Zan dang ang bawkin  inkhawm turin chu veng chu ka two wheeler chuan ka inkhalh leh ta vang vang a.Ka chhuak hma bawk a ka vanneih asiamin ka ti dawn nge,inkhawm hma dar a rik zet hma chuan thian te in ah  ka lut  kawi chu  inhmuh a khat em mai tih pahin ka thiannu chuan thingpui in phawt ila,biakin chu kan pan dawn nia a ti a.Chu inbul mai chu biakin chu a nia,dar pawh ala ri lo.
Chutia thingpui sen hang ngei mai ka nghah veng vawng lai chuan thingpui chu tuemaw kut hian rawn keng ta vu vu mai hi ka tarmit phen atang ka hmu ta hlawl mai.Ngaihsak lemlo tak a ka bula mi min biakna chu chhang chungin  thingpui chu ka la a.Mahse alo sa zek mai,”awi ah!” tih pahin min petu hmel chu ka  sensory nerves vang vek chuan ka han bih ta zawk mai a.Khai le!!Single ngat mai ka nihna kha ka brain chuan hre vatin nerves bawk chu rawn che lehin hmul thi a rawn ding ta sung sung mai a nih chu!”A sa em,ka tihpalh lutuk aw” a rawn tih lai te chuan matheiloin tihdanglamin ka awm ta a,”Lalpa,tunge i nih?” tih mai chu ka duh rum rum mai ka ti!A zunah chuan thawklehkhatah ka uai ta hnawp a.A hming hriat ka va chak em.Chutia min kalsan leh lai te chuan a ke pen  dan leh a mawng sawih dan thleng khan ka la hre vek.
Awle,inkhawm dar alo ri ta maw tih ah chuan he venga inkhawm dawn a ka rilru put ang chu ka pu thei ta mawlh lo.Kha tleirawlte  kha ka rilru ah a awm ta reuh reuh a.Ka thiannu bulah chuan zah pawh dawnloin a hming ka han zawt ta chawt mai a,a khai,Piangi(kan in koh dan) chu lo ni rengin!
Inkhawm turin an liam dawn e.Ka hmuh hmasak leh hnu hnun ber a ni ang tih ka va hlau em chu tleirawl te chu!Engtin nge ka insawi luh ang tih chu kross thu lam ai chuan a lang ta zawk tlat mai.Mahse min dem bik long e.A fal te a bawhzui a hrilh keuh keuh turin kan veng a inanglo a,hriat pawh kanla inhre der silo.Awle,engpawh chu nise ka thiannu bawk chu Palai hna thawk turin ka ngen leh ta chawt mai.Chuti chuan ngaihngam takin biakin lam chu kan pan ho ta a.Ka thutna  atanga a hmel lang thei chiah chiah ah chuan ka thu ta ngei bawk a.
Mahse ngaih ala ngam tak tak thei chuang lo.Kan hla sak te chu Lengzem ni ta vek hian ka hria.Inkhawm lai lai chuan ka chhuak ta chawt mai a.Ka thiannu kha lo hlawhchham ta se plan B tal nei te ang tiin ka thiante ho pun turin ka phone chu zunin phenah ka phawrh ta a.Mahse thianpa  Siamtea be dawn ila, inti Fanei takin nula lam chu min sawi pui duh dawn der silo a,ka be peih lek bawk silo.Thianpa Chhuana be dawn ila nula ai chuan aritmetic velah bak min luh pui ka ring bawk silo.Zomuana lah be dawn ila nula pathum kawp lai mek a ni si a,ka tan a pawi ka hlau leh bawk si.Tihngaihna a awm ngang silo,JEHOVAH -JHIREH( intum chawp  Pathian) tih pahin Plan B chu biakin chhungah ka luh pui leh ta chawt mai a.Ban vat vat chu ka chak,mahse ka huphurh bawk si a.Lal Biakna  kan sawi tur te pawh chu ..RAMTE… tih atanga tan tawh mai a ni ka duh!
Ka nghah hlel leh huphurh em em ang chuan inkhawm chu kan bang ta.Ka bulah chuan ka thiannu chu a rawn kal a,thinphu dup dup a ka lo nghahlai tak chuan “I thlah dawn nia” min han ti a le.Ka va lawm em!
