Zofate’n kum kha leh chen paradis chen a kan lo chen ve, dar tui ang kan luanna, kan rin, kan Pathian lungrual taka kan biak hona, an sawi ‘Garden City’ Bangalore khawpuiah chuan kohhran inthenna thu a lo ri ve ta.
Hei hian Bangalore a cheng mek Mizo te mai bakah, Zoram leh khawpui danga kan Mizo puite thlengin min barakhaihin, Bangalore Mizote chu kan tapin kan rum a nih hi! He inthenna hi kohhran mal pahnih inkar a ni lova, kohhran hrang hrang lawi hona atanga kohhran mal pakhat peng tur chungchang a ni a.
He inthenna hian Pathian biak inkhawmah chauh min ti hrang dawn lova, Bangalore Mizo khawtlang intihhlimna, chhiatni thatni, leh hunpui reng reng ah thenna dar a rawn vaw tawh zawk dawn a ni. Tun anga kan in unauna zawng zawng hi hmanlai an lo chang tawh dawn a ni.
Hetianga kohhran inthenna runthlak tak hi Bangalore Mizo za a sawmkua pakuate chuan kan duh lo niin a lang, hei hi Bangalore Mizo Association leh Mizo Student Association, Bangalore in hemi chungchang a joint committee an neih tum pawhin a lang chiang hle a ni.
Hemi chungchanga rinthu leng vel leh zawhna tam tak awm thei tur karah, Bangalore a cheng leh khawsa mek, Presbyterian mi ngei hnen atang hian Zofate, Zoram leh khawvel hmun hrang hrang a awm te hnenah, he thil thleng avanga Bangalore boruak hi in hriat ve thain ka hria a. Mipuite tawngtaipuina leh Bangalore Mizote kan inpumkhat theih nana theihtawp min chhuah pui turin ka ngen duh che u a ni.
Bangalore Mizo Christian Fellowship (BMCF) hi kum 1975 khan din tan niin, kum 35 zet chu Kohhran bik leh pawl bik sawi lovin, lungrual takin Pathian kan lo be ho tawh thin a. Bangalore a awm tawh thin te’n ha hip a an sawi, la awm ve ngai lo te’n hmuh leh tel ve an chakna chhan hi Bangalore Mizote kan inthurual zia leh pawl bik thlu miah lova Pathian kan fak ho thin na hi a ni fo. A chhuan pawh hi kan inchhuang ve deuh lah a ni.
Rawngbawlna leh thlarau lamah lah hma kan sawn nasa! Kum 2007 a Upa Ngurthantluanga leh a team-te ruai a, camping kan neih atang phei kha chuan a than hian kan thang uak uak hi a ni ringawt mai a ni. Tun kum li kalta a thlarau lama kan hmasawn na hi a hma zawng zawng kum belhkhawm ai pawhin a tam ang ti ila, kan tisual tam awm lo ve.
A bikin thalaiten BMCF inkhawm leh rawngbawlna hi an hlut em em a, kan zaite a nuam in, kan program pawh thalaite milin hlawk takin kan hmang thin. Bangalore ah hian Mizo 1500-2000 vel awm anga chhut kan ni a, inkhawm hi chawhrualin chawlhni tin mi 200 vel inkhawm ang kan ni. Kan hruaitute pawh in pawlh rual takin, tun kum 2011-2012 hian office bearers kum tir a kan thlan ang chuan Baptist pakhat, Lairam Isua Krista Baptist Kohhran pakhat, Evangelical Church of Maraland pakhat leh Presbyterian mi pathum kan awm a ni.
Tun kum May thla atang khan tun hma a kan lo sawi fo tawh, kan tih hlawhtlin hleih theih loh, kohhran serh leh sang (Lalpa zanriah Sakramen, nau hlan, baptisma leh inneih) pawh hmang tan ve tawh tura thutlukna siam fel a lo ni ta. Khami bawhzui a Presbyterian leh Baptist minister te’n Lalpa zanriah sakramen an han buatsaih ho te phei kha chu hnuk hi a ti ulh a ni.
