From Pu David M Thangliana (dmt)
Krismas bawr chhova chanchinbu chhuak lo chungchanga hriat tur pawimawhte –
1. Chanchinbu sem tam zawk hi thingtlang khua ami an ni a. Hunpui hi mahni khua a hman an duh ve thin avangin chanchinbu semtute hi an haw fai deuh vek thin a, chanchinbu hi print pawh nise a semtu lam an awm loh chuan tih chhuah hian awmzia a nei thei lo; sum sen thlawnna a ni.
2. Chanchinbu chhuah hi thil hautak tak, sum leh tha heh tak a ni a. Chanchinbu lian, colour leh lek phei hi chu a enkawl hna hi a hautak hle a, thlakhatah hian Rs 1.5 to 2 lakhs senral a ngai a. Chuvangin issue pakhat chhuah thlawn ringawt pawh hi a uiawm tham a ni.
3. Chanchinbumi te hi dawt sawi hauh lovin 16 to 24 hours hna thawk an ni a, chawlh hi an nei lo em em a, hahchawlh ve (holiday) te hi an thlahlel ve a, ccbu semtu avanga loh theih loh a an chawl hi an tan chuan a hlu a, thil lawmawm tak a ni ve bawk.
4. Phairamte angin advertisment te a tam ve lova, sum lamah indaih lohna a nasa a, dik tak chuan Sunday pawh hi chawl lo tur an ni. Mahse Sunday-ah ccbu semtute pawh hian chawlh ve an duh avangin Sunday hi chhuak lo chauh a ni a, a semtu tur awm se chuan chanchinbu lian chin hi chuan Sunday pawh hian an ti chhuak hreh lo.
5. Chanchinbu ti chhuak tura tih tur tam zia hre pha ve lem lo tan chuan chanchinbute’n chawlh an han nei ve an sawisel hi a awm tho mai a. Mahse chanchinbu ti chhuak tur hian reporting lam a ngai a, page layout lam a ngai a, printing lam a ngai a… a kaihhnawih hi a tam em em a, a semtu pakhat a kal loh ringawt pawh hian chhungkaw engemawzat chuan chanchinbu an hmu lo tihna a ni mai a, chuvangin chanchinbu tih chhuah hi thil awlai a ni lo tih kan hriat pui te pawh hi a tha awm e.
6. Sawi tur ala tam mai, mahse tah hian duh tawk phawt ang, a sei lutuk dawn, in chhiar leh peih si lovang :-}
Similar Posts:
- Mizoram a chanchinbu hlawk ber
- Hnathawh chungchang
- In dam tlang em?
- Facebook tawp tur an tih ve kha
- Maternity Leave ni 160?
hairehai
December 27th, 2011 at 3:01 pm
A va tha tak em
[Report abuse]
December 27th, 2011 at 3:02 pm
esiau comment first khi a rui ani hrim2 ang palzut mai2 tengsss
[Report abuse]
December 27th, 2011 at 3:12 pm
alo buaithlak hle tak mai…!!..??
khitiang anih chuan Police zawng2 te, traffic police zawng2 te, Doctor zawng2te nurse zawng2te sorkar hnathawk mahni khua nilova xmas hmang zawng2 te pawh hi chawl ve vek mai sela…an in ang tlang vel vek lo maw…lps leh zonet staff zawng2 te pawh…!
[Report abuse]
December 27th, 2011 at 3:48 pm
An chhuak rei thei zawk ngawt alawm. LPS & ZONET, traffic police etc. te leh chanchinbu zuarte hi tehkhin theih an ni lo hrim hrim. An hnathawhna hmun a inang lo va, an tan ni khat chawlh pawh a hlu lutuk tih hi hriatpui a tha ngawt ang.
[Report abuse]
December 27th, 2011 at 3:53 pm
dmnt thusawi ka vawikhat pawmpui lohna. Aizawla Kristmas lai vela chanchinbu chhuah loh hian kan global village a cheng tlak kan nih loh zia a tilang hle.
Chanchinbu sem tute an khaw lamah an haw dawn, tih chu hriat sa ani a, Kristian ni lo Aizawl ah hian an awm tam tawk viau in ka hria. A vai vaia sem pawh nilo sela, kawngpui sira awmte hnenah chuan sem theih tur ani. Mizo pawh bonus pek that dan a zirin an rawih theih ka ring. Han nei lo, pocket money duh an tam.
