Hun rei tak ka lo kawma ka lo kawp tawh, ka thiannu chuan pasalah hnam dang min neihsan ta a. Ngaihtuahna a kal thui kher mai.
Chutih lai vel chuan khawi emaw laiah hnam dang pasala neih chungchang an sawi a, hmeichhia ni ngei tur pakhat chuan, “Mizo mipate chu neih tlâk in vâng em alawm,” a rawn ti khanglang a. Ka sa zak mai.
Ka thiannu pasal neih tâka chu a mimal tak pawha ka hriatchian a nih avangin ka inkhaikhin nghal vat a.
* Ani chu milem pathian bia, Hindu tlangval a ni a; kei chu Pathian nung bia, Kristian tlangval ka ni.
* Zirlai a ni a, hnathawh engmah a la nei bîk lo va, a chhûngte’n an châwm. English, Hindi a thiam a, Mizo tawng a thiam lo; zirlai ka ni a, lehkha zir chungin hna chhetë ka thawk a, chhûngte tibuai lovin ka intodelh ve tâwk. English, Hindi ka thiam, Mizo tawng pawh ka thiam.
* A ngo ving veng bîk lo, a hmêl phei chu a vântlâng chung lam bîk lo. A sang duau a, a tlâw hmêl hliah hliah; kei chu ka ngo veng a, hmêltha viau anga sawi tur ni lo mah ila, amah kher kher kha chu vântlâng hmaah ka cho. Sàn zâwngah ka chen lo va, mahse, ka ni duau lo va, ka sa a inphut mawi zâwk.
* A nu leh pate hi sakhaw mi tak an ni a, an inkhuahkhirh nasa; ka nu leh pate hi sakhaw mi tak an ni ve tho va, mahse, min khuahkhirh em em lo.
* An society kan hria, in hria; kan society in hria, kan hria. A nuam zâwk tur chu neutral tak pawhin thlîr ila, a lang chiang em em.
* Ani chuan sikret a pak hlat hlat thin a, zu pawh a in, a rui chhe ngai lo nain; zûk leh hmuamah ka fihlim a, zu pawh rui chhiaa rui chhe lo tur paw’n ka in lo hrim hrim.
* An inchhûngah Hindi an hmang, anmahni tawng a ni a, ka thiannute tawng a ni lo; kan inchhûngah Mizo tawng kan hmang, kan tawng a ni a, ka thiannute tawng a ni.
* Duhtâwka sum hman tur an nei, an hausa, an neinung; duhtâwka sum hman tur kan nei lo, kan rethei, kan harsa. Sum hi nun hlimna a ni ber lo tih erawh ka hrechiang, ka thiannu paw’n a hriatchian ka ring.
* A hmangaih ve lutuk, a hmangaih thu chu tawngkain a hrilh fo; kei paw’n ka hmangaih khawp mai. Tawngkain ka hrilh fo va, ama tan liau liau poetry ka phuah a, amah avang liau liauvin thu ka ziak nual tawh.
Hnam dang aia neih tlâk ka nih lohna bîk eng nge awm le? Kan Mizo nulate hian ngaihzâwng atan pawha Mizo tlangvalte hi neih tlâk kan nih lohna chhan eng nge sawi tur in neih? Kan that lohna leh kan tlin tâwk lohna chu hnam dang pawhin an nei ve tho va, in hmu lian zâwk lo mai mai a ni.
hairehai
November 13th, 2011 at 10:32 pm
I va sawidik hmuar hmuar ve.
November 13th, 2011 at 10:37 pm
Tlinga puan i ni e. (Y)
November 13th, 2011 at 10:38 pm
K’u Tuaisiala nge nge, bei tha thin pup pup khawp mai…
November 13th, 2011 at 10:41 pm
Eheu, siki in ka la rawn ral ang che 😛
November 13th, 2011 at 10:43 pm
A dik lutuk tlat. Mahse mizo hmeichhe 99% hi chuan mizo mipate hi neihtlakah an ngai khawp ang.
November 13th, 2011 at 10:43 pm
(Y) A van tha em (Y) (Y) (Y)
November 13th, 2011 at 10:44 pm
Tha kher mai.
November 13th, 2011 at 10:46 pm
Vai leh hnam dang ngaihzawng nei ho hi hian ‘Mizo mipa, pasal a neih tlak an vang’ tih hi an chhuanlam ve a nia.
