ka ngaih a tha em em. Kaya skin clnic ah hian ka kal ve a glycolic peel min lo chawh a mahse ka ti ta lo kha ka lawm khawp mai.
November 17th, 2011 at 10:11 am
Ka bawl regu ve thei khop mai,mahse a tha an tih nazawng hi ka ti ve peih dem dum ngailo. Dr.James a damdwi min chawh ka ngeihlo bawn,ka vun a kang vel.. Engtin vak mah pawh ka ti lo,ka pu ve mai mai a,a lo reh ve duak..arngeng ka neih vang khan kei chu ka confi loh phah chuang lo a.. Make up nena mut loh hi ka lo chawh ve ang che,
November 17th, 2011 at 10:18 am
Kan trainning lai khan kan batch mate pakhat arngeng kumhlun mangang khan neem hnah tuisawr a hnawih zan tin a, a mam tep hman tihah thingtlang pilril tawwwwwkah a awm a, a reh daih
Thingtlang pilril tawwwwwkah insawn ve daih mai rawh :p :p
November 17th, 2011 at 10:50 am
Damdawi han chawh tur che ka va hre mai lo em! Damdawi ngai hmang leh rawh han tih dawn in naupai i duh hun te a lo thleng ve ngei dawn sia… 😀 kan lo ngaihtuah a nge..
November 17th, 2011 at 11:47 am
#22 na hi ka ti ve twh a, mahse Purunvar chu a rim a chhiat a vangin a dawlh in ka dawlh mai thin, a tha ka ti khwp mai, zing thawh veleh tui tamtawk in pahin purunvar han dawlh sak mai ila, han ti ve chhin teh, chuan sahbawn tello in thlakhat vel hmai han phih teh. pumpui chakna lam ei bawk la.
November 17th, 2011 at 11:57 am
Proactiv a a damdawi (active ingredient) hi Benzoil Peroxide ania, proactiv kher to taka lei thei lo tan damdawi dawrah Benzoil Peroxide lei mai tur. 50-100 gram hmehchhuah (tooth paste bur chanve ang vel anih chu) tiat in an zuar.
Proactiv that na chu a set in lei angai a, a cream (benzoil peroxide) bakah cleanser te, toner te a tel a, an recommend anga hmang zat zat chuan a tha khawp. Justin Bieber a pawn a hmang. 😀
Hetianga a hnawih a dam thei lo hi chuan Roaccutane hman tur (doctor enkawlna hnuaiah). (D)
November 17th, 2011 at 12:09 pm
A hmasa berin i thil ei leh in uluk la. Thil mawm lam ei tlem ang che. I hmai phih ngun la, i hmai mawm in dah suh ang che. Vur ei tam pawh hi a tha ang reng. I hmai kha i kutin khawih reng reng suh ang che. A bawl phei kha chu kut a khawih loh tur leh zual. Hmeichhia i nih chuan hormone imbalance vang a ni thei a, Dermatologist ho hian Birth Control Pills hi an chawh zeuh zeuh. Mah se hei hi chu Doctor rawn lo chuan ei ve lem chuang suh. Damdawi dawr a tang ‘Saslyc’ tih facewash lei la, 100 ml Rs 180/- man a ni ang.
Proactive khi chu a tha khawp mai, mah se a man a to deuh. Thla hman tur set kha hi Rs. 3000/- vel a ni.
November 17th, 2011 at 12:11 pm
Thisen bal vang pawh ani thei a. Purun Var ei hnem hi a tha. A rim i ngai theilo a nih chuan i ei hma in kheh la bawnghnute ah darkar khat vel chiah la, a rim a awm lo ang. Thenkhat chuan a ei mai pawh nilo in an rawt dip a, hmai bawl lai ah an hnawih thin.
Mipa chi hi a tha an ti bawk. Hei hi chu ka la fiah chiah lo. 😛
November 17th, 2011 at 12:11 pm
a damdawi hming chu ka hria,ka sawi lovang,side effects a nei tam a,tun hma chuan cancer treat nan an hmang thin.
November 17th, 2011 at 12:36 pm
Vun hi a inang lo nasa khawp mai. Vun mawm leh hil tan enkawlna hranpa a awm thei ang. Kei pawh ka hmai a bawl nasat lutuk vangin Aizawl-ah Specialist ka rawn a, Rs. 600 ka seng, damdawi chawh ka ei/hnawih hnuah hmai bawl chu a reh ve bawka, mahse a dang a rawn bawl zel. Ka mangang chuan Beautician ka rawn ta a, ani chuan ka vun sensitive dan azir leh ka hmai mawm dan milin Devikas product (Black mud etc.) min chawh a, Rs. 400 vel ka seng, (vun sensitivity enna khawl a nei thlap), ka ngeih khawp mai. Ka hmai bawl a reh mai bakah ka vun a mamin a ngo sawt bawk.