Chanchinbu chhuahte hian an sum hmuhna hi chanchinbu hralhna man ai mahin advertisement atangin ani lawm ni? Kristmas lai te hlei hlei hian asin advertisment tam tur chu.
Chanchbu chhuahna lama an in daih loh lutuk chuan thawktu tur rawih belh mai theih ani lawm ni? Mizoram ah hian sorkarin hnathawk tur a la hnem lutuk a, private sector lamin an la tlem lutuk thung a.
Kan Kristmas hman dan pawh hi kan ti lutuk reng reng mai. Hnam dang chuan Kristmas ni an chawl a, ruai an theh a, December 26 chuan an hna lamah an kir leh mai a. Anni anga awm kan huam hun ala awm ang.
Hindu, Buddhist, Muslim te pawn festival an nei ve tho va, ni 10 ai rei chawlh phhah nan an hmang vek lo. Ram tam zawkah phei chuan nitin tak tak chanchinbu a chhuak. TV pawh an chawlh ka hre lo. Vanneih thlak takin Intenet a lo awm hlauh va, chanchin thar chu kan hmaih chuang lo ve.
[Report abuse]
December 27th, 2011 at 4:02 pm
Comment no. 5 ka support e..
[Report abuse]
December 27th, 2011 at 4:10 pm
Chanchinbu chawlhchhan leh chawlhni a semloh chhan a semtu te vang tin kan mawhpuh ve ringawt a.News Paper hierarchy a a hniamber a semtute(hawkers) ho hi kan tlinlohna zawng zawng kan phurhtir thei lovang.Semtur awmse an sem mai ang, in hlawh an duhve ang.Advertisement chungchang ah chanchinbu lian eg Vanglaini te chuan an hmuh that khawp kha.Chuvang chuan state dang a an tih ang in Independence Day,Gandhi Jayanti leh Republic Day te chawlh ni sela a dang khachu chawlh awmlo mai se.
[Report abuse]
December 27th, 2011 at 4:21 pm
aizawl tal hi chu tih theih dan awm se.. ka lo ti thin..hmun 4/5 vel talah hian point/booth siam rawh u..kan lo lam mai ang tiin thurawn te ka lo pe tawh thin. mipui hi kan la phunchiar peih lo em a ni.
[Report abuse]
December 27th, 2011 at 4:32 pm
Chanchinbu semtute mawhpuh ngawt hi a fuh miah lo. Hlawh an duh a, an thawk a, sem tur awm sela an sem em em ang. December ni 24, 24 leh 26 hi chawl sela, ni 27 atangin sem tan leh mai sela. Tichuan kumthar ni an chawl ang a, a bak chu hna an thawk char char mai ang chu. Sorkar hnathawk, a bikin Police te, damdawiina thawkte, Central lampang Deptt a thawktute hian Krismas vuakvetah hian chawlh an nei tlem asin aw. Tum chuan kawng a awm, an tum lo mai mai a ni.
[Report abuse]
December 27th, 2011 at 4:47 pm
Chanchinbu semtute hian an hlawh an kham khawp lo ve deuh a ni ang e. Chanchinbu lian phei hi chuan Advertisement hi an haih chham lo viau emaw ka lo tia. A chanve dawn mai hi a tial khat deuh ruai reng mai si a. Comment #5 a sawi tawh ang in Holi/ Diwali/ Christmas te hi advertisement luh that hun lai ni awm tak chu a ni lawi si a. Nge ni kan sum hmuhna tam zawk hi sawrkar dept advertisemnt atanga lut tihna em ni zawk. :kiss:
[Report abuse]
December 27th, 2011 at 5:07 pm
Chanchinbu zuarte hi an taima khawp alawm le. Kristian kan ni a, kar khatah vawi khat chawlh an nei mai pawh a. Chumi tih lohvah chuan zing tin dar 4-ah an tho ziah a, krismas chawlh te chu an thlahlel ve lutuk. Nangin awmhmunah i lo chhiar a, i chiar a, a man i lo la pe tha duh lo zui a! An nu leh pa, nupui fanaute nena hun thawl hman theihna an neih ve chhun a ni. I hrethiam teh ang u. Daily semtute hi an khawngaihthlak. Monthly zuartute erawh an huatthlala. Kan ram hi a zîm a, mipui pawh kan tlêm a ni tih hai fo lo teh ang u, ram dang nena khaikhin dawn chuan. Englekhawle, ka lawm ehem..