Tun kum chhung ngawt pawhin hun pum rawngbawl tura an hnathawh lai bansan a Lalpa tana inpe hi BMCF atang hian an awm nual asin! Hetiang taka hlim taka Lalpa malsawmna kan chan ho laia, kohhran indanna pawh ni lo, in thenna thuthang kan han hria hi chu Bangalore mipui te kan na tlang a, a tul lo hi kan ti em em a ni.
He Bangalore Mizo Kohhran, Presbyterian Church of India inti a lo ding hi, October 30, 2011 khan an din thu BMCF hruaitute hrilh an ni a, han zirchian deuh chuan Mizoram Synod rawn din a lo ni reng reng lo lehnghal a. Chu mai piahah Bangalore ah hian Presbyterian mi leh sa heti zozai kan awm laia, mi paruk vel lek in (a zatve phei chu mikhual cham rei an ni ber e) engmah in rawn leh inhriattir lawkna awm map lo mai a, kan hmalam hun tur ah thuthlukna min han siam sak ngawt mai hi chuan ngaihtuahna a ti thui duh hle mai.
Heng mikhual cham rei, rinna lama kan hruaitute, Pathian ram ngaihsak em em mai tu te’n, kum khat pawh la awm lova, a tam berah kum 2 vel bak an awm dawn lo tih hre reng chunga, heti em a thalaite zinga rawngbawl duh na leh kohhran hial phel pawh pawi ti zo lo va, Pathian an han hmangaih thei mai pawh hi, an fakawmin a lawmawm rual rualin, ngaihtuahna chu a ti thui kher mai.
Presbyterian thalai rual 350 chuangin in then an duh loh vang a, Synod hruiatute hnena ngenna tura an hming leh kohhran lawina an rawn pekte han ngaihtuah phei chuan, he thutluk na siamtute hian an tisual ve deuh a ni lo maw aw, tih min ngaihtuah tir a ni.
He kohhran thar din chhan leh tum ber ni anga tarlan te chu, rawngbawlna thuk zawk leh zau zawk neih te, pastoral ministry neih te, Bangalore a Presbyterian mi leh sa, chhungkua a awm, hnathawk leh zirlai te kohhran inkaihhruaina a zirtir te, serh leh sang khawih te an ni tlangpui a (Hei phei hi chu BMCF in a kalpui mek a ni).
Heng an thil tum te ngun zawk a han bihchian hian, hengte hi kohhran inthen darh kher lo hian a tih theih tho lawm ni? tih chu ngaihtuahnaah a lut lo thei lo a ni. He kohhran thar a a hnar kaitute hi Mizoram Presbyterian kohhran hruaitu, mi tha, mi thiam leh ril tak tak an ni hlawm a, mimal in tihthiamloh vang leh BMCF a lungawi loh vang mai mai ngawt chuan kohhran an thendarh duh chu kan rin phal loh laiin, kawng leh lamah an thil tum te han en chuan kohhran thendarh kher lovin, full time pastor rawn dah te thlengin an tum chu a hlenchhuah theih tho awm vei nen, tih te chu ngaihtuahnaah hian a awm veng veng a ni.
Chuvangin, a din chhan dik tak hi hriat a harsa a, Synod Executive Committee leh a hnu lawk a Synod khawmpui lo awm mai tura pawm leh nemngheh an awlsam theih nana lo inphuahchawp ve mai nge an nih lah keini hriat phak va ni suh. Mahse, “Synod in anmahni mi leh sa te kohhran lo ding tawh an thiat lovang,†tih tawngkam te a an lo inhnem ve danah, ‘a lo ni thei mai awm mang e aw?’ tih te chu min ngaihtuah tir lo thei lo a ni.
Keini engmah hrelo, nu leh pa, pi leh pu atang tawh a Presbyterian ve bur ringawt mai tan chuan kan Synod hruaitute hian kohhran lo ding tawh phawt chu, an mi leh sa tlemte an lo inkhawm ve a, vawi hnih khat an lo inkhawm hman phawt chuan, i he lovin, an din chhan (motives) te pawh chiang taka zirchianna nei lovin an nemnghetin an pawm lo ngam lovang,†tih te chu kan presbyterian kalphung ni thei ah kan ring bawk si lo. Dik tak maw! Pathian in thil engkim a hria a, kan thatna turin engkim a rel ang tiin kan inhnem mek a ni.