November 13th, 2011 at 10:51 pm
(Y)
November 13th, 2011 at 10:52 pm
1. A tawng i ngaihthlak sak thin em?
2. A thil thar neih te, a tuina lam i titi pui ngai em?
3. Duhsakna thil pek (present) mai nilo, inlamah te,entirnan thingpui i lum sak tawh thin em?
4. A lakah thu inti nei takin i awm thin em/ khuahkhirh i tum lutuk em?
5. A mitah enin, i duh thu i hrilh fo em? leh a dangte.
6. Mi hmaah i chawimawi thin em (fak hliak hluak ni chuang lovin)?
7. I fai em?
8. I thusawi ten belhchian a dawl thin em/ i insawi thei thin em?
Hetiang kan tih leh tih thin loh hian hmeichhia ten min kawm rei peih leh peih loh tam tak a hril ngei2 in ka ring ve tlat. 🙂
Vai ho English takin, “You are my number 1” tihna rilru neih hi a pawimawh khawp mai.
November 13th, 2011 at 10:52 pm
“Kan that lohna leh kan tlin tâwk lohna chu hnam dang pawhin an nei ve tho va, in hmu lian zâwk lo mai mai a ni.”
Mizo mipa te chu kan lo beisei sang ve deuh bawk ang chu (in hmeichhia te rennggg min beisei sang mai), tumah chu an perfect thei chuang lo tih hre reng chungin.
November 13th, 2011 at 10:54 pm
Anni chuan an n** lian bik a 😛
November 13th, 2011 at 11:04 pm
@ninja chu n** te deuh a ni maw? 😛 OT dalah, kei chu ka tlaklo tak zet zet e 😀
November 13th, 2011 at 11:06 pm
Vawiin chhun lamah tiang lam deuh post hi a awm in ka hria. Mizo nula te tan hnamdang, sap or vai neih hi tha ka tilo a, a neite chhuanlam ‘hmangaihna’ pawh chuti lua in ka dahsan sak lo. Mi pakhat comment ang deuh khan kan duh chin hi hmangaihna kan vuah vel mai mai ve bawk niin ka hria a.
Mahse, kan mipa te pawh hi inenchiang ve teh u. Mizo hmeichhia te pawh hian duat leh zah hi kan duh ve tho a, chu chu a duhthawh zual te’n hnamdangah an zawng em niang. Nangni paw’n hmeichhiate ah in beisei san kha.
Mizo te hi hnam hur uchuak kan niin ka hre lova, sexual preference vang chu anih ka ringlo.
November 13th, 2011 at 11:10 pm
ani chuan misual.com reng lo in a ngaihtuah a, keichuan misual.com post tur leh comments ah ka buaisan reng ———: ale le le 😛 😀
November 13th, 2011 at 11:11 pm
#14 tha piap piap e.
“Hnamdang mipa te chuan an nei lian zawk” in han ti leh ringawt thin hi chu mipa rilru a in ngaihtuah vang a ni thin. Hmeichhia te hian mipa te angin physical appearance hi kan buaipui uchuak lo, hmelchhe tak tak nupui hmeltha tak tak nei an awm hi, an fel vang leh an dinhmun vang kha a ni mai. Nula hmelchhia in tih em em kha in rim in rim kher lo ang. In rawn hnial leh na tur chu “Hmeichhia te chuan dinhmun in thlir lutuk” in rawn ti leh anga. Thlir ang chu! Tan la sauh reng ta che u.
November 13th, 2011 at 11:14 pm
I duat hliau hliau ngai em? Chintawk hriat erawh a pawimawh.
A lakah I pangchang ngai em? A lutuk erawh a tha chuang lo.
November 13th, 2011 at 11:20 pm
Zanin chu tang deuh hlek te’ng, hmeichhia deuh takin. Hmanlai Mizo mipa rilru sukthlek kha aw – tapchhaka thuchungin ‘I chaw chhuan a liam’ an ti ania. Huiha.. khang hun kan kalpel tawh hi chu a va lawmawm tak em. Khang hunlai kha chu tunlai mipa ho pawh hian ’em em a’ in tih ve tho ka ring.
Tichuan, mizo mipa hi in fel khawp mai, hnamdang nupui a nei hi sawitur in awm meuhlo. Hmeichhia zawk hian kan ti leh zeuh thin a, a pawi khawp mai. Hetianga kan hmeichhiatpui ten hnamdang an hmuh taih lohna tur hian theihtawp chhuah teh u. Nia, status, sum leh pai dinhmun, future security, a bikin sum ah, hmeichhia in a thlir tawh, a chhan chu tunlai khawvelah fate tana thil tha, fooding, education, lifestyle, etc. tihsak theihloh a hlau tawh alawm.