[Report abuse]
December 27th, 2011 at 5:13 pm
Vawi khat issue a Rs 1.5 – 2 lakh a ral chuan vawi khat issue loh zeuh chuan 2-3 lakh hlep turte nen a thlawnin an hlep keuh don a nih chu. Copy khat man deduct zel te a nih loh chuan. A hlok awm mange, chhuah loh zeuh zeuh chi a nih chu.
[Report abuse]
December 27th, 2011 at 5:58 pm
Hei chu insawi fihlim tumna rawngkai niin ka hre tlat. Chanchinbu lak man an tih hniam phah anih chuan thil awm tak ani anga, a man ngaia an lak thin tho chuan EIRUKna chi khat tho ani ah ka ngai. CBI lamah zualko mai chi lo maw ?? lolzzzz…
[Report abuse]
December 27th, 2011 at 6:01 pm
Chanchinbu buatsaihtu te leh a semtute’n chawlh an duh ve anih chuan an hriatthiamawm alawm. News te chu TV ah kan en thei tho a. Mahse, a man hi a ngai kan pe tho sia…. :rolleyes:
[Report abuse]
December 27th, 2011 at 6:13 pm
kan hunpui kan Lal pian cham ah te em2 an chawlh ve loh te chuan, kumtluan in hah thikulin an thawk ve a, bak ah Sunday pawh Pathian tana karkhat chhunga kan in pekna a tana kan in serh na ni a ni ve a. Kei chu sum duh luat a vang leh mipui hlauh avang ringawt in tumah kawng diklo zawhtir ka tum hauhlo mai, sum hi tawktarh a tan hmanga kawng sual daitir hi a tha ka ti hauhlo mai.
[Report abuse]
December 27th, 2011 at 6:57 pm
Mas chawlh ah hi chuan daily ho hi chuan aman an ti tlem vek ang. A semtute tan hian nikhat chawlh pawh hi hlu ve tak a ni.
[Report abuse]
December 27th, 2011 at 7:14 pm
Press mite hian an system an thlak a ngai ava ang ve. A semtute nena an inrawih danah hian a semtu hlawh mai ni lo, kumkhat chhunga an chawlh neih theih dan tur thlenga an control loh chuan, khawtlanga mipawimawh leh eizawnna zahawm taka(press mi nih) eizawng si hi a semtute thuhnuaiah an awm tihna lam a kawk tlat. Mi rama chawl lova chhuak thei, kan rama reitak chawlh ngai kum tin hi a zahthlak tlat. Sorkar hnuaiah hian kristian chawlh aiin sakhaw dang chawlh hi a tam zawk daih a nia.
Tin, CCB chhuah a hautaka, dakar tam tak thawh a ngaih reng phei chuan, a khaihlak loh nan a tul dan a zirin thawktute pawh inruai tam se, darkar 16 aia tam lova inthawh chhawk thei tur pawhin in siamrem se ava tha awm ve.
CCB chhuahtute hian kumtharah chuan in kalphung hi han change teh u, mipui kan lawm ngawt ang.
[Report abuse]
December 27th, 2011 at 7:45 pm
Thachianga sawi ang hian.
[Report abuse]
December 27th, 2011 at 8:02 pm
Kum danga an tih thin dan ang bawkin Krismas leh kumkthar vuak vetah Mizoram chanchinbu lian zawng zawng chu an chawl leh dawn ta. A zialo ka ti thin. An chhuanlam “Sem tute an khaw lamah an hawn vang leh Krismas leh kumthar vela mi zawng zawng Kohhran leh khawtlanga kan buai vang” hi chu a dik ka ti, ka pawm thlap thlap, a sem chhuah theih thlawt loh alawm. Mahse Bazara lei tur ang chi tal te hian Krismas leh kumthar Vuakvet hian Special issue te hi siam thin se tha tur a ni a.