A tlangkawm nan: kan Presbyterian kohhran member nihna ngei World Council of Churches te, National Council of Churches in India te, North East Council of Churches in India te leh Mizoram Theological Association ngei te pawhin kohhran hrang hrang inzawm khawm leh thawhhona kan chawisan a, kan Mizo pui leh kan kohhran mi leh sate ngei pawh in hruaitu nihna an chelh lai a, chutianga lo inzawm khawm tawh sa, thendarh zawng a hmalak chu kan synod rilru leh kalphung pawh a ni lo turah kan lo ngai ve a.
Kan hruaitute zingah Pathian tih mi, a tha chu tha, a tha lo chu tha lo ti thei kan nei te hi a thlamuan thlak kan ti a. Denomination rawngbawlna ai a Pathian leh a Thu dah lal zawk fo tu te kan nei hi vannei kan inti em em a ni. Kan kohhran ropui tak hei leh chen min hruaitu Pathian, kan kohhran hruaitute, Zoram leh hmun hrang hrang a Zofa, kan natna te hria a, lainat tak a min thlirtu te chungah lawmthu ka sawi e.
“Ka Pa thianghlim, nangin kei mi pekteho hi i hmingin hum rawh, pumkhat an nih theih nan: Keimahni ang bawk hian (Jh:17:11). Tin, nangin ropuina mi pek te kha keiin anmahni ka pe ta, anni chu pumkhat annihna turin, keini pumkhat kan ni ang bawk hian. (chang 22-na)â€
Kan Lalpa Isua duh dan leh Pa duh zawng a zirtirte chu pumkhata an awm a ni a, tuna Kohhran ho kan inthendarh nuai hi chu a duh zawng a ni lo. Zaikhata luang turin min duh a ni. Tirhkoh Pawla pawhin; “Tin, Unaute u, inzain thu thuhmun in sawi a, in zinga inthenna reng a awm lohna turin, rilru hmunkaht leh ngaihtuahna hmun khata fel taka in inzawm tlat zawkna turin kan Lalpa Isua Krista hmingin ka ngen a che u, (1Kor. 1:10)â€
Similar Posts:
- Bangalore Titi
- Mizoram Presbyterian Synod in WCC zawm dawn lo / Bangalore ah pastor dah rem ti
- A month of elections
- Synod-in CYMA nuai khat pe
- Synod office hawn ni a Kohhran hruaitute thusawi
hairehai
November 8th, 2011 at 9:06 am
# 100… A dik chiah. Thil sawi fimkhur a ngai khawp mai.
Kei ni, a hmun a awmchilh tan pawh hian thil a hriat loh theih haih haih khawp! Tv. Funny-a phei chuan kan boruak pawh a lo hre miah lo a nia
Mi tlem te (10 pawh tling lo) in huai tak a (an Kohhran thalai pawh hrilh lawk lem lo in; tin hrilhlawk kher a ngai an ti lo pawh a ni thei a) hma an lak ngam chuan, Synod hruaitu thenkhat te atangin Green Signal an dawng pawh a ni mai thei a, tu’n kan hre lo.
Mizo Kohhran (PCI, Bangalore) a awm hi tuma’n an hnial bur lo; mahse tuna din an tum dan erawh a dangdai deuh niin a lang..
[Report abuse]
November 8th, 2011 at 9:50 am
He thuziak hi vawiin Mizoram chanchinbu thenkhatah (Zozam leh aizawl post ah) tihchhuah a ni anga, Aizawl pa ho titi a ngaihthlak chakawm hle mai.
[Report abuse]
November 8th, 2011 at 10:05 am
A va uihawm em! Lungrualtea pawl bik sawi lo va dar ang len za lai kha…kan la ti vawng vawng dawn anih hi…
Pawl rilru hi he leia kan awm chhung chuan kalsan a har deuh a nih hi….hetiang pawl rilru avanga pawl hrang hrang awm hi kan ni miau a…
an lo chhuak laklawh tawh si…mahse Pathian duh dana din anih loh chuan an thang duang bik lo ange i ti mai teh ang ….