Tin, hmeichhia hian kan ‘respect’ theih ngei mipa hi kan duh tlangpui. Hmel lam ani lo (Hint 🙂 )
November 13th, 2011 at 11:25 pm
Pawstupa hi tlangval “Zang-fak-om” tak a ni :p
November 13th, 2011 at 11:27 pm
@sheldon, tapchhak a thu chungin “I bai chhuan a liam” an ti thin, ” I chaw chhum a liam ti lo vin” 😛 OT dalah in sawi ang khi chu a dik vek mai 🙂
November 13th, 2011 at 11:29 pm
#10-na chhanna:
1. Ngaihthlaksak thin tehreng mai.
2. A tuina zawng hriat ka tum a, theihtawpa inngainattir ka tum a, a birthday leh a ni pawimawh bikte chu ka chhinchhiah thlap.
3. Thilpek chu ni pawimawh bikah ka pe thin. A nazawnga sum leh thil danga vur chiam chiam erawh a tul ka ti lo. An in lama thingpui lumsak ang chi ka ti ngai lo, min lumsak thin. Kan society ang zelin kan khawsa.
4. A chintawk chu hre ve raps.
5. Ka duh thu hi chu a hre zing khawp mai. A mit lovah pawh ka en. 🙂
6. Sas-te chu thiante zingah kan chhuana kan intihtheihpui ve mah nak laia.
7. Fai tehreng mai. Anni angin rim bik ka nei ve lo.
8. A bula ka awm lai hi ka tawng fimkhur lai ber a ni.
#17-na chhanna:
Ka theihtawp chuan ka duat. Ka lakah a pangchang zawk thin.
November 13th, 2011 at 11:31 pm
@VaiVa, haha 😀 ‘Bai chhuan a liam’ lo ti thlap ila aw, a va pawi tak, ka lo hriatpawlh pek anih khi. Mipa ho hian perfect in zawng a mi khah 😀
Khawngemaw lr hlonchhing hi a bo daih le?
November 13th, 2011 at 11:31 pm
#18 Like lutuk!
#19 Hahaha.. 🙂
November 13th, 2011 at 11:33 pm
Hnamdang sawi apianga ka rilru a lo lang pakhat chu PATHIAN a ni. A va pawi thin tak em! Hnam phatsanna a ni bawk in ka hria, hei aia inphatsanna rapthlak a awm dawn chuang em ni le?
Thlangkawrvai zunah Zo nula kan va thangtlawm lua em! A na a ni.
Ts, zam suh, hmangaihna ina dawhthei ngai e.
November 13th, 2011 at 11:40 pm
“Mizo kan ni kan hmel a tha. Kan tum a sang bawk si” kan ti lawm lawm a. A phuahtu a va na dawn em ve aw ka ti thin.
Tlawmngaihna, thian chhan thih ngam leh lu chhum ban chhum huam Zonun bansan zai i rel tak mai le. Zo nula harh rawh, harh mawlh teh tiin kan in au lawm lawm hi.
November 13th, 2011 at 11:41 pm
ka’n OT lok. A chunga belebuta tih khian ka nick a hmanga. Khitia tih ching khi an awm toh lo emo tihnaklaia. I che thing khop mai. A nick i duh viau chuan sawi mai la uihawm poh a ni loh vei nen. Nge hacking ka thiam ve lutuk tia ron in show off i tum zok le (N)
November 13th, 2011 at 11:43 pm
Post leh kawmen a ngaihnawm, sawi ve tur pawh ka hre lo
Hei chauh hi….kei chuan I TLING ka ti
November 13th, 2011 at 11:45 pm
Hnam dang nupui Pasal neiho hi chuan Ram leh Hnam hmakhua thlir lova mahni hmachiah an thlir vang ani. i.e. SELFISH
November 13th, 2011 at 11:48 pm
#26 A belebut deuh a niang. A nih loh paw’n a awm tawh tih a hre lo a ni ang. ‘Belebuta tak tak’ inti mai rawh. 🙂
November 13th, 2011 at 11:48 pm
@ sheldon, ka lo kal ve alawm hei. I nick a 170 kha bo ta elo?
November 13th, 2011 at 11:48 pm
tlangvalho paw’n mizo nula thenkhat chu nupui atan tlak lo tih ka nei ve tho ang chu, a tlak pawla tan han tum phawt mai ila(h).
sap millionaire fanu an tam tho alawm 😛
November 13th, 2011 at 11:53 pm
He post hi ka (Y). Hnamdang pasal nei hi ka haw hluah hluah, ka ngei bawk. Kan thenawmah hian hnamdang pasal nei a awm a(tunah chuan an inthen tawh) an fapain matric examna ah a pa hming leh hnam hming dik a hmang a, a hnu ah mizote hamthatna ang an hmu ve silova an buai asin.