Ram dangah chuan Krismas leh Kumthar Vuakvet hian mipui an awl a, Holiday hmangin hun thawl nuam an hmang tih hre reng chungin Hemi hunpui chhung hian a hma zawng aiin an tang a, kum khat chhunga thil thleng te an Compile a, Krismas Present ang maiin mipui tan chhiartur tha leh ngaihnawm an hlui thin. Chutih laiin kan zoramah chuan Krismas leh Kumthar vuak vetah chhiartur a awm lova, enge thil thleng tih pawh TV atang lo chuan kan hre thei lo. Mipui kan beng a ngawng a ni. Tichuan Kum tharaah Krismas leh kumthar vuakveta thil thleng, ngaihnawm tak tak turte kha phek khatah an han dahkhawm leh ang a, tawi te te in, a uihawm thin khawp mai.
hmania Angaiha thil sawi kha ka hrechhuak thut,”vai ho chuan an hun pui a lo thlenin an dawr thil te Discount in an pe a, mizo te erawh chuan kan han ti to hlauh thung a”, tiin. A dik ka ti khawp mai. Kan Chanchinbu lian neih te hian Krismas leh Kumthar Vuak vetah hian Special Issue bazar leh dawr lian deuh vahte lei theih turin tichhuak ve thin tawh se. Mipui rawng bawl an ni a, an ti ta sa sa, Krismas present duhawm tak te hi rawn siam zel thei se a duhawm khawp mai.
[Report abuse]
December 27th, 2011 at 8:10 pm
Insawifiahna pawm tlak em em loh niin ka hria.
24hrs phei chu an thawk hian ka ring lo khawp mai.
A semtu thingtlang mi an chhuanlam a nih chuan midang sem tur zawng mai ta se, an peih loh chhuanlam maiah ka ngai.
Mahni hna-ah chuan hnain a phut ang zelin kan hah theuhva, hnain a phut angin a timing pawh kan hmang mai thin.
Chanchinbu tichhuak tura tih tur a tam thu chu keini ang mi mawl pawh hian kan mitthla ve thiam riak ruak. An hna a nih avangin rinawm takin an thawk ve mai turah ka ngai.
Mas laia nihnih khat chawlh te, kum thar vuak veta ni hnih khat chawlh te chu ka hrethiam tlangpui ang. Mahse an chawl rei mah mah thin a ni. Kan khaw lamah phei chuan 15 dec atang khan an chawl a, January thla chawhnu lamah tihchhuah leh an tum chauh a ni awm e. An ti lutuk mah mah a ni.
Aizawl-a chanchinbu mite chu ka hre lova, khaw thenkhat chanchinbu mite hi chuan function engemaw awm se VIP an ni emaw an inti ni berin ka hria, sawm loh chuan an cover tha peih lova, thutna tha pek loh phei chuan an vui hmel a chhe thei khawp mai. An pawimawh tih kan hria, an pawimawh nachhan erawh chu mipuite hnena chanchin thar puang zartu an nih vang a ni ber. Chu chu mipui rawngbawlna a ni.
[Report abuse]
December 27th, 2011 at 8:18 pm
Lunglei-ah chuan The Lunglei Tribune hian Christmas special a tichhuak thina kohhran hrang hrang a present thin, an fakawm khawp mai.
[Report abuse]
December 27th, 2011 at 8:26 pm
Chanchinbu lam in sawi bawk a, keichu ka ngaihmawh chu kan chanchinbu(mi) thenkhat nep lutuk hi a ni. Tun ang khawvelah hian kan Aizawl khawpui ah pawh Chanchinbu cyclostyle a her, phek khat (vai phek chhiar a phek hnih) te a la awm a nia… Chanchinbumi tam zawk hi chuan sawrkar atanga Advertisement beiseiin chanchinbu an siam mai mai ani. News collect pawh an peih lo a, hmuihmer um in Press conference ah an kal taima em em a, tlai lamah Press club-ah sawrkar press release an lakhawm a, chu chu an chhuahchhawng leh mai mai a, chanchinbumi han tih vak theih pawh an niin ka hrelo keichu.
[Report abuse]
December 27th, 2011 at 8:38 pm
Insawifiahna # 3 : 16-24 hours hna thawk thin tih hi Chanchinbu a chhuahtur compile, edit leh printing nan em ni? A nih chuan an thawh rim ang hu in chanchinbu hi a va laktlak si loh em??? (Chanchinbu zawng zawng a laktlak loh ka tihna chu a ni lo a, laktlak 2/3 vel chu a awm e). Zan dar 8/9 velah incident lian tham tak awm pawh nise a tuk ah a chhuak hman lo tlangpui a, heihi an tum loh vang ni a a lanna chu World cup lai khan zan rei inkhel pawh a tukah an duh chuan an update thei lawi si a, an inthlahdah/thawkrim lo kan ti mai dawn em ni ang? Internet a chhiat phei chuan National leh International news hi a nawi nak mai ania
[Report abuse]
December 27th, 2011 at 8:44 pm
Pu Muantea sawi #20 khi ka ring mai e….