Chuti chuan ka haw hma chuan an inlam pana thlah turin kan pahnih te chuan kan kal dun ta hnak hnak a.Sawi tur ava vang em.Rilruin “Lalpa min pui rawh ,min pui rawh” tih chu Elija tawngtaina ang tluk zet a tak tha kek kawk khan ka chham zuah zuah a.Ka sawi chhuah chhun lah chu “kan chhungkaw zat i hria em?””kg eng zat nge ka nih i rin?””chaw ka heh hmel em?” “ka ek laiin ka zai thin i ring em?” tih te  chu ka tum vang pawh nilo a ka sawi te an la ni zui!Ngaihzawng lam la dailo ta  fam chu  mahni pawh kan insawi  bo lek lek dawn a lawm le.Riruin “ka thianpa chuan a sawi tur a hre ngawt ang” ka ti bul hmuk!Kha tih lai ka rilru kamtu kha hria awmse min va khawngaih dawn teh lul em!!!
Ani thei tawh nganglo,an in thlen hma kawng kual kan thleng dawn ta.Sawi hun a ni tawh.Ka huaisenna zawng zawng sawm khawmin ka han inham vel ta a le,”MA-PIANG,MANCHESTER Â UNITED Â TANA Â CHAKNA Â GOAL Â KA THUN Â HMA CHU KA Â HMANGAIH Â RENG Â ANG Â CHE” ka han ti ta ale!!!!!A zak lutuk chu a sen tawn tawn hian ka hria,a kawr hmawr pet chung chuan “LT,KEIPAWN VANLALDUATA Â INBUANA Â VAWITHUM Â KA Â TLAWM HMA CHU KA HMANGAIH Â VE RENG Â ANG Â CHE” tiin min han chhang let ta ale!!!Chheiraw khaih,nuam duh ngei mai!Ka rilru neuh neuh chuan “Pa min va ti dawn em” ka ti a.
Awle,thawh  hnihna  atan  mi  tihdan tho a lawm tih pahin a hmui sen no chak mai chu ka melh ta run mai a.Lungphu lah chu Chrismas zan lengkhawm tui vanglai tak ang maiin a ri tluk tluk a.Chutia pawisawilo hmel duhawm zet mai  KHEROLAI tura ka kun hniam mek lai chuan  Upa chuailova te nupa  vang vek,kan boruak an hrelo chiang kher mai.An bike rawn tlan pel chuan kan tih tur min thulh tir vek a lawm!!Chutia kan Upa ho te nen ka nih tak nuai avang chuan a dik thei tawh lo,ngaitha leh nui sen sen pah chuan bye bye kan inti a,mahni inlam ve ve pan turin kan inher ta a!
Similar Posts:
- “Minu maw ka lo hmangaih”
- A ngaihna hria in awm mial em ?
- Khenbeh lem uchuak
- Nang malsawmna ni ang che
- Green Park Bye Bye….
December 9th, 2011 at 8:35 pm
Hrilh ve ila..
[Report abuse]
December 9th, 2011 at 8:37 pm
eheee
[Report abuse]
December 9th, 2011 at 8:40 pm
Nia, hrilh chawih mai hi a á¹ha reng a ni, huaisen a har deuh mai pawha. Ka chunga mi khi chuan draft bak a la ngam tawp nang.
[Report abuse]
December 9th, 2011 at 8:44 pm
Nula try zei loh leh full stop, comma leh adt. zawha space pek loh hri i vei a ni e.
Thuziak i thiam a, fiamthu thawhnan Pathian thu i hmang zeuh zeuh pawh an kêk duh mai thei che a ni. Ngaihnawm e.
[Report abuse]
December 9th, 2011 at 9:32 pm
Keimah Thingtlangpa ai chuan i PA zawk khawp hi!! Hrilh tawp zel tur! Hrilh loh chuan an hre nang!
Krismas dawn nih vang nge Misual mipa ho hi in luangliam nasa hlawm e….
[Report abuse]
December 9th, 2011 at 9:35 pm
[Report abuse]
December 9th, 2011 at 9:44 pm
#4
lr hlonchhing
Eden natna chu a include hauhlo na chu ka hri vei hi ka uluk emaw ka tih laiin alo sual nuai zel.Lehkhabu han siam dawn phei ila chu Editor ka mamawh tur zia hi hahip a sawi ka duh
[Report abuse]
December 9th, 2011 at 9:45 pm
Hetiang lamah hian i ‘SIAL’ tlat. Han ti zel teh. I thu han chheh an vel dan pawh a nalh khawp mai. Mahse i post tam tawh nen lr-a sawi khi lo ngaipawimawh deuh la aw.
[Report abuse]
December 9th, 2011 at 9:46 pm
#2
Soberboy
rawn lang khat khawpin ka hria tunlai.