November 13th, 2011 at 11:57 pm
@lr hlonchhing, nia ka nick a 170 kha a bo daih. Tsa’n a ru a niang 😛
November 13th, 2011 at 11:58 pm
#32 ang hi thil thleng thei tak tur a ni. Fate an khawngaihthlak a, thui tak ngaihtuah chuan thil tha ber a ni mawlh lo. Mi chunga va inluling leh an zalenna va tibuaiah chang lo ila.
November 14th, 2011 at 12:00 am
Tsa @29, ka nuih a zat tlat chu. Belebuta tak tak pawh inti se a lungawithlak vak tawh chuang nang 😀 😀
November 14th, 2011 at 12:00 am
@sheldon, pawi hlei nem. Tsa te chu hnamdang pawh a ni chuang hlei nem. 😛
November 14th, 2011 at 12:02 am
@comment #8 and # 26, comment hmasa zawk khi a in register hmasa zawk a, a original nick chu Kherkhera tih a ni a, belebuta tih a thlakna erawh september 2011 a ni thung. belebuta hi i patented/ copyrighted loh avangin amah nen khan han ching fel teh u.Misual tur hian in lo tlak lo tak zet em? 😛
November 14th, 2011 at 12:03 am
tun ah chuan na i ti maithei mahse ,i la lawm zawk ang , Kei zawng ka thlang Mizo val ngei ti ngat Mizo Nula an la tam lutuk . .hetiang a hnamdang kawp a neih pawh pawi tih loh na rilru mi hriat a pu zeuh tawh hi chu in lam let mahse .kei chu ka nei chuang lo ang . Mizo tlangval neihtlak an awm lo tih ching ho nula te hi chu e. Mizo tlangval ah hian an phu hlawl loh hi an tam lutuk .Chung Mizo tlangval te chuan an iai bawk sia, Mizo tlangval a lungawi lo na na na chuan an duh duh nei hlawm teh se .
November 14th, 2011 at 12:07 am
Ngawi teh u, zanin chu ka tin phawt teh ang.
Hnamdang tawng tel miah lovin, Mangtha vek u.
November 14th, 2011 at 12:17 am
Hmeichhe tamtak hi chuan ‘SUM’ hi an um em a tin ni,ani lo pawh ti ula ani tho2…
Mahshe pawishaaa… 🙂 chutih rualin Mizo hmeichhe tamtak an partner(ngaihzawng/pasal) te lakluh ang te2 lungawi taka duhpui mai hi an tam tih ka chiang bawk.
Inti changkang tawh laklawh,neih nei mang silo,thatchhe bawk si,ngaihzawng bike/car neilo duh thak lo hi an tam eeem ani. Chu’ng ho chuan ‘tiang khi an pawiti lo ang. A na lutuk em?!!
November 14th, 2011 at 12:21 am
ka ngaihdan ka rawn thoh ve ange, thu lai la takin ka han sawi ve anga, he thuziak atang hi chuan a ziak tupa hi ka tran zok tlat.. (Y) mahse cheng1 a ral chu a va ngaih hmel si ve.. 😀
November 14th, 2011 at 12:22 am
#40 like.. (Y)
November 14th, 2011 at 12:23 am
@lr-a chuh, min tihchhan leh ta 😀 Comment zawng zawngah hian english hi zuk tel deuh thaw a. Ka chung, chung, chung leh a mi pawh khi en la, partner/bike/car…hehe
November 14th, 2011 at 12:25 am
Tin,mipa tan #10 Pu HVa sawi khi bye-heart ngei2 tur.. 🙂
Sawi kai zel ang…nula senior kan tih te pawh hi nula kum 23 kai tawh dek2 hi chu an han in la senior ngawt zel bawk alawm,a bik takin kohhran/khawtlang a inhmang regu te..senior chak na na na chu an rilru puthmang pawh khalam ah khan a kal tlat dawn asin. A hnu ah hrehawm an ti leh sia,young taka mipa pawh,hmeichhia pawh kum 35 kai hma hi chuan nuam ti taka a nei hma te aia duhtawk a nun chen mai tur. An vanneih zia hi an hre silo a,a negative zawnga lak tum phet hi a tul lo.
