Min chuk rawn luai luai dawn tih chu ka hre lehnghal mai. A ni miau sia. Thudik chu sawihnawm tum poh leh a dikna a langsar tulh tulh mai si.
Hmanlai Mizote kha a tam zawk kha chu tlangval chhungte khan an nula itzawngte kha nupui atan an dil tawp thin a. Inngaizawng sa chu tlem zawk an ni awm e. Heta ka sawi duh pakhat chu, thawnthu leh lehkhabua kan mithiamte’n an ziah ang vek hi hmanlai nun a ni lo tih ka sawi tel hram duh.
Nupui atan chuan an thlahte atangin an en a, kutkem nei te, raicheha thi te, pawngsual ching te leh chhan dang tam tak avangin nupui pasal chungchangah hian thalai tam tak hi an tihsual ni miah lovah hian an hnawng tlat thin tih kan hre theuh awm e.
Uluk taka an zirchian hnuah, an ek thlengin a hrisel leh hrisel loh te thlenga an chik hnuah an fapa nupui atana an duhzawng mi chu a nupui tur atan an dil thin a. Hetianga uluk taka an thlir thin vang hi ni fahmiang inthen, inti tlan, in mak te kha a tam lo hle a.
Chutih rual chuan, chutianga inthen leh chhungkaw buaina avanga fahrah te dinhmun pawh a chhe hle mai. Fahrah dinhmun a chhiat avanga kan pipute kan dem thin rualin, fahrah siamtu nu leh pa an hmusitzia kan hriat fo a pawimawh hle awm e.
Tunlaiah ve thung erawh chuan, naupang te te, zahmawh pawh la thankin em lovang tihtur khawpa naupang te pawhin “Ani hi chu ka hmangaih” an han ti satliah ve ngawt a, kum pawh tling lova lo rai leh pasal um ta mai mai sawi tur an tam hle mai. Hmangaihna tih ringawt pawh hi a awmzia an tidal tawh hle. An hmuh hmuh an kawp a, hmel induhna leh in ngainatna leh inthlakhlelhna avangin hmangaih emaw an inti thlazen hi chu a fuh lo hle.
Hmangaiha an inhriat tlat tawh avang hian chetsual pawh an awlsam hle a, fahrah tam tak pawh an siam phah reng a ni. Nu leh pate hian kan fate hi kan zirtir ngun a pawimawh hle mai.
Inneih hi ‘risk’ an ti mai thin a . A dikna chen pawh a tam hle ang. Inngaihzawn laia mizia tam tak inthup te a lo lang a; nupa nih hnuah chauh hriatthiam tur tam tak a lo awm a. Chumi avang te pawh chuan risk lian tak ni pawhin a lang.
Chuvang chuan, helama tawnhriat lo nei tawh nu leh pate an pawimawh hle awm e. Nupa nih hun tur thui tak thlir lawkin an fate nupui pasal tur pawh hi an lo ruahmanpui a tul hle awm e. Naupang hnenah Chem hriam tak i pe dawn a, a hriam lam erawh i hrilh loh chuan a inti palh phung thei tlat. Nangin nupui pasal i lo nei tawh a, i fa khan risk thim mup mai a su dawn a ni a, i sihdet(torch light) khan kawng i lo sut ensak a va pawimawh em.!!!
Similar Posts:
- Chepahakhata
- Nupui/Pasal neih leh fa neih chungchang!
- Innei turte tana thurawn
- Serh a hmarcha intah sak
- Broken Pieces
January 22nd, 2012 at 1:30 am
Comment a thui em mai. Phek tharah comment box leh post inhnaih deuh turin i’n suanchho leh dawrh teh ang.
[Report abuse]
January 22nd, 2012 at 1:47 am
Love pawh nise arrange pawh nise, a tawp kan khar duh dan chu a in ang vek tho in ka hria “Hmangaihna” ah vek a ni lawm ni. Chuvangin a goal chu Hmangaihna a nih si chuan Hmangaihna a tan mai hi a tha ka ti a ni.
[Report abuse]
January 22nd, 2012 at 1:50 am
Love pawh nise arrange pawh nise, a tawp kan khar duh dan chu a in ang vek tho in ka hria “Hmangaihna” ah vek a ni lawm ni.
[Report abuse]
January 22nd, 2012 at 5:56 am
antia lom ka vai thiante ho chuan love marriage ah chuan mi *** toh hnu kan neia a arrange marriage ah chuan mi in kan *** toh hnu in min tawm ve an ti eng zawk nge i duh le tren tren
[Report abuse]
January 22nd, 2012 at 6:50 am
Min lo arrange ve teh u’n.
.
[Report abuse]
January 22nd, 2012 at 9:27 am
Arranged marriage hi mithenkhatah chuan a hlawhtling tlat asin. Ka hriatchian em em pakhat pawh, la inrim ngai miah lo, an chhung te’n an suihzawm a, tun thlengin inngeih taka chhungkua enkawlin, vawite khatmah inthen pawh nei lovin chhungkua an enkawl dun nia. Love marriage hi duhthusam anih rualin, arranged marriage pawh hi mithenkhat lakah chuan a hlawhtling hle a nia aw.
[Report abuse]
January 22nd, 2012 at 10:59 am
ka thianpa pakhat chu, a tleirawl chhuah in inthian pangngaiin, tun a a nupui nen hian kum 8 vel an inkawm a, chumi hnuah kum 10 vel chhung an in ngaizawng leh a, chutah an innei ta a. A chhungten mi hran, arranged marriage a a neih tur lo arrange ta se, hrehawm chu a tih ve viau ka ring.
[Report abuse]
January 22nd, 2012 at 12:24 pm
arranged marriage sawimawi ho chuan a thratzia ansawi a a duhlo in ‘inhmangaih a har awm e’ anti ve bawk a anhnialna chu,’nu leh pa, unau te pawh mahnin kan thlang hleinem,anlo awm a kan hmangaih chawp mai a lawm hmelchhia pawhnise kan hmangaih tho a, nupui/pasal tur a nih vangin mahnin zawn kher a ngai hleinem kan inhmangaih chawp mai ang’ antia lawm..
[Report abuse]
January 22nd, 2012 at 12:50 pm
Arranged Marriage a nih dawn chuan dowry tel lo chuan ka duh miah lovang
[Report abuse]
January 22nd, 2012 at 2:57 pm
ka chhiar peih ta lo…kei chu Love Marriage ngei le..
[Report abuse]
January 22nd, 2012 at 6:18 pm
Love songs lungkuai tak kan ngah fu hian, induha inngaizawng em emte an inneih vek kher lohzia a hril thui tho bawk.
[Report abuse]