Ka post hi rinai anlo publish hma sia,ka zam ti tih a laawm le
[Report abuse]
December 9th, 2011 at 9:50 pm
Hrilh tawp ang hmiang.
A ngaihnawm leh e.
[Report abuse]
December 9th, 2011 at 9:50 pm
#8
PKfanai
Selhdon alo luh huna a sawi tur ka hriat chu punctuation tho.Tih dik ka tum ve ngar ngar a nia.Mahse tihsual hi alo tam zawk tlat thin
[Report abuse]
December 9th, 2011 at 9:57 pm
@ltachhakchhuak, haha…punctuation ka sawi dawnlo
Tuna i post hi chu chhiar a nuam ka ti khawp ta mai. Rilru nat lam thu kha chuan min ti nguai vek alawm. I thinlung atanga chhuak i ziak tih kha a hriat sia, ka lo ‘feel’ pui che ka tih kha.
Ka damtha lo, vawin ka hah, ka rawn lut peih vaklo a, mahse ka addict laklawh a, kan rawn luh leh hram hi
[Report abuse]
December 9th, 2011 at 10:10 pm
#12
sheldon
Ni e,khatiang thu ringawt kha chuan mi tam tak thinlung ah thil thalo tak ka tuh ka hlau ve tho eg.hmeichhia rin miahlohna
Mahse tunah chuan hlim lai ni te chauh kha bik let ila,hmang tangkai keuh ila ka hlawkpui fu hian ka ring ta.
Keipawh scars atang khan misual ah hian ka inbun baw hawk hawk ni ber hian ka hria.ka addict ve tan tawh
[Report abuse]
December 9th, 2011 at 10:24 pm
yes le, ramhuai story ka lo ti ve hman tawh a!
[Report abuse]
December 9th, 2011 at 10:30 pm
lta hi a hmangaihthlak eee
[Report abuse]
December 9th, 2011 at 10:31 pm
#14
ReMpY_ScisSoR
I rinloh takin romantic ah alo lut daih sia leeee
[Report abuse]
December 9th, 2011 at 10:33 pm
#15
[Report abuse]
December 9th, 2011 at 10:35 pm
Ka hrethiam lutuk che.
[Report abuse]
December 9th, 2011 at 10:42 pm
Naktuk chu charity box kha la awm tak maw,han thlak ve teh ang.
[Report abuse]
December 9th, 2011 at 10:46 pm
“LT,KEIPAWN
VANLALDUATA INBUANA
VAWITHUM KA TLAWM HMA CHU
KA HMANGAIH VE RENG ANG
CHEâ€
ka man chiah lo
[Report abuse]
December 9th, 2011 at 10:53 pm
#20
La-me-a 25
Ka hrilfiah chawp zel hi a ngai mipakhat tal hi ka post ah.Hmeichhe no tak tana Vanlalduata hneh mai nilo vawi thum tlawm nawn sak chu theihloh hulhual a ni.A thei dawn reng reng lo.A theih hma chu min hmangaih reng dawn a nih chu
[Report abuse]
December 9th, 2011 at 11:16 pm
Chutia kherolai tumlai tak chuan Upa Chuailova te nupa chu lokal talo se…Kherolai tum ve tho che a a lo kun hniam lai tak chuan, a thaw chu thenawmte pawisa hlek lo a an septic tank sah chhing ho ek rim ang mai a uih ni in, a ha te chu…(sawilo ang)…ni ta se…a zun ah thawklehkhat a i uai hnawp na kha…eng tin tak awm ang maw..
[Report abuse]
December 9th, 2011 at 11:21 pm
^——NITA SE tih hi chu a lem lutuk.Anih loh nan a awm dan chu “Lalpa tunge i nih?” tih tham hial khawp a hmeltha leh duhawm a ni tih chu a phenah khian keu turin ka zep tel a nia
[Report abuse]
December 10th, 2011 at 9:14 am
I hmangaihna hlan dan chu a ngaisan awm khawp mai,tih ve ngei ngei chi a ni in ka hria
[Report abuse]
December 10th, 2011 at 12:51 pm
Duh aiin a story a va tawp hma ve.Zankhat thil thuahah hmangaihbiahthu in inhlan vek mai a ni mo
A tha viau zel e. 
[Report abuse]
December 10th, 2011 at 4:56 pm
Hallo,
https://www.globalmizo.com a rawn piang chhuak e. Thu leh Hla dah duh tan thawn theih reng a ni.
[Report abuse]