[Report abuse]
November 8th, 2011 at 11:12 am
99 @zotlangworrior, a ni maw, ka hriat sual palhah i ngaihdamna ka dil e. Kei hi ka lo tangulh palh a ni ang e. Amaherawhchu ka’n ti leh hram teh ang, lateral support emaw, moral support emaw, physical support emaw pawh nise, a hretu turin ka hriat fuh loh tlat si chuan, a hnial hratthlak tang tang viau a ni. Engpawh nise thu ziakah fimkhur ngai ala awm ve deuh a ni tih hi hre thar leh tlang theuh ila tiin advantage kan la ve hram teh ang. Tanhmun inang reng pawh kan inthrethru mai dawn alawm le
[Report abuse]
November 8th, 2011 at 11:57 am
A inkhawm khat zawnga min hmer tel kher le in va han sual tak, in Off Toptic tiah tiah eeemai.
a mimal zawngin min bei ka ti mai tur asin
[Report abuse]
November 8th, 2011 at 12:06 pm
Enge inkhawm pawlh pawh chu nuam intih em em a?
Anmahni a kohhran ding tham an awm chuan Pres ho hi an thiam lohna ka hre hran lo.
A hrim hrimah bangaloreah te chuan vai pres, vai baptist, vai upc te an awm ang chu, tah khan inkhawm ula ani mai a lawm..
[Report abuse]
November 8th, 2011 at 12:41 pm
@lrta A tute mah in thliarna awm lo a Pathian fak ho te cu ropui deuh sin.KTP+PYD+TkP+SAY+YMA+KOHHRAN +NAUPANG PAWL=BMCF.Keini b’lore tan chuan a pawimawh em a,a awm ve lo te tan chuan hriatthiam pawh a harsa ni maithei e.Kohhran din hi kan duhlo bur leh kan do a ni lo.Nakin zelah b’lore mizo te tana hnam in unauna leh lungrualna a ti chhe thei dawn tlat a.Kan chhiatni thatni a a ni chu press,upc,baptist,catholic,seventhday a nia tih tawngkam la ri khan keini thalai tamtak rilru a ti na..a hrilh chhuak ngei2 bok ang.In tawngtai puina ka mamawh hle a ni.Eng pawh thleng se pawm dam thiam thleng a kan zir hi a ngai dawn a,mimal in huatna te hi thleng lo se kan duh ber a ni.Lalpa dinpui loh kohhran a nih palh erawh chuan a vuaklet a na viau ang.
[Report abuse]
November 8th, 2011 at 12:50 pm
funny hi hetiang lamah chuan ka lo beisei san ve tehlul nen…hairehai
[Report abuse]
November 8th, 2011 at 12:55 pm
#105… Hahahaa… Boruak inmung, kan hriat loh zia ka’n sawi na a ni e, inkhawm khat lam ka sawi lo a nia aw thianpa…
‘BMCF-a nihna pawimawh tak tak chelh tam zawk paw’n, he chanchin an hre lo hi a mak’ ka tihna… 
[Report abuse]
November 8th, 2011 at 1:00 pm
Nakinah tirhkoh Paula thukhawchang ka la rawn post ang, ka ziah peih chuan.
Thuthlungthar hunlai a ringtute pawh kha Isua in a kalsan na ala reiloh tehlul nen phel an lo tum hmanhmawh anih kha. Tute mah hi in pawng dem ngawt thei kan awmin ka hrelo ve mai mai keimah ah chuan.
Truth kan tih tepawh hi philosophy zawng chuan debate theih tak ani, keini tana “truth” kha midang tan truth ani ve kherlo ang deuhin dik leh tha kan tih kha midang tan dik leh tha ani kherlo ve bawka, rinna leh kohhran thil ah ngat phei chuan ani lehzual.
Kohhran hrang hrang inkhawm ho ah ro ro pawh denomination thenkhatin dominate tu zawk nih an in chuh deuh tepawh ani maithei a enge a chhungril ka hrelo a. Hetiang leh thildang tamtak ah hian khawvela cheng kan nih miau avangin kan rinna leh khawvel rilru chawhpawlh thiam angai khawpmai a, heihi tirhkoh Paula khan a a analyse nasa hle niin ka hria. Piantharna tehian min ti nu bulh lo sela, fim kar a pianthar hi a tha ani. aaa… nakinah kala rawn sermon zawk ange. hehe
Ka principle ve mai mai chu (ka zawm tha in tih leh tih loh chu ka hrelo a)
“Rilru hi chu han zau huau mai sela mi pawh an leng tam nge nge.”
tih mai te hi a pawimawh ve riau in ka hria. Mi ina minlo hua a minlo ngei emaw anih pawhin ngei let ve lemlo ila keimahni pawh kan awm a nuamin rilru lama hnehna kan chan theihna niin ka hria.