[Report abuse]
December 27th, 2011 at 8:44 pm
22, meester… An budget in a phak ngangloh chuan tihvak theih pawh em ni dawn aw??.. Mahse, news an collect tlem lutuk erawh chu kei ka vei ve khawp thin.
[Report abuse]
December 27th, 2011 at 8:48 pm
A chunga ka thil sawi avang khian Press mite hi ka hmu hniam vek e ka tihna a ni lo a, Vanglaini, Aizawl Post leh Zozam Times te hi kan la a. Tin, Pu Vanneihthanga of LPS hi a taima ka tia, Skylinks a a thawh lai atang tawh a ka mi ngaihsan ani.
[Report abuse]
December 27th, 2011 at 9:04 pm
Chanchinbu hna hahthlak zia ka hriatthiampui khawp mai, kei chu. Nitin chanchinthar chhuah tur ngaihven reng a ngai a, thawktu an tam tawk loh phei chuan an hah thin ngawt ang. Naktuka chanchinbu chhuak tur hi zo ta se, an chawl ve nghal mai thei lo, a tuk leh chhuak tur ngaihtuahin an buai leh char char a. An taksa a chawlh chang pawhin an ngaihtuahna hi a chawl ve ngai lo; hei mawlh hi a hahthlak tur lai a ni. Pathianni-ah pawh an tichhuak lo a ni mai a, thawhtanni chhuak tur buaipuiin an chawl hman tak tak chuang lo. Chuvangin kan hunpui hi an hahdam ve theih hun laiah ngai mai ila, ni tlemte an chawl hi i thîk lovang u. Mipuite hian krismas vuakvetah thawmhnaw bak kan buaipui tak tak lo.
[Report abuse]
December 27th, 2011 at 9:15 pm
“Fak hlawh lo valrual” tih te pawh kha min hriat chhuah tir e
Christmas te in hmang nuam hlawm bawk emaw chu
[Report abuse]
December 27th, 2011 at 9:48 pm
Tihchhuahloh chhan awihawm tak tak te a nih rualin subscriber te ngaihpawimawh loh vang pakhat a ni ka la ti tho tho.
‘THE LUNGLEI TRIBUNE’ in Krismas special issue an tichhuak a, lawmawm ka ti khawp mai.
[Report abuse]
December 27th, 2011 at 10:04 pm
State dang leh ram dang ah an tih chhuak theih a, kei nin kan tih chhuah theih loh na bik tur a awmlo tih lam zawng ka lo beisei asin mawle, insawithiamna leh chhuanlam hi chu a phen a.. PRIORITY KAN PE TAWKLO A NI E tih hi ka hriatthiam ve dan a ni e. Full time Journalist kan la neilo a ni zawk. An duh hun hun ah phek tawp ber min chhuhsak a, advertisement hlang an rawn chhawpchhuak a(addl. page siam na tur ngawih ngawih), chumi pawh la sawisel ngailo hnam kha kan nia, kan la ‘go easy’ ve deuh bawk a ni, mipui nawlpui hi tun ai hian kan pawisa hmanna ah hian han chiau hiar chho ila, an la chhuah em em ang. Theihloh an tihna point te khi kei Journalism lam a mik a mak hrelo hian ka chingfel vek thiam nghal…tum leh tumloh, duh leh duhloh inkar mai mai a ni e.
[Report abuse]
December 27th, 2011 at 10:13 pm
@Zoho, :LIKE:
[Report abuse]
December 27th, 2011 at 10:34 pm
Mihring kan la tam tawk lo a ni e…
[Report abuse]
December 27th, 2011 at 11:03 pm
point 3 & 4 khi a tawk viau e aaa…
[Report abuse]
December 27th, 2011 at 11:12 pm
An rawn chhuah leh hunah lo chhiar leh ila ni mai lawm.
[Report abuse]
December 27th, 2011 at 11:31 pm
a reng reng thu ah kan journalist ho zingah investigative journalism ti peih an awmlo mi.sorkar press release tih ang vel a in nghah ve ringawt hichu a dik thei lo.mipui in kan chhiar duh a tamzawk chu local news(state chhung ami) ani.national,international news tih te chu tv leh radio ah kan ngaithla thei reng a lawm.State chhung a thil thlengte hichu detail in investigation ti thin tal ula chuan in chanchinbu kan hlut phah ngawt ang.