November 17th, 2011 at 12:45 pm
hmai ro ltk vang hian hmai bol hi a om ve thei a..hmai ro mi i nih chuan khoizu hi zan mut don a hnoih a tha..chu2 tui lawngin tleng top la facewash hmang suh ang che..chuan a bol lai kha zankhuaa khoizu a chiah hi a tha ve ltk bok..i hmai a mawm chuan curd leh nimbu tui sor hi a tha….an ti 🙂 a la rehloh cheu chuan doc pan la, chemical peeling ti ve chhin teh…keipon voikhat chu k tia…mase a to ang hu in a that na em2 poh chu k hre lem hlei lawww 😀 nagchuan ilo ngeih mial maithei
November 17th, 2011 at 1:46 pm
hmai bawl chu hit lo nii..climate in thlak apiangin ka hmai hi bawl ziah, tihdam dan pawh ka hre tawh bik la..haha…mahse depression chu nei duh bik thak lo, hmai bawl vanga rilru hah chu ka duh lo, adang hah na chhan tur tam si. 😀
November 17th, 2011 at 2:31 pm
condom poh ka hnawih toh…
purun var ei khi ka la ti lo, ka han ti ve chhin ang e, thank you all
November 17th, 2011 at 3:41 pm
Pakhat in a ngeih kha midangin an ngeih ve kher lo a, products hrang2 tam mahse chu chu a thra tih ngot a har. Ka neih ve ngai vakloh avangin k hmang tlem khop mai. Stress nasat deuh hian ka nei ve thrin. Anti-acne therapy, 1 year course Rs 20,000 velin parlour high class deuh emo specialist bik hnenah te a tih theih, henglai velah chuan. Hmai tihfai reng eroh ‘must’ a ni. Phone poh fai taka hruk thrin tur. Dr James chuan antibiotic bak a choh che ka ringlo, amah bok rawn leh la, a dang deuh in a lo thlak sak thei ang che.
November 17th, 2011 at 4:24 pm
ka buai ve thin khop mai keipoh,keichu ka ngeih ber chu tui..nikhat ah 5lts te ka in a a reh duak zel,ka in thatchhiat chuan a bawl leh zel a tun ah poh a bol leh tan a,ka in tam leh tan toh 😉 ..a tlom bok si taksa hrisel nan a tha bawk si..lo ti ve mai2 chhin teh a
November 17th, 2011 at 5:01 pm
Arngeng ngah ṭhenkhat hi chu an hmel a tiṭha lehzualin ka hre tlat ṭhin.
November 17th, 2011 at 5:06 pm
Arngeng chuan ‘khawih loh’ a ngeih berin ka hria. Ka tlangval laiin hnamdang nula hmeltha tak ka kawm ve thin hian, “Arngeng hi i nei miah na nge?” min ti a. Kei lah pek chuan, “By the grace of God, i don’t have pimples” kan ti mai chuh, a nui tawp hlei thei lo. “You r cho chweet” min ti.(dear Doc).
November 17th, 2011 at 5:19 pm
2005 kum a Face Wash ka hman ṭhin Oriflame siam kha enge a hming ni ta kah le….kan kawmchhak nu in chah ve rawh a tiha ka chah tur hrelo tih ve mai mai kha nia. Khami kum khan ka hmai avan mam tak
ka ngo ve angreng sia hmeichhe ho in “I hmai chu hmeichhe hmai atan ka van awt” an ti ve hial a sin… 
November 17th, 2011 at 10:04 pm
nitin neem kung lawn la a dam hmak mai ang
November 17th, 2011 at 11:07 pm
Ei leh in, a hnawih lam ringawt lo kan en theihnghilh ziah chu hormones hi a ni. Hormonal imbalance I nei anih chuan eng ang in ei hrisel in tui in hnem emaw, damdawi emaw hnawih mah la a reh lo ang. Keipawh ka thyroid an paih a nikum khan, a hnu chho hian hormonal imbalance a rawn thlen ta a, ka hmai a rawn bawl vak mai a. Thla 2 vel a bawl mahse ka depressed hman khawp mai. Hormone balance turin Yasmin, birth control pills chikhat min chawh a. Kar khat pawh tling hman lo ang tih ah a rawn mam leh nghal vek. India doctor te hian hormones lam check thu ah hian an sang lo khawpin ka hria. Acne treatment engmah a work loh chuan hormone test ti chhin rawh.
November 18th, 2011 at 2:16 pm
Maimawm soi khi a dik khop mai…chuan Proactive hman hi a tha a mahse a permanent lo tlats..enkawl reng a ngai a, exer te la tha la chuan tui tam tawk zing tin in thin ang che….chutichunga i la that loh chuan mi rawn rawn leh dawn nia adang ka lo chawh leh ang chee..
January 28th, 2012 at 11:14 pm
acne…
[…]arngeng…pimples…acne | mi(sual).com[…]…