November 14th, 2011 at 12:27 am
@sheldon, min rawn tih chhan kher lo la…
November 14th, 2011 at 12:28 am
@seldom,, 🙂 i shual latuk. 🙂
November 14th, 2011 at 12:30 am
@VaiVa, lr hlonchhing tet tawt saw alawm 😀 Ka post leh comment a ‘english’ hian a khei ta tlat thin a. Ka insawifiahna – Mizotawnga sawiduah ngai hi english thumal pakhatin a fiah thei fo.
November 14th, 2011 at 12:33 am
#46 sabji 🙂 😀 ‘Tin, mipa tan #10 Pu HVa sawi khi bye-heart ngei2 tur’
Hmeichhia te’n enge kan bye-heart ve dawn?
November 14th, 2011 at 12:38 am
😛 😀
November 14th, 2011 at 12:39 am
Kawppui tur thlan hi zalenna kan neihsanna ber a ni. He pa/nu hi ka hmangaih em a, khongaih takin min hmangaih tir ve roh tiin voi engzat poh trongtrai ila, chhan loh tur chi trongtaina a ni. Kan Pathian hian mimal duhthlanna (freewill) a ngai poimoh tih chu hriat a ni. Ka soi duah nachhan chu mi tam takin rinomna kan intiam a/ hlim takin kan lengdun thrin a.. engatinge tunah lengdang trang i bel tak le, mittui nen an ti thrin a., chhan dang a awm vak lo., a duh toh lo ni mai lom..kan hmangaih duh ngoih2 hi a hmagaih ngot theih chuang loh. Hmagaih loh chunga kawp hian khuareiah lungchhiatna a thlen fo. Heheh
hnamdang e danglo e lam chu ka hul
November 14th, 2011 at 12:44 am
Hnamdang neihloh tur, kan thihphah dawn anih ngawt loh chuan. Hnamdang neih leh neihloh ah hian kan buai kan buai mai si a. Ka Mizo pui ngei pawh hian ka thinlung hi dam leh thei ngai tawhlo turin a hliam thei tho sia. Mihring nunah hian ‘rejection’ aia na a awm thei ang em ka ti. Misual.com member ni chin hi chuan engemaw chu kan tawn vek tawh ka ring.
Kan thulairil atan – hnamdang nupui ah or pasal neihloh tur. Vai hmul der dur te hi ka ten..uuaakk
November 14th, 2011 at 12:45 am
TS, i tlak ve tho a, mahse i luck lo zawk anih hi
Hnunglam thil awmte chu theihnghilh la, mawng thar zawng rawh..
Vai hi chu vai tho neih turah ka dah mai..
November 14th, 2011 at 12:48 am
Bible ah pawh hnamdang neih phalloh tih kha awm tlatin ka hria…
November 14th, 2011 at 12:48 am
Nie, ReMpY_ScisSoR sawi ang khian
November 14th, 2011 at 12:53 am
(a chunga ka coment,ka paste) vawin ah
rawngbawltu a pasal vaiin, a
hma chuan vai ka hmusit a,ka
pianthar hnu hian hnamdang
hmusitna ka nei lova.chuvanga
vai nei thei chu ka ni, zu
tia.pianthar vanga vai nei thei
ain tia.hnam dang pasal/
nupuia nei hnawksak ti thin
ho hi kan piangthar lo em ni..
ka ngaihdan an nilo khawp a
November 14th, 2011 at 12:53 am
“Kei zawng thihna khum a mut huna, mizo trawng ngei a thuchah hnuhnung sawipui theih loh tur kawppui ka duh lo” ti tu kha tunge le???
>> 
“ka mu mai tange, ka tling lo a ni”
November 14th, 2011 at 12:59 am
La-me-a 25 hian Jabalpurah vai nula a ngai zawng an ti…
November 14th, 2011 at 1:04 am
ha3..sihphir tlangval..
November 14th, 2011 at 1:10 am
Sunday Post atana ka ziah ka peihfel hman tak loh hi Tsa hian a mamawh dawn asin le. Remchangah ka lo zo thuai anga ilo la chhiar dawnnia
November 14th, 2011 at 1:23 am
53: Bible ah Pathianin ringlo mi, milem pathian bia te nupuia neih a khap tih chu ka hria. Hnam tih sawina chu ka la chhiar awm ka hre lo.
Israel te Lal an dila Pathian in a pek khan lal ram lo chhiatna chhan ber chu Solomon an ringlo mite nupuia a neih teuh vang kha niin ka hria. Ringlo mi nen rual lo taka nghawngkawl bah dun loh tur tih kha ni maiin ka hria
November 14th, 2011 at 1:30 am
Ser te chu a thur thur nen tiha ani aia tha zawn mai tur alo’m le, TuaiSial!