[Report abuse]
December 27th, 2011 at 11:32 pm
Journalist ka niha Newspaper ka chhuah hunah kan hunpuiah pawh ka rawn tichhuak thin dawn nia. :lol:
[Report abuse]
December 28th, 2011 at 2:05 am
An buai hle anih chu mawle
Sawi ve mai mai:
Ka hna chhete thawhna hi 24/7 chawl lova hnathawhna hmun a ni a. Sawrkar chawlh angah hian chawlh kan la thei a, chawlh kan lak chuan double pay in kan thawhpui tu emaw kan ai a thawk mai thin. Chutiang tur chuan kan chief engineer in schedule a siam fel sa thlap thin a. Chawlh lai a min chhawktu tur an awmloh chuan kan chief engineer chungah a tla a, aman kan thawh ai a thawh angai mai thin.
Mi/mi tam tak rawngbawl (ti mai ang) kan nih avangin an mamawh laia thawk awmlo kha thil ni thei turah an ruat lo. A diklo bawk lova, an in chawlhchhawk mai thin reng a ni.
[Report abuse]
December 28th, 2011 at 9:05 am
Business leh eizawnna line a, buaithlak zia leh chawlh awmloh zia chhuanlam hi chu a fuh lo ka ti thlawt.
[Report abuse]
December 28th, 2011 at 9:19 am
Chhuanlam chu kan Chanchinbu mite hian an nei ngei ang. Mahse, Chanchinbu Sem mercy-ah kan han awm thuap mai hi chuan kan dinhmun hniam zia a tilang. Newsmen hote pawh a semtute thuhnuaiah an awm a, chu chu mipuiin kan tuar.
[Report abuse]
December 28th, 2011 at 10:36 am
Kum tin a khel lo a lo thleng thin xmas chhunga an problem hi a solve na an zawng ngei ngei turah ka ngai keichuan, hhuanlam fahrah tak a ni, a thlawn a thawk pawh anni lem hleinem, mai mai a
[Report abuse]
December 28th, 2011 at 10:40 am
Lame excuse, booooo!!!!!
[Report abuse]
December 28th, 2011 at 2:49 pm
Accreditation chiah an duh. Accredited journalist nih hi VIP emaw inti tawkte pawh an awm.sawmna an hmuhloh chuan thil an han chhuah tha duhlo ngei a!!
[Report abuse]
December 28th, 2011 at 4:30 pm
AWm e viau e….. ti hian i han ti teh ang, chawlhni hian ngating chanchinbu mi te hi an chawlh thup thin le…sem se chuan kan chhiar duh vekin a rinawm, chanchinbu man hi vairam nen han khaikhin ta ila hetah vairamah chanchinbu phek 15 te cheng 2 chauhte an nih lai in keimahni ah chuan cheng5 dawn sen an lo ngai a….chutah chawlhni ah an la tichhuak lo zui hi chu ka hrethiam lo….krismas erawh ka sawi peih lo duh nise chu tihchhuah tur news pawh a tam hunlai tak anih ka ring….ka chhutna atang chuan…..heihi corruption chikhat a ni thei mai lo maw…
[Report abuse]
December 28th, 2011 at 4:56 pm
in va han phunchiar hlom tak,a field a awm loh chuan thil hi hriatthiam har deuh ania..ka lawm e
[Report abuse]
December 28th, 2011 at 5:13 pm
an hna alawm…..vairamah pawh puja laiin an chanchinbu a chawl ngai lo hrim hrim…..sunday a chanchinbu semrtu an awmlo tih chu tih mai mai a ni. An awm lutuk, zalen ho pawhin hei bul an tan a an ti thei tho a nih hi…vanglaini the revival pawh sunday chhuak tho nih hi mawle….
[Report abuse]
December 28th, 2011 at 8:16 pm
#44 mahni field vekah hian chhuanlam ho te te siam ta vek ila engtin nge niang? Mahni eizawn na ve si, thla khatah chuti khati kan seng a, a buaithlak lutuk an tih leh chanchinbu tichhuak lo law law se ni mai lawm, excuse ai chuan kum tina thleng Xmas lai a an problem chinfel dan tur te hi ngaihtuah se a tha zawks phian ang, hlawk lo se an ti rreng peih teuh in ka ringlo, xmas pawh a chanchinbu chhuah theilo chuan mipui rawngbawl kan ni sia, tiin hlawk lo chung chung a an ccbu an tihchhuah reng ka ringlo bur!
[Report abuse]