Balhla hi thei hrisel tak niin khawvel hmun hrang hrangah hmuh tur a awm a, thei chin hmasak ber pawl ani nghe nghe. A hrisel dan leh a tangkai dante ngaihtuah in a man lah a tlawm em em mai bawk si. Zir chian a phu hle in ka hria. Vitamin C, Vitamin B-complex, iron, Potassium, Serotonin, tryptophan leh thil dang tam tak a keng tel a, natna tam tak lakah taksa a veng thei a, tangkaina tam tak an ei a ni tih mithiamte chuan an hmuchhuak mek zel bawk ani. Apple pawh hi thei hrisel tak ani a, balhla nen i han khaikhin reng reng teh ang u: Balhla hian a let 4 zet in protein a ngah zawk a, carbohydrate a let 2 in, potassium a let 3 in, vitamins a let 5 in, iron a let 2 in. Minerals pawh a ken hnem hle ani. Chutiang taka thei hrisel “Balhla†chu a tangkaina leh that nate ilo zir chiang dawn teh ang.
A THATNATE:
1. Anemia ( thisen-iron tlakchhamna)Ah: Iron a ken hnem em avang hian thisen tlakchham lai te hian balhla ei tam a tha hle ani.
2. Blood Pressure sang (BP) ah: Potassium a ken tam avang in BP sang leh stroke lakah a veng thei ani.
3. Thluak Tan: Thluak tan chaw tha tak ani a, thluak a ti chak in mi a ti harhvang a, zirlai tan phei chaun ei fo a tha.
4. Kawthalo, Santen, etc..: Balhla a awm potassium, pectin leh fibre te hian kawthalo, santen, leh pum lam tha lo te ti nep thei a, ei tam a tha.
5. Pumpui Lawng (ulcer): Pumpui lawng kan tih ah te pawh hian a tha hle a, pumpui acid te a khuahkhirh a, mucus (acid laka pumpui vengtu) te a siam a, pum nuam lo ahte pawh a tha hle. Chaw ei khama ei a tha ber, digestion atan.
6. Taksa tuai thar nan: Exercise kan lak te hian kan taksa potassium level alo hniam vak thin a, tihrawlte alo chau a, rilrute alo nguai thin a, balhla ei ila, potassium leh vitamin te a lo siam tha leh anga, ngai kan awh leh mai dawn ani.
7. Taksa Ralvengtu Atan: Balhla a awm vitamin A&C leh Zinc te hi taksa ralvengtu siam nan an tangkai hle.
8. Depression & Stress: Balhla a awm Tryptophan leh Potassium te hian rilru nguai leh taksate chau te a tinep in a tidam thei.
9. Nervousness: Balhla a awm Vitamin B-complex te hian nervousness (tha khurhna, zamna) ati nep in a tidam thei bawk.
10. Hangover: Hangover (pentawng luhai, kulchaw) enkawl nan a tha hle. Balhla, bawnghnutetui leh khawizu chawhpawlh in a tha leh zual.
11. Thinhnun na: Thinhnun na, thip thin tan pawh a tha hle.
12. Kang (Burns ) & Hliam/Pem (Wounds) ah: Kang leh pem (hliam) ah te pawh a hnawih mai theih a, a tidam hma a, ser tur a veng thei bawk.
13. Ruh Tan: Ruh chhe zel tur lakah pawh a veng thei a, potassium hnathawh bawk ani.
14. Thosi seh ah: Thosi seh velah pawh a tha hle a, a pil chhung lampang khan thosi sehna lai kha hruk mai tur ani a, vung leh thak a ti nep in a reh thei. Mi tam tak in a that zia an finfiah hnu in mak an ti fo.
15. Pangti Chei nan (Cosmetics): Hmai-ro deuh ah te pawh olive-oil nen inzat chiahin balhla tihsawm nen an chawhpawlh a, an hnawih mai thin. Sam tih tlet nan pawh atha anti bawk.
16. Chakna Hnar: Taksa in a hman mai theih tur energy ngah tak sugars: sucrose, fructose & glucose leh fibre te a ngah em em a, taksa chauh lain ei mai thin tur ani.