November 14th, 2011 at 1:45 am
The hardest game to play —- Game of love
November 14th, 2011 at 1:51 am
sum leh pai chu anh deuh ber cu a(&)
November 14th, 2011 at 1:53 am
November 14th, 2011 at 2:20 am
E khai… TS… midang nen in khaikhin ngai reng reng suh, nangmah ang hi khawvel ah tumah dang an awm lo, chu chu i ro hlu em em chu a ni. Dik tak chuan ka hre hrep che, i talented, i fighting spirit hi above average a ni,i social adaptability hi a tha chungchung, i future hi a chhelo e…. i drawbacks bawk ka hria,hman a fb a an beihrawn na che pawh ka chhiar, 3b’s hi hre reng rawh,ka sawi tam hrihlo ang e, thatak in lehkha kha zir rawh, blessing in disguise a la ni lutuk ang.
Mahse… nang hi i talented reuh lutuk a, i phuahchawp a ni lehpek lo maw?
November 14th, 2011 at 3:14 am
Thu ziak tha tak a ni.
November 14th, 2011 at 6:49 am
Mihring hian duhzawng kan nei, nula hmeltha nazawng i ngaizawnga i hmangaih ngawt theilo ang khan, nula pawh an ni ve tho. Nihna inang, thawh inang, hausak dan intluk reng pawh ni ila, min hmangaih lotu zawk chuan min thlang ngai lovang. Mak deuh a nia sin. Hnamdang ber kher nen chuan competition nei lo teh. A duh a thlang a ni mai alawm. A duh a thlang fuh ta lo anih pawhin ama tlat tlatin tla mai se, sawi zui luai luai kher lo ila. Hnamdang tangah bei mahse a damchhungin mizo a ni dawn tho tho.
Amah aia tha, thlan sen loh an la rawn lang zel dawn. I lungdumtu ber i la thlang nelh dawn nia.
November 14th, 2011 at 7:17 am
#65 Ka lawm e. Mizo tlangval ka nihna zâwnah ka rawn ziak a nih hi.
Kei zawng, hnam dang pasala neite hian chhan dang ni lovin, hnam dang pasala an neih avang liau liauin inchhir chang an neih fo ka ring tlat a ni. Hnam dang pasal neih duh loh avanga rilru zau lo angah erawh inngai lo ila.
November 14th, 2011 at 7:21 am
I thiani chuan thlang sual ala inti khawp ang.
Tin, neih kan duh te lakah hi chuan theihtawp chhuah ve hi a ngai a nia.
Ka awm zawk ti ringawt lovin a thinlung hneh tum ve te pawh a ngai ang chu!
November 14th, 2011 at 7:48 am
Ka duh ber chu, kan Mizo hmeichhiate hian in tlangvalte kan that loh leh tlin lohnate hi hnam dang neih phah duh hialna tur khawpa hmu lian lovin hnam rilru pu ve se tih hi a ni e.
November 14th, 2011 at 7:54 am
Tha a ka hriat: Rawtna!
Mizo mipa te hian kan hmeichhia te laka kan thikthu chhiat zia leh an awm dan tur a kan duh dan kan sawi ngun ta malh malh hle.
Mizo hmeichhia te hian Mizo mipa te awm dan tura in duh dan, hmeichhia ten Mizo mipa te engtin nge awm ila in duh zual sauh dan tur te hi han sawi thin ula a tha lawm ni aw!!?
November 14th, 2011 at 8:02 am
#71 Dik chiah! Min veitu an awm loh hi chuan nuam chuang lo…hehe. Mizo hmeichhiate’n min veina an auchhuahpui lo or kan laka an thikthu an tihchhiat ve duh loh avangin hnam dang pasal neih chungchang han sawi chang hian an kha a chih tlat zel.
November 14th, 2011 at 11:44 am
Khaia khongaih thlak ve TS a chu……………i la na deuh elo???? va h
November 14th, 2011 at 11:56 am
Ts chu va khawngaihthlak tak ve hihi..ka farnu te hian vai/hnamdang pasalah han nei teh vaih se… ka pet chhuak nghal a nimai
November 14th, 2011 at 12:32 pm
Malsta…haha.
Badboy…an neih chuan i petchhuak hman nang, i petchhuah hmain anmahni an chhuak dawn alawm. Farnu i nei reng reng em ni?!
November 14th, 2011 at 12:34 pm
This silly game of love we play, we win only to lose. a nih deuh ber hi
TuaiSialA chu ral ve ngei chu a ngai ang le.. tee hee..
