Tunlaiin hnalak chungchang ah sawisel neuh neuh leh diklo tak a mahni duhsak zawng thun tih vel ten min chiah nasa ta hle a. Tunhnaiah pawh RD department hnuaiah hetiang thawm hi kan hre leh ta.Departmental exam ah te department in exam a conduct in an mahni duh dan dan in rules leh regulations officials ten an kuaiher thei tehreng em? Dan leh dun mumal zawm tur an nei tur a ni dawn lawm ni? A nih loh chuan an duhsak zawng thun ngei tumin an dan leh dun an zzam kual chiam chiam mai dawn tihna a ni a. Hetiang chuan kan thalai hna zawng mek te rim tak leh thi leh thau pawlh a zir mek te tan kawng a va thim awm em…… tiin awm hmun ah ka lo ngaihtuah ve mai mai a.
Exam conduct hian sorkar department hnuaia department tin hian dan leh dun mumal tak an neiin an zui ngeitur a ni. Tin, interview hi hnalak beh chhan ber ah kan hmang a nih chuan thil fel lo tam tak ala awm dawn chauh a ni a, bansan hmiah chi a ni.Mahni duhsak zawng thunna tur hmanraw tha tak ani mai a, duhsak zawng thun an tum chu zawh tur awm chin leh zawh dan awm ang an hriat ngei pawh a rinawm. Tin, mark pek chungchang ah in duhsakna uchuak tak hmanna hun remchang a ni bawk.
Tin, dik taka a tling leh a thiam ngei te lak an ni theih nan MPSC ngei pawh in exam system pawh hi screening bansan a, written examination ngei conduct turin d 23/1/07 khan thu chhuah a lo siam tawh a, Supreme court directive angin chuan personal interview in 12.5% of written marks chauh a pu tur a ni ti bawk.Chuvangin interview hi hnalakna tur rin bera neih chi a nih loh zia a chiang hle a ni.
Department officials te hian ‘Kan department ania,kan duhdan dan in kan ti thiang a lawm’tih chhanna min pe lul suh se. A thiam ngei, a tling ngei kan lak hian kan sorkar ngei pawhin nasa takin hna a thawh that phah dawn bawk a.Ram tan, mipui tan, sorkar tan hnalak chungchangah i finkhur in diktakin hma i la teh ang utih hi ka han thai lang ve a ni e
Similar Posts:
- RD ah Diklo takah hna lak…
- MZU LDC post chungchanga buaina
- MNF-in HW training tur lak dan leh Minister fate MBBS zir dan an helh
- Hna lak chungchang
- MPS written result chhuak
in va lut...
hairehai
November 17th, 2011 at 10:03 pm
Hna1ak hi kan puit1in 1ohna tak a ni. Ngatinge aw… Hman atanga vawiin th1eng hian “Hna 1ak” sawi apianga a felhlel, a fair, induhsakna uchuak tih thawm a awm fo mai 1e… Huihammmz…
[Report abuse]
November 17th, 2011 at 10:06 pm
nia kawlhawk a sawi khi ka tawmpui mai keipawh, han sawi vak tur ka nei lo.
[Report abuse]
November 17th, 2011 at 10:07 pm
*a fair lo* ka tihna..
[Report abuse]
November 17th, 2011 at 10:10 pm
Kawlhawk hi a first leh ta. Ka pawtthla dawn che mawn le? I first ve ziah
[Report abuse]
November 17th, 2011 at 10:15 pm
#3 : ‘a fair’ i tih pawh khian Fonz chuan a thlawp tho che alawm
[Report abuse]
November 17th, 2011 at 10:18 pm
century child, nang e nge i ngaihve dan? kawlhawk a sawi i thlawp thei dawn em?
humbly yours
The Fonz.
[Report abuse]
November 17th, 2011 at 10:19 pm
CM meuh pawh khan ‘Heng mi te berte chunga intih hi Ka chunga ti in ni’ a ti mawlh mawlh si a.. mak thei ngei mai..
[Report abuse]
November 17th, 2011 at 10:37 pm
‘Dan leh dun’ ni lovin ‘Dan leh hrai’.
Post tha tak a ni. A ni khawp mai, interview hi hman thiam chuan written tluk deuh thawin a hna azirin a tangkaiin, kan mamawh ang mi kan lak theih phah thin. Nimahsela, Mizoram sawrkar hnuaiah hi chuan kan hmang sual nasa hle tih a hriat a, Supreme court thuchhuak anga hman mai khi a him khawpin a rinawm.
[Report abuse]
November 17th, 2011 at 10:44 pm
Good post
Sorkar hnaah (state govt.-ah bik. Central-ah chuan a ni lo) interview-in mark a put tam chuan induhsakna uchuak a awm thei reng a ni. Private sector angin ‘hire and fire’ kalphung hi sorkar hnaah a remchan loh avangin written exam hi a pawimawh em em reng ang. Tunlai chhanah phei chuan arithmetic/mathematics-a hnufuam tan phei chuan kawng a kaw lo angreng an ti.
[Report abuse]
November 17th, 2011 at 10:58 pm
Imagine ngai thla leh daih mai ang.
[Report abuse]
November 17th, 2011 at 10:59 pm
#6 Fonz : kawlhawk te chu thlawp zel mai e le, ‘awke atangin rangkachak tlang a siam theih’ pawh ti se ka thlawp ang chu mawle, a ‘zangfakawm’ a:-D
post hi ka
e.
[Report abuse]
November 17th, 2011 at 11:12 pm
Hna lak a lungawi loh ai chuan fair vak lo in tling ve thei ta ila ka hnar ngam ang em tih hi a pawimawh zawk feee…
[Report abuse]
November 17th, 2011 at 11:28 pm
Tunah hian sawrkar hnaa fair lo taka lak zawng zawng hi vaiah chang ta vek se, vai an tam hluai lovang maw?
[Report abuse]
November 17th, 2011 at 11:49 pm
#13.. tam hluai khawp ang….
[Report abuse]
November 18th, 2011 at 12:10 am
[Report abuse]
November 18th, 2011 at 6:29 am
Kan ram a sorkar hna a hlu lutuk hi a buaithlak a nih hi, berr mai a. Kan mihausate hian thalai lehkha thiamte hnathawhna tur private industry paper siamna ang chite hi din han intih hmuh teh u khai.
tren tren
[Report abuse]
November 18th, 2011 at 7:04 am
Hetianga fair lo taka duhsak zawng hna pek fo ai chuan thum vawr sela, tute mahh sawisel theih ani dawn si lo va. a tha mai.
[Report abuse]
November 18th, 2011 at 8:30 am
Written atanga lak hi ni e hmun thenkhat leh hna thenkhatah chuan a tha tho mai. Mahse, keima tawn hriat tawhah chuan Written-a titha nazawng hian an thawh tur hna hi an thiam kher lo tih ka hmuchhuak chiang khawp mai.
Kan hriatchian, mi taima leh rinawm, kan hnathawh tur thiam chiang ngei tur lak hi a tha ber a. Chumi tehfung atan chuan Written leh Interview mark put zat inang hi a that zawk chang a tam mai. Mahse, hetianga tih hian induhsakna uchhuak a siam leh thin a, hei tak hi a pawi thin chu a ni.
Engpawh nise, engti zawng zawng pawhin mi tupawh hnathawk tura lak anih hian a hnaa chu thiam se, tha tak, rinawm tak leh dik takin thawk thin se a tha ber
[Report abuse]