17. Rilru leh Taksa A Vawng Dai: Rilru leh taksa a vawng dai a, nau nei turte pawh an pe thin. Thailand ah phei chuan nau nei mai tur hmeichhiate hian nau neih hmain balhla an ei ngei thin a, an naute chu boruak vawt nuam tak hnuaiah apian an duh vang ani awm e.
18. Zialzuk sim nan: Balhla a awm Vitamin C, A1, B6 & B12 leh potassium te hian zialzuk nghei nan a tanpui bawk.
19. Singsihlip (puhchik)Damdawi Atan: Singsihlip ah balhla them bel a, plaster a bel hnanin a dam thei an ti bawk.
20. Naute Tan Chaw Tha: Balhla hi naute tan chaw tha tak ani a, thau leh hriak a pai tlem a pai-tawih a nuam em em a, ei tam tir a pawi lo.
Thei leh thlai ei tam hi a hrisel a, a man a tlawm a, awlsam te a hmuh theih ani a, i ei uar ang u.
kawrek mai rawh
November 25th, 2011 at 6:17 am
tha lutuk, save keuh ang..
[Report abuse]
November 25th, 2011 at 6:46 am
tui si, tha si mahse thauna an tia ka e ngam tawh lo
[Report abuse]
November 25th, 2011 at 6:47 am
A tui lo e!
[Report abuse]
November 25th, 2011 at 7:08 am
riltam lai a ei chiloh pumthalo tan chuan ek chuak duh lutuk…puar lai chuan a tha khawp mai
[Report abuse]
November 25th, 2011 at 7:30 am
a lo va tha ve . .Zingkar engmah ei hma a Balhla ei vang a aw phui tlat , tawng tha hleithei lo an sawi ka hre tawh . thil ni thei a ni em ? . a aw phui nen a in tawng fuh ve hrim hrim nge . a mihring a zir in ngeih loh a aWm ve thei ? ..a bengvarthlak hle mai
[Report abuse]
November 25th, 2011 at 7:37 am
A va lo tha ve. Tui ti lem lo mah ila, ei hram hraw tawh ang. Good post
tren tren.
[Report abuse]
November 25th, 2011 at 7:41 am
Kei chu duh rap mai.. Tui bawk si..
[Report abuse]
November 25th, 2011 at 7:45 am
#10 na hi…
[Report abuse]
November 25th, 2011 at 7:52 am
A tui ka ti…
Banria,lawngbalhla,vaibalhla…etc
[Report abuse]
November 25th, 2011 at 7:53 am
[Report abuse]
November 25th, 2011 at 7:56 am
Good post.
[Report abuse]
November 25th, 2011 at 8:09 am
wow! Post tha lutuk a ni tlat
[Report abuse]
November 25th, 2011 at 8:16 am
Ka ngaisang thei chuang leu..tlem a zawng ei ve thin tawh teng..broken heart tan pawh a tha an ti.
[Report abuse]
November 25th, 2011 at 8:23 am
Good post
Kei chu a tha in tih tehreng nen ka pum hian zuk duh tlat lova. Riltam lai phei chuan ei chi loh. Eng hunah pawh ei ila, min hnawh ul hian ka hre mai a. A that thu an ziah kur liai luai reng vang hian ka ei lui ve ta deuh.
[Report abuse]
November 25th, 2011 at 8:27 am
ku Sheldon SUNHLU a tha zawk LOL
[Report abuse]
November 25th, 2011 at 8:28 am
A tui bawk si, vawiinah lei nghal teh ang. Tennis star ho pawhin an chawlh laiin an ei thin hi; a lo tha em anih hi. A thatna dang leh: Weight category neia infiammi ten, an weight chunga khelh an duhin weight lak dawnah an ei teuh thin.(a ho)
[Report abuse]
November 25th, 2011 at 8:53 am
Nia, theiah chuan Sunhlu a tha ber.
[Report abuse]
November 25th, 2011 at 8:57 am
@soberboy, sunhlu
Balhla pawh thenkhat tan
[Report abuse]
November 25th, 2011 at 9:05 am
avan tha ve w,…….sunhlu pum1 pwh hian sunhlu pum3 ahen e,anty nia …….tha agchu w
[Report abuse]
November 25th, 2011 at 9:55 am
Yeshh, Balhla leh Sunhlu Zu siam tengzzz
[Report abuse]
November 25th, 2011 at 10:14 am
Mr. Cheiri hi a post tha thei dawn khawp mai. Misual mithiam, lo post zel teh hetiang thiamna bik tel ngai ang chi hi.