Hnam dang leh dang lo chungchangah hi chuan BUAI BUAI lo teh ang u. An duhber leh hmangaihber an kawp chuan a hrehawm leh a nuam ah pawh an mahni in an tuar ve mai ang chu. Mi pasal tur a duh lo thlan ve zawt zawt te chu a zia in a daihlo.
Tuaitea pawh in ngaihtuah chiang la, duh tlakin i awm em tih kha han in chhut let vang vang teh. Tun a i in ngaihdan zawng zawng khi a Hmeichhia khi zawt ve leh ta ila, a chhan dan chu a dang deuhin ka ring. A hnam ang zawng a hauh tung chi pawh a nilo.
Eng hnam pawh nise an duh thlanna a ni e. Thutak nge i sawi, boruak siam nan dawt rawn phuahchawp chu ka hrelo a. Ka rilru a awm ang ang ka rawn puah chhuah pui ve a nih hi.
Heta kan thil sawi zawng zawng hian eng kawngro mah a su dawnlo a. In thusawi avangin tu ngaihdan leh duhzawng mah a in sawhsawn dawn chuanglo. Mahni chantawkah hian lungawi teh ang u.
A Mizo tak hi chuan hmeichhia hi chu kan dah hnuaihnung deuh a lawm. Han dah san der a, han chul hliau hliau te hi an phut ve a. Hmeichhe lungawi na hi thil hote mai a nia. Chutiang bawkin an lungawi lohna pawh hi thil hote vang a ni thei.
Hetiang a hmeichhia te dem vak vak lo hian Mizo Val rual hian tan i la tlang teh ang u. Rui thle kawi mai mai lo hian. Nu leh pate thawh chhuahsa a in chhek arbawm satliah lo hian. Mizo tlangval intodelh hi tam lo deuh mai a nia aw.
Mizoram pel dek dek a ZU tinghal ringawt lo hian changkanna te hi i ngaihtuah ve teh ang u. Rui te te a hmeichhe kuthlak la ching bawk. “NEP” tih hi tawngkam thiam deuhin han sawifiah tak tak selang chuan Mizo tlangval zingah hian inhmeh tak tak kan tam viau mai lo’ng maw?
Tuaite, nang ka rawn hmer bik hranlo che a. Mizo tlangval pumpui a nia ka sawi ni.
Kan nulate pawh hi, hnamdang neih duh chhuanlamah hian Mizo mipa chu in nep hi min ti fahran teh suh u. Engtia ang mipa chu nge in duh tihte hi min hrilhfiah zawk ula. Awzemi in kawpsan leh daih thin ai chuan in tlangval te hi min han fuih ta sauh sauh zawk che u. In tlangval te hi Neplo intih ang chu min hrilh ula, keini pawhin insiam that nan te kan lo hmang ve dawn a lawm. Min duat thang tawh ltk a awmdan mawi kan hre ta lo a nih hi. Zilh kan ngai, tawngkam tha in min han zilh teh u. Kan Mizo pui ho hian hnamdang tawn a uai mai a tan chuan an ui si che u a…. keizawng ka chantawkah ka lungawi.
November 14th, 2011 at 1:08 pm
#76
Tha lutuk!! Sawiho erawh a nuam. Hetia han sawiho han sawihote hian lang lo liamah keimahni hian kan hlawkpui ve a nia.
November 14th, 2011 at 1:09 pm
@Alejendro: chu game in lo play ni maw game of love tihvel
ka lo hre ve lo a nih chu mole, game a nih chuan ka tel ve duh lo a chunga mi khi ka soi leh lo ve 
November 14th, 2011 at 2:02 pm
Tuaite, a phu hlawl lo che!
#71,72,76… keima expi atangin aw..1. Mizo mipa hian ei loh zawng in ngah lutuk.. incheina, sam tihdan tih mai mai in sawi sep sep peih..(ka sam hi ka streak a, a nalh ka tih vang a ni mai..nalh min tihpui kher ka phut lo :-),sawisel nachhan tur zawng duh lo mai rawh)
2. hmel in en lutuk..hmeichhia hmelthat chaklo kan awm lo..ka tawn ve tawhah hnamdang hian hmel hi an dah pawimawh lutuk lo emaw ni ka ti thin
3. Nungchang in teh dan hi ka hrethiam ve lo..
4. Nu hnap kher in duh tlangpuiin ka hria,(ka tlin ngang lo!)patil ni kher lo hian hmeichhia hi kan ‘pa’ hrek hrawk thei tho, chhungte tel lo a vairama tal hrang tur phei chuan ‘pa’ ve deuh hrak a ngaih chang a van tam em!