[Report abuse]
November 8th, 2011 at 1:09 pm
#110…
Ka inhlan e. Sermon-pate mah mah, tak tak a nghahhlelhawm hle mai
[Report abuse]
November 9th, 2011 at 1:52 am
Hemi chungchang hi ka lo hre ve miah lova… heta thuziak tih mai loh chu engmah ka hre lëm lo. Amaherawhchu, Zoram pawnah chuan hetiang anga Kohhran bik ang záwnga iná¹hen hi chu á¹ha ka ti lo khawp mai. Inlungrual taka Mizo á¹heuh á¹heuh rawng kan bà wl ho tluk hi a awmin ka hre lo. Hyderabad lamah pawh, Mizote chuan inlungrual takin ‘joint fellowship’ angin kan la kalpui zel a, Bangalore lama kan unaute zingah, hetianga iná¹hen hran bik duh tlat an lo awm a nih tehreng chuan, kei chuan a pawi ka ti takzet. Rawngbà wl ka tum dan a diklo ni berin ka hria.
[Report abuse]
November 10th, 2011 at 6:18 am
A thluak vawrhvir vel tu hi chu Pathian in a hrem em loh pawn setana chuan “ka sakawr pate” a lo ti hrim hrim ang.
…Khrum
[Report abuse]
November 15th, 2011 at 11:14 am
Mimal tin hian a hrangin Pathian kan bia a, chhungkaw hrang hrang hian chhungkua te tein Pathian kan be bawk a. Mizo community ang hian kar khatah vawikhat chauh tal hi chu hmun khatah Pathian be ho thei ila, kan ram leh hnam dinchhuahna tur a ni asin maw le.
[Report abuse]
November 20th, 2011 at 3:39 pm
114 KZP
[Report abuse]
December 7th, 2011 at 10:42 am
Hruaitu thlan ah fimkhur rawh uuu.. a awm rei tawh ringawt hi an thra ber kher lo a nia.. alo awm rei tawh, alo awm tawh sa te nen a neuh neuh ngah ang chi te kha an awm nge awmlo zawng chhuak ula, nihna pe tawh reng reng suh u.. Bangalore family thenkhat ho kha neuh2 an ngah ru duh riau ania.. Hruaitu ah chuan officer inhmang an awm chuan an thra duh phian zawk an awmlo anih chuan zirlai ho kha in vote tling rawh u.
[Report abuse]
December 15th, 2011 at 8:25 am
Bangalore-a Mizo Presbyterian Kohhran a ding kha tute emaw chuan tha lo an ti viau a. Kei pawhin inthen ai chuan inpumkhat hi tha ka ti ber. Mahse, khawvela awm kan ni a, chenna hmun, rilru, leh tihdan in-ang lo awmkhawm hi thiltih a buaithlak-in, hmasawnna a dal nasa khawp mai. Chuvangin, neuh neuh a awm renga lungrual taka nghawngkawl bah-dun a theih lohva, loh theih loh thil a nih chuan rilru thianghlim taka inthen mai hi a tha ka ti. Insawisel vak chi niin ka hre lo. Saiha lama Mara kohranin an hnawl a, an paih hote pawh an Pastor paih te chawpin Presbyterian kohran chuan i-he lovin tun Synod-ah khan an pawm hmiah hmiah a, kohran tih tur dik tak niin ka hria. Sawisel lovin rawngbawlna hlawhtling tak an neih chhunzawm zel theih nan i tawngtaipui zawk ang u.
[Report abuse]
December 30th, 2011 at 12:49 am
Pu Lalchuangliana leh Pu Thangmawizuala a copy hi ka print anga ka chhiar tir thlap teh ang… Hetiang hi kan tawng ve ang tih ka hlau lutuk. Hmannia Kohhran hruaitu inhmuhkhawmah pawh hetiang boruak tep hi a thleng a, hemite pahnih hian meikawhin an tang tlat a, kan kohhran hruaitute pawh hi chiang lehzualin an tan lehzual nan ka chhiartir duh tlat a ni.