[Report abuse]
November 25th, 2011 at 10:20 am
Pumpui lawng/Ulcer i neih chuan Balhla hi a melh pawh melh suh. A that loh dan scientific taka proof dan chu ka hre velo nang a, a thalo
Practical proof. Kaw ruah lai in e lo tur..
[Report abuse]
November 25th, 2011 at 10:26 am
Khaw nge ka balhla um kha, kan phawrh teh ang..Balhla hi a thatna a in ang vek a ngem len aw? Zo balhla nge vai balhla kual hi tha zawk ang aw? (nawi tiah tiah)
[Report abuse]
November 25th, 2011 at 10:29 am
A van han tha thin thuai2 ve awh…hetiang lam hi Lo Post uar teh u(n)
[Report abuse]
November 25th, 2011 at 10:33 am
FIMKHUR A THA….posttupa sawi ang hian balhla hian thatna tam tak nei mah se a mimal azirin thatpui loh theih a ni a, ei fimkhur deuh a tha. Kei paw’n kum engemawzat chhung chu zing breakfast-ah ka ei tel ziah a – titha inti ang reng takin. Mahse 2009 khan general check-up ka tih tumin ka doctor-in balhla ei tawh lo turin min ti mauh mai. Chuta chin chu ka nghei nghal hmak. Pum lam a khawih theih bakah blood pressure te pawh a khawih thei a ni awm e.
Sapho pawhin balhla chu ‘gold in the morning, silver in the afternoon, bronze in the evening’ te an lo ti thin.
[Report abuse]
November 25th, 2011 at 11:24 am
A bengvar thlak hle mai
Thatna: A kawr chhunglam hian ha nawt nitin ila, kar 2 velah chuan a var ser thei.
That lohna: Kaw ruah laia ei hi a tha lemlo, ulcer leh zunthlum nei tan ngat phei chuan a thalo zual hle awm e.
[Report abuse]
November 25th, 2011 at 11:54 am
Khawnge fonzie hi..a banria lo dahchuak tel se
[Report abuse]
November 25th, 2011 at 12:36 pm
@ Maya, a mihring a zir te pawh a ni thei ang, damdawi pawh hian side effect & adverse effect an nei deuh vek a, mahse mihring tlemte ah chauh adverse effect a lang thin. Kan taksa hi mihring a zirin a danglam ve zel a, Mi pakhatin chakai a eiin a lo bawl chhuak vek a, a thaw tha theilo a, mahse midang chuan an ei a, an allergic chuang lo. Balhla an eiin an allergic ve thei tihna nih chu. Balhla ei vanga thaw tha theilo chuan ei tlem/ eiloh pawh pawilo ang. Mahse balhla chi hrang hrang a awm a, a chi dang a ei mai theih, entirnan: banria a lo allergic a nih chuan lawngbalhla a allergic lo thei bawk. Thanks for feedback
[Report abuse]
November 25th, 2011 at 12:39 pm
Hman deuha Radio Prog. pakhat ka ngaihthlakah chuan “Banhla” tih hi a dik zawk hmel an ti, in lo hre ve emaw chu?
[Report abuse]
November 25th, 2011 at 1:00 pm
@ K^_~lhawk: “Balhla” tih leh “Banhla” tih hi ka hre ve ve a, kan hman tam zawk hi balhla niin ka hria a ka hmang ta a ni. Synonym (Balhla~Banhla)a ni thei mai lo maw…? Han sawi zel teh u.. Thanks 4 feedback
[Report abuse]
November 25th, 2011 at 1:43 pm
Balhla ai chuan Balhla Zu tui ka ti zawk mauh mai
[Report abuse]
November 25th, 2011 at 2:17 pm
Balhla zu chu kan tet laiin (~5 Yrs) a balhla tak nen ka hawp tawh a, tui khawp mai….
[Report abuse]
November 25th, 2011 at 6:44 pm
Awiiii….Tui ka ti sa, Van Lal Balhla Thaful bon top-i Nu a nih ngawt chu,,ei zel ang.
Good Post…
[Report abuse]