5. Mi hmusit in ti na.. mahni aia hniam deuh nia in hriat bawl ti tih a treat in ching tlangpui
Sawi tur chu ka la hre teuh..mahse ka hnung a na lutuk,vawikhatah ka type chhuak vek theilo.. khing ka han sawi point 5 te avang hian Mizo mipa hi ka hmusit lo che u, in awm ve hrim hrim hian thla a muang…nakin deuhah ka rawn chhunzawm ang
November 14th, 2011 at 2:15 pm
Jacka Pi chu ka duh ang chi chiah. Pawmlai nei i ni em?
“Take me with you and I will forever serve, my Lady” 
Jokes apart… A lawmawm e.. in ennawn nan kan lo hman tlan theuh theih ka beisei.
November 14th, 2011 at 2:38 pm
VAI/Hnamdang nei hi chu diriam ila,hnawl ila, endawng nghal hmak zel ila a ni mai..khaihlum emm chu ni lo se…..
kei zawng, ka lungdumtu ah hian ka lungawi hliah2 e, zohnahthlak lanu ngei a ni si
November 14th, 2011 at 2:43 pm
Kei pawh Jacka Pi ka duh. Mahse, kawppui a neih tawh hmel e..
November 14th, 2011 at 2:47 pm
‘Mizo mipa neih tlak loh’ tih tawngkam ri hi a ninawm khawp mai, khawi atanga lo chhuak nge maw ni le? Tawp tawh teh se. Tha tak2 chu an tam, luck lo deuhvin kan hmu fuh ve lo ani mai a
TS, tute emaw awmdan leh tawgkam vangin i tlin loh phah ngai lovang, i nihna diktak kha a hlu ber.
November 14th, 2011 at 2:48 pm
jacka pi, kei pawh pa hrak, idea tilang ngamlo khawpa nu chu ka duh hleklo
November 14th, 2011 at 2:50 pm
79 comment tu khian a sawi dik ka ti. Sawi ve piap a chakawm, mahse insum rih mai ang.
November 14th, 2011 at 2:58 pm
0T loks
U Tuai, computer atanga Û,â,etc type dan post pakhata i dah kha ka hmu tawhlo, minlo hrilh
November 14th, 2011 at 3:22 pm
Tuaite,3 lai ka nei..mahse min biakthat viau angai ang
November 14th, 2011 at 3:44 pm
Thriante u,
Hnamdang neih hi globalization-in an hrinchhuah pakhat chu a ni ve tawh e.
Bible-in hnamdang neih a khap, tih erawh hi chu khatilai a hnamdang te kha Zehova Pathian be lo mite anni a, ringtu chuan ringlomi nupui/pasal a neih loh tur tihna a ni zawk e. Ruthi pawh kha hnamdang mi (Moabite) ani a, Mahse Izarel pasaltha Boaz nupui a ni a, Lal Davida thlahtu leh Lal Isua thlahtu a lo nih daih mai a ni.
Having said that,
First choice = mahni hnampui Kristian
First choice a hlawhchham chuan, second choice = hnamdang Kristian
November 14th, 2011 at 4:33 pm
I hmel thlak a nngai a niang a TS
(fiamthu)
November 14th, 2011 at 5:04 pm
@la-me-a: Chhemdamthlifim.blogspot.com-ah lut la, a hlui velah khan han hai chhin teh. Nikum kumtawp lampang post a ni ang.
November 14th, 2011 at 6:10 pm
Tuaite i tling tawk! No worry!
November 14th, 2011 at 9:09 pm
Mizo tlangvalte intodelh tur. Nula fingin an ngaipawimawh.
November 15th, 2011 at 3:53 am
#90, u tuai, ka lawm e…
November 17th, 2011 at 11:57 am
Ka tuarpui hle mai che. Rilru a na duh viau ang. Mizo mipa neih tlak loh tih ve ziah hi – Mi kan tam na na na chuan neih tlak tak tak leh neih tlak loh tak tak kan kat buk ang chu mawle!! :-)Generalise tawp chi a ni lau
November 17th, 2011 at 11:58 am
*kat nuk*
November 26th, 2011 at 2:37 am
March 27th, 2012 at 6:44 pm
[…] tlémtë ka han dah a ni. Zawm a harsa lem lo bawk a, zawm ṭheuh kan tum dawn nia. A duh chuan HEI HI chhiar hmasa […]