[Report abuse]
December 30th, 2011 at 12:52 am
Kan sawi leh.. Lungleia kohhran lian tak pakhat atanga nihna duh vanga pawl dang dina kohhran atanga chhuak a, midangte pawh kohhran upa nihna offer a mi tam tak thlemchhuaktute thiltawn kha a rapthlak asin. A then accident, athen piansualnain a umzui nawk hlawm asin. He thil hi lei kohhran a ni lo, kan thendarh a kan duh duha kan lo tihkawi hian Isua thendarh a, duh duha tikawi kan ni tih kan inhriat a va pawimawh em.
[Report abuse]
December 30th, 2011 at 2:04 am
Trawta: Haha. A tul anih chuan nakinah a bul thum atangin kala rawn sawi ang. Bangalore a awm ho hi pawng dem ngawt chi an nilo, Synod hmun pui leh Baptist hmun pui lam atanga boruak in mung hi anlo tem ve chauh zawk ah ngai rawh u. Tunah hian kohhran mipui, Baaal hma a thingthi ngailo hi tamtak an la awm e.
Kohhran tepawh hi a kal a kal a thil a tih theih tulh tulh chuan a materialistic ve tulh tulh ve bawk tih hi hria ila a tha. Hmanlai a Catholic church ang deuh khan tunah chuan biakin pawh… aaaa… Mission veng biakin tehi han en teh u, sum an neilo a anilo(Loan pawh an la rul tak tak. lolz), hmun an neilo pawh a nilo, an biakin sak thar mawi em em hian kohhran mipui tamtak a accomodate theilo a sunday sikul ah puitling pawh inkhawm hran hial ngai khawpin an sa nalh a, mahse kohhran mipui an leng dawnlo tih an hriat thiamloh a rin awmloh na in an sa te thung… Kohhran nge Pathian hi kan ngaih pawimawh tak le… A ropuiin a mawi mahse…
[Report abuse]
December 30th, 2011 at 6:36 am
Funny, a va dik em..!!! Ego hi personal level leh kan Kohhran level-ah pawh hian kan nei sang tlat hi Mizote setanan min beihna hmanraw tha lutuk a ni tih kan hriatchhuah a va tul ta em..!!
[Report abuse]
December 30th, 2011 at 10:48 pm
Funny leh Chemtatrawta chu in rilru a puitlingin in comment pawh hmuh a nuam hle mai. Pu Chuangliana leh Pu Thangmawizuala khi tute nge aw? a copy chu lo pe ngei teh u, awmzia a neih dawn phawt chuan. Hei a ziaktu kei hi chuan ka kut ka sil hmak a, theih tawp ka chhuah a ti hi kan ni ta si a, ‘a tlai ta’ ni te pawhin a sawi theih awm e. Mahse, Synod khawmpui in an rel zawh rual rual khan chanchin ka lo hre nghala, ka rilru a rawn lang nghal phat chu a va pawi em tih leh Ni 4 tlai hnu pawh a, mihringte theihna piah lama a ropuina leh Lalna tilang thin Pathian kan nei a lom le tih hi a ni tlat. Chuvangin Pathian kutah ka dah hmiah mai. Lunglei lama thil thleng ang em em te khi chu an chungah thleng lo hram se ka duhdan chu a ni, amaherawhchu, simna thinlung leh inngaihtlawmna tak tak nena, an thiltihte an lamlet chu ka beisei chu a la ni fan. Mizoram boruak kan tem in han tih te pawh khi a dikna lai chen a awm ngei ang. He thil thleng hi Pathian duhdan a nih ka la ring thei chuang lova, a ni ngai bawk dawn lo, mahse Pathianin thlentir a phal tih erawh hi chu a chiang, a thlentir phalna chhan hi kan ngaihtuah chhuah erawh a pawimawh viau awm e. Thilsual chu a ‘icing’ a mawi avang emaw, a tam zawkin an pawm vang emaw (he case ah hi chuan a ni lo chiang bang bawk), hun a rei vang emaw in a sual a kha a nep phah chuang lo. khuh mawi chi a ni lo va, sual hi chu sim a khenbeh mai tur a ni.
[